Board logo

標題: [新聞轉貼] 褪色紅魔5大難題 曼聯翻身遙遙無期? [打印本頁]

作者: Totti888    時間: 2019-5-19 02:15 PM     標題: 褪色紅魔5大難題 曼聯翻身遙遙無期?


褪色紅魔5大難題 曼聯翻身遙遙無期?(Getty Images)


經歷過逾20年的光輝歲月,「後費格遜年代」的曼聯球迷於在剛完結的球季再一次失望而回。曼聯在蘇斯克查掌舵下在最後12場比賽輸了8場,如果球季在蘇B「坐正」一刻展開,「紅魔鬼」的排名將會是15位。今個夏天,曼聯大換血在所難免,面對以下5大難題,曼聯若未能及時解決,翻身勢必遙遙無期。

1)欠明確發展方向


「後費格遜年代」的曼聯仍未找到方向(Getty Images)

過去幾個球季,曼市雙雄均在轉會市場上大灑金錢,當曼城今季衛冕英超,而且看似無可阻擋之際,曼聯卻一步一步走向衰落,當中最大分野就是球會的發展方向。當富豪文梳亞在2008年收購曼城後,一直致力建立一個能夠持續發展的商業模式,吸納頂尖的管理及足球人才。曼城一開始就將巴塞隆拿巔峰時期的總監碧格列斯坦及副會長蘇利安奴挖角,把巴塞的成功模式移植到曼城,哥迪奧拿的來投更成為曼城王朝重要基石。相反,曼聯行政總裁活華德只顧斥巨資引入球星,漠視球員是否合適球隊,加上費格遜後已經用過4個領隊,又怎會有長遠的發展計劃?

2)球隊陣容未夠班


今時今日的曼聯陣容難與昔日相比(Getty Images)

欠缺發展方針,就引出一個現實問題,曼聯球員根本「未夠班」。曼聯現時的陣容中,有多少人可以在曼城或利物浦的正選立足?恐怕答案是「零」!曼聯曾經是英國青訓的代表,以碧咸、傑斯為首的92一代令人津津樂道,但現在曼聯的青訓系統已飽受批評。目前的「紅魔鬼」只是不同領隊簽下球員所組成的雜牌軍,數數曼聯過去6季的「冤枉收購」,迪馬利亞、法卡奧、域陀華迪斯、迪比、舒韋恩史迪加等等。再看看曼城,他們只收購能踢出高水平足球的球員,巨星效應和廣告商寵兒並不是收購的重點,貝拿度施華就是最佳例子。

3)清洗瘀血有難度


普巴的表現與他的身價不成正比 (Getty Images)

曼聯行政總裁活華德可能是一個成功的會計師,但由他來主理曼聯的轉會大權,明顯是球隊深陷泥沼的主要原因之一。曼聯從來沒有設立「總監」一職,一個可以協助領隊組軍的重要職位,作為商人的活華德,簽新球員時可能優先考慮的是商業價值,而沒有考慮球員到底對球隊作用有多大,結果出現1億英鎊簽入保羅普巴、支付47.5萬鎊周薪予阿歷斯山齊士的交易,現在即使曼聯希望「斬纜」,又有哪間球會願意支付高昂的轉會費?承擔天文數字的人工?巴西中場費特與球會合約到2023年,周薪高達12萬鎊,曼聯可以賣給誰呢?

4)蘇斯克查領軍見底


蘇斯克查真的夠料擔任曼聯領隊? (Getty Images)

當季中蘇斯克本以看守領隊登陸曼聯後,所有問題看似一掃而空,球隊在聯賽一度連續12場不敗,於歐聯更戲劇性淘汰巴黎聖日耳門,球會上下雀躍萬分。然而「新帥效應」完結後,殘酷的現實再次浮現,摩連奴被炒魷時曼聯排第6位,而這個位置也是曼聯最終的排名。蘇斯克查有親和的性格,這位昔日「後備殺手」也永遠是曼聯的英雄,但他在執教曼聯前,只有挪威聯賽及短暫而失敗的卡迪夫城領軍經驗,如果曼聯要重返頂尖行列,必定要物色精英領隊來執教,傳聞多時的普捷天奴是最合適的人選,阿里基、施蒙尼亦是多數球迷的心水之選。

