Board logo

標題: [其他] 電流戰爭 [打印本頁]

作者: MrCU204    時間: 2019-8-20 10:22 PM     標題: 電流戰爭

愛迪生同威斯汀豪搞嘅,係配套,亦就係 發→輸→變→供  成set嘢,  第一部商用發電機係西門子出嘅,交流直流都係而且都響1866年,   

可惜當年未有電子技術,愛迪生嘅真空管又未得,如果唔係,特斯拉要贏都贏得冇咁輕鬆,加上愛迪生犯咗無良老闆會犯嘅錯,無疑放虎歸山,所以佢嘅直流系統業務至輸得咁快,   

邊樣贏,市場話事,邊個贏,頭腦話事,點都好,愛迪生喺勞資關系同宣傳手法上有污點又衰古板, 不過總體嚟講,佢哋嘅競爭仲算係 君子之爭,而且推動咗西方科技嘅發展進步。
作者: MrCU204    時間: 2019-8-20 10:33 PM

https://zh.m.wikipedia.org/zh/%E9%9B%BB  
https://zh.m.wikipedia.org/zh-cn/%E5%8F%91%E7%94%B5%E6%9C%BA  




電,唔單止照明同出力,資訊科技同好多服務都靠佢,可以話,電,係人類文明發展必爭嘅制高點,邊個先識用,邊個就有未來!
作者: MrCU204    時間: 2019-8-20 10:44 PM

電→熱→光  ,係燈膽做嘢嘅換能過程,  
燈膽嘅光係靠熱力谷出嚟嘅,發光部件需要好穩陣咁裝喺容器入便,而且絕對唔得因高溫而走樣甚至熔咗,   
根據自然規律,物質要去到四五百度至開始隱隱發紅,如果低過 400℃ 經已氣化就好對唔住,  
用高沸點液體都得,不過,啲液體除咗唔可以變質或者分解,仲要諗有冇啲頂得熱而且唔會同高溫液體反應嘅透明材料嚟包住,   
如果冇,燈絲就唯有用固體嘞,根據自然規律,物質要煲到可以發出好似熱頭咁色嘅光,溫度要 3000℃ 以上,好多物料經已頂唔蒲熔鬼晒啦,係剩返碳同鎢,可以去到 4000℃ ,不過,高熱碳絲擺響車度一定震散(比大光燈嘅燈紗更加唔襟用)!     
光,係電子躍遷出嚟嘅,熱釋光無論乜嘢色,熱致躍遷嘅效率都好低,去到白熾狀態要嘅溫度又咁死高,理論上,熱量可以諗計點困住(祇可以困住,唔可以利用)唔使一路嘥電,但係,hold住條燈絲㷫要俾嘅電莫講話停,少啲都唔得,咁就要使好多電,所以,燈膽嘅效率咁低。

[ 本帖最後由 MrCU204 於 2019-8-21 10:33 PM 編輯 ]
作者: MrCU204    時間: 2019-8-21 09:32 PM

真空管,係愛迪生玩燈膽玩出嚟嘅,後世因佢嘅發現而精彩,   
真空,唔係導體,唔係絕緣體,亦唔係半導體,導電能力視乎你俾嘅條件 呢樣似半導體,  

真空過唔過到電。取決於帶電部份嘅電子射唔射到出嚟,如果有個電極係唔使煲都射到電子出嚟嘅話,咁呢隻真空管就會好似半導體二極管咁樣,一上電就通(電調轉駁就唔通)冇阻力嘅。
作者: MrCU204    時間: 2019-8-22 01:26 PM

跨越空間嘅電流,有四種傳導方式,
載子束流,輝光放電,弧光放電,位移電流,   
位移電流係冇電子參與嘅,靠電場做嘢,個電場要唔停咁喐至可以起到等同於電流嘅作用同效果,  
真空管入便,陰陽兩極之間乜都冇,阻電嘅導電嘅都冇,過電,靠嘅係熱電子發射,燈絲要夠㷫至射得出電子嚟,呢樣對三極管尤其重要!   

