標題: [其他] 〖電力電子技術〗 串聯穩壓 我咁睇 [打印本頁]
作者:
MrCU204 時間: 2024-6-3 01:01 AM
運用乜嘢手段嚟行使邊種方案達到點嘅目的，就係原理。
穩壓，係目的，串聯，係方案，串聯穩壓運用嘅手段，係負反饋。
圖片附件: 开关稳压.png (2024-6-3 01:01 AM, 24.72 KB) / 該附件被下載次數 11
https://www.uwants.com/attachment.php?aid=12511313
圖片附件: 线性稳压.png (2024-6-3 01:01 AM, 46.97 KB) / 該附件被下載次數 11
https://www.uwants.com/attachment.php?aid=12511314
作者:
MrCU204 時間: 2024-6-3 01:10 AM
穩壓，到底係穩邊個嘅壓，可以點穩法，點解要用咁樣嘅方式嚟穩？！
作者:
MrCU204 時間: 2024-6-3 01:23 AM
點LED，直駁電芯得唔得？！
得，不過，唔使幾耐就會兩敗俱傷！
LED，電壓稍為俾高些少，電流就大到無倫，
啲電流墜晒落嚿電芯嘅內阻度，啲功率損耗就喺晒電芯入便。
作者:
MrCU204 時間: 2024-6-3 01:35 AM
如果你駁電嘅 係燈膽仔而唔係LED，咁就唔會兩敗俱傷，
不過，你駁 (並聯) 多啲燈膽仔落去，用萬能錶度住睇，你會發覺，每駁多 (或者拎走) 一粒膽，讀數都會變，但係，如果你啪隻LED落去再喐啲膽，讀數係冇乜點變嘅。
作者:
MrCU204 時間: 2024-6-3 01:47 AM
串啱電阻，LED就唔會㷫唔會燒，嚿電又都襟用，而且仲可以攞嚟做騷話：
嗱，LED唔單止發光可以照明，仲可以穩壓添，穩壓二極管都係咁玩作㗎，喱個角色有個名叫做，假負載。
作者:
MrCU204 時間: 2024-6-3 01:59 AM
LED好，穩壓管又好，書教你，串嘅電阻係睇隻管過到幾多電嚟揀嘅，
負載同隻管並聯，就係扯走隻管入便啲電，隻管過到幾多，負載就用到幾多，咁即係話，負載嘅火數仲細過隻管嘅標稱值，今時今日咁嘅水平，點有實用價值呀，所以……。
作者:
MrCU204 時間: 2024-6-3 08:36 AM
市電又好，電芯又好，啲負載習慣上係點駁㗎，係並聯吖馬！！
電源，唔理你點勁，孭得起嘅菲終歸都係有限嘅，仲有內阻添係咪，
我哋擺啲嘢落去㧎位，將負荷加到最重，然後，有嘢要用電嗰陣就減走佢，咁負荷咪唔變囉，
負荷冇變，負載壓降就穩定嘞，喱個就係假負載嘅用處，如果電源嘅電壓有變化，一樣可以調較個假負載嚟就返，
不過，咁玩作咪即係搵電源嚟教飛，極限嘅電流枕長係咁谷晒落去電源個內阻度，電源真係唔得你死，所以始終都係串嘢好，將啲負荷俾晒個串聯電阻嚟受，電源就唔會㷫合合啦。
作者:
MrCU204 時間: 2024-6-3 09:03 AM
穩壓管嘅火數，真係老鼠尾生瘡，大極有限，指意佢做假負載點做到大project呀？！
穩壓管又好，LED又好，如果將限流電阻嘅數值轉做跟據負載嚟攞，咁就可以擺脫隻穩壓管嘅火數限制，
