Board logo

標題: [新聞轉貼] 咁都唔炒?曼聯慘敗蘇斯克查「認錯」獲高層信任暫未聞炒魷 [打印本頁]

作者: Totti888     時間: 2021-10-17 04:37 PM

咁都唔炒?曼聯慘敗蘇斯克查「認錯」獲高層信任暫未聞炒魷




蘇斯克查獲曼聯高層信任,暫時都未聞到「炒魷香」!曼聯周六(16日)在英超作客李斯特城以2:4慘敗,近7場錄得2勝1和4負劣績,主教練蘇斯克查賽後「認錯」,但你以為「蘇B」帥位芨芨可危?那就大錯特錯了!據英國傳媒《The Atheltic》爆料,曼聯高層依舊對蘇斯克查十分信任,他沒有下台的風險。

紅魔昨仗鬥李斯特城,防線暴露缺口,惹來球迷批評,法國中場保羅普巴公開質疑蘇斯克查的戰術,認為今場「抵輸」,「蘇帥」亦承認自己作出「差勁決定」:「今仗我們失了4球,防守非常好差,球隊表現在水準以下。」談及中堅哈利馬古尼今場犯錯,蘇斯克查表示:「排出這個陣是我的問題,或者我做了一啲差勁的決定「我們必須重新振作起來,清醒一下我們的頭腦,我們必須要對挫折做出回應。」



保羅普巴公開質疑蘇斯克查的戰術。昨晚的失利使曼聯跌出英超前四,現時8戰14分排第5,落後車路士5分,接下來的9場聯賽中,他們面臨「魔得賽程」包括利物浦、曼城、車路士、熱刺和阿仙奴等強敵。雖然大批「曼迷」已要求蘇斯克查下台,不過英媒《The Atheltic》報道,曼聯暫時未有打算換帥,「蘇B」近2季的進步仍然令高層保留信心。名紅魔宿加利尼維利則指,曼聯近年已經有過太多換帥的經歷,因此球會寧願信任蘇斯克查的計畫,給他多一些時間建立球隊。



蘇斯克查(右)48歲的「蘇帥」於2018年12月以臨時代理教練的身份來到曼聯,並在2021年7月簽下一份3年的新合約,並可以選擇再續約一年,這意味著他至少可以在球會待到2024年。
作者: 發明奴     時間: 2021-10-17 05:07 PM

好正常…真係出個post,上網打多幾句Oleout就炒咩…
如果被利物浦大炒就唔係咁講
作者: Totti888     時間: 2021-10-17 05:19 PM

條黑柴真係不理/不懂球員狀態,以爲名氣大話之你出咗就掂,喂大佬打機都要睇吓箭嘴向上或向下啦,上半場見到麥龜唔掂都仲唔換,普巴雖然上半場ok,但下半場明顯跌Watt都仲強留佢在場,般奴明顯冇態又繼續死都要出,用人同臨場應變都真係垃圾級別!

辛祖硬要佢打左邊,但明顯佢踢右邊可能比較擅長,而事實左邊又人滿爆晒人,其實咁貴買辛祖番嚟究境條黑柴想點用佢呢?見到辛祖都踢到有啲躁!

綠木除咗射波不錯之外其他方面真係有待改進,放佢喺右邊又好少出波,不如放佢踢正中,移番辛祖去右邊可能仲好。

再加上進攻無組織無套路,防守無系統,全靠個別球員自由發揮打天才波,似維園細路踢街波多過似職業足球,更何況英超!


條黑柴唯一優點可能係唔會將輸波責任推落球員到。
作者: knight7676     時間: 2021-10-17 05:22 PM

引用:
原帖由 Totti888 於 2021-10-17 05:19 PM 發表
條黑柴真係不理/不懂球員狀態,以爲名氣大話之你出咗就掂,喂大佬打機都要睇吓箭嘴向上或向下啦,上半場見到麥龜唔掂都仲唔換,普巴雖然上半場ok,但下半場明顯跌Watt都仲強留佢在場,般奴明顯冇態又繼續死都要出,用人同臨場應變都真係垃圾級別!

