Board logo

標題: [新聞轉貼] 曼聯換帥條件曝光 一種情況可炒蘇B [打印本頁]

作者: Totti888    時間: 2020-2-9 02:34 PM     標題: 曼聯換帥條件曝光 一種情況可炒蘇B



曼聯今季創下近30年最差上半季成績,領隊蘇斯克查下台壓力愈來愈大,英國《鏡報》爆料,指如果曼聯今季打唔入前6位,蘇B就會被炒,並聘請前熱刺主帥普捷天奴領軍。

據悉,曼聯同各大贊助商嘅合約之中,有部分條款涉及贊助費同成績掛勾,如果球隊未能達到一定成績,贊助費就會減少,所以管理層非常緊張,並為蘇斯克查設下前6位底線,攞唔到呢個成績就即炒。

曼聯現時排第8位,比第6位錫菲聯少1分,但仲要面對狼隊、愛華頓競爭,要打入前6位都唔容易。

曼聯仍然視普捷天奴為新帥首選,呢位阿根廷名帥現時仲未有着落,可能就係等緊紅魔鬼召喚。
作者: MANUTDD    時間: 2020-2-9 03:05 PM

已經變咗前6🙄
過多幾年就前10
10年後就護級
作者: AOZ    時間: 2020-2-10 10:39 AM

我唔敢說普帥一上場就會有改變...等於季初佢都無力令球隊成績有改善至被炒. 以現時人腳其實我覺得邊個教都差不多....問心真係加返個足球總監先算啦. 搵阿木買人真係48個"48小時"都簽唔到人...
作者: 曼勝捷    時間: 2020-2-10 12:31 PM

回覆 1#  Totti888 的帖子
點解雲92 + 摩佬拎唔到前4要炒。 蘇B可以拎唔到前6先炒? 因為明叔???
作者: n!cky    時間: 2020-2-10 01:43 PM

引用:
原帖由 曼勝捷 於 2020-2-10 12:31 PM 發表
回覆 1#  Totti888 的帖子
點解雲92 + 摩佬拎唔到前4要炒。 蘇B可以拎唔到前6先炒? 因為明叔???


重建同即食既分別囉...
作者: waishun12    時間: 2020-2-10 02:33 PM

咁機密嘅嘢 報紙佬咁都會知道? 信佢先奇
作者: Totti888    時間: 2020-2-10 03:27 PM

SoB都識舔肛瀨菊㗎,你估只得連膠識咩!
作者: sunnyso520    時間: 2020-2-10 05:28 PM

引用:
原帖由 n!cky 於 2020-2-10 01:43 PM 發表


重建同即食既分別囉...
下?雲加爾唔係重建曼聯嗎?
摩連奴冇用青訓球員嗎?
福仔 mctom點黎?
莫耶斯都帶左個贊奴沙出黎
你點樣定義佢地唔係重建係即食分別?
作者: 再世睹俠    時間: 2020-2-10 06:49 PM

回覆 8#  sunnyso520 的帖子
一個唔覺意幸運贏歐霸盃,冇前10都唔使炒
作者: 賤兔    時間: 2020-2-10 06:58 PM

如果掉返轉頭黎睇,我覺得最值得比時間係雲爾,而摩帥係最應該走
作者: waishun12    時間: 2020-2-11 06:49 AM

引用:
原帖由 sunnyso520 於 2020-2-10 05:28 PM 發表

下?雲加爾唔係重建曼聯嗎?
摩連奴冇用青訓球員嗎?
福仔 mctom點黎?
莫耶斯都帶左個贊奴沙出黎
你點樣定義佢地唔係重建係即食分別?


黑柴係重建一支可以足夠還數英冠既球隊喎
作者: n!cky    時間: 2020-2-11 07:50 AM

引用:
原帖由 sunnyso520 於 2020-2-10 05:28 PM 發表

下?雲加爾唔係重建曼聯嗎?
摩連奴冇用青訓球員嗎?
福仔 mctom點黎?
莫耶斯都帶左個贊奴沙出黎
你點樣定義佢地唔係重建係即食分別?



椰子個夏天就係咁狂追大牌, 人地唔SO 佢就PANIC BUY個爆炸, 冬天入馬達......呢兩個都算好洗好用, 但睇得出椰子其實無乜PLAN 去重建..

V92都可以要叫重建.....但賣走借走太多人, 又入唔夠...第一季都仲可以應付到, 因為只得國內比賽, 但第二季就已經唔夠人踢四線啦......仲有高價買入個明知當你係跳板既迪馬利亞, 打多一至兩年就退休既小豬, 幾任領隊都唔用既失蹤人口達美安...自己買完又踢走既VV

摩佬個陣就伊巴, 馬迪, 山神呢幾個年紀偏大既.....而最大問題係洗咗錢, 換咗幾個球員, 但其實執咗三年都只係執緊幾個位.....前鋒由伊巴=>渣古, 攻中由MK=> 山神, 後衛由拜利=>連迪, 呢度都六個球員啦...就算你唔計拜利, 摩佬買咗連迪之後都仲嘈緊要買中堅....係三個位置上買咗用六個球員, 都仲係有問題....如果呢下叫重建, 咁就肯定係失敗既重建


係咪重建每個人諗法唔同, 至少我覺得以上幾任係重建上唔算有好大幫助...
作者: n!cky    時間: 2020-2-11 07:57 AM

引用:
原帖由 waishun12 於 2020-2-11 06:49 AM 發表



黑柴係重建一支可以足夠還數英冠既球隊喎


雲比沙卡解決右路防守問題
麥瓜就解決中堅既用波
占士解決兩邊側擊
般奴就解決攻中既火力.....

仲有一次過傷晒普巴, 麥湯同福仔呢三個主力.....加上邊個領隊都用唔掂既P15, L14


比D 時間啦
作者: AOZ    時間: 2020-2-11 10:55 AM

引用:
原帖由 n!cky 於 2020-2-11 07:57 AM 發表


雲比沙卡解決右路防守問題
麥瓜就解決中堅既用波
占士解決兩邊側擊
般奴就解決攻中既火力.....

仲有一次過傷晒普巴, 麥湯同福仔呢三個主力.....加上邊個領隊都用唔掂既P15, L14


比D 時間啦 ...


老實說我都覺我蘇B買人唔差, 至少幾個新買的功能上係真係有用. Haaland都預o左買唔到, 同埋既然佢經理人獅子開大口, 唔答應都好合理, 如果唔係到時又話只能用新人工吸引人來...又或是"山神2.0"...

我覺得只少睇2至3個球季, 年輕球員都要多d時間, 如果表現都係無起色先至炒. 否則一年兩年換一個, 但又唔換走d無用球員長遠點會有改善...
作者: n!cky    時間: 2020-2-11 11:31 AM

引用:
原帖由 AOZ 於 2020-2-11 10:55 AM 發表


老實說我都覺我蘇B買人唔差, 至少幾個新買的功能上係真係有用. Haaland都預o左買唔到, 同埋既然佢經理人獅子開大口, 唔答應都好合理, 如果唔係到時又話只能用新人工吸引人來...又或是"山神2.0"...

我覺得只少睇2 ...


今次蘇B 執教, 除咗要買啱用既人同清冗員之外, 對於薪酬既調整都好重要...之前曼聯開大咗個頭, 買親個個都加多幾千萬, 人工又唔係低......而家預咗曼聯買人都無似前咁爽手, 傾個般奴都要拖半季.....8千萬買個蜜瓜都要拖足成個暑假....

其實蘇B 今季買人都已經叫快手解決咗好多老問題....例如中堅, 右閘, 右翼同攻中......而家只要個別位置再執下, 或者填補返D後備應該好D..

蘇B 本身係戰術同調動方面, 唔係咩頂級, 長教落去未必得, 但執好隊波之後再搵第二個冠軍教頭, 咁隊波就易D 成形....而家執到一半換領隊, 到時又要再執過.. 曼聯之前三任領隊, 個個上任都換過晒成隊, 攪到而家都未攪掂..
作者: AOZ    時間: 2020-2-11 11:47 AM

引用:
原帖由 n!cky 於 2020-2-11 11:31 AM 發表


今次蘇B 執教, 除咗要買啱用既人同清冗員之外, 對於薪酬既調整都好重要...之前曼聯開大咗個頭, 買親個個都加多幾千萬, 人工又唔係低......而家預咗曼聯買人都無似前咁爽手, 傾個般奴都要拖半季.....8千萬買個蜜瓜 ...


