Board logo

標題: [球隊/球員討論] 好長的長文論普巴(Paul Pogba) [打印本頁]

作者: holylink    時間: 2019-5-13 08:28 PM     標題: 好長的長文論普巴(Paul Pogba)

相信呢位係一位令各曼迷又愛又恨的球員:集中時表現是世界級,懶散時可以消失於場上。

故勿論大家對佢睇法係點,我係度並非想討論今夏應唔應該賣佢(反正不到我地管),而係想講出若果下季佢仍然係陣中主力,如何令未來更衣室更穩定、令佢更投入多比賽的可行方法。

先從數據看看普巴的過去:

2011-2012 被提拔上曼聯一隊。相信大家都知,佢覺得當年費Sir無畀穩定出場機會佢而出走。
2012-2016 去祖記成長,奠定一線中場實力。
2016-             回歸曼聯至今,2018法國世盃冠軍中場主力。近1、2年常被傳出職業操守問題。

好了,到呢度,看似好正常,若然覺得沒有什麼不妥的地方的朋友,請看看以下我的分析:

2011-2012,當年隊中尚有史高斯(Paul Scholes),一位低調、服從、論實力就算放在今日任何一隊西甲或英超球隊,都足以得一正選之人。普巴當年只怨無上陣機會,而不是不想留下學習。

2012-2015,過到祖記,真真正正拍住傳球同控場大師派路(Andrea Pirlo)學習,控場、傳球、遠射等都得到駐足成長。以派路為組織核心,普巴從旁亦從中學習到不少。

2015-2016,他在祖記的最後一季,派路當季去了美職,但為何普巴仍沒有在更衣室作反?原因是當季祖記的正副隊長為保方(Gianluigi Buffon)及基亞連尼(Giorgio Chiellini),在他倆面前:普巴?哪裡來的小孩?

2016-2017,他回歸曼聯的第1年。論名氣與實力已達一線水平,加上曼聯只有沒有領袖能力的迪基亞(De Gea)稱得上是世界級,為何他又沒有作反?你猜對了,只因有伊巴(Zalatan Ibrahimovic)在陣中。對於伊巴的實力、魅力與經驗,普巴是認同的,所以他肯乖乖地在更衣室裡服從。

2017-2018,開始出事的一季。伊巴的重傷加離去,使摩佬(Jose Mourinho)的更衣室缺乏了可靠的球員領袖,找個來了英國多年也不太會說英文的華西(Antonio Valencia)去鎮住普巴,是癡人說夢。到呢刻,普巴開始自大,領隊無符,尤其到了12月,摩佬更多次公開批評普巴態度。所以季中時,摩佬作了一場賭注:引入山神(Alexis Sanchez)。與其說不想曼城得到山神,依我看來,摩佬更想在有限資源下(免轉會費)引入一位有實力、地位、職業操守的大佬來助他鎮住普巴。當時來說,引入山神,有機令摩佬穩定更衣室。

2018-2019,可惜的是,山神在人工過高、表現不濟之下,開始惹來普巴、迪基亞等有實力但人工低於山神的球員不滿。加上世盃冠軍的加持下,普巴的地位更上一層樓,可以有恃無恐地隨心所欲地行動。季中摩佬被炒,SoC(Ole Gunnar Solskjaer)上任,雖能注入一時的嗎啡,但興奮與止痛過後,就是一輪的敗陣。在沒有學習對象下,普巴於曼聯的3季,基本上亦沒有進步過。

其實要如何管理好天賦極高,但又桀驁不馴的普巴,也許羅馬已給出了答案。

當年的卡斯辛奴(Antonio Cassano),也是一位公認的天才野馬,但他的反叛往往令領隊、球隊感到頭痛。直至他在羅馬遇上托迪(Francesco Totti),佢即時變得像個弟弟般聽哥哥話,從此行為收斂很多。

若果曼聯最終留下普巴,個人認為球會必須引入一位經驗、聲望、實力俱備的人,但那人又會是誰呢?