仲有一樣嘢，穩壓管俾負載扯佢電，佢嘅壓降會變，即係話，如果你唔將穩壓管嘅電流fix死，負載嘅電壓係唔會穩定㗎，調較嗰個限流電阻，就可以順手將穩壓管嘅電流fix埋。
作者:
MrCU204 時間: 2024-6-3 09:18 AM
嗱，咁玩作，就經已有串聯穩壓嘅雛形嘞，
電源波動同負荷變化一個元件通殺，唯一可以做到嘅就係假負載，即係並聯，
你要做嘅，就係要令到個限流電阻可以好似假負載咁。
作者:
MrCU204 時間: 2024-6-4 06:04 AM
咁即係話，要令到個限流電阻受穩壓管嘅控制，
點控制呢，就要用負反饋喱種手段嘞，負反饋有個特性叫做〖虛短〗，負載壓降就係俾喱個虛短嚟同隻穩壓管綁死，
穩壓管嘅電係另外畀嘅，佢唔使做假負載，衹係食固定嘅電流，俾個固定嘅電壓出嚟就得，喱種用法就叫做〖基準〗。
作者:
MrCU204 時間: 2024-6-6 12:00 AM
有時候，我哋要嘅唔係穩壓，係分壓或者升壓，
電源本身我算你穩過泰山，之但係，你分咗壓，負載壓降就會俾負荷影響到，
喱種情況其實就係我先前講過加減燈膽嗰樣嘢，米以為穩壓淨係針對電源，電源 (唔論有冇串嘢) 點硬，對負荷嘅變化係冇符嘅，所以一定要有外力干預。
作者:
MrCU204 時間: 2024-6-6 06:06 AM
並聯穩壓，就係搵假負載替代負載，令到負載嘅分壓唔變，
並聯穩壓，如果用大功率管，規模都可以好大，比如100A，
問題係，限流電阻通常係固定的，負載太重，100A一樣會被扯清光，而且，冇負載嗰陣，喱100A就俾假負載嘥晒！
作者:
MrCU204 時間: 2024-6-6 06:24 AM
並聯穩壓究竟好喺邊，就係負載做嘢嗰陣唔會嘈到街外人，因為系統攞嘅電流固定，電網嘅負荷唔變。
作者:
MrCU204 時間: 2024-6-6 06:42 AM
如果 Ui 係12V，Uo係5V，咁 Rw同Rι 嘅比例就係 7比5，因為冇咗個假負載，個Rw就要按比例跟住Rι喐。
作者:
MrCU204 時間: 2024-6-7 08:09 AM
串聯攞電，就係攞分壓，串聯穩壓，就係睇住 Rι同Ui 嚟調較個Rw，令到Uo永遠永遠唔會變，
因為電阻唔係儲能器件，所以，對電源波動同負載變化嘅跟蹤整治根本就唔使時間，跟唔跟得貼，完全睇你擰個窩林夠唔夠手急眼快， 串聯穩壓唔使假負載，咁如果冇負荷，Uo究竟會係幾多，計正應該同有負荷嗰陣一樣，點解呢，
因為，負責誤差矯正嘅部門，係要靠訊號做嘢嘅，個輸入端駁咗落Uo位發覺冇input，就會嗌個Rw放水，直至Uo同有載嗰陣一樣。
作者:
MrCU204 時間: 2024-6-8 06:42 AM
實際上你當然唔使眼睇手擰啦，喺10樓講過，隻穩壓管 (或者LED) 做咗基準吖馬，
負載咪透過個誤差矯正器嘅虛短嚟同個基準對齊，好似並聯咁款囉，綫性穩壓係咁，開關穩壓一樣都係咁， 負反饋係動態平衡，平衡嘅過程書點講㗎，其實，負反饋嘅動態平衡應該係一步到位，就好似普通電阻串聯分壓並聯分流咁，一步到位，如果咁係，就會左揺右擺，之但係，開關穩壓正正就係要佢咁。
作者:
MrCU204 時間: 2024-6-8 10:15 AM
Uo⥥→Rw⥥→Uo⥣→Rw⥣→Uo⥥→……