我都好同意呀, 之前3個真係一換就完全改變, 之前買落的人係完全唔合用....
所以我反而覺得就算是換領隊, 都要換一個啱隊波個"體系"的人, 即係曼聯係打進攻足球的, 盲唔好搵d防守專家場場守你80分鐘最後10分鐘入你一球咁...等隊波就算有新領隊都唔會被一刀切咁改變. 之前V92都講只教3年之後"傳位"比傑斯. 耶子就真係唔知中邪定佢只可以教愛華頓, 感覺無論是曼聯定其他, 成績都只是一般...所以我又唔認為搵普帥就會解決所有問題. 壞d講有時寧可佢成績差而收入減少, 咁個老闆就真係會痛定思痛
作者: waishun12    時間: 2020-2-11 12:54 PM

引用:
原帖由 n!cky 於 2020-2-11 07:57 AM 發表


雲比沙卡解決右路防守問題
麥瓜就解決中堅既用波
占士解決兩邊側擊
般奴就解決攻中既火力.....

仲有一次過傷晒普巴, 麥湯同福仔呢三個主力.....加上邊個領隊都用唔掂既P15, L14


比D 時間啦 ...


最大問題係個領隊料子問題 佢已經比唔到球迷信心 希望 或者佢當初既意念係好 但佢冇控制到球員係場上執行佢戰術既紀律 又或者根本就冇乜戰術(至少睇唔到)得個陣首發落場果班自己搞掂就算 免得過就唔好煩到佢睇波既雅興 從未見過係比賽中當逆境嘅時候可以有planB既踢法同調動 自己入波就拍下手比人入就同一般球迷冇分別 呆坐喺度 曼聯重建係必需 但深信黑柴冇咁既能力同運氣
作者: n!cky    時間: 2020-2-11 02:10 PM

引用:
原帖由 waishun12 於 2020-2-11 12:54 PM 發表



最大問題係個領隊料子問題 佢已經比唔到球迷信心 希望 或者佢當初既意念係好 但佢冇控制到球員係場上執行佢戰術既紀律 又或者根本就冇乜戰術(至少睇唔到)得個陣首發落場果班自己搞掂就算 免得過就唔好煩到佢睇波既 ...


之前對錫菲聯咪試過囉, 落後之下一個調動就反CUP啦, 只係球員唔集中, 臨完場要嘔返兩分出嚟啫, 咁係咪真係唔得? 對維拉個場都試過反CUP, 又係無耐比人追和

對利記個場都係, 最後十幾分鐘圍住人地嚟打, 有返個伊巴咁上下質素既前鋒返嚟, 都唔好話無機會追和....

有時唔係領隊做唔到嘢, 而係球員無能力做.....就好似對曼城對波咁, 連仔係中前場係咁失波...你估係蘇B 叫佢做架? 最慘係換入嚟替連仔個位係彭仔......仲要最後十幾分鐘打少個......咁你想蘇B 點?
作者: waishun12    時間: 2020-2-11 03:26 PM

你講嗰啲例子 已經唔係對強隊 仲要臨尾香 對利記 人哋領隊識得留放 嚟應付魔鬼賽程 比你撳住打又如何呢 明知你哋都唔會做到啲乜 從未有見過 所謂嘅plan B 唔好講佢嗰啲八十幾分鐘先至換人 就算早換人 打法照舊 佢嘅戰術 係冇變化嘅戰術 可以話仲悶過摩佬

[ 本帖最後由 waishun12 於 2020-2-11 03:29 PM 編輯 ]
作者: Totti888    時間: 2020-2-11 04:00 PM

吓?對利記嗰場,最後階段好明顯人地留後打反擊,結果真係俾人入多粒啦!咁都J得落?!?

人地一撳制隨時就可以圍住曼聯打飛機啦。
作者: waishun12    時間: 2020-2-11 04:25 PM

引用:
原帖由 Totti888 於 2020-2-11 04:00 PM 發表
吓?對利記嗰場,最後階段好明顯人地留後打反擊,結果真係俾人入多粒啦!咁都J得落?!?

人地一撳制隨時就可以圍住曼聯打飛機啦。


人地高普比曼破左長勝金身已經火都嚟埋 一個高質既領隊一個低級錯誤係唔會犯兩次 嗰場尾段人哋擺明搵你曼聯嚟拗痕 我真係估唔到有人攞呢場嚟J囉
作者: 賤兔    時間: 2020-2-11 04:42 PM

1
作者: 賤兔    時間: 2020-2-11 04:52 PM

其實引入總監係咪真係得大家都唔知,因為依家問題好明顯唔响總監或者教練度,而係阿木,唔係話曼聯唔肯比錢買人,而係買人要說服前佢,就算請左個總監返黎,都只不過係多左一層,果個總監一定係聽阿木講,同依家無咩分別,只不過到時有鑊就係個總監背咁解啫 其實普天真係幾吸引,但係睇黎佢皮氣都唔算好果隻,如果揾佢黎,到時高層又唔變嘅話,咁好大機會同當年摩帥一樣反面收場,咁對球會咪仲傷
作者: n!cky    時間: 2020-2-11 05:12 PM

引用:
原帖由 waishun12 於 2020-2-11 03:26 PM 發表
你講嗰啲例子 已經唔係對強隊 仲要臨尾香 對利記 人哋領隊識得留放 嚟應付魔鬼賽程 比你撳住打又如何呢 明知你哋都唔會做到啲乜 從未有見過 所謂嘅plan B 唔好講佢嗰啲八十幾分鐘先至換人 就算早換人 打法照舊 佢嘅 ...


椰子不論贏輸,都係9斬
v92不論贏輸, 都係9猜
摩佬第一季前面已經好多時只靠伊巴既個人能力,第二季前面d走動直情係打天才波。

個神聖既plan B其實只係靠爆炸頭一個,只要佢一傷或者停賽,其實一樣無plan B。 話蘇B前諗下其他領隊係咪咁先。

呢幾年一路話要推倒重建,但到真係發生個陣又有幾多人接受到。。
作者: n!cky    時間: 2020-2-11 05:14 PM

引用:
原帖由 Totti888 於 2020-2-11 04:00 PM 發表
吓?對利記嗰場,最後階段好明顯人地留後打反擊,結果真係俾人入多粒啦!咁都J得落?!?

人地一撳制隨時就可以圍住曼聯打飛機啦。


利記個場人哋留力,咁車仔,熱刺同曼城呢?佢哋又留力呀?
作者: n!cky    時間: 2020-2-11 05:18 PM

引用:
原帖由 waishun12 於 2020-2-11 04:25 PM 發表



人地高普比曼破左長勝金身已經火都嚟埋 一個高質既領隊一個低級錯誤係唔會犯兩次 嗰場尾段人哋擺明搵你曼聯嚟拗痕 我真係估唔到有人攞呢場嚟J囉 ...


人腳,打法,戰術都已經唔夠人,仲要作客,要J都J 主場和利記個場啦。。。

人哋咁制入多粒係因為曼聯谷晒上去想追和啫,如果本住輸少當贏就唔會輸多粒啦。。
作者: ManUtdFans    時間: 2020-2-11 05:20 PM

V92 買小豬真係有少少唔明。 前6就比較有信心,夏天再買3個。
作者: n!cky    時間: 2020-2-11 05:52 PM

今時今日呢隊曼聯如果仲有爭標能力,一早唔輪到蘇B 教啦。 搵得佢教就比d時間啦。
作者: waishun12    時間: 2020-2-11 07:01 PM

引用:
原帖由 n!cky 於 2020-2-11 05:52 PM 發表
今時今日呢隊曼聯如果仲有爭標能力,一早唔輪到蘇B 教啦。 搵得佢教就比d時間啦。


米咁天真啦 你估依家係球迷投票定黑柴去留咩 根據前幾任領隊既前科 你真係覺得冇前6或更衣室起革命玩野 呀木真係會比時間黑柴 之前咁多場可以進佔前4既機會都冇一次成事 黑柴都應該會緣盡季尾 站在睇波而言 曼聯依家D波真係20隊英超最悶球隊3甲必入
作者: Totti888    時間: 2020-2-12 02:05 AM

引用:
原帖由 n!cky 於 2020-2-11 05:52 PM 發表
今時今日呢隊曼聯如果仲有爭標能力,一早唔輪到蘇B 教啦。 搵得佢教就比d時間啦。



俾時間唔係問題,但你起碼俾球迷睇得到你有戰術,有部署,俾到球迷希望;個別球員若然唔掂嘅,球迷係睇得到嘅。

但今天好明顯SoB做唔到,每一場成隊波都踢到毫無隊形,打亂種,好似隨機湊夠11人出嚟踢咁,俾你買埋C朗美斯麥皮落場又如何,咪又係毫無章法咁打天才波,輸波盡破羞恥紀錄,之後仲要喺度笑笑口死撐,真不知廉恥,屌鳩佢都嚟唔切,仲點支持佢?!?