[ 本帖最後由 holylink 於 2019-5-13 10:19 PM 編輯 ]
作者: chowyunfat    時間: 2019-5-13 08:33 PM

師兄,你好野,係你先會再花時間寫佢!
作者: holylink    時間: 2019-5-13 08:35 PM

回覆 2#  chowyunfat 的帖子


講真對佢我都又愛又恨……
作者: ManUTDwow    時間: 2019-5-13 08:40 PM

要搵另一個伊巴,正如你所講,伊巴係到成班鬼都唔敢現型落力踢。
作者: kwokping    時間: 2019-5-13 09:02 PM

叫C7回歸了👹
作者: kllukuw    時間: 2019-5-13 09:54 PM

絕對認同 佢係陣中有大佬 先會乖乖哋踢波 冇咗伊巴之後就開始亂嚟
作者: faifai1234    時間: 2019-5-13 10:05 PM

咁叫c7或月巴回歸先有用
作者: dicky168    時間: 2019-5-13 10:12 PM

提示: 作者被禁止或刪除 內容自動屏蔽
作者: dkmp888    時間: 2019-5-13 10:36 PM

C7囉.....
作者: tronaldo7    時間: 2019-5-13 10:46 PM

其實當初買佢返黎都係希望佢做到一線主力,希望佢可以將條中場線提升到世界級。問題係過左幾季,佢係咪融合唔到球隊?係咪應該拎返啲一個球員應有嘅態度出黎踢波?你想做大佬,可以,咁拎啲表演出黎令人服先得,而唔係買個大佬返黎鎮住先識踢波下哇?咁買你返黎做乜?即係又要買個人返黎激活普巴果隻?
後生還後生,仲有好多進步空間,但係咪要用「我係球皇」個心態黎踢?作為一個球員,一個運動員,甚至係一個普通人,喜歡一種運動係會不斷希望進步,不斷超越自己嘅鬥心,但係喺普巴身上,以至某些球員,都見唔到呢種鬥心。
作者: aleunghc    時間: 2019-5-13 10:51 PM

引用:
原帖由 tronaldo7 於 2019-5-13 10:46 PM 發表
其實當初買佢返黎都係希望佢做到一線主力,希望佢可以將條中場線提升到世界級。問題係過左幾季,佢係咪融合唔到球隊?係咪應該拎返啲一個球員應有嘅態度出黎踢波?你想做大佬,可以,咁拎啲表演出黎令人服先得,而唔係買個大佬返黎 ...


所以費SIR唔用佢係有原因既, 費SIR 睇咁多人, 普巴係曼聯個幾年佢已經好明白佢係咩人, 買人可以買錯, 但自己子弟兵應該唔會睇錯, 紀律唔好就算係天才都唔用
作者: amlkey827    時間: 2019-5-13 10:55 PM

講無人鎮住佢 不如話一隻手拍唔響 根本問題係配合 睇普巴響曼聯嘅球皇片 好多都係致命傳送 但冇結果 因為由伊巴換成連福盧 完

[ 本帖最後由 amlkey827 於 2019-5-13 11:21 PM 編輯 ]
作者: tronaldo7    時間: 2019-5-13 11:00 PM

蘇帥講過隊波應該搵普巴做核心,講到咁都仲唔識做?已經講到出面比位佢上,雖然你人工唔係全隊最高,但為左扭計拎球隊成績黎做注押,咁又配唔配做球隊領袖先?
作者: aleunghc    時間: 2019-5-13 11:25 PM     標題: 國家隊前輩力撐普巴:世界盃後需調整一年



法國球星普巴今季在拉特拉科迪球場的日子並不好過。雖然新教練蘇斯克查剛上任之時,普巴狀態火熱,但最終仍是慘淡收場。在週日0-2負於護級隊卡迪夫城的比賽中,曼聯的球員們甚至開始了在場上散步,從而導致被部分憤怒的球迷圍攻,而普巴也被捲了進來。