輝光放電屬於場致發光,主力係電子嘅能級變化,電流祇係配角,當電子由激發態落返基態嗰陣就會放返啲能量出嚟,霓虹燈咪就係靠咁發光㗎囉,試電筆個氖泡 同光管士撻都係,  

弧光放電係物質本身嘅擊穿,唔單止係電子嘅能級變化,仲涉及物料嘅破壞(擊穿電離),電弧好光猛,燈膽同霓虹燈根本冇得揮,蠟燭就更加唔使講,1808年,Humphry Davy 發明咗世界第一盞弧光燈,光就係夠晒光嘞,衰在好似蠟燭咁,一字點一字蝕冇壽命可言,想長點長有仲係要加返個殼至得。
作者: MrCU204    時間: 2019-8-22 06:58 PM

H. I. D ,唔係 冷光源!   
比起燈膽,輸出同效率都高好多,  

H. I. D ,可以睇成係 以氣體為燈絲嘅白熾燈,  

要氣體起到燈絲嘅作用,必須將氣體嘅絕緣狀態徹底破壞,變成完全電離嘅狀態,  

電弧就係咁樣, 氣體嘅絕緣狀態雖然徹底破壞,但祇要冇任何化學變化發生,氣體就能夠響熄燈之後即刻完全復原,  

電燭,可以話係原始嘅 H. I. D ,佢係 開放式,一次性 嘅,撻着之後,電極同空氣都會發生化學反應,好似蠟燭咁成枝冇晒,  

H. I. D 要求電極同「燈絲」都可以無限期使用,空氣係做唔到嘅,要用惰性氣體至得,惰性氣體除咗可以重覆使用仲保護埋電極,不過要搵嘢包實至留得低㗎,所以,H. I. D 一定要殼,  

溫度,係分子騷動嘅強度,騷動越緊要,活動範圍亦越大,如果唔俾佢膨脹,壓力就升高,分子騷動相當於電阻入便嘅晶格震動,溫度越高,電弧嘅阻力就越大,當氣壓高到某程度,電弧嘅電流就會減小,如果電源電壓跌一跌或者斷電,或者燈管老化,盞燈就會點點吓自已熄,等泡氣攤凍又着得返,咁就變咗 無限重啟。
作者: MrCU204    時間: 2019-8-22 08:55 PM

電流戰爭,與其話系統之爭,不如直頭話係 用邊種電 之爭,  
不過。將法拉第嘅成果轉化成 社稷重器 嘅,唔係佢哋三個,係 西門子,  

電流戰爭嘅主角,實際上係 愛迪生同威斯汀豪,特斯拉 不過係 踩隻腳入嚟,不過呢一踩就造福後世意義重大。咁嘅奇才唔入局簡直係嘥料!   

發電機雖然唔係 愛迪生,威斯汀豪同特斯拉 佢哋發明嘅,之但係,電係發電機發嘅,發電機係成個電網嘅源頭,作為生意佬梗想賺多啲,作為頂尖級科學家總希望啲設備越嚟越勁,咁就唔爭在順手改良埋啲發電機啦係咪,今時今日啲發電廠唔通仲用法拉第嗰部咩?!
作者: MrCU204    時間: 2019-8-22 11:16 PM

喺電機領域,愛迪生同特斯拉之爭,除咗 交流vs直流,其實仲有一層,就係 動圈同動磁 之爭,  
動圈機,一定要搵 電刷 嚟過電,電刷,運力有限而且維護麻煩,仲有 EMI 問題,一開摩打,收音機就嘈,認真冇癮!  


發電機,變成電嘅,係動能,磁場要嘅電其實唔多,佔發電機嘅負荷可能 1% 都冇,轉子做磁場,電刷要過嘅電少好多,磁場如果係永磁,就完全唔使電刷添,  

定子位置點都多過轉子,可以擺多拃線,發電機嘅輸出其實唔會多咗,但係你可以將輸出分攤比多啲繞組去承擔,咁每個繞組可以用粗啲嘅線減少內阻,而且,轉子俾動能,定子嘔電直駁負載, 咁嘅 動→電 轉換方式係完全合理嘅。
作者: MrCU204    時間: 2019-8-23 11:50 PM

三相異步電機屬於 磁鏈型 電機,又係世上第一種冇刷電機,  
三相異步電機係就係特斯拉發明嘅,不過原創嘅其實另有其人。
作者: MrCU204    時間: 2019-8-24 06:36 PM