之前幾個領隊都唔係好,但是否代表今天要強留一個更差的嗎?
作者: n!cky    時間: 2020-2-12 07:27 AM

引用:
原帖由 waishun12 於 2020-2-11 07:01 PM 發表



米咁天真啦 你估依家係球迷投票定黑柴去留咩 根據前幾任領隊既前科 你真係覺得冇前6或更衣室起革命玩野 呀木真係會比時間黑柴 之前咁多場可以進佔前4既機會都冇一次成事 黑柴都應該會緣盡季尾 站在睇波而言 曼聯 ...


根據前幾任既領隊, 都有一個目標, 唔達標就炒呢個係好正常......如果碌木比蘇B 既目標係前6 既, 咁咪即管睇下排第6佢炒唔炒蘇B 囉....
作者: n!cky    時間: 2020-2-12 07:42 AM

引用:
原帖由 Totti888 於 2020-2-12 02:05 AM 發表



俾時間唔係問題,但你起碼俾球迷睇得到你有戰術,有部署,俾到球迷希望;個別球員若然唔掂嘅,球迷係睇得到嘅。

但今天好明顯SoB做唔到,每一場成隊波都踢到毫無隊形,打亂種,好似隨機湊夠11人出嚟踢咁,俾你買埋C朗美斯麥皮落場 ...


個別球員踢唔掂, 你覺得蘇B 真係唔做嘢咩....
連美斯一唔掂就放後備, 彭都唔掂既, 就直情簽個般尼返嚟....
馬仔打唔掂個中鋒位既, 而家就借個恩哈佬..
仲有之前一路講開既右閘, 右翼, 中堅.....蘇B 今年通通都有簽人返嚟解決問題..

呢隊曼聯對中下游攪唔掂, 好多時係球員真係唔夠搏, 一開波就好似有兩球係手咁.....有時係想搏但某D球員打得差..

仲有曼聯隊中最好波個普巴今年傷足大半季, 馬仔福仔輪流傷....

蘇B 既戰術係唔明顯, 亦唔識得令隊波打出120% 既能力......但今年兩勝車仔, 又嬴曼城, 熱刺, 唯一一隊令利記失分.....難度呢幾場都係靠運咩? 如果對親強隊就有運, 咁蘇B 係咪命不該絕呢?
作者: faifai1234    時間: 2020-2-12 09:08 AM

sob係咪好我唔敢講,但現階段起碼佢買既人都交到功課,好過前幾任買左番黎都唔識用,再加上隊波根本太多廢人,清都有排清,就算而家炒sob,下一手仍然係要用福馬連彭,我相信最後都唔會好過sob
作者: waishun12    時間: 2020-2-12 09:13 AM

引用:
原帖由 n!cky 於 2020-2-12 07:42 AM 發表


個別球員踢唔掂, 你覺得蘇B 真係唔做嘢咩....
連美斯一唔掂就放後備, 彭都唔掂既, 就直情簽個般尼返嚟....
馬仔打唔掂個中鋒位既, 而家就借個恩哈佬..
仲有之前一路講開既右閘, 右翼, 中堅.....蘇B 今年通通都有 ...


好心唔好成日執幾場贏邊隊贏邊隊嚟做覺得黑柴夠料做紅魔領隊既數據啦 贏果幾場係大話夾好彩 人地車仔因為被罰冇得補充買人填補實力仲要冇左個靈魂夏神都仲可以Keep到前4 至少車迷冇屌林伯先啦 曼聯依家踢出嚟既野就算贏既比賽一D都冇說服力 至於買人好似係買啱呢樣係唯一可取 但買到好材料佢都識用先得假 場場都係各有各發揮 前場冇左福之後完全冇哂支點 最好波既普巴我就唔信真係傷得咁重 有冇心為黑柴領導既曼聯踢係明眼人都知 如果要留住你認為全隊最好波既普巴 黑柴就留不得 黑柴係有心亦有睇人既眼光的確想搞好隊波 但真係以佢既經驗同資質呢幾年都未夠料帶到隊波走出低迷
作者: n!cky    時間: 2020-2-12 09:34 AM

引用:
原帖由 waishun12 於 2020-2-12 09:13 AM 發表



好心唔好成日執幾場贏邊隊贏邊隊嚟做覺得黑柴夠料做紅魔領隊既數據啦 贏果幾場係大話夾好彩 人地車仔因為被罰冇得補充買人填補實力仲要冇左個靈魂夏神都仲可以Keep到前4 至少車迷冇屌林伯先啦 曼聯依家踢出嚟既野 ...


你第一個POINT 講得好....夠料做紅魔領隊...借問聲乜嘢叫夠料...

十幾年英超經驗既椰子夠唔夠料?
身經百戰, 教過好多大球會既戰術大師V92夠唔夠料?
冠軍教頭摩佬夠唔夠料?

認清每一個領隊既作用係乜.....都係個句, 如果而家隊波係夠料做既就唔需要搵蘇B 嚟重建啦...

其實車仔一樣打得差, 但車仔已經習慣咗成日轉領隊, 而且每轉一個領隊都唔會對球會既買人方針有大改變...球隊既攻守模式都係大至上一樣....

睇下隊曼聯啦, 過去個幾任領隊無論買人, 戰術個個都唔同...你而家唔搵個領隊重新再執一次, 問題只會繼續疊上去.....戰術打法上, 蘇B 未必係一個好領隊.....但而家最緊要既係砌好個底, 再重新建立過....呢一方面蘇B 比上兩任都做得好....
作者: ManUTDwow    時間: 2020-2-12 10:00 AM

Percentage of Total Games (+ Minutes Played)

87.2% – Maguire (86.4%)
84.6% – Pereira (59.5%)
82.1% – James (67.4%)
82.1% – Lingard (43.3%)
82.1% – Greenwood (43.3%)
79.5% – Fred (70.3%)
79.5% – Rashford (67.3%)
76.9% – Lindelöf (76.8%)
74.4% – Wan-Bissaka (73.7%)

出得最多埸既頭幾名有彭同連,起碼要換走呢兩個人,宜家入左Bruno 替彭,夏天要入多個攻中代連。James 個位要upgrade 入隻右翼。

如果換班成功下季開始隊波應該成型。
作者: waishun12    時間: 2020-2-12 11:10 AM

戰術 戰術 戰術 要睇到既黑柴只有出口術 冇自己既教練班底好彩係有費Sir以前既得力助手 唔係我諗依家前半版都見唔到曼聯 黑柴乜野都冇都係用緊前朝既幕後班底 黑柴只係掛個名叫口號 成尻日八十幾分鐘換人 麥湯米就係咁樣比佢打殘囉 呢D都唔知係乜野玩法 可能係童年陰影定係沉醉緊自己以前係後備剎手既日子 佢當佢班愛將全部都做到掛

[ 本帖最後由 waishun12 於 2020-2-12 11:13 AM 編輯 ]
作者: 榮20ys    時間: 2020-2-12 11:13 AM

So C唔夠料係不爭既事實
而且教練團又係唔多掂
係得費倫好D之外,
卡歷克擺到明係學野,即係同So C水鬥水
果個好似菲臘仔既進攻教練又咁後生,無乜經驗,又係考天才波

係望就望佢地同年青球員一樣,會識不斷進步
再唔係黑心D,等佢做哂D dirty work先至走

清鐘斯,連加特,彭尼拿應該好多人拍爛手掌
雖然我覺得J14同P15最後點都有一個留低
但係清馬達同普巴就幾具爭議
作者: waishun12    時間: 2020-2-12 11:28 AM

引用:
原帖由 榮20ys 於 2020-2-12 11:13 AM 發表
So C唔夠料係不爭既事實
而且教練團又係唔多掂
係得費倫好D之外,
卡歷克擺到明係學野,即係同So C水鬥水
果個好似菲臘仔既進攻教練又咁後生,無乜經驗,又係考天才波

係望就望佢地同年青球員一樣,會識不斷進步
再唔係 ...


