Uwants TV消閒生活手機討論遊戲地帶影視娛樂校園生活數碼科技寵物樂園學術文化體育世界購物廣場時事投資貼圖影片上班一族美容纖體戀愛婚姻汽車討論成人資訊博彩娛樂資源交流站務管理
發帖
註冊 登入/註冊 微博



追帖 打印

[愛情] 一個冇結果的愛情故事(有D長,不喜勿插)



一個冇結果的愛情故事(有D長,不喜勿插)

[隱藏]
我今年26,個女仔今年20,同佢拍咗拖三年,可能有d人睇到覺得年齡爭咁遠都拍,女方又咁細未成熟,我當初都無預計過會拍咁耐,不過感情嘅嘢who know,不知不覺地已經將成個心放咗落去,開始拍拖俾自己FD知道個女仔之後,其實係冇一個FD睇好我哋,我都係笑笑口咁過,我份人有自己想法,唔係話一意孤行嘅,只不過覺得拍拖係兩人之間嘅事,下下都在乎其他人諗法,不如唔好拍啦,講番正題,我同個女仔三年嚟講,大小摩擦不斷,幾個月總會發生一次,一大嘈親交基本上,係我忍唔到爆發嘅時間,谷谷埋埋d氣一次過爆出嚟,好多時有d好難聽嘅説話沖口而出,事後我好後悔,基本上次次我一爆都係佢tum番我,我其實爆完之後對佢個份心無變,只不過hurt到佢,令佢對我感情開始變淡(分手後佢同我講嘅,我唔知啦),次次都係佢tum番我,可能習慣咗啦,到最後一次大嘈嘅時候,佢同佢媽咪講唔想再tum了,次次都係佢tum我,好辛苦,當然我唔知呢件事,如果知我實放低身去tum番佢,或者依家仲一齊緊,有時習慣咗樣嘢,根本就唔會再去諗個樣嘢,只會慣性去做,再講番我點解周不時會同佢嘈,我自己其實都唔知完全,不過佢做出D令我唔鐘意嘅事就一定係主要原因,佢知我有咩唔鐘意佢做嘅事,次次應承我話唔會,轉下頭又做嚟,可能佢覺得小事,我份人比較有原則,唔理大小事情,承諾做唔到就係一件大事,當佢太多次做出嚟,谷埋我就爆咗,佢唔鐘意我做嘅事,我三年嚟都無做過,我下下做每件事前都諗咗佢先,而佢係掉番轉,其他嘅原因可能佢成日咁樣對我我無咩安全感,亦可能工作同學校俾我壓力太大,拍拖未夠一年為咗佢,我放棄以前份職業,轉行做份較大前途嘅,一邊番工一邊進修,當初佢係我心度亦都係一個精神支柱掛,再大壓力都接受到嘅,佢就係我全世界嘅想法(不過我依家已經崩潰覺得咩都無曬),未同佢一齊之前,我個人冇咩上進心,覺得做人已經好辛苦,做咩仲要逼自己,開開心心咪得囉,分開之後覺得做咩都無興趣,壓力大增,想放棄呢份工作,搵番份輕鬆d嘅工作,同佢一齊嘅時候,其實都好辛苦,覺得自己三年嚟好似凑女咁,可能佢仲細思想未夠成熟,個人好易受其他人影響,好搖擺個人無咩主見,我都好有耐性教佢,諗住以後會改變嘅,今次大嘈我講出口話分手,可能真係傷到佢好深,令佢對我睇淡曬,講完分手之後二日就同咗第個男仔一齊,佢哋識咗大半年,期間個男仔想同佢曖昧有同我講過,我當時對佢有信心冇理到,話曬三年感情,邊有咁易攝到入去,點知結果我冇預料到,真係俾人攝到入去,個下諗到三年對佢嚟講,係咪好似玩泥沙咁,我同佢無咩共同熟嘅FD,我哋兩個之間嘅事都係得一兩個FD清楚,我對識佢D FD冇咩興趣,亦都冇咩興趣識,十零廿歲思想太幼稚,今次話分手,佢周圍FD都叫佢唔好再理我,咁嘅男人要唔要都罷,我覺得就好似呢件事咁,成熟D嘅人點會咁,我唔知根唔知底我係唔會亂咁叫人分手,寧教人打仔,莫教人分妻丫嘛,咁樣點會我點會同佢班FD傾得埋架,我估呢個都係一個原因,佢受咗好多人影響掛,聽得多人講將人哋意見變咗自己意見,有問過佢點解,佢話我俾唔到佢好似以前拍拖嘅feel,當場傻曬,無嘢丫嘛,同邊個拍拖拍耐咗都係咁架啦,點會十年如一日一直keep住拍拖feel架,仲有同我講話太多束縛,為咗同我一齊放棄咗好多嘢,例如朋友少咗,當初係佢開口先,我同FD出去玩,如果有其他女性在場佢唔鐘意,佢份人醋意好大,我盡量唔想佢諗太多又呷醋,ok冇問題,公平D大家都咁做啦,我同佢一齊後面差唔多冇曬FD咁濟,其實我ok喎,當時覺得有佢就夠了,佢話同女仔FD出街我都係俾佢去,我連男仔FD食飯吹水都冇去,佢好易亂諗,我都會因為佢心情唔好我都難受,直情唔去,一係就帶埋佢去,點知佢依家咁講話因為我放棄咗好多嘢,唔會諗下我其實都放棄咗好多嘢,睇自己覺得值唔值得囉,同埋我覺得耐咗感情唔係淡咗,係昇華咗,變咗屋企人feel,不過佢呢個年紀唔需要呢種feel掛,依家諗番,自己好似佢咁大嘅時候都係咁,冇拍拖feel咪再搵過第個囉,又冇得怨嘅,自己一直唔向呢方面諗,話曬擺曬成個心落去會驚,成日諗住耐咗會成熟d,好似我嘅諗法咁,結果都係咁,哈哈,分手後呢兩三個星期諗咗好多嘢,感情呢家嘢無得話怨邊個,三年嚟大家都有啱有錯,我覺得都係值得嘅,一齊開心過,只不過我個人放唔低,太重感情個,都唔知幾時可以放得低。
打呢篇只係想呻下,個人已經好辛苦,不喜請勿插。