電機,電機,電機係咩料?!   
電機,就係 動能↔電力 嘅轉換器,  

響呢度講嘅係以磁為媒介嘅電機,磁,係靠電流建立嘅,所以,摩打有電就喐得,發電機想發到電,如果唔係用攝石,就要另事俾電至做到嘢。
作者: MrCU204    時間: 2019-8-24 07:49 PM

根據人類對自然規律認識嘅過程,實用電機最先係動圈式,動圈式一定係有刷嘅,  
特斯拉發明咗 異步電機,係三相嘅,(費拉里斯都係仲早特斯拉兩年添),兩年後,籠式轉子嘅機種出嚟嘞,籠係灌注成形,慳功夫,唔使好似做髮型咁set啲繞組set餐懵,實淨,風阻細,
作者: MrCU204    時間: 2019-8-25 04:50 PM

電機,以磁路嚟分,有徑向同軸向兩種,軸向磁場嘅機種,轉子通常係塊薄餅,徑向磁場,轉子係滾桶式嘅,有環型同鼓型兩種,到咗電流戰爭嘅年代,環型經已淘汰,  
法拉第盤,係純直流電機,純直流機種似乎祇有軸向磁場至做得到,滾桶機可以食純直流,但係發純直流係發唔到嘅,  

滾桶身上嘅每一處,電壓都唔同而且都係一路轉一路變,但係,滾桶每一處所經過嘅某一點(亦即係攝石上嘅某一點),電壓係固定㗎,呢樣大家睇出冇?!  

相,響電工學度有三個意思,相位,組別同熱端,機發交流電天生就係多相嘅,唔同地方就已經係唔同相位,你響幾個地方出線就可以得到多相電,唔使攞幾個唔同相角嘅電源嚟砌嘅,  

滾桶機發嘅交流電,唔係 線偏振 而係 旋轉偏振 嘅,就好似圓,圓嘅參數有 半徑同角速度 兩項,滾桶機發嘅電,唔係交流,係 旋轉直流,亦就係圓嘅半徑,  

理論上,如果有電刷,多相電完全唔使任何電子技術手段同零件就變到頻,喐個電刷就得,發直流電其實亦係 交交變頻,有刷機係轉子嘔電,磁場唔轉,電壓就唔轉,咁電刷擺梗喺度攞到嘅就係直流(有紋波,因為嘔電嘅係線圈,匝與匝之間有漆皮分隔,相位係唔連續嘅)囉,你想攞幾高電壓,可以將個電刷擰咩啲嚟就,不過,擰得太咩會造成其他問題,收音機可以用 窩林 校大細聲,發電機係冇人會將電刷當窩林用嘅。
作者: MrCU204    時間: 2019-8-25 07:09 PM

1893年,特斯拉示範咗 哥倫布蛋,  
佢冇軸,做唔到摩打,當陀螺玩就得,唔使手撻仲可以做埋磁浮添,  

勢估唔到,呢隻銅蛋依家竟然有佢發揮實用價值嘅埞方,成咗新一代嘅異步摩打,用響電動車副偈度,  

摩打有電就喐得,不過其實有樣例外先前唔記得講,如果係磁鏈型但又冇攝石嘅,就扯唔喐,解決方法就係 感應俾電,感應出嚟啲電就可以令嚿鐵當攝石用,咁個摩打就做到嘢嘞,  

異步電機嘅致動方式,有 多相電源,罩極同電容分相 三種,滾桶機嘅磁場結構,有凸極同隱極兩種,罩極機一定係凸極同單相,多相機通通係隱極,電容分相依家仲用凸極嘅睇怕又都冇乜嘞,  

凸極隱極,睇嘅其實唔止嚿鐵,點佈線同點過電都關事,就算你用嘅係隱極鐵芯,如果設計出嚟個磁場係有罅嘅,亦即係話個鐵芯有啲位冇用到,個磁場係一橛橛嘅,咁一樣係凸極。
作者: MrCU204    時間: 2019-8-25 07:49 PM

玩完哥倫布蛋,跟手又玩遙距點燈,   
呢家嘢,響1886年 赫茲 玩過,佢用 白金機 打出長長嘅火花,擺喺隔籬枱嘅銅鈪居然跟住放電,當然咯,赫茲嘅試驗為咗嘅唔係點燈,而係到後來佢證實咗,電磁波係可以隔空傳播嘅(嗰陣,特斯拉嘅燈仲未點)!
作者: MrCU204    時間: 2019-8-26 08:00 PM