你都同我睇到最大既問題所在 救曼聯成功與否 功力班底運氣缺一不可 黑柴勉強可以話只係有D運仔 碰啱競爭對手齊齊跌volt 先至緊緊望到排第4既車仔尾燈 但運氣幫到佢幾耐 曼聯今季要争前4真係刻不容援 冇歐聯踢夏天又買唔到好D既人 可能又要睇多季連彭 睇多季西波 諗起都想死 大佬Now月費好撚貴嫁
作者: n!cky    時間: 2020-2-12 12:17 PM

引用:
原帖由 榮20ys 於 2020-2-12 11:13 AM 發表
So C唔夠料係不爭既事實
而且教練團又係唔多掂
係得費倫好D之外,
卡歷克擺到明係學野,即係同So C水鬥水
果個好似菲臘仔既進攻教練又咁後生,無乜經驗,又係考天才波

係望就望佢地同年青球員一樣,會識不斷進步
再唔係 ...


唔知你有無見過....有D公司會專請一個MANAGER 返嚟, 呢個MANAGER 乜都唔識, 甚至唔係行內人.....但佢就係負責清走公司D 老SEAFOOD....由於佢係空降, 所以唔怕D 老SEAFOOD賣人情......除咗炒人, 佢亦會請人返黎幫公司換血, 而如果D 員工既人薪唔合理, 佢亦會作出調整......

當公司成功換班, 做靚盤數之後, 呢個MANAGER 就功成身退.....而間公司就會上市或者賣盤...亦可能再作投資...

雖然唔知碌木會同蘇B 玩幾耐, 但如果當蘇B 係呢一個MANAGER既角色咁睇, 其實都不難理解佢既作用...
作者: faifai1234    時間: 2020-2-12 12:27 PM

引用:
原帖由 n!cky 於 2020-2-12 12:17 PM 發表


唔知你有無見過....有D公司會專請一個MANAGER 返嚟, 呢個MANAGER 乜都唔識, 甚至唔係行內人.....但佢就係負責清走公司D 老SEAFOOD....由於佢係空降, 所以唔怕D 老SEAFOOD賣人情......除咗炒人, 佢亦會請人返黎幫 ...


其實有d球迷根本認唔清請sob番黎既作用,當初請佢就係要推倒重來,撥亂反正,如果要衝成績既就唔會請佢,就係多年黎洗左咁多錢成績都冇改善,所以先要由頭黎過,呢條路預左漫長,但大家似乎都冇耐性去等,無他既,因為大家都仲覺得曼聯係一隊豪門,但事實除左搵錢能力外,其他野連一支中遊隊都不如(管理模式及轉會操作等等),根本就接受唔到隊波由低做起
作者: waishun12    時間: 2020-2-12 01:40 PM

我就係一個冇乜遠見既球迷囉 場場西波咁點搞呀 仲要捱多幾年?唔好玩啦 我係呀木就全力追 普捷天奴 點樣稱佢都會係好過黑柴

[ 本帖最後由 waishun12 於 2020-2-12 01:43 PM 編輯 ]
作者: n!cky    時間: 2020-2-12 01:54 PM

引用:
原帖由 waishun12 於 2020-2-12 01:40 PM 發表
我就係一個冇乜遠見既球迷囉 場場西波咁點搞呀 仲要捱多幾年?唔好玩啦 我係呀木就全力追 普捷天奴 點樣稱佢都會係好過黑柴


我又好想知普捷天奴點樣可以令彭到連變到球皇級, 連迪鐘斯點樣唔自爆, 馬仔點樣變最強中鋒...如果佢做到, 我又唔介意呀...
作者: Macallan24    時間: 2020-2-12 01:57 PM

引用:
原帖由 waishun12 於 2020-2-12 01:40 PM 發表
我就係一個冇乜遠見既球迷囉 場場西波咁點搞呀 仲要捱多幾年?唔好玩啦 我係呀木就全力追 普捷天奴 點樣稱佢都會係好過黑柴
咪就係你冇遠見,所以而家既曼聯唔啱你囉,睇見你咁就辛苦,係咁屌係咁屌,冇反應又唔炒你最憎既蘇斯克查,真係好辛苦
作者: waishun12    時間: 2020-2-12 06:06 PM

唔好意思 你講嗰幾個 我覺得應該一個不留
作者: waishun12    時間: 2020-2-12 06:07 PM

引用:
原帖由 Macallan24 於 2020-2-12 01:57 PM 發表

咪就係你冇遠見,所以而家既曼聯唔啱你囉,睇見你咁就辛苦,係咁屌係咁屌,冇反應又唔炒你最憎既蘇斯克查,真係好辛苦


啱唔啱又唔關你事嘅 咁我鍾意屌 我覺得應該屌既野 唔通你又吹得我脹咩

[ 本帖最後由 waishun12 於 2020-2-12 06:23 PM 編輯 ]
作者: n!cky    時間: 2020-2-12 06:44 PM

引用:
原帖由 waishun12 於 2020-2-12 06:06 PM 發表
唔好意思 你講嗰幾個 我覺得應該一個不留


一個都唔應該留,咁即係請咗肥普都要等清咗佢哋,換過批人。咁同蘇B而家有咩分別。。
作者: 榮20ys    時間: 2020-2-12 07:20 PM

其實做得球迷既都好被動,無話點做先岩
吊出聲又合理,繼續撐又合理
我自己就持觀望態度
始終過去果7-8年,對過莫耶斯,傑斯,V92同摩佬,唔化都要化啦
作者: chiman0706    時間: 2020-2-12 07:23 PM

咪理依啲傻佬。佢地睇曼聯既心態同當係條女一樣。我愛你所以要在屌你
作者: chiman0706    時間: 2020-2-12 07:24 PM

都唔知係為咗屌所以睇曼聯多話題多注目
作者: Macallan24    時間: 2020-2-12 08:14 PM

引用:
原帖由 waishun12 於 2020-2-12 06:07 PM 發表



啱唔啱又唔關你事嘅 咁我鍾意屌 我覺得應該屌既野 唔通你又吹得我脹咩
咁更係吹你唔漲啦,你辛苦要日屌夜屌屌足幾年之嘛,對我黎講睇住你係咁屌又冇得著,我不知睇得幾過癮🤣🤣🤣🤣
作者: 曼聯小豆    時間: 2020-2-12 08:47 PM

引用:
原帖由 Macallan24 於 2020-2-12 01:57 PM 發表

咪就係你冇遠見,所以而家既曼聯唔啱你囉,睇見你咁就辛苦,係咁屌係咁屌,冇反應又唔炒你最憎既蘇斯克查,真係好辛苦




其實都係冇成續就咁話抄得,咁就可以捱到幾時,今時今日曼聯真係輸輸輸,輸得心得口服,應該要多兩三個中場…需要創造型中場
那麼就要番個創造型中場,多兩三個『都』會有一個留底係最好及需要一名前鋒,即使簽番個前鋒把力強就好
即使都有自已打出自己魔性和熱血噃。
作者: waishun12    時間: 2020-2-12 09:17 PM

引用:
原帖由 Macallan24 於 2020-2-12 08:14 PM 發表

咁更係吹你唔漲啦,你辛苦要日屌夜屌屌足幾年之嘛,對我黎講睇住你係咁屌又冇得著,我不知睇得幾過癮🤣🤣🤣🤣


唔好意思可能屌果陣唔覺意淺到你
作者: ※※※    時間: 2020-2-12 10:16 PM

實在冇理由唔炒黑柴。佢有教曼聯機會完全係因為後台強勁,論經驗,佢根本冇辦法說服到其他人;論成績,佢只有挪超幾次冠軍經驗同少少教曼聯低組別經驗。冇錯佢曾經有過帶隊連贏14場既威風戰績,但都係時候要醒同面對現實。

[ 本帖最後由 ※※※ 於 2020-2-12 10:21 PM 編輯 ]
作者: 簡傑碧朗    時間: 2020-2-12 10:43 PM

引用:
原帖由 ※※※ 於 2020-2-12 10:16 PM 發表
實在冇理由唔炒黑柴。佢有教曼聯機會完全係因為後台強勁,論經驗,佢根本冇辦法說服到其他人;論成績,佢只有挪超幾次冠軍經驗同少少教曼聯低組別經驗。冇錯佢曾經有過帶隊連贏14場既威風戰績,但都係時候要醒同面對現實 ...