       不過雖然遭受了很多批評,但憑藉13粒英超入球及9次助攻,普巴依然成為了PFA年度球員的候選人。法國隊前輩佐卡夫也表示,普巴今季的狀態起伏也是預料之中的。在參加歐冠盃獎盃巡展時,他告訴Omnisport:「當在世界盃登頂後,接下來的一年往往會非常艱難,不僅僅是普巴,所有人都一樣。對於任何世界冠軍來說,他們都需要一年的調整期,下個賽季,應該會達到前所未有的狀態。他將比在摩連奴執教曼聯時更好地展示自己的實力。」

       另一方面,普巴出走曼聯的消息也是沸沸揚揚,而皇馬成為了最大的潛在下家。如果加盟西甲巨人,那麼他將與同胞施丹會師,

       重回皇馬後,施丹的執教之路並不順利。在過去的3場西甲聯賽中,皇馬輸掉了兩場。

       佐卡夫認為,施丹目前的挑戰是如何打造心目中的陣容。另一方面,在連坐兩場冷後備後,巴爾似乎在白衣軍團內被進一步邊緣化。

       「我們一直盼望著施丹能回來救火。有好多球會都向他邀約,」佐卡夫說到。「而有趣的是他的回歸方式。之前,皇馬處在惡性循環當中,在歐冠盃16強階段就出了局,緊接著的那個星期,佛羅倫蒂諾就決定請一位更熟悉隊伍的人來當主教練。」

       「主席向球員和球迷們都傳達了強烈的信息:‘我們會請回最佳人選。就算他之前離開了,但我們會不惜一切代價請他出山,重啟征途。’」

       「皇馬畢竟得過歐冠盃三連冠,這也是史無前例的壯舉。我認為施丹的主要變動就是重建隊伍。他會為我們帶來一支全新的隊伍,希望這次能夠開啟良性循環。」

https://soccer.sina.com.hk/news/1/20190513/10150940/
作者: cheukhanghk    時間: 2019-5-13 11:32 PM

引用:
原帖由 aleunghc 於 2019-5-13 11:25 PM 發表


法國球星普巴今季在拉特拉科迪球場的日子並不好過。雖然新教練蘇斯克查剛上任之時,普巴狀態火熱,但最終仍是慘淡收場。在週日0-2 ...

頂....佢入果13粒入面有成7球12碼.....

12碼係唔一定入....不過入得13球或以上的球員, 係佢入得最多12碼囉........

lkk係廢.....但入12粒反而無一粒12碼....
作者: cheukhanghk    時間: 2019-5-13 11:33 PM

引用:
原帖由 holylink 於 2019-5-13 08:28 PM 發表
相信呢位係一位令各曼迷又愛又恨的球員:集中時表現是世界級,懶散時可以消失於場上。

故勿論大家對佢睇法係點,我係度並非想討論今夏應唔應該賣佢(反正不到我地管),而係想講出若果下季佢仍然係陣中主力,如何令未來更衣室更 ...

除左C朗, 根本無人鎮得住普巴

放佢走啦
作者: kllukuw    時間: 2019-5-13 11:46 PM

剩系俾哥帥爆佢要轉會已經知道冇忠誠系事實
作者: HIN_R    時間: 2019-5-14 12:18 AM

佢為一個中場 佢係今年球隊第一射手同第一助攻王,d人屌乜。
個個都有散步,好多人都有離隊傳聞。根本就偏見,汁費sir口水尾
作者: 臭胡菲臘斯    時間: 2019-5-14 01:51 AM