如果我理解冇錯,特斯拉遙距點燈用嘅原理就係赫茲嗰套,唔係遙控,亦唔係無極燈,特斯拉線圈嘅人造雷又都唔可能劈到廿幾公里咁遠,莫講嗰陣,就算依家都唔得!   
赫茲隻鈪有幾大,咁短嘅線可以放到電,就算行雷劈落佢間屋度都未必得啦,睇嚟赫茲部白金機啲電磁場真係好勁,咁,用電台發射塔重覆呢個實驗得唔得呢,睇嚟唔得嘞,如果得嘅話,往喺離電台唔夠廿公里嘅用戶啲原子粒瓜晒啦,就算隻鈪擺喺電台發射塔附近都未必放到電,斷估係因為,對呢種玩法嚟講,廣播電波嘅頻譜太純。
作者: MrCU204    時間: 2019-8-26 09:28 PM

引用:
原帖由 MrCU204 於 26/8/2019 20:00 發表 如果我理解冇錯,特斯拉遙距點燈用嘅原理就係赫茲嗰套,唔係遙控,亦唔係無極燈,特斯拉線圈嘅人造雷又都唔可能劈到廿幾公里咁遠,莫講嗰陣,就算依家都唔得!……

我懷疑,呢個所謂嘅「遙距點燈」,其實係咪 遙控着燈熄燈 呢,  

係就好合理,以嗰陣嘅科技水平加上特斯拉佢咁犀利嘅科學頭腦,完全做得出,事實上,佢係有發明遙控器嘅,  

反而響今時今日,遙控器或者對講機射到咁遠就違規犯法,遠(甚至更遠)程嘅遙控或者通訊祇可以透過數碼基站嚟傳達。
作者: MrCU204    時間: 2019-8-26 10:10 PM

引用:
原帖由 MrCU204 於 23/8/2019 23:50 發表 三相異步電機屬於 磁鏈型 電機,又係世上第一種冇刷電機,  
三相異步電機係就係特斯拉發明嘅,不過原創嘅其實另有其人。




特斯拉同費拉里斯嘅異步電機,可能係不謀而合,  

愛迪生喺燈膽嘅發展史上,其實唔算係發明人而應該係改良者,

發明 碳弧燭 嘅嗰位仁兄都整過燈膽,整出嚟係work㗎。
作者: MrCU204    時間: 2019-8-27 10:00 PM

白熾燈嘅開拓者,係化學家,放電燈居然又係,   
1898年,氖氣發光,1902年,水銀燈出場,不過,正式嘅光管就要等到一九三幾年至上市,  

光管好夠光,光猛得嚟唔倀眼,又唔㷫,又慳電 (發熱係勁嘥電嘅,唔㷫就用少好多電),又唔易瓜,咁好嘅電燈最啱係屋企用啦,  

光管,屬於低壓汞燈,係輝光放電嘅,同弧光放電唔一樣,雖然光管撻燈嗰陣要煲燈絲,不過,燈着咗,條燈絲就唔應該紅嘅,燈絲太㷫已經係唔正常,紅就直頭係唔妥!
作者: MrCU204    時間: 2019-8-27 11:38 PM

以嗰陣嘅科技水平,特斯拉造出 15000Hz 嘅發電機,掯!  
以依家嘅科技水平,開關式電力調控設備行嘅如果係 15000Hz ,流!  




交流直流,都有磁場同線損嘅問題,交流電嘅磁場會喐,頻率越高,對環境嘅影響就越顯著,三相扎埋成一條線可以將電磁輻射抵消,不過,幾十百萬伏嘅電壓 點絕緣呢,電線有阻力嘅,太長就食電,電要四圍派,要有變電站做駁腳,咁又都可以令到條線唔太長,市電如果用高頻,條線嘅特性阻抗係固定嘅,幾長都唔變,但係線材電阻嘅存在就會令問題複雜咗。
作者: MrCU204    時間: 2019-8-28 02:23 PM

特斯拉嘅遙距點燈,傳輸嘅到底係電力定係信息,  
如果係電力,佢做嘅就係赫茲銅鈪實驗嘅進階版,亦成為世界上第一套有源頭有終端,完完整整嘅無線輸電電力網絡(未開發版)。
作者: MrCU204    時間: 2019-8-28 09:21 PM