咁Soc 的確係有心搞好球隊既 個人認為今季為限就夠  希望佢可以幫球隊攞到前六名過終點 都叫做有歐霸資格仲可以留返個chance比下任領隊買到心仪既球員 其實普天奴及艾力尼的確係唔錯既選擇
作者: 簡傑碧朗    時間: 2020-2-12 11:02 PM

引用:
原帖由 waishun12 於 2020-2-12 01:40 PM 發表
我就係一個冇乜遠見既球迷囉 場場西波咁點搞呀 仲要捱多幾年?唔好玩啦 我係呀木就全力追 普捷天奴 點樣稱佢都會係好過黑柴


其實英超其餘果19個領隊有一半執教能力都可能比Soc要強好多 老實講睇紅魔多年都從未見過咁海鮮波既紅魔 比之前既海鮮利記有過之而無不及 今季最嘔血就係攻守都唔掂 用左億幾重整後防但居然至今英超先得4場Clean Sheets進攻就更加唔想講生波死球完全睇唔到有練過咁 普師我覺得唔及艾歷尼好
作者: waishun12    時間: 2020-2-12 11:18 PM

引用:
原帖由 ※※※ 於 2020-2-12 10:16 PM 發表
實在冇理由唔炒黑柴。佢有教曼聯機會完全係因為後台強勁,論經驗,佢根本冇辦法說服到其他人;論成績,佢只有挪超幾次冠軍經驗同少少教曼聯低組別經驗。冇錯佢曾經有過帶隊連贏14場既威風戰績,但都係時候要醒同面對現實 ...


咁唔止後台 佢夠聽話唔駁嘴 得到呀木歡心 係全世界都話萬聯應該設立一個體育總監既位置嚟運作球會既球員買賣 咁就可以架空左呀木既權力 呀木緊係唔肯啦 黑柴又從未發聲表態 做個乖孩子 咁呀木點會唔錫到佢燶丫
作者: waishun12    時間: 2020-2-12 11:31 PM

引用:
原帖由 簡傑碧朗 於 2020-2-12 11:02 PM 發表



其實英超其餘果19個領隊有一半執教能力都可能比Soc要強好多 老實講睇紅魔多年都從未見過咁海鮮波既紅魔 比之前既海鮮利記有過之而無不及 今季最嘔血就係攻守都唔掂 用左億幾重整後防但居然至今英超先得4場Clean S ...


普捷天奴能夠以咁有限人腳 就張熱刺帶到成為同之前既 Big4可争一日長短 冇功都有勞丫 只不過半季就要執包服 黑柴呢?幸福好多啦 仲有咁多人撐
作者: tung17    時間: 2020-2-13 07:16 AM

引用:
原帖由 waishun12 於 2020-2-12 11:31 PM 發表



普捷天奴能夠以咁有限人腳 就張熱刺帶到成為同之前既 Big4可争一日長短 冇功都有勞丫 只不過半季就要執包服 黑柴呢?幸福好多啦 仲有咁多人撐
唔好玩啦,熱刺班人質素同埋成熟程度都比呢隊曼聯好,普捷天奴撚得掂但最後都係失敗左,魔佬而家直頭撚唔掂啦
唔好講到費sir走左之後So c教之前好似曾經威過咁啦,你仲未習慣咩?
作者: faifai1234    時間: 2020-2-13 07:33 AM

引用:
原帖由 waishun12 於 2020-2-12 11:18 PM 發表



咁唔止後台 佢夠聽話唔駁嘴 得到呀木歡心 係全世界都話萬聯應該設立一個體育總監既位置嚟運作球會既球員買賣 咁就可以架空左呀木既權力 呀木緊係唔肯啦 黑柴又從未發聲表態 做個乖孩子 咁呀木點會唔錫到佢燶丫 ...


你都說出個重點,就係冇足球總監sob都唔多出聲,其實好多野都係佢自己受晒,試問有邊個領隊仲咁抵得諗,肥普最後都係傳同列維不和先下台(因為比唔到足夠支持佢),咁今時今日既曼聯得咩?
作者: faifai1234    時間: 2020-2-13 07:38 AM

今時今日既曼聯,剩係得錢多過人,管理架構唔得,訓練設備又落後,軍醫又唔掂(d人醫極都傷),根本呢d深層次問題一日唔解決換十個領隊都冇用,正如高普話齋,根本就搵錢為主,都唔係搞足球

[ 本帖最後由 faifai1234 於 2020-2-13 07:39 AM 編輯 ]
作者: 簡傑碧朗    時間: 2020-2-13 08:39 AM

引用:
原帖由 tung17 於 2020-2-13 07:16 AM 發表

唔好玩啦,熱刺班人質素同埋成熟程度都比呢隊曼聯好,普捷天奴撚得掂但最後都係失敗左,魔佬而家直頭撚唔掂啦
唔好講到費sir走左之後So c教之前好似曾經威過咁啦,你仲未習慣咩? ...


唔好玩啦其實人地又唔係亂鬧既 11場不敗係第二班人?跟住到9場7負又係第二班人?果陣冇傷冇病啦 蘇斯克查比到曼聯既米就係唔穩定三個字囉 即管放長双眼睇下有左般奴 默湯 普巴覆出之後又踢成點囉 反正苏有冇得留低應該都要係下季既事啦 大家都係有自己既point 冇問題就唔需要討論啦
作者: 簡傑碧朗    時間: 2020-2-13 08:42 AM

引用:
原帖由 faifai1234 於 2020-2-13 07:38 AM 發表
今時今日既曼聯,剩係得錢多過人,管理架構唔得,訓練設備又落後,軍醫又唔掂(d人醫極都傷),根本呢d深層次問題一日唔解決換十個領隊都冇用,正如高普話齋,根本就搵錢為主,都唔係搞足球 ...


應該係比人屈錢多過人入正題 更深層次既問題都仲有 唔換班主 呀木分分鐘長命過你同我
作者: tung17    時間: 2020-2-13 09:35 AM

引用:
原帖由 簡傑碧朗 於 2020-2-13 08:39 AM 發表



唔好玩啦其實人地又唔係亂鬧既 11場不敗係第二班人?跟住到9場7負又係第二班人?果陣冇傷冇病啦 蘇斯克查比到曼聯既米就係唔穩定三個字囉 即管放長双眼睇下有左般奴 默湯 普巴覆出之後又踢成點囉 反正苏有冇得留低應 ...
其實唔穩定呢就唔係蘇斯在任先出現,坦白講上幾任何嘗有穩定過?要經驗既試過要大名既都試過,出黎效果又係撚唔掂自己買返黎果班人。你話而家無plan b 又話踢得悶,都唔係第一日啦下話老實講,咁都仲未習慣?唔係要幫蘇b講說話,佢亦好多不足,但作為球迷係咪應該認清事實,曼聯唔再係什麼”班霸”,亦唔會再有無限資源support 領隊,咁既情況下換普捷天奴係咪包攪掂?如果唔得係咪好似而家屌蘇b咁群起佢話換人?不過當然屌得自己開心我都無權阻你地既,只係討論下無惡音
作者: n!cky    時間: 2020-2-13 09:56 AM

引用:
原帖由 waishun12 於 2020-2-12 11:31 PM 發表



普捷天奴能夠以咁有限人腳 就張熱刺帶到成為同之前既 Big4可争一日長短 冇功都有勞丫 只不過半季就要執包服 黑柴呢?幸福好多啦 仲有咁多人撐


普捷天奴第一季帶熱刺都係排第五咋...佢都要兩個夏天既轉會窗口先可以上到第三位..

而家蘇B 只係經過咗一個夏天同冬天轉會窗口....好話唔好聽, 一來隊波未砌好, 二來買返黎D人都未打夠一季....
作者: n!cky    時間: 2020-2-13 10:06 AM

其實蘇B上任既時間同情況都對佢不利....

第一就係佢上季季中接手執手尾....令人覺得佢教咗好耐...但其實上季佢都只係原用返上手既人腳....到佢自己親手執人, 其實打咗一季都未夠...

第二就係初上任既連勝, 令好多球員以為原本既球員無問題, 亦令佢地認為只要換個領隊就可以解決問題..
作者: waishun12    時間: 2020-2-13 10:37 AM

引用:
原帖由 tung17 於 2020-2-13 09:35 AM 發表

其實唔穩定呢就唔係蘇斯在任先出現,坦白講上幾任何嘗有穩定過?要經驗既試過要大名既都試過,出黎效果又係撚唔掂自己買返黎果班人。你話而家無plan b 又話踢得悶,都唔係第一日啦下話老實講,咁都仲未習慣?唔係要幫蘇b講說話, ...