喱個本來係負反饋動態平衡嘅流程，保持Uo永遠同個基準一樣大細，
如果過咗火位，就會嚯嚟嚯去，變咗自激，最簡單嘅開關穩壓就係咁做，畀電→Uo升→超過基準→斷電→Uo跌→低過基準→又畀電→……，周而復始，咁嘅手段叫做 滯迴模式。
作者:
MrCU204 時間: 2024-6-9 12:23 AM
電壓、電流、電阻、感抗、容抗，通通都冇對立嘅性質，但係，開關就有，開同關，係兩種完全相反嘅狀態！
如果電源同負載都冇變，Uo同Rw 就係一對一嘅關系，清清楚楚，之不過，當你將個Rw換咗做開關之後，就係兩種狀態，兩種截然相反嘅狀態，咁就 冇可能靠一個參數扮晒，你個開關如果係要靠Uo (Vout) 嚟控制嘅話，Vout自然就要俾兩個值出嚟至有得玩。
作者:
MrCU204 時間: 2024-6-9 06:09 AM
電芯係電源，燈膽係負載，清清楚楚，
喺滯迴模式入便，開關歸電源，線圈屬於負載，
開關，將Vin斬開一碌碌，變成方波，線圈，就係負載嘅濾波器，將方波變成紋波直流，比較器就利用喱啲紋波嚟控制個開關。
作者:
MrCU204 時間: 2024-6-9 06:54 AM
Vout，係負載食嘅，負載想要好似電芯咁嘅純直流，好衰唔衰，比較器check嘅就係Vout，咁即係話，個開關做嘢要用嘅紋波就喺正個負載嗰度，所以，喱種開關穩壓器想冇紋波係唔可能嘅事！
繼電器，英文叫做relay，老行專應該冇理由未見過，將個線圈駁落個接觸點度，畀電，隻relay就會震，〖斷續器〗嘅原理就係咁，
喺頂樓上高嘅電路入便，就可以將開關同線圈砌成斷續器，透過開關同線圈嘅互動，就可以斬波濾波一take過，唔使靠Vout直接指揮，咁樣，唔單止負載食嘅電少咗「牙齒印」，而且成個系統嘅動態響應都爽快好多，喱種玩法，可以睇成係〖電流模式〗嘅原理。
作者:
MrCU204 時間: 2024-6-9 07:49 AM
線圈(電感)，如果跟負載，就同電容組成LC濾波器，
咁有咩問題呢，問題係，LC夾埋，就係個諧振槽路，喺滯迴模式度用冇問題，事關點你都係要震嘅嘛， 之但係，響其他開關穩壓器入便就唔可以咁震法，所以，LC濾波響〖電壓模式〗穩壓器入便就係個隱患，
如果電感同個開關拍檔，砌成斷續器嘅話，就唔再屬於負載而係歸入電源嗰邊，電感，同開關嘅互動就令到Vin好似變咗恆流源咁，而同電容就冇咗諧振嘅關系，冇咗個震子，成個電路就冇震盪嘅隱患，喱個就係所謂嘅「降階」。
作者:
MrCU204 時間: 2024-6-9 09:06 AM
滯迴模式係自激型嘅系統，其他模式係由〖時脈〗驅動嘅，唔允許自激，
電流模式，電感電容雖然仲係黐埋一齊，但係諧振功能就廢咗，成個系統冇咗自激嘅風險，咁樣，電壓環(誤差矯正器)嘅帶寬就可以造返闊些少，對Vout嘅穩定係有利嘅。
作者:
MrCU204 時間: 2024-6-9 07:49 PM
開關穩壓嘅三種模式，滯迴模式用嘅係比較器，電壓模式同電流模式用嘅，係誤差矯正器，同綫性電路一樣，
誤差矯正器睇嘅係Vout，電流模式嘅誤差矯正器叫做電壓環，電壓模式就冇咁叫作嘅。
作者:
MrCU204 時間: 2024-6-9 08:04 PM
喂我仲未寫完㗎大哥！
開關穩壓嘅三種模式，滯迴模式用嘅係比較器，電壓模式同電流模式用嘅，係誤差矯正器，同綫性電路一樣，