1893年,特斯拉 除咗玩哥倫布蛋,仲展示咗佢嘅無線磷光照明燈,當時點燈用嘅係佢響兩年前發明嘅特斯拉線圈,隻燈完全冇線楞住㗎,  
到咗2001年,皮尼奧萊喺非洲示範無線輸電,用嘅係 磁控管,點嘅係燈膽,佢呢種無線輸電其實唔係完全無線,接收者要用 高頻頭同燈頭 嚟攞電,  
特斯拉響長島點着25英里外嘅大氖燈,氖識發光係1898年嘅發現,銅鈪嘅遙感放電1886年就做出嚟,特斯拉搞無線輸電係1889年,咁睇嚟,如果氣體通電發光嘅現像早十年發現,無線點燈完全可以俾赫茲玩埋,氖好易着,赫茲隻鈪既然喺空氣中都打到火,要將隻網球咁上下大細嘅氖泡點着應該唔係問題,隻鈪包咗響炮裏頭,出便咩零件都冇㗎。
作者: MrCU204    時間: 2019-8-28 11:00 PM

水力發電原來喺1896年就上場,尼亞加拉大瀑布咁好力,唔好好利用都對佢唔住啦,到咗呢步,愛迪生大勢已去(不過對交流電佢係死人都唔認受嘅),


交流電嘅優點(至少到依家都仲有優勢)遲早會有越嚟越多人認識,直流系列要發圍唔容易,不過如果愛迪生識得善待特斯拉,歷史就唔一樣,  

愛迪生衰在算死草,打賞側側膊人工冇得加,大把公司爭住請使同你揸頸就命,就係咁,幫手變咗對頭,等如放虎歸山!  

知已知彼,百戰不殆, 本身係猛料,又做過自己友咁耐,知晒你間嘢嘅底添,一倒戈相向你就邊度都唔使去,除非你係仲有殺手鐧嘅咁又另計啦,  

況且,當年嘅僱佣法規或者合約又都冇話  無論炒魷定擗炮,響幾多年內甚至永遠唔准做返嗰行或者自立門戶  咁樣,特斯拉 蟬過別枝你吹佢唔脹;仲有,唔發打賞算違約,唔加人工係無良,如果喺口頭協議都有法律效力嘅今日,告得㗎!
作者: MrCU204    時間: 2019-8-29 01:47 PM

一方面,愛迪生犯咗做老世都興犯嘅錯,因小失大!  
另方面,以特斯拉嘅本事同意志,注定去到邊都做唔長,  

特斯拉當然會克盡己職打好佢份工,但係,勞資雙方 channel 唔啱又唔肯 cross over ,咁點合作呀,仲有,如果員工有自立門戶嘅打算同本事,老世再好都係留人唔住嘅。
作者: MrCU204    時間: 2019-8-29 06:20 PM

特斯拉 點解臨老唔過得世,總結嚟講,就係衰 疏於理財同維權加上過份進取,  
愛迪生嘅發明創造平實好多,冇特斯拉咁多奇思妙想,驚世駭俗就直頭係欠奉,  

舊年,央視嘅《大國重器~做血通脈》介紹咗 1.1MV 直流輸電,愛迪生佢如果泉下有知,又會有乜感想?!  

磁控管同晶體管,都係響二十世紀至面世,愛迪生嘅真空管又冇下文,二極真空管1904年出世,三極電子管就喺1907年上場,直流輸變電所需嘅高科技未有嘢 support 到,可謂時也命也咯,人才外流,助手變咗對手,仲有得揮咩?!  

無線輸電係1889年發起嘅,銅鈪放電嘅發現係響1886年,如果愛迪生佢識試吓搵赫茲合作,話唔定都可以搞出無線輸電嘅雛形嚟,甚至可能幫到愛迪生造出可供實用嘅真空管(磁控管都係真空管)。
作者: MrCU204    時間: 2019-8-29 08:48 PM