真係要求咁多位師兄指點下细佬迷津 呀領隊唔止一次換人慢係人都知唔係得我講 上場對狼隊好听就互有攻守 但係邊一邊嘅攻勢比較入肉呢 唔該自己問心比個答案 呢D都唔在讲 呀领队自己呆坐看台 闷到見到客隊換人佢先死死氣71分钟先換走彭球王換入格連活 跟住87分鐘先有第二次調動 有5分鐘比連神同達洛治拯救球隊 最撚嘔心係80幾分鐘当时鏡頭影住主队既后備席 啲後備所有 所有 係所有都坐曬喺度 達洛治 連加特 鍾泰希 個個喺齊度 呀领队 你唔谂住換人都唔好比佢地坐喺到吖 英国当日得果11度咋 一出嚟就想交到功课咩?咁既神乎其技管理技巧 係乜嘢玩法呢 求指點
作者: waishun12    時間: 2020-2-13 10:42 AM

引用:
原帖由 n!cky 於 2020-2-13 10:06 AM 發表
其實蘇B上任既時間同情況都對佢不利....

第一就係佢上季季中接手執手尾....令人覺得佢教咗好耐...但其實上季佢都只係原用返上手既人腳....到佢自己親手執人, 其實打咗一季都未夠...

第二就係初上任既連勝, 令好多 ...


樓上有位師兄講得啱呀 用左亿几去改做後防 交出嚟只有4場清白之身 比起最差果隊得3場 黑柴做得算唔錯下話

[ 本帖最後由 waishun12 於 2020-2-13 10:50 AM 編輯 ]
作者: maxlammax    時間: 2020-2-13 11:13 AM

克查fans果然見解獨到
建議比多3年蘇b佢重建
輸幾多場都冇所謂

睇左4個月已知佢冇料
蘇迷睇左1年多d仲覺得比時間克查成長
永續

老老實實
椰子仲教得好過克查
上年接手3個月開post話佢冇料
結果比9成話唔識波

到左今日都仲有4至5成

[ 本帖最後由 maxlammax 於 2020-2-13 11:16 AM 編輯 ]
作者: 求其就好    時間: 2020-2-13 11:16 AM

引用:
原帖由 n!cky 於 2020-2-13 10:06 AM 發表
其實蘇B上任既時間同情況都對佢不利....

第一就係佢上季季中接手執手尾....令人覺得佢教咗好耐...但其實上季佢都只係原用返上手既人腳....到佢自己親手執人, 其實打咗一季都未夠...

第二就係初上任既連勝, 令好多 ...


但係sob真係比唔到人信心呢 打左半季都見唔到隊形 上一場對狼隊嘅調動真係好大問題 佢又真係争唔落 比賽見到既佢唔係專心睇波就係同助教咬耳仔 應該多啲走出去嗌下 指揮下 雖然球員未必聽到 但嗌十次總有一次會收到嘅 成日坐喺度比人感覺的確唔係太好
作者: 求其就好    時間: 2020-2-13 11:21 AM

引用:
原帖由 maxlammax 於 2020-2-13 11:13 AM 發表
克查fans果然見解獨到
建議比多3年蘇b佢重建
輸幾多場都冇所謂

睇左4個月已知佢冇料
蘇迷睇左1年多d仲覺得比時間克查成長
永續

老老實實
椰子仲教得好過克查
上年接手3個月開post話佢冇料
...


我覺得炒唔炒好見人見智 但論領隊能力sob的確係比之前幾個都要差係不争既事實 繼續落去對各方面都冇乜好處 即使佢有兵都唔識打仗
作者: Macallan24    時間: 2020-2-13 11:24 AM

引用:
原帖由 waishun12 於 2020-2-12 09:17 PM 發表



唔好意思可能屌果陣唔覺意淺到你
你又唔係淺到我,只係見你突然呢排日日個個題個個post都有你蹤影起勢咁屌蘇斯克查,我覺得你咁做fans會好辛苦啫,我印象中你講過你都係老牌曼迷,好似英超成立前已經捧緊球隊,咁冇理由經歷唔到呢啲時期架喎,唔通我記錯?
作者: waishun12    時間: 2020-2-13 11:25 AM

引用:
原帖由 maxlammax 於 2020-2-13 11:13 AM 發表
克查fans果然見解獨到
建議比多3年蘇b佢重建
輸幾多場都冇所謂

睇左4個月已知佢冇料
蘇迷睇左1年多d仲覺得比時間克查成長
永續

老老實實
椰子仲教得好過克查
上年接手3個月開post話佢冇料
...


所以唔係黑柴嘅fans 你睇唔到黑齊嘅最深深處 包括我在內
作者: waishun12    時間: 2020-2-13 11:30 AM

引用:
原帖由 Macallan24 於 2020-2-13 11:24 AM 發表

你又唔係淺到我,只係見你突然呢排日日個個題個個post都有你蹤影起勢咁屌蘇斯克查,我覺得你咁做fans會好辛苦啫,我印象中你講過你都係老牌曼迷,好似英超成立前已經捧緊球隊,咁冇理由經歷唔到呢啲時期架喎,唔通我記錯? ...


我係唔係接受唔到曼聯嘅低谷 只係覺得黑柴帶隊令人慘不忍睹3場0入球 什麼0中龍 呢啲紀錄唔應該發生喺曼聯嘅身上
作者: 簡傑碧朗    時間: 2020-2-13 11:41 AM

引用:
原帖由 waishun12 於 2020-2-13 10:37 AM 發表



真係要求咁多位師兄指點下细佬迷津 呀領隊唔止一次換人慢係人都知唔係得我講 上場對狼隊好听就互有攻守 但係邊一邊嘅攻勢比較入肉呢 唔該自己問心比個答案 呢D都唔在讲 呀领队自己呆坐看台 闷到見到客隊換人佢先 ...


睇埋下半季先啦 你越鬧只會比人話你偏激啫 雖然我都幾認同你既觀點 靜觀其變吧
作者: faifai1234    時間: 2020-2-13 01:09 PM

其實sob一上任大家都知佢冇料架啦,個陣大家既心態都係唔旨望佢有咩成績,只係想佢執番正隊波既心態同希望以佢名宿既身份撥亂反正搞番掂個更衣室啫(貪佢後台夠硬冇人敢反佢),美其名用青訓,實際上就想推倒重來洗牌黎過,只係陣中大部份都係高薪低能,清都清唔走,要洗牌都要等幾年,sob份約3年,就係要比3年時間佢洗晒副牌,然後再搵個有能力既主帥帶番隊波上爭標行列,在我心目中sob都只係過渡性質幫隊波重建,要衝成績根本就唔會搵佢
作者: 簡傑碧朗    時間: 2020-2-13 02:00 PM

引用:
原帖由 faifai1234 於 2020-2-13 01:09 PM 發表
其實sob一上任大家都知佢冇料架啦,個陣大家既心態都係唔旨望佢有咩成績,只係想佢執番正隊波既心態同希望以佢名宿既身份撥亂反正搞番掂個更衣室啫(貪佢後台夠硬冇人敢反佢),美其名用青訓,實際上就想推倒重來洗牌黎過,只係陣 ...


我諗一間全球最多球迷(以前)既上市球會 有好多方面要交代 冇乜可能容許比3年時間佢慢慢執 理想同現實黑白好分明
作者: faifai1234    時間: 2020-2-13 02:14 PM

引用:
原帖由 簡傑碧朗 於 2020-2-13 02:00 PM 發表



我諗一間全球最多球迷(以前)既上市球會 有好多方面要交代 冇乜可能容許比3年時間佢慢慢執 理想同現實黑白好分明


所以而家咪想整靚盤數,唔再出天價人工,轉會費打死狗講價,而家再炒領隊又係要洗一大筆,但又唔保証有成績
作者: 世民兄    時間: 2020-2-13 02:26 PM

引用:
原帖由 簡傑碧朗 於 2020-2-13 02:00 PM 發表



我諗一間全球最多球迷(以前)既上市球會 有好多方面要交代 冇乜可能容許比3年時間佢慢慢執 理想同現實黑白好分明


時移勢易喇,再用話乜乜商業贊助理由去粉飾急功近利似乎行唔通。依個理由係老費剛退休果一兩年仲可以呃下人,依家已經無人信。

因為曾經重金禮聘現成球壇公認最即食既主帥都搞唔掂依班波,就已經證明俾班金主睇成功再無捷徑,除非一鋪過剷底重建,或者尚有一線機會。

班金主等唔切咪撤資囉,反正你估猶太鬼自己無諗過隨時賣盤跳船?反而算住度住仲合乎成本計算,依家再掟錢要先計下入唔入肉,如果使得太大,猶太鬼就算賣盤都未必冚得返條數,所以依家阿木計住度住咪反映了班膠層既心態囉。