回覆 引用 TOP

我同你一樣情況,可能年齡上大家對感情的要求吾同,擁有佢,就好象擁有了全世界,沒有了她,就比死更難受,旦愿佢將來找到的另一半可以帶給她更好的未來吧,就算自己有多痛。。就算死也值得,如果有藥可以令自己失去回憶就好了。。



回覆 引用 TOP









回覆 引用 TOP

我同你既情況好相似,個女仔成日想keep 住熱戀既feeling,大佬呀,一齊左半年多,相處方面梗係平淡過之前好多,再加上有人去追佢,估吾到我同佢分左手之後幾日,佢地就黎一齊,而我只有無言同失落



回覆 引用 TOP

[隱藏]
其實拍拖吵架好正常, 但係千萬要冷靜唔好沖口而出講d傷害對方既野, 我都試過因為對方經常罵我而我唔再鐘意個個人, 淡了就淡了, 下個可能會更好



回覆 引用 TOP

回覆1 #的帖子

我同你的情況差吾多,我明白你的心情,到現在我未放得下,



回覆 引用 TOP

提示: 作者被禁止或刪除 內容自動屏蔽,只有管理員可見
26-20都唔係差太遠姐我覺得
放心,時間會沖淡



睇完覺得有d sad
兩個明明相愛既人,但吾好好相處
結果…………







回覆 引用 TOP

好老實我覺得拍拖都係想有個可以用愛情作精神支柱嘅伴啫,咁持久嘅愛情就係要有D新鮮感架嘞,而且大家都仲咁後生就已經要平平淡淡又真係好悶嘅。樓主請唔好誤會我唔係插你,只係想話你知女仔一般拍拖嘅真正原因。如果你想揾個平平淡淡嘅都有好多,不過果種女仔以我所識嘅好多都係想結婚生仔果種。

回覆 引用 TOP

[隱藏]
樓主,明白了解你的心情。同你情況差不多



回覆 引用 TOP

加油 時間沖淡一切
你係一個好男仔
總會遇到合適既好對象
我同你相反
我偏偏係重感情既女仔
可惜這麼多年都遇不到真心付出有發展既男仔
亦都經歷過3段好辛苦冇回報既愛情
第三段一開始都辛苦
個男人唔多理我
得我成日好在意 付出
但拍了2年佢竟然話佢個人係唔會結婚..
我同你一樣年紀
希望2017我們會更好
會遇上一個值得我們愛錫既伴侶💪🏻

回覆 引用 TOP

有時候唔睇其他人既例子
我真係會諗
男人係咪唔會好像女人咁去咁愛一個人
願意為佢付出
愛護佢關心佢...在意佢

加油樓主
都係個句
2017我們會更好

回覆 引用 TOP

加油,向前看,一定搵到一個會珍惜你的!一齊努力做好自己:



回覆 引用 TOP

樓主,我想講一件事,我之前同我男朋友拍左十年拖,但旁人覺得我們好似剛剛拍拖,一直都似在熱戀期,其實平淡時期一定會有,但需要大家一齊去建立個感覺,不時搵些小玩意去令到對方開心,其實開心好簡單,唔一定要買一些好貴的物品。雖然最終我同我十年的男朋友都不能在一起,但所有事都係一個回憶在心中。因為佢死左,所以所有事已成過去!

回覆 引用 TOP

[隱藏]
支持下樓主先💪🏻

回覆 引用 TOP



伸延閱讀
[按此隱藏 Google 建議的相符內容]
 18 12
 提示:支持鍵盤翻頁 ←左 右→ 發新話題發佈投票
請先登入
小貼士:
依家可以用“@”tag會員啦!