特斯拉同愛迪生,一個衰理財,一個衰理才,
而愛迪生打敗仗同特斯拉臨尾香嘅共同原因,就係 科技發展未到位,  
特斯拉線圈,交直流電都用得,磁控管同白金機用嘅係直流電,而呢三樣嘢放出嚟嘅,其實都係交流電!  
不過,微波輸電,負載收到嘅,係直流,微波,胜在能夠集結成束,咁就唔單止電磁輻射污染小,發電廠擗上去嘅電仲可以幾乎陷辦冷執返晒添,嗱,微波輸電係要整流嘅,咁即係話,直流輸電,街線過嘅係直流啫,但係變電嗰part可以用磁控管處理吖馬係咪?!
作者: MrCU204    時間: 2019-8-30 12:48 PM

廣播電臺有 中波,短波,超短波 呢三瓣,短波傳遞靠嘅,就係電離層,話就話似波導或者光纖啦,我覺得其實祇係當鏡用啫,



特斯拉嘅無線輸電,利用嘅點止係電離層,實際上係由地面到電離層嘅成個大氣圈,將成個空間攞嚟做諧振腔,聽講話叫做 舒曼共振 喎,呢種震蕩話係由閃電引發嘅,頻率係 7.83Hz ,  

嗱,雲同地可以睇成係電容兩極,靜電屬於直流電,閃電,你可以話佢係方波,頻率由零至無窮大,閃一嘢電通常係零點幾秒,換言之,基波頻率係好低嘅,舒曼共振可以將閃電嘅大部份能量吸收利用,  

閃電雖然唔係成日有,不過劈一嘢都幾金㗎,富蘭克林嘅風箏引電太牙煙,如果特斯拉呢招真係work,閃電晨早經已俾人利用啦,  

另一個版本,就係將電離層同地當電容用,特斯拉枝「通天塔」做電感,串聯諧振,咁就唔係舒曼共振喇喎,呢個天地電容器同特斯拉枝「通天塔」嘅共諧振頻率係幾多呀,Q值呢,又有幾高先?!
作者: MrCU204    時間: 2019-8-30 09:21 PM

7.83Hz ,屬於 極低頻 ELF ,佢可以穿過海水,咁即係話,唔單止隨街攞到電,浘水都照樣得,之但係,頻率咁低,要幾大枝天線至食到夠電器用嘅電力呢?!  
後世的人類,將可以在宇宙中任何地方穫取電力驅動設備,呢個係特斯拉嘅愿景,實際上,高空真係有電力,係靠太陽風嚟提供,唔使人俾而且長用長有,電壓幾萬伏特,電流,小則十幾萬,大嘅可以過百萬,係 安培 呀,佢就係造成極光嘅 白克蘭電流(喺1908年發現嘅)!
作者: MrCU204    時間: 2019-8-31 04:32 PM

除咗交流電網,特斯拉仲有一啲正經嘢,全球廣播佢都有搞,不過就俾馬可尼打沉咗,無線輸電試驗又出唔到成績,呢勻確係頭痕喇,  
無線輸電,點盞燈唔太難,之但係喂,全球供電喎大佬,我算你一枝塔孭得晒飛,但係合唔合符營運同應用策略先,好嘞,人哋用微波掂咗,你特斯拉嘅舒曼共振要用嘅技術到位未呢?!  

當然,小小苦楚等於激勵啫,特斯拉邊會咁易謝㗎,佢嘅科技狂熱到死嗰日都冇停,祇係諗出嚟啲嘢越嚟越脫離群眾,冇民用價值,有啲甚至爛尾,冇結果冇下文,  

對於 氣像同天文 呢啲大尺度事物嘅探索,實驗室係做唔到嘅,祇能夠估計,天文學家嘅估計好少失手,計到可能有嘅嘢到後來總係可以搵到,形狀,大細,密度,軌迹,通通中晒,點到你唔服!  

響呢度我更正吓,白克蘭電流唔係白克蘭發現嘅,佢祇係估計,卒之到咗1967年有人證實咗係堅嘅,咁我就諗,白克蘭雖然祇係「隨口噏」,之但係以特斯拉嘅瓣數,同白克蘭係有得夾㗎啵,話唔定可以搵到攞電嘅辦法添,唔通特斯拉佢收唔到風,又或者當白克蘭嘅預言係廢噏?!
作者: MrCU204    時間: 2019-8-31 07:02 PM