辛祖硬要佢打左邊,但明顯佢踢右邊可能比較擅長,而事實左邊又人滿爆晒人,其實咁貴買辛祖番嚟究境條黑柴想點用佢呢?見到辛祖都踢到有啲躁!

綠木除咗射波不錯 ...

中間有朗哥呀麻,唔可以唔出,基本上佢出咩人盲都估到,防線4件唔駛講,巴哥,朗哥,有廢特又一定要出,右翼契仔木
作者: 無雀腳仔     時間: 2021-10-17 06:49 PM

放心 只要跟住利、熱、城、車、槍唔見9到15分
今季前四都應該可以宣佈玩完
到時就算老闆想保So C
C7都唔會放過佢🤣
作者: andytwh     時間: 2021-10-17 07:48 PM

引用:
原帖由 無雀腳仔 於 2021-10-17 06:49 PM 發表 放心 只要跟住利、熱、城、車、槍唔見9到15分
今季前四都應該可以宣佈玩完
到時就算老闆想保So C
C7都唔會放過佢🤣
我話比你聽係零分。
作者: 小孤星馬高     時間: 2021-10-17 09:49 PM

P6有份玩野WOR
作者: faifai1234     時間: 2021-10-17 10:29 PM

通常管理層出到聲話支持其實離炒不遠,呢個係催命符黎
作者: knight7676     時間: 2021-10-17 10:39 PM

引用:
原帖由 faifai1234 於 2021-10-17 10:29 PM 發表
通常管理層出到聲話支持其實離炒不遠,呢個係催命符黎

摩佬被炒之前膠層都話支持佢
作者: faifai1234     時間: 2021-10-17 10:41 PM

引用:
原帖由 knight7676 於 2021-10-17 10:39 PM 發表

摩佬被炒之前膠層都話支持佢
隊隊都係咁,唔出聲先係支持,一出聲其實已經係最後通牒
作者: 杜杜1214     時間: 2021-10-17 11:33 PM

引用:
原帖由 小孤星馬高 於 17/10/2021 09:49 PM 發表 P6有份玩野WOR




係訪問開左口話戰術唔多惦,
不過佢今年都完約啦,唔好攬咁多野
作者: 求其就好     時間: 2021-10-18 06:48 AM

換乜Q野師丫 過埋個魔鬼賽程 我地分分鐘落後前4 十分以上 到時先換?費sir覆出都追唔返啦 下季隨時連霸氣杯都冇份 不如比球隊賭下運氣 希望有幾個閃光 不過…sob條友既運氣似乎差不多用盡喇 就算閃唔到  到完季冇前4唔單止炒B 仲會free走埋個P 咁曼聯條中場線就有希望 曼迷就少左失望啦 反正冇得去旅行 屈到個人都燥燥地 大家捱下啦 呢季盡情插 盡情屌當發泄一下都好既
作者: 电竞比赛来亚博

提示: 作者被禁止或刪除 內容自動屏蔽
作者: 电竞比赛来亚博

提示: 作者被禁止或刪除 內容自動屏蔽
作者: 格拉沙收皮     時間: 2021-10-25 06:32 PM

回覆 12#  求其就好 的帖子

魔鬼賽程後應該降班區見.
作者: faifai1234     時間: 2021-10-27 12:43 AM

引用:
原帖由 格拉沙收皮 於 2021-10-25 06:32 PM 發表
回覆 12#  求其就好 的帖子

魔鬼賽程後應該降班區見.
膠層都唔緊張我地球迷咪繼續睇西波囉
作者: King19921223     時間: 2021-10-30 11:57 PM

引用:
原帖由 格拉沙收皮 於 2021-10-25 06:32 PM 發表
回覆 12#  求其就好 的帖子

魔鬼賽程後應該降班區見.
可能今日輸埋比熱刺已經無得留低

講真一句, 曼魚真係吾岩名宿教, 林伯已經係一個好好人辦, 教車仔嗰陣好係威係勢, 之後咪又係收左皮, 所以與其搵名宿教, 不如搵一個岩戰術體系岩風格既教練仲實際過盲目去追求星味教練




Copyright © 2003-2022 Uwants.com