Uwants TV消閒生活手機討論遊戲地帶影視娛樂校園生活數碼科技寵物樂園學術文化體育世界購物廣場時事投資貼圖影片上班一族美容纖體戀愛婚姻汽車討論成人資訊博彩娛樂資源交流站務管理
發帖
註冊 登入/註冊
追帖 打印

[汽車選購] 二手車買賣



[汽車選購] 二手車買賣

[隱藏]
各位,有事想請教。本人新牌第一次買車,想買架二手車操下,想知道買車流程,手續,因為是私人轉讓,有以下問題:
1. 是否看中車款試車後,滿意便要落訂?抑或上架驗完才落訂?訂金一般為多少?如果是上架前落訂,在什麼情況下可以退訂?
2·買賣有什麼文件要查看?
3·有買賣合約要簽嗎?
4·保險什麼時候要出單?有什麼保險公司可以介紹給P牌仔嗎?
5·什麼時候去運輸處?有什麼手續要做?
6·車牌號碼方面怎樣安排?

謝謝幫助解答。



回覆 引用 TOP

上唔上架好睇個價,因都要錢,出面有的專門驗證,好睇你買幾錢車,如果車價唔太高,搵個朋友就得喇,頂置上面有好多料. 買車手續參考

[ 本帖最後由 kikiki2007ki 於 2014-3-27 07:07 PM 編輯 ]

回覆 引用 TOP

各位,有事想請教。本人新牌第一次買車,想買架二手車操下,想知道買車流程,手續,因為是私人轉讓,有以下問題:
1. 是否看中車款試車後,滿意便要落訂?抑或上架驗完才落訂?訂金一般為多少?如果是上架前落訂,在什麼情況下可以退訂?一般來講, 睇中車款, 價錢都覺得岩的, 就約出來試車, 最好有熟車的朋友一齊去試, 同時問清楚該車的狀況, 了解晒了, 試左車都無問題, 咁就傾價錢, 如果大家同意. 就到驗車part(非必要性), 原因係閣下如果買架練習車, 價錢大家1-1.5萬左右的就無謂浪晒10分1左右(500-1000啦)咁多的價錢去驗車啦, 留返來幫補執下架車仲好. 如果車價3-4萬或以上的就可以搵相熟的車房驗一驗(唔相熟無意思, 架車有問題都話無問題, 你搵得佢驗車, 通常都會預你搵佢整,到時會砍你一頸血). 過晒驗車啦, 就落訂啦, 睇你點同賣家傾, 如果賣家係nice的, 落500蚊都得, 跟住約埋交收. 最好越快交收越好(建議兩三日內). 通常驗車費係買家俾, 你害怕賣家呃你的, 咪話架車無咩特別大問題驗車費由買方負責, 有問題的(例如大撞, 水浸, 波箱嚴重問題等) 就大家55平分驗車費.2·買賣有什麼文件要查看?可以問下賣方有無維修保養收據, 如賣方話係原廠保用就好, 原廠保養單最整. 對下行車證資料, 對下engine同行車證號碼岩唔岩, 一唔一致等. 其它就無咩特別需要注意了

3·有買賣合約要簽嗎?
網上都有唔少師兄分享過一D買賣合約, 可以拿來參考, 唔需要寫過或列得過分"理性" 係temp買賣合約到, 大家感到不爽就唔係咁好, 有時都要睇人, 呢下睇機遇.

4·保險什麼時候要出單?有什麼保險公司可以介紹給P牌仔嗎?
係交收車前去出保養, 一定要賣方的牌簿先出得(大家傾好晒, 交晒按金), 叫賣方mail個簿牌俾你出保險用, 保險公司收到了, 會寄一張temp保單俾你去出運輸署出車用. 邊間保險公司好, 真係要自已間間打去問下先知, 睇睇loading幾多先決定用唔用果間, 一般都會根據閣下的年齡, 職業, 車種, 牌齡(呢樣閣下可以不用理會, 你說明係P牌, 即係岩考到)等來決定保費.

5·什麼時候去運輸處?有什麼手續要做?
係point1已提及到, 最好係傾好晒落晒訂兩三日內去交收. 手續麻, 要填表, 我記得運輸署有表格下載, 你可以預先填左先, 唔使到時咁煩, 表格中需要買賣雙方的資料, 去運輸署交收時最好預返半日......原因太多人..........

6·車牌號碼方面怎樣安排?
賣方留車牌的, 運輸署會透過電腦隨機抽取一個號碼俾你, 費用負費, 賣方留牌的費用已包了, 當然賣方留牌費由賣方負責. 如果賣方不留車牌, 直接跟車過埋俾你, 完全不用費用, 除非你唔鐘意個號碼, 想轉新的, 同一時間就另填一張表格說明要抽取新號號(費用大約5-600蚊左右).


以上, 希望可以幫到你. 第一次買車應該會好開心好興奮, 祝你搵到架岩你的車.




回覆 引用 TOP

多謝各位師兄詳細解答



回覆 引用 TOP



[按此隱藏 Google 建議的相符內容]
 提示:支持鍵盤翻頁 ←左 右→ 發新話題發佈投票
請先登入
小貼士:
依家可以用“@”tag會員啦!