外太空,太陽風大把兼夾鬼摙咁凍,行星磁場可以擋住太陽風,超導線圈唔知又捉唔捉得住啲帶電粒子呢?!  
真係得嘅話,磁流體發電機就多一種玩法,搵太陽風做流體,輸出嘅係 白克蘭電流,因為需要太陽風,呢種發電機要遠離星體自帶嘅磁場至用到,所以要造成空間站嘅形式,太空城市其實都係空間站嚟喎,咁,將呢隻發電機裝喺太空城市嘅頭殼頂度咪就得囉。
作者: MrCU204    時間: 2019-8-31 08:50 PM

1879年,第一部發電機嚟到上海,1882年,又係上海,起咗中國第一間發電廠,到咗1903年,香港有電嘞,  
對於 電,從遠古至民初,中國人可以話係蒙眜無知,踏入二十世紀,中國終於擺脫咗電盲,急起直追,  
洋人突飛猛進嘅科學,重創我哋呢個碩果僅存嘅文明古國,先識得用電,就算不至於一統天下稱霸世界,都有排威,我哋有本事,追得到,不過要全面趕超就冇咁快咯,  


一直以嚟,我以為嗰啲同電有關嘅國際認證都係歐美玩晒,原來唔係,依家知道我哋都有,大陸有 3C ,香港有 HKS(香港安全標誌),咁我身為中國人當然happy 到震啦。
作者: MrCU204    時間: 2019-9-1 04:00 PM

電流戰爭發生喺十九世紀末,依家係廿一世紀初,呢班友應該都作晒古喇啩,  
交流直流,啱使就都唔流,電器,有啲淨係用到交流或者直流,有啲可以乾濕電兩用,傳輸,依家嘅科技水平,交直都易過,




今時今日,有樣嘢叫做 EMI ,電磁兼容性,我覺得,EMI 呢樣嘢唔淨止係設備與設備之間(包括人機互動)嘅問題,仲關到大自然嘅事,交流電磁場會喐,產生電波,直流電一樣有磁場,  

唔論有線冇線,頻率高定低,啲電線係飛天定遁地,電磁場都會對生物有或輕或重嘅影響,直流傳輸要用到逆變同整流,嗰啲半導體有源器件係易損品,呢啲通通都係問題。
作者: 陳呢    時間: 2019-9-4 10:55 AM

但係依套主要講個衰人
作者: MrCU204    時間: 2019-9-4 06:27 PM

交流直流邊樣好使啱用先唔講佢,直流輸電要到嘅科技支援到今時今日都仲未穩陣,點同交流爭呀?!  
愛迪生作為直流系統嘅擁躉同搞頭,撐直流好正常,何況佢又都唔係投機分子,絕唔會轉軑去搞交流電,而且就算搞,同行相爭其實仲難做,佢有冇啲 特斯拉 未諗到嘅板斧去搶到生意先?!
作者: MrCU204    時間: 2019-9-5 09:03 PM

真空二極管喺1904年面世,三年後,三極管登臺,令真空管付諸實用嘅,愛迪生,特斯拉,威斯汀豪 三個都唔係啵,  
愛迪生做出 愛迪生效應 之後就再冇跟進,特斯拉唯交流獨專,響佢心目中究竟有冇 整流 呢種概念,佢預言後世呢樣嗰樣,有冇預計過,家陣啲電子電路用嘅電係直流電呢?!  

當時,除咗唔曉整流,仲未有調諧嘅概念添,馬可尼嘅越洋通訊(電報),以今時今日嘅視角嚟睇,電碼祇不過係 電磁噪聲 嚟啫,天線(收發雙方)大枝不特議,接收仲好唔穩定,好似短波廣播咁(重差過)。
作者: MrCU204    時間: 2019-10-8 08:00 PM

齣戲經已落畫好耐,居然仲有人講,  
今日搭小巴,聽到商台嘅評論,話 愛迪生 唔單止係典型生意佬,仲係野心家,想喺科技界「做一哥,號令天下 」咁樣; 仲提到 電飯煲之父 蒙民偉,贊揚佢點樣仆心仆命去sell電飯煲,為廚房科技升呢發展出謀賣力。
作者: MrCU204    時間: 2019-10-8 09:10 PM