引用:
原帖由 HIN_R 於 2019-5-14 12:18 AM 發表 佢為一個中場 佢係今年球隊第一射手同第一助攻王,d人屌乜。 個個都有散步,好多人都有離隊傳聞。根本就偏見,汁費sir口水尾
好同意 我見呢度好多人都彈佢 好波既時候就捧到佢天咁高 成績唔好既時候 就插到佢一文不值 隊波踢得唔好 我諗唔係一個人既責任啦 就算話趕走摩佬 我都唔覺得佢一個人既能力可以趕到佢走 內裏一定係有問題🤨摩佬先會走 我由始至終都覺得係管理層有問題 球員們領隊 咩都換過 管理層反而無換過 由呀木上場之後都未好過 各位曼迷係咪應該要諗下係咪淨係普巴一個人既問題呢?隊波無士氣 個個叫走 我諗係打工仔都係咁諗嫁啦 可能你會話 一個職業球員唔應該咁諗 但年代唔同 無以前個枝歌仔唱嫁喇 仲係100%為榮譽嗎?而家球壇又有幾多大牌球星可以做到?同意普巴要人鎮住 但曼聯又能唔能夠搵到個人鎮得住?都唔好話鎮普巴啦 其實成隊都要人鎮住!
作者: seasonkd    時間: 2019-5-14 01:58 AM

如果佢前面既係文尼沙拿,我諗佢助攻最少多一倍,但佢換做迪布尼,你估馬福連盧會唔會入多幾球? 普巴以進攻球員既角度係差極有個鋪,不過中場玩失波係有待改善。要攻又佢守又佢就冇咩好講。
未至於要踢走,留到就留,岩價搵到人頂替可放!
作者: huskycss    時間: 2019-5-14 02:03 PM

引用:
原帖由 tronaldo7 於 2019-5-13 10:46 PM 發表
其實當初買佢返黎都係希望佢做到一線主力,希望佢可以將條中場線提升到世界級。問題係過左幾季,佢係咪融合唔到球隊?係咪應該拎返啲一個球員應有嘅態度出黎踢波?你想做大佬,可以,咁拎啲表演出黎令人服先得,而唔係買個大佬返黎 ...
每個球員的特點同角色都唔同。以前隊曼聯,冇左史高斯控制節奏咪一樣唔識踢波。而家曼聯陣容最大問題係球員同球員之間個踢法完全配合唔到,或者唔識配合。第一季除左因為有伊巴,好重要係因為中場仲有卡域克坐鎮,負責控制球隊節奏,可以令本來唔夾的球員跟佢指揮去踢。家陣曼聯陣中有哩個能力的,根本冇。普巴只係一個技術好好的進攻球員,但佢唔係領袖型,亦唔擅於控制節奏,你叫佢融合球隊簡直係所託非人。舉個例,迪基亞係頂級門將,但佢亦好明顯缺乏指揮後防能力,做唔到舒米高同雲達沙的風範。唔係一線主力就有能力融合球隊。你冇的話,你就一定要買個大佬返黎。更加唔好講,我地前面班人有幾出色。

講返專業道德,我真係唔明點解個個都放大佢個操守話有問題。依我睇法,普巴頂多係唔夠成熟,加上心理質素麻麻,所以加重佢表現唔穩定的問題。大家係咁話費sir覺得普巴操守有問題,但我真係唔記得佢老人家有講到咁誇張。當年費Sir同樣有比機會普巴,雖然唔多,亦都係咁催佢簽合約。但佢不滿普巴聽經理人講,選擇離隊。點解大家會講到係費Sir唔要佢?睇下費Sir自傳咁講:

「會方本來是很想留下他的。但拉奧拿的突然出現使一切功虧一簣,曼聯方面與他的第一次會面簡直就是一場災難。我們幾乎水火不容,好好的事情完全被他搞砸。這個經理人太會用花言巧語地討好普巴和其家人了,我們就這樣失去了他。」

相比費Sir間中考察,蘇帥同普巴日日見,如果有咁大問題,蘇帥仲會搵佢做核心?就算同普巴水火不容的摩連奴,批評過好多人,但好似冇批評過普巴有操守問題,反而在佢兩個不和期間講過「普巴好專業」。我真係唔明,大家放大晒佢操守到底係咩原因。