比較器同誤差矯正器睇嘅，係Vout，電流模式嘅誤差矯正器叫做電壓環，電壓模式就冇咁叫作嘅，滯迴模式個比較器就更加唔使講。 開關穩壓嘅穩壓精度同動態響應點解差過綫性呢，其實係因為要將個電壓環專登做衰，至可以令到成個系統正常運行。
作者:
MrCU204 時間: 2024-6-10 12:00 AM
電壓模式嘅誤差矯正器同綫性嘅一樣，唔叫做電壓環。
不過，誤差矯正器畀出嚟嘅控制信息，都係純直流，而且係冇做任何手腳就咁攞嚟用，
咁樣表明，誤差矯正器接收嘅信息，衹係Vout嘅純直流成份，啲紋波雜訊佢通通「冇眼睇」，點解冇眼睇呢，因為設計嗰陣整定嘅，電壓模式固之然係咁，電流模式都一樣要咁。
作者:
MrCU204 時間: 2024-6-10 01:01 AM
電流模式嘅性能好過電壓模式，係因為，
動態響應 電流環自己搞掂，唔使靠個「選擇性失明」嘅電壓環，
電感同電容嘅諧振作用廢咗，可以減小電壓環「選擇性失明」嘅需要，對提高Vout(純直流成份)控制嘅精細度同穩定性都有利。
綫性穩壓，用嘅係三極管嘅動態電阻，你將隻管攞咗嚟開關，動態電阻自然就用唔到，不過，「斷續器」可以斬波濾波一take過，將方波就地消化成直流，出嚟嘅效果就好似電阻分壓咁，
而且，電流模式剁走個電流環 (開關+電感+比較器) 剩低嘅，同綫性穩壓剁走隻管剩低嘅架構，係一樣嘅，再加上，電流模式嘅性能唔輸蝕得過綫性嘅幾多，所以我至會話，電流模式就好似將三極管嘅動態電阻「搬」咗落個電感度咁，成個電流環可以睇成綫性穩壓入便嗰一隻三極管(亦就係下低幅圖入便嘅Rw)。
作者:
MrCU204 時間: 2024-6-10 07:07 AM
開關穩壓，我唔用電容淨係用電感得唔得呢？！
咁就要睇吓，誤差矯正器睇嘅，係乜嘢，係純直流呀，
如果冇電容，空載嗰陣電感就過唔到電，咁仲濾唔濾到波呢，濾唔到波，啲方波谷晒落Vout度，你叫個誤差矯正器點跟呀，
有電容，個電容放唔到電，Vout至多係高啲，起碼係平整嘅，個誤差矯正器仲知道點做嘢。
作者:
MrCU204 時間: 2024-6-10 07:40 AM
開關式串聯穩壓，同〖電荷泵〗係唔一樣嘅，點唔一樣呢，就係唔可以淨係用電容。
所以，滯迴模式，電壓模式同電流模式，都要擺個電感喺度，仲要係靠電感做主力添，
不過，電感電容撞埋就會成為系統 (唔包括滯迴模式) 自激嘅隱患，電流模式唔單止消除咗喱種隱患，仲可以做出同綫性運用等效嘅效果。
作者:
MrCU204 時間: 2024-6-10 11:45 PM
好多時聽人講話咩〖DC-DC-converter〗，其實邊啲至係，〖LDO〗算唔算？！
LDO係綫性穩壓，同普通綫性穩壓嘅做法一樣，都係分壓嚟啫，12V入5V出，肯定唔係LDO啦，隻Rw食嘅電仲多過個負載，兼且㷫合合，嘥電不特止，對環境同隻「Rw」自己都唔安全，
線圈阻力好細 (甚至可以忽略)，但係佢擋電嘅效果仲好過電阻，佢擋電用嘅係自感電勢，係無功，因為本身冇阻力，佢擋電擋得嚟又可以過好多好多電，完全冇話㷫合合。
作者:
MrCU204 時間: 2024-6-12 06:12 AM