如果淨係講 電流戰爭 嗰筆,愛迪生 係輸咗嘅,佢條氣係咪會好唔順,就要佢自己至知咯,  
十年河東十年河西,半導體同超導兩種技術嘅迅猛發展,令直流輸電有重振雄風嘅勢頭,之但係,煥發新生嘅直流系統能唔能夠優秀到足以將交流系統邊緣化甚至淘汰,我就好有保留,而經佢手達至可實用化嘅燈膽,依家越嚟越多國家地區唔俾用,停產,白熾燈逐漸淡出歷史舞台,愛迪生佢又「輸」多一瓣。
作者: MrCU204    時間: 2019-10-23 09:21 PM

引用:
原帖由 MrCU204 於 8/10/2019 20:00 發表 齣戲經已落畫好耐,居然仲有人講,  
今日搭小巴,聽到商台嘅評論,話 愛迪生 唔單止係典型生意佬,仲係野心家,想喺科技界「做一哥,號令天下 」咁樣; 仲提到 電飯煲之父 蒙民偉,贊揚佢點樣仆心仆命去sell電飯煲,為廚房科技升呢發展 ...

電飯煲,係㗎頭嘢,蒙生sell電飯煲嗰陣,香港人嘅反日情緒仲未降溫,而且,啲人仲係用瓦煲銻煲火水爐,對啲電炊具冇認識兼冇信心,蒙生咁都sell到,佢係得嘅👍!



影評仲提到 愛因斯坦,話佢就算咁猛料都冇諗過自己要成為 天下第一;特斯拉 有冇立心要做科壇霸主,睇怕仲係要問佢自己至知,不過,特斯拉嘅交流電體系就世界通行,交流電嘅電系建構,電能嘅傳輸處理,祇需要用 銅,鐵同紙(絕緣體) 三樣就得,簡單到痺,唔使電子技術 (喺 電流戰爭 嘅年代,電子技術仲未出世),俾着我揀,我都會投交流一票,始終,啱使好用 至係王道,其次就係推廣技巧,開拓者嘅人格係點,有幾多人會在意,愛迪生同特斯拉,兩家嘅推銷手段都係宣傳,做大騷,犯不着好似蒙生咁挨家挨戶去游說示範。
作者: MrCU204    時間: 2019-10-23 11:40 PM

全世界對電嘅認識,都係由靜電開始,


中國人喺西漢末段發覺 摩擦可以起電,到西晉,有典籍記載 梳頭剝衫會噼唎啪嘞甚至打火,不過,除咗咁就冇晒下文,對電學始終完全無知,直到十九世紀呅尾,

1776年,第一隻輪船下水,1801年,兩衝程內燃機面世,1820年,有鐵路喇,呢啲都係鴉片戰爭之前嘅事,1886年底,四個轆嘅汽車落地(逼偈係四衝程內燃機),飛機就要去到二十世紀初至有,

我講呢啲做乜,中國,其實唔係與世隔絕,早喺元朝,就有個叫做 馬可勃羅 嘅洋人嚟過,嗰陣邊有咁先進嘅交通工具呀,愛迪生同特斯拉佢哋知唔知道 遙遠的東方有一條龍 㗎呢,一個咁大嘅潛在市場,係嫌遠冇興趣行吖定係唔想教精我哋呢班電盲友呢?!
作者: MrCU204    時間: 2019-10-24 11:09 PM

通用電器,愛迪生 開嘅,依家仲穩穩陣陣咁喺度,  
西屋,威斯汀豪 建立,去到上世紀末兵分兩路,自己擸咗CBS然後俾 維亞康姆 呑併,算係玩完,
核電嗰part就響1998年賣咗俾BNFL(仲係叫做 西屋),2006年,東芝買「屋」,好衰唔衰,核電枕住出事,搞到西屋冇生意,累死東芝,2017年,東芝賣「屋」,隔冇耐,Brookfield 接手。
作者: MrCU204    時間: 2019-10-25 07:49 PM

嗰個功高蓋主嘅特斯拉,論成就,絕對係 前無古人,後無來者,佢嘅成名作可以話係 功在當代,利澤千秋,  
交流電,唔係佢發明,電網入便嘅每樣嘢,通通唔係特斯拉原創嘅,但係,特斯拉「織」呢個電網出嚟,就係史無前例嘅創舉,係邁出 將成果轉化為應用 嘅第一步, 不過,講到做生意,特斯拉佢就認真失敗,米請話百年老字號,連個檔攤仔都做唔住。




Copyright © 2003-2019 Uwants.com