我睇法係,普巴唔成熟,似小朋友,心理質素唔夠。哩啲係佢特點,亦有可能限制佢高度,但佢作為一名球員,我覺得佢有嘗試履行本分。如果大家有留意一些報導,摩佬未走鬧不和的時候,普巴好努力去鼓勵球隊。但成隊波士氣低落之際,佢唔係可以改變球隊的人,反而深陷其中。正如樓主所講,佢冇人可以依靠,而佢亦冇能力帶領大家,結果一齊沉。我認為佢在場上的表現低迷,是有心無力;唯一要質疑的,係佢在推動摩連奴走人的過程中,有冇做過咩衰野。

如果留得低普巴又有心去壯大球隊,普巴係可以幫你升一兩個 level。但如果大家繼續睇太陽郵報然後插佢,哩位心理質素唔強的小朋友只會更加沉。但如果唔係的話,放佢去第二隊唔好阻佢啦。

[ 本帖最後由 huskycss 於 2019-5-14 02:07 PM 編輯 ]
作者: edmondtat    時間: 2019-5-14 04:18 PM

引用:
原帖由 huskycss 於 2019-5-14 02:03 PM 發表
每個球員的特點同角色都唔同。以前隊曼聯,冇左史高斯控制節奏咪一樣唔識踢波。而家曼聯陣容最大問題係球員同球員之間個踢法完全配合唔到,或者唔識配合。第一季除左因為有伊巴,好重要係因為中場仲有卡域克坐鎮,負責控制球 ...
我認同,有幾好嘅中場,冇人可以配合,只會令人把一切責任歸咎于佢,而家嘅普巴就係咁,比到前面,但冇結果,後面又甩漏,叫佢可以點,只因為佢貴,換下髮型,就入佢數?
之前有伊巴,佢比左好多靚波比伊巴入球,但反觀現在,大家有眼睇,可惜大家只看傳媒炒作就跟車去插。
英超最佳11人,有普巴嘅原因係有專業人士去評估,唔係亂選,若真係咁差又點會入選。
d人經常話換艾歷臣,迪布尼一定好過普巴,但肯定講而家嘅曼聯人腳就算任何一個頂級中場黎到,一樣係害死人。
作者: jkhhk    時間: 2019-5-14 05:12 PM

引用:
原帖由 edmondtat 於 2019-5-14 04:18 PM 發表

我認同,有幾好嘅中場,冇人可以配合,只會令人把一切責任歸咎于佢,而家嘅普巴就係咁,比到前面,但冇結果,後面又甩漏,叫佢可以點,只因為佢貴,換下髮型,就入佢數?
之前有伊巴,佢比左好多靚波比伊巴入球,但反觀現在,大家有眼睇,可惜大家 ...


佢做盡哂野但球隊得唔到好結果, 其實作為球員而言應該要考慮轉會先為上算。
作者: edmondtat    時間: 2019-5-14 05:56 PM

走唔走唔到我地球迷控制,現階段係睇高層按唔按so b個買人方案去補強,繼續追星,肯定死得更快。
作為死忠曼迷,冇星我一樣支持。
作者: tommy1029    時間: 2019-5-14 06:38 PM

反而我覺得英國班曼迷借屌普巴發洩對球隊管理不滿,反正隊波會沉,不如試下做d更激烈既行為例如種族歧視班黑人球員,令曼聯隊波蒙羞甚至閉門作賽扣分玩到禁賽降班,迫格拉沙就範
作者: 再世睹俠    時間: 2019-5-14 07:47 PM

引用:
原帖由 tommy1029 於 2019-5-14 06:38 PM 發表
反而我覺得英國班曼迷借屌普巴發洩對球隊管理不滿,反正隊波會沉,不如試下做d更激烈既行為例如種族歧視班黑人球員,令曼聯隊波蒙羞甚至閉門作賽扣分玩到禁賽降班,迫格拉沙就範 ...
降班迫賣盤推倒重來才是辦法
作者: AOZ    時間: 2019-5-17 09:25 AM