電阻，衹係齋過電 (同埋耗電)，分壓，淨係識得跟比例，所以，負載想要純直流，電源就一定都要係純直流，
電感就唔同嘞，一方面，就算負載short咗，成個電源電壓受晒一樣冇損耗，二來，就算電源電壓係零，電感一樣有貨交，喱樣，電阻根本冇可能，
有人駁我話，濾波唔等於分壓，係吖，不過我幾時有話濾波即係分壓呢又，而且，電源出12V嗰陣，7V壓差邊個哽呀，咪又係電感！
作者:
MrCU204 時間: 2024-6-13 12:00 AM
串聯穩壓，串嘅係乜嘢，係有源器件，同邊個串，係負載。
如果同負載串聯嘅有源器件，加上電路仲係直流嚟添，咁會唔會有增壓作用呢？！
作者:
MrCU204 時間: 2024-6-13 07:47 AM
唔好忘記仲有個基準喺度，串聯穩壓，基準攞嘅值係低過電源電壓嘅，
所以就算係開關穩壓，有LC濾波網絡喺度，負載壓降都會俾基準㩒低，所以我話，串聯穩壓穩嘅負載壓降係分壓嚟，有冇濾波都一樣。
作者:
MrCU204 時間: 2024-6-13 08:52 AM
5V燈膽一隻，5火嘅，12V電芯一嚿，串電阻嘅話，就係7Ω，
喱個電阻用普通電阻就得，連可調都唔使，響咁嘅情況下，你用7805嘅效果同用隻7Ω電阻完全冇分別 (都係齋分壓)，喱個就係串聯穩壓最基本最基本最基本嘅玩法。
作者:
MrCU204 時間: 2024-6-15 09:18 AM
另外有一個分壓嘅辦法，就係串十隻二極管，唔論負載輕重，食走嘅都係7V，唔計睇負載嚟計阻值咁麻煩。
唔論開關定係綫性，電源都係貨真價實嘅純直流，負載壓降唔計嗰少少紋波，都係純直流，咁樣，電源同負載嘅壓差都衹能夠係純直流。
作者:
MrCU204 時間: 2024-6-19 06:19 AM
冇嘢起到假負載嘅作用，淨係靠晒個「限流」電阻嚟控制個分壓，咁先至算係貨真價實嘅串聯穩壓！
作者:
MrCU204 時間: 2024-6-20 06:26 AM
引用:
原帖由 MrCU204 於 13/6/2024 07:47 發表 
唔好忘記仲有個基準喺度，串聯穩壓，基準攞嘅值係低過電源電壓嘅……
串聯穩壓唔係boost電路，假負載嘅門限唔低過電源電壓，點擊穿呀，
串聯穩壓，個「限流」電阻冇埞走棧點做嘢，所以，負載就要分少啲壓，個RW或者電感至有得喐，
負載分幾多壓，係靠個基準嚟set嘅，所以，基準嘅門限同佢做假負載嗰陣一樣，一定要低過電源電壓。
作者:
MrCU204 時間: 2024-6-21 06:22 AM
電感，如果就咁串電容，佢嘅電流就check唔到，只能夠feel到電容嘅電壓，
想知道電感嘅電流，就要用電流互感器或者串個檢流電阻，喱種架埗係電流環至有。
作者:
MrCU204 時間: 2024-6-21 06:42 AM
開關穩壓，我哋要佢出嘅貨，係純直流，所以，監視負載壓降用嘅誤差矯正器，同喺綫性穩壓器度用嘅，按道理應該一模一樣 (滯迴模式例外) 至係！
作者:
MrCU204 時間: 2024-7-7 12:07 AM
喱度講嘅係，串聯穩壓。
電阻，玩法得一種，電感有三種，時基，濾波，鎮流，
電感嘅作用，殊途同歸，都係分壓同穩壓，能源效益一樣，但係，性能唔一樣。
Copyright © 2003-2024 Uwants.com