5)曼聯已非爭標球會


曼聯要重回爭標之列,實在是漫漫長路 (Getty Images)

管理的問題、球員的問題、領隊的問題,將曼聯帶向終極的現實──他們已經不屬於「爭標球會」之列,當然,財政上曼聯絕對是大球會,但在競技層面實在難以再自稱「大球會」。蘇斯克查在煞科後表示,下季英超爭標的痴人說夢,事實上以球隊目前情況,要爭前4名也是極度困難。曼聯當年在傳奇領隊畢樹比離開後全面沉淪,球會在3年後(1974年)落得降班收場,與「紅魔鬼」目前狀況有點相似,或者「降班」是太誇張的假設,但曼聯要重回爭標之列,實在是漫漫長路。
作者: Totti888    時間: 2019-5-19 02:21 PM

其實問題根源都係因爲用活華德呢個外行去管理曼聯呢個全世界最知名最多Fans嘅球隊。
作者: knight7676    時間: 2019-5-19 04:00 PM

當富豪文梳亞在2008年收購曼城後,一直致力建立一個能夠持續發展的商業模式,吸納頂尖的管理及足球人才。曼城一開始就將巴塞隆拿巔峰時期的總監碧格列斯坦及副會長蘇利安奴挖角,把巴塞的成功模式移植到曼城

淨係呢度已經輸左九條街,10年前人地已經開始做,10年後就有收成
作者: ivan41    時間: 2019-5-19 04:25 PM

咁調返轉講丫,曼城有大水喉射住,做任何野都唔洗考慮商業因素,當然可以大搞青訓。但曼聯每分每毫都係球會自己賺,仲要養埋美國佬。呢d客觀因素都已經好影響兩個球會嘅營運。
作者: knight7676    時間: 2019-5-19 05:04 PM

引用:
原帖由 ivan41 於 2019-5-19 04:25 PM 發表
咁調返轉講丫,曼城有大水喉射住,做任何野都唔洗考慮商業因素,當然可以大搞青訓。但曼聯每分每毫都係球會自己賺,仲要養埋美國佬。呢d客觀因素都已經好影響兩個球會嘅營運。 ...

曼聯近年買人洗既錢唔會少,轉會費貴,人工仲貴
當初曼城都係突然富貴,連冠軍都可以話冇,咁人地都係用高價轉會費買人,但係人地又可以維持一個合理週薪簽人,點解呢?
作者: manson199099    時間: 2019-5-19 05:28 PM

一個為足球 一個為商業 真心要活華特走 除非美國佬走 唔係睇唔出有轉機
作者: bmwwmb    時間: 2019-5-19 05:50 PM

通常新聞都係一沉百踩。見高就拜見低就踩,既然名帥攪唔掂,唯有比個愛曼聯嘅少帥攪下,睇下會唔會反底。反正有費倫幫手。最怕D人,乜做未做,就話人無料,唔夠班。就算有心清,都預咗起碼兩三個轉會窗先清哂。都係要睇長遠㗎嘞
作者: laidog    時間: 2019-5-19 06:12 PM

引用:
原帖由 bmwwmb 於 2019-5-19 05:50 PM 發表
通常新聞都係一沉百踩。見高就拜見低就踩,既然名帥攪唔掂,唯有比個愛曼聯嘅少帥攪下,睇下會唔會反底。反正有費倫幫手。最怕D人,乜做未做,就話人無料,唔夠班。就算有心清,都預咗起碼兩三個轉會窗先清哂。都係要睇長遠㗎嘞 ...


唔係話蘇b費倫冇料,係話而家個情況比返費sir教都搞唔掂,買人果d根本就亂七八糟,內部唔修正返好難上返去
作者: Tu1io    時間: 2019-5-19 06:36 PM

提示: 作者被禁止或刪除 內容自動屏蔽
作者: 賤兔    時間: 2019-5-19 06:48 PM

廢話,係未爭標份子,係睇你揾唔揾啱教練,同埋你又會比幾多支持佢,利記就係一個好例子,自成立英起以來,佢地何曾係爭摽份子?頂多都係叫豪門啫,但當佢揾啱教練又比到支持佢時,就會有成績比人睇到
作者: knight7676    時間: 2019-5-19 06:52 PM

引用:
原帖由 Tu1io 於 2019-5-19 06:36 PM 發表

完全正確。當時文梳亞亦願屬哥迪奧拿任主帥,可惜當時哥帥已承諾拜仁執教三年。文梳亞繼續聘用當年同哥帥在巴菜合作無間的碧格列斯坦及蘇利安奴任CEO和總監,務求創造合適的足球發展環境,揚言等哥帥滿約後過檔。果然哥帥 ...

人地由一開始富貴就開始大攪,係由個底開始攪,曼聯所謂既重建已經6年.建左D咩?
作者: i_am_r9    時間: 2019-5-19 08:00 PM

當然球會長遠發展方針真係比唔上人,但同比賽成績唔係咁直接有關,起碼我好肯定球員走動數據竟然係全英超差唔多包尾,呢樣嘢就一定有關。
以前雲高爾同摩佬帶波,可能真係唔比人走位,但而家SoB帶應該會比佢地自由D,但最尾呢幾場又變返一樣
作者: knight7676    時間: 2019-5-19 11:48 PM

引用:
原帖由 i_am_r9 於 2019-5-19 08:00 PM 發表
當然球會長遠發展方針真係比唔上人,但同比賽成績唔係咁直接有關,起碼我好肯定球員走動數據竟然係全英超差唔多包尾,呢樣嘢就一定有關。
以前雲高爾同摩佬帶波,可能真係唔比人走位,但而家SoB帶應該會比佢地自由D,但最尾呢幾 ...

點會冇關? 人地搵兩個巴塞人返黎,下至青訓,上至球隊踢法都係有巴塞影子,淨係呢點已經差好遠,人地有明確既踢法,
收購上就唔會見邊個勁就要買邊個,而係搵個人又要勁又要配合到球隊,融合球隊踢法
作者: i_am_r9    時間: 2019-5-20 01:29 AM

引用:
原帖由 knight7676 於 2019-5-19 11:48 PM 發表

點會冇關? 人地搵兩個巴塞人返黎,下至青訓,上至球隊踢法都係有巴塞影子,淨係呢點已經差好遠,人地有明確既踢法,
收購上就唔會見邊個勁就要買邊個,而係搵個人又要勁又要配合到球隊,融合球隊踢法 ...
你都講得啱,一定有關係
作者: ivan41    時間: 2019-5-20 12:26 PM

引用:
原帖由 knight7676 於 2019-5-19 05:04 PM 發表

曼聯近年買人洗既錢唔會少,轉會費貴,人工仲貴
當初曼城都係突然富貴,連冠軍都可以話冇,咁人地都係用高價轉會費買人,但係人地又可以維持一個合理週薪簽人,點解呢? ...
我覺得好大程度因為曼聯過去幾年要維持商業價值,所以買人時好難同時兼顧星味同實用,結果買左一堆為錢而來的僱傭兵。但曼城唔洗理會商業因素,買人就可以專注於實用。

久而久之,曼城建立到一個強大嘅班底,吸引力逐漸追近甚至超越曼聯,形成今日的差距越來越遠。

[ 本帖最後由 ivan41 於 2019-5-20 12:30 PM 編輯 ]
作者: marcoman321    時間: 2019-5-21 01:00 AM

希望呀木知衰啦
雖然有好多人話要炒佢
但商業上佢真係一個人才
咁大間球會你估真係唔使開飯咩
作者: glorykwan    時間: 2019-5-21 07:53 AM

解決到問題1,其他先會慢慢改善。不停換唔同風格領隊,唔啱用嘅球員越堆越多,都唔知點清。
作者: waishun12    時間: 2019-5-21 12:21 PM

唔係撥冷水 始終覺得紅魔領隊呢個位蘇B唔會坐得穩
希望呢班垃圾管理層要諗定後備方案 萬一又換領隊的話 當今世上仲有邊個有本事當上呢個三剎位既人選 希望唔好又要搵個看守領隊頂住啦
作者: leungalex38    時間: 2019-6-11 02:32 PM

方向正確都要執多2、3年..




Copyright © 2003-2019 Uwants.com