我自己咁睇: 普巴係勁, 眼見佢表現好時可以一場入幾球, 但差起來又可以好似成場散步咁.
我覺得佢的"性格"真係有少少害o左佢. 因球迷是否支持佢, 好睇佢表現係點. 講真以前摩佬vs普巴, fans都係支持普巴多d. 所以唔好話fans唔支持佢. 好啦, 之後佢又成日出口術又話希望去皇馬, 返祖記etc (當然係人都知佢agent係邊個), you can't have your cake and eat it (魚與熊掌不可兼得) 唔可能一方面又話想走, 一方面踢得差但要人唔好批評, 或是只有在fans讚美聲之下才有好表現.
作者: kemanriderrx    時間: 2019-5-17 01:32 PM

引用:
原帖由 holylink 於 2019-5-13 08:28 PM 發表
相信呢位係一位令各曼迷又愛又恨的球員:集中時表現是世界級,懶散時可以消失於場上。

故勿論大家對佢睇法係點,我係度並非想討論今夏應唔應該賣佢(反正不到我地管),而係想講出若果下季佢仍然係陣中主力,如何令未來更衣室更 ...


我覺得你最適合做鏡報的記者:096::096:

[ 本帖最後由 kemanriderrx 於 2019-5-17 01:33 PM 編輯 ]
作者: holylink    時間: 2019-5-17 01:48 PM

引用:
原帖由 kemanriderrx 於 2019-5-17 01:32 PM 發表



我覺得你最適合做鏡報的記者:096::096:


我都想呀,可以增加收入
作者: kemanriderrx    時間: 2019-5-17 02:19 PM

引用:
原帖由 holylink 於 2019-5-17 01:48 PM 發表


我都想呀,可以增加收入


我既意思係你無乜思考能力,人哋講乜就信乜!
作者: holylink    時間: 2019-5-17 02:48 PM

引用:
原帖由 kemanriderrx 於 2019-5-17 02:19 PM 發表



我既意思係你無乜思考能力,人哋講乜就信乜!


成篇全部point都係我想考出黎,睇黎係你無思考力

不過我好少同無腦、無思考同分析力既人討論,只會浪費我時間。

[ 本帖最後由 holylink 於 2019-5-17 02:49 PM 編輯 ]
作者: holylink    時間: 2019-5-17 02:58 PM

引用:
原帖由 kemanriderrx 於 2019-5-17 02:19 PM 發表



我既意思係你無乜思考能力,人哋講乜就信乜!


呀,順帶一提,你句「人哋講乜就信乜」
麻煩Quote下我抄邊個邊句?
出處?

有既,我都唔介意同你講下,不過我睇你都無乜能力去組織同分析事物。

作者: yeung1988    時間: 2019-5-18 09:56 AM

希望下季唔會再見到佢著紅魔衫, 講真以佢既身價, 踢成咁同成日扭計搞事... 我寧願曼聯搵個第個啦
作者: iamgroot    時間: 2019-5-18 04:59 PM

大前提係,大家覺得P6喺祖記嘅時候,屬於role player定playmaker?如果屬於後者,我地確實有必要參考祖記P6說明書(當然意甲同英超打法有別,但尋根究底比較容易搵到solution)。如果屬於前者,則P6嘅overall能力被吹大左,不能勉強普通A grade球員變S grade。

其實法國贏世界杯,麥包同基沙文屬於領銜主演,P6只屬於主演。能力有冇被吹大,大家各自有把尺吧。
作者: 再世睹俠    時間: 2019-5-18 07:14 PM

引用:
原帖由 iamgroot 於 2019-5-18 04:59 PM 發表
大前提係,大家覺得P6喺祖記嘅時候,屬於role player定playmaker?如果屬於後者,我地確實有必要參考祖記P6說明書(當然意甲同英超打法有別,但尋根究底比較容易搵到solution)。如果屬於前者,則P6嘅overall能力被吹大左,不能勉強普 ...
主演?客串就差唔多
作者: 杜杜1214    時間: 2019-5-18 08:06 PM

係國家隊or祖記,普巴根本唔咩主角,攻防亦唔需要佢孭飛,攻防幫少少,又打出成績咪入埋佢張cv到


所以話摩佬同so c要佢孭起對波,根本用錯左佢!




Copyright © 2003-2019 Uwants.com