係睇你接唔接受現實啫。不過你唔接受,現實都唔會改變。
作者: 簡傑碧朗    時間: 2020-2-13 02:29 PM

歐聯對曼聯太重要 重建路上不可或缺 亦都係好重要嘅資金來源 球迷可以等但贊助商唔會咁樣比時間你浪費 我地可以比時間sob 但贊助商得咩
作者: 世民兄    時間: 2020-2-13 02:34 PM

引用:
原帖由 faifai1234 於 2020-2-13 02:14 PM 發表



所以而家咪想整靚盤數,唔再出天價人工,轉會費打死狗講價,而家再炒領隊又係要洗一大筆,但又唔保証有成績


Ole上任一年買左四件,加加埋大約用了兩億,但渣古套現了七千五百萬,如果夏天普巴真係賣到億二至億五,條數剛好打個和。

猶太鬼即係完全無需要再自己掟錢俾Ole買人,純粹係拆東牆補西牆既方式重建,而Ole同時提升了幾位青年軍,再減磅幾件冗員,人工已經可以慳返一部份。

依家擺明就係幫緊猶太鬼慳住使,即使成績未見起色,但起碼唔使再好似雲方丈及摩佬咁不停開水喉,單係依點已經令阿木暫時唔會有炒Ole既動機,當然去到夏天埋單要再計數。

[ 本帖最後由 世民兄 於 2020-2-13 02:42 PM 編輯 ]
作者: 世民兄    時間: 2020-2-13 02:35 PM

引用:
原帖由 簡傑碧朗 於 2020-2-13 02:29 PM 發表
歐聯對曼聯太重要 重建路上不可或缺 亦都係好重要嘅資金來源 球迷可以等但贊助商唔會咁樣比時間你浪費 我地可以比時間sob 但贊助商得咩


咁咪換過批贊助商囉,密食當三番,大牌子唔吼曼聯,阿木咪搵多幾件cheap啲既品牌湊數,反正佢都只係圍大數。

都無諗過lego會同曼聯合作啦,我咪又係乖乖貢獻兩條嘢。

[ 本帖最後由 世民兄 於 2020-2-13 02:36 PM 編輯 ]
作者: 世民兄    時間: 2020-2-13 03:13 PM

引用:
原帖由 chiman0706 於 2020-2-12 07:23 PM 發表
咪理依啲傻佬。佢地睇曼聯既心態同當係條女一樣。我愛你所以要在屌你


都係依位師兄最清醒,睇波睇得咁辛苦,都唔知為乜?只有傻佬先會咁肉緊。

又或者好似師兄你咁講,唔吊又如何擦存在感?

早兩三年仲係方丈及摩佬揸旗,有幾條友又係乜都吊一餐,後來潛左水了,根本就為吊而吊。

[ 本帖最後由 世民兄 於 2020-2-13 03:16 PM 編輯 ]
作者: Totti888    時間: 2020-2-13 03:32 PM

我諗冇一個真正嘅曼聯球迷會預期球會換新領隊之後係會場場踢西波兼不需要交出成績。

現在唔炒領隊因要俾一大筆解顧費兼唔保証有成績,完全係柒娥思維:今天不封關因會影響香港人從內地回港入境,也不保証不會再有本地感染個案。
作者: 世民兄    時間: 2020-2-13 03:39 PM

引用:
原帖由 Totti888 於 2020-2-13 03:32 PM 發表
我諗冇一個真正嘅曼聯球迷會預期球會換新領隊之後係會場場踢西波兼不需要交出成績。

現在唔炒領隊因要俾一大筆解顧費兼唔保証有成績,完全係柒娥思維:今天不封關因會影響香港人從內地回港入境,也不保証不會再有本地感染 ...


幾年前已經講依個城市同曼聯好相似,又係曾經風光無限,今日不進則退,食老本坐食山崩。

膠層無能,一街习民。個個淨係懷念以前點威點威,又唔睇下今時今日自己乜嘢料。

班揸旗既換完一個又一個,越換越衰,但其實有甚麼樣的球迷,自然就有甚麼樣的球會。
作者: 簡傑碧朗    時間: 2020-2-13 04:41 PM

引用:
原帖由 Totti888 於 2020-2-13 03:32 PM 發表
我諗冇一個真正嘅曼聯球迷會預期球會換新領隊之後係會場場踢西波兼不需要交出成績。

現在唔炒領隊因要俾一大筆解顧費兼唔保証有成績,完全係柒娥思維:今天不封關因會影響香港人從內地回港入境,也不保証不會再有本地感染 ...


呢D可能就係sob既魅力所在 炒佢換人就等於急功近利 保住佢 係球隊 就等於長遠健康發展 其實睇依家欣賞曼聯90分鐘嘅賽事都只係一種娛樂 但完場就好熄電視 因為無論勝負之後嘅數據 往往都令到人好難受
作者: 簡傑碧朗    時間: 2020-2-13 04:46 PM

引用:
原帖由 世民兄 於 2020-2-13 03:39 PM 發表


幾年前已經講依個城市同曼聯好相似,又係曾經風光無限,今日不進則退,食老本坐食山崩。

膠層無能,一街习民。個個淨係懷念以前點威點威,又唔睇下今時今日自己乜嘢料。

班揸旗既換完一個又一個,越換越衰,但其實有甚麼樣的 ...


師兄既層次係高一層 名句理論真係要再三咀嚼 「有什麼樣的球迷就有什麼樣的球會」 我諗呢度唔係好多人會明 包括我
作者: 求其就好    時間: 2020-2-13 04:48 PM

引用:
原帖由 簡傑碧朗 於 2020-2-13 04:46 PM 發表



師兄既層次係高一層 名句理論真係要再三咀嚼 「有什麼樣的球迷就有什麼樣的球會」 我諗呢度唔係好多人會明 包括我


X 2
作者: 世民兄    時間: 2020-2-13 05:04 PM

引用:
原帖由 簡傑碧朗 於 2020-2-13 04:46 PM 發表



師兄既層次係高一層 名句理論真係要再三咀嚼 「有什麼樣的球迷就有什麼樣的球會」 我諗呢度唔係好多人會明 包括我


或者咁講,今時今日既曼迷根本不配擁有一個英明領導層,咁係咪直接啲呢?

幾年前吊鳩莫天才既係你地,跟手吊雲方丈既又係你地,連摩佬都俾你地吊死埋,果果主帥都因為猶太人迫於球迷壓力換人,輪落到今時今日既田地,曼迷根本係自找。

依家又輪到Ole,你地咪繼續吊囉,吊死埋佢又有乜所謂,反正都睇唔到有邊個可以即時起死回生。

唯一曼迷吊唔死,又或者吹佢唔漲既係阿木,典解呢?因為曼迷無本事買起曼聯,趕走格拉沙咪話到事囉。但典解趕唔走?曼迷茅錢嘛。

一日猶太人揸旗,曼聯都係佢既私人資產,佢如果真係當球迷透明,就算你點吊都係唯有硬食。

之前三任都話因為格拉沙怕球迷嘈,驚金主撤資,所以急急換人,但依家睇果勢猶太人好大機會當你班友唱歌,除非有好突然既白武士出現,否則你地都係繼續你有你吊,猶太人啋你都有味。

黑衣人燒阿木屋企有鳩用咩?一係你就直接買起猶太鬼,但走左一件猶太鬼,一樣有機會出現另一件吸血鬼。

成件事幾時輪到曼迷話事?

典解班膠層咁廢都無有怕?鬼咩,你班友走得去邊?你地咪一樣一邊睇一邊買波衫一邊繼續吊。根本你唔睇曼聯咪無事囉。

[ 本帖最後由 世民兄 於 2020-2-13 05:12 PM 編輯 ]
作者: waishun12    時間: 2020-2-13 05:12 PM

引用:
原帖由 世民兄 於 2020-2-13 05:04 PM 發表


或者咁講,今時今日既曼迷根本不配擁有一個英明領導層,咁係咪直接啲呢?

幾年前吊鳩莫天才既係你地,跟手吊雲方丈既又係你地,連摩佬都俾你地吊死埋,果果主帥都因為猶太人迫於球迷壓力換人,輪落到今時今日既田地,曼迷根 ...


1581585145440.jpg
呢張成績表就會係完季後既白武士 不過中期試呢張就唔敢比家長簽名

圖片附件: 1581585145440.jpg (2020-2-13 05:12 PM, 141.76 KB) / 該附件被下載次數 9
https://www.uwants.com/attachment.php?aid=12139162


作者: huskycss    時間: 2020-2-13 05:23 PM

如果因為球迷壓力就會換人,我諗第一個換嘅就係阿木。
但又話球迷吊唔走阿木喎,咁即係即使有壓力,唔想換都唔使換。
咁就代表壓力根本唔係決定性因素,而係老闆話事。
跟配唔配有英明領導層,更加係完全無關。
做得領導層,原來可以因為球迷參差,就可以唔英明?
曼聯堂堂世界最多球迷球會,乜類型球迷都有,我唔知邊度可以比較到唔同球迷質素。
之前利迷比全世界笑,唔通佢地又唔值得一個好管理層?
多餘,領導層做得好,球迷自然就正正常常。
作者: 世民兄    時間: 2020-2-13 05:28 PM

引用:
原帖由 waishun12 於 2020-2-13 05:12 PM 發表



[attach]12139162[/attach]
呢張成績表就會係完季後既白武士 不過中期試呢張就唔敢比家長簽名


我個人黎講,就一定繼續支持Ole既。

但若果最後都係換人,亦唔意外,反正今時今日既曼聯,邊個教都係一鳩樣,只要膠層唔變,根本唔會有長遠規劃。

不過始終過去幾年曼聯雞左幾任主帥,唔多唔少都有一班前任教練粉絲懷恨在心,希望曼聯仆街,又或者其他人希望借機抽水,所以Ole成為箭靶亦都意料之內,曼聯主帥依個位,預左要幫膠層硬食。

作為老鬼球迷,我就睇化,曼聯變成點,叫做有生之年試過風光,無憾啦。
作者: 世民兄    時間: 2020-2-13 05:35 PM

引用:
原帖由 huskycss 於 2020-2-13 05:23 PM 發表
如果因為球迷壓力就會換人,我諗第一個換嘅就係阿木。
但又話球迷吊唔走阿木喎,咁即係即使有壓力,唔想換都唔使換。
咁就代表壓力根本唔係決定性因素,而係老闆話事。
跟配唔配有英明領導層,更加係完全無關。
做得領導層,原來 ...


利迷所以咪要等三十年先等到英明腦細,再搵到高主教囉,你覺得利迷有本事可以搵到英明腦細?咪又係等運到,所以曼迷慢慢等啦。

一味嘈格拉沙無用架,有本事就買起佢,咁你就可以話事。

格拉沙早幾年就係因為怕金主贊助流失,先俾你班友嘈完一件又一件,依家蝕到入肉,咪即管睇下佢係咪會因為你地嘈而開水喉,又或者繼續唔啱換到啱。

係格拉沙立場,主帥換人就無乜所謂,因為唔係幫格拉沙搵錢嘛,咪俾你班友當出下氣囉,但阿木就唔同,係格拉沙打手兼搵水,你地如果吊得走佢既,早就吊走左啦,使等到依家?

明知膠層點吊都唔走兼係罪魁禍首,主帥只係擋箭牌,球迷如果當日無吊得咁行,格拉沙唔使急急搵人揹鑊,前三任主帥有時間空間真係重建,咪或者唔使搞到今日咁囉。

作為球迷,唯一可以做就係不論球隊順逆,都一如既往支持球隊,能否堅持就係球迷質素既分野。

利迷有本事等足三十年而不大量流失,係人地值得擁有等到英明腦細既一天,依家就係考驗曼迷是否有此質素捱到再遇到英明領導既一日。

[ 本帖最後由 世民兄 於 2020-2-13 05:51 PM 編輯 ]
作者: faifai1234    時間: 2020-2-13 06:32 PM

引用:
原帖由 Totti888 於 2020-2-13 03:32 PM 發表
我諗冇一個真正嘅曼聯球迷會預期球會換新領隊之後係會場場踢西波兼不需要交出成績。

現在唔炒領隊因要俾一大筆解顧費兼唔保証有成績,完全係柒娥思維:今天不封關因會影響香港人從內地回港入境,也不保証不會再有本地感染 ...


問題係唔係而家先踢西波,係費sir退休之後4個領隊都係踢西波,但深層次既問題都未解決過
作者: 求其就好    時間: 2020-2-13 09:41 PM

引用:
原帖由 世民兄 於 2020-2-13 05:35 PM 發表


利迷所以咪要等三十年先等到英明腦細,再搵到高主教囉,你覺得利迷有本事可以搵到英明腦細?咪又係等運到,所以曼迷慢慢等啦。

一味嘈格拉沙無用架,有本事就買起佢,咁你就可以話事。

格拉沙早幾年就係因為怕金主贊助流失, ...


點解uwant 9up下都講到咁嚴重呢 支持soc就係忠心Fans 唔支持就係抽水假Fans ? 講真soc點教都係佢既事 就算係當地既球迷都左右唔到球會既大方向 至何況香港咁屎細既地方 不如大方些小 唔好標簽人地啦 各有各吹 老球迷未必睇野係對 正如老香港人撐政府又啱咩
作者: ※※※    時間: 2020-2-13 10:04 PM

引用:
原帖由 waishun12 於 2020-2-13 10:37 AM 發表



真係要求咁多位師兄指點下细佬迷津 呀領隊唔止一次換人慢係人都知唔係得我講 上場對狼隊好听就互有攻守 但係邊一邊嘅攻勢比較入肉呢 唔該自己問心比個答案 呢D都唔在讲 呀领队自己呆坐看台 闷到見到客隊換人佢先 ...
好多人都用管理層同球員有問題做藉口,迴避黑柴冇能力領軍既問題,如果係我既話直頭會話炒埋欽點佢果個,以絕後患
作者: waishun12    時間: 2020-2-13 10:23 PM

引用:
原帖由 ※※※ 於 2020-2-13 10:04 PM 發表
好多人都用管理層同球員有問題做藉口,迴避黑柴冇能力領軍既問題,如果係我既話直頭會話炒埋欽點佢果個,以絕後患


人地唔係迴避 係撐 撐佢地既所謂方向正確只係時間未夠 撐黑柴因為佢教曼聯有進步至小仲有機會争前4所以87分鐘換人都冇問題 撐之前D前任領隊係大花筒又冇成績歐霸冠軍 聯賽第2都係西波西返嚟 撐開唔認同佢地既人因為呢D人(即係我呢D急功近利冇遠見既假球迷)
作者: ※※※    時間: 2020-2-13 11:23 PM

引用:
原帖由 waishun12 於 2020-2-13 10:23 PM 發表



人地唔係迴避 係撐 撐佢地既所謂方向正確只係時間未夠 撐黑柴因為佢教曼聯有進步至小仲有機會争前4所以87分鐘換人都冇問題 撐之前D前任領隊係大花筒又冇成績歐霸冠軍 聯賽第2都係西波西返嚟 撐開唔認同佢地既人因 ...
真心撐佢既話就應該支持佢打好基本功再搵大球會證明佢自己既能力,哪怕到時佢唔係曼聯,球迷都會戥佢高興。e+已經夾硬俾左個機會佢去證明自己,但事實就係黑柴根本未夠實力,無法證明自己
作者: 簡傑碧朗    時間: 2020-2-13 11:26 PM

引用:
原帖由 ※※※ 於 2020-2-13 10:04 PM 發表
好多人都用管理層同球員有問題做藉口,迴避黑柴冇能力領軍既問題,如果係我既話直頭會話炒埋欽點佢果個,以絕後患


其實唔難理解 fans眼中既偶像係唔會有缺點 佢地認為sob已經做得合格有餘 就算現在有不足 都唔轮到非我俗類說三道四 可以話為堅持而堅持
作者: ※※※    時間: 2020-2-14 12:24 AM

引用:
原帖由 簡傑碧朗 於 2020-2-13 11:26 PM 發表



其實唔難理解 fans眼中既偶像係唔會有缺點 佢地認為sob已經做得合格有餘 就算現在有不足 都唔轮到非我俗類說三道四 可以話為堅持而堅持
如果黑柴係有料既話,佢就唔會接受欽點呢個捷徑嚟教曼聯,而會循序漸進。所以e+就算俾咗機會佢,佢都未有足夠能力證明自己,倒不如佢暫時去靠自己磨練下,將來真正成材再挑戰執教大球會。




Copyright © 2003-2020 Uwants.com