Uwants TV消閒生活手機討論遊戲地帶影視娛樂校園生活數碼科技寵物樂園學術文化體育世界購物廣場時事投資貼圖影片上班一族美容纖體戀愛婚姻汽車討論成人資訊博彩娛樂資源交流站務管理
發帖
註冊 登入/註冊
追帖 打印

[討論] 謝拉特:紅軍需要中場殺手



[討論] 謝拉特:紅軍需要中場殺手

[隱藏]
【Now Sports】前利物浦隊長謝拉特,上周六在巴黎現場看完舊東家失落歐聯冠軍後,建議紅軍購入一名可轟入10球以上的中場,來分擔前場三叉戟的入球責任。在利物浦以0:1不敵皇家馬德里後,獲邀在今場擔任《BT Sport》客席嘉賓的謝拉特(Steven Gerrard),覺得紅軍今夏的首要任務,是找到一位可殺入禁區為球隊入球的後上得分中場。

「佐敦軒達臣及占士米拿只會愈來愈老,雖然他們還是頂級球員,一直努力去奉獻更多,但對利物浦而言,要考慮的是接下來5、6年的未來,他們需要一位『8號位』的中場,入球可以達雙位數。」這位現時已是阿士東維拉領隊的名宿這樣說。

他隨後再補充:「紅軍嚴重依賴前場三叉戟,或者你將後備的迪奧高祖達及費明奴也計算在內,入球就是這5人為主,但他們還是需要一名可入禁區為你入球的中場球員。」

利物浦今季入球最多的中場是法賓奴,但在各項賽事也只入了8球,當中有3球還是12碼。


https://hk.sports.yahoo.com/news/謝拉特-紅軍需要中場殺手-100039498.html









講得好岩!
中場老化得緊要
同明顯基達就做唔到呢個8號位既要求
打強隊佢永遠都係無表現, 只係可能做到球隊既rotation
jones 又係無用, 實力太差連rotation 都做唔好

或者買後備10 號, 只能夠用黎做破密集既plan B 或打弱隊
所以其實之前我都好FF 古天奴能回歸踢後備10 號


同埋隊中太多速度唔快既球員
雙翼一死火, 就無人可換, 南野張伯都算係呢種速度慢既球員, 不過都走就唔多講
邊路突破係球場上最易做到既突破 好多時打破悶局都係要靠從邊路發難
所以邊線翼位第一要求就係快, 真係基本要求, 唔夠速度即做唔到突破 即係無用同浪費左個位
好多翼位球員老左都係慢慢入中間, 如文尼都要慢慢轉型 因為再做唔到速度突破
同埋隊中咁多長傳高手, 有多隻快翼好重要

同埋最好補多個速度快既右閘做替補
阿樂其實都改變左企位, 以前佢成日落底, 但佢速度太慢回唔切
所以佢已經踢後好多 要軒隊補佢位 又成日宜入中路
唔係佢進攻能力S+ 真係要換人啦

回覆 引用 TOP

相等於⋯韋拿杜姆同基達嘅分別,前者系副鋒改造成中場,後者暫時係三不像,艾利諾似係古天奴功能,愛隊最需要係另一個韋拿杜姆,有頭鎚有身形有射術,小弟反而唔多識欣賞艾簡,總覺得佢行軍拖太慢,冇左嗰份快上快落嘅速度,小弟愚見不喜勿插。

回覆 引用 TOP

首先要高普肯改變戰術理念,依家嘅中場工兵化係佢砌出嚟。
中場前插兩閘就唔可以咁多壓上,兩翼就要多拉邊出波而唔係斜插中路攻門。兩種套路要可以互換及溶合至有用。




回覆 引用 TOP

引用:
原帖由 WCErnest 於 2022-5-31 11:06 AM 發表
首先要高普肯改變戰術理念,依家嘅中場工兵化係佢砌出嚟。
中場前插兩閘就唔可以咁多壓上,兩翼就要多拉邊出波而唔係斜插中路攻門。兩種套路要可以互換及溶合至有用。


其實呢個form 無問題
問題係中場工兵老化 cover 唔到咁大防守範圍

回覆 引用 TOP

[隱藏]
引用:
原帖由 foreveroi 於 2022-5-31 10:30 AM 發表
相等於⋯韋拿杜姆同基達嘅分別,前者系副鋒改造成中場,後者暫時係三不像,艾利諾似係古天奴功能,愛隊最需要係另一個韋拿杜姆,有頭鎚有身形有射術,小弟反而唔多識欣賞艾簡,總覺得佢行軍拖太慢,冇左嗰份快上快落嘅速度,小弟愚見不喜勿插。



控制節奏咪強  現時利記經常有6成控球
而控制節奏就係要行軍拖慢,  行軍速度快就唔會保持到經常控球在腳


其實可能係高普之前就預計到球隊老化, 先引入艾簡而拖慢比賽節奏
其實咁踢之後, 球隊的確小左好多受傷, 球員唔洗谷咁行, 應該係好事黎既


但輸2冠後, 我現在就嫌球隊應快時快唔起
後備無快翼, 中場無個有效年青既球員去做高強度既攻守轉換, 都無禁區頂既10 號

[ 本帖最後由 justinso68 於 2022-5-31 11:40 AM 編輯 ]

回覆 引用 TOP

引用:
原帖由 justinso68 於 2022-5-31 11:34 發表



控制節奏咪強  現時利記經常有6成控球
而控制節奏就係要行軍拖慢,  行軍速度快就唔會保持到經常控球在腳


其實可能係高普之前就預計到球隊老化, 先引入艾簡而拖慢比賽節奏
其實咁踢之後, 球隊的確小左好多受傷, 球員唔洗谷咁行, 應該係好事黎既


但輸2冠後, 我現在就嫌球隊應快時快唔起
後備無快翼, 中場無個有效年青既球員去做高強度既攻守轉換, 都無禁區頂既1 ...
簽左富咸卡華路
唔單止踢法,連個樣都有點似古天奴
希望佢黎緊幫到條中場線
其實樓上講既艾利諾未傷之前都做到嘢
但傷完之後冇乜機會了

回覆 引用 TOP

其實萊比錫既K8都唔係工兵
但黎到利記傷多過踢
今季少左傷但狀態都未如萊比錫時期既佢
對佢都有點失望

回覆 引用 TOP

引用:
原帖由 wyli4 於 2022-5-31 08:53 PM 發表
其實萊比錫既K8都唔係工兵
但黎到利記傷多過踢
今季少左傷但狀態都未如萊比錫時期既佢
對佢都有點失望
基達系萊比錫⋯踢到成個翻版謝拉特咁,唔知咩原因嚟到英超冇晒信心,嗰啲系德甲步大力雄,推波上前攻門一次都冇見過,賣出又冇市場,自用又有啲雞肋。




回覆 引用 TOP

https://youtu.be/uonMrMf-8aw

講開卡華路
順便丁下球王片

回覆 引用 TOP

[隱藏]
引用:
原帖由 foreveroi 於 2022-6-1 11:22 發表

基達系萊比錫⋯踢到成個翻版謝拉特咁,唔知咩原因嚟到英超冇晒信心,嗰啲系德甲步大力雄,推波上前攻門一次都冇見過,賣出又冇市場,自用又有啲雞肋。
真係攻守乜都有
有遠射有盤扭有直線交波又可以防守

回覆 引用 TOP

引用:
原帖由 wyli4 於 2022-6-2 11:30 AM 發表

真係攻守乜都有
有遠射有盤扭有直線交波又可以防守
丁丁丁,略嫌身型較單薄.

回覆 引用 TOP

引用:
原帖由 三一一三 於 2022-6-2 12:01 PM 發表
丁丁丁,略嫌身型較單薄.


古天奴2世

回覆 引用 TOP

提示: 作者被禁止或刪除 內容自動屏蔽,只有管理員可見


伸延閱讀
[按此隱藏 Google 建議的相符內容]
 提示:支持鍵盤翻頁 ←左 右→ 發新話題發佈投票
請先登入
小貼士:
依家可以用“@”tag會員啦!




重要聲明:本討論區是以即時上載留言的方式運作,Uwants.com討論區對所有留言的真實性、完整性及立場等,不負任何法律責任。而一切留言之言論只代表留言者個人意見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。Uwants.com討論區有權刪除任何留言及拒絕任何人士上載留言 (刪除前或不會作事先警告及通知 ),同時亦有不刪除留言的權利,如有任何爭議,管理員擁有最終的詮釋權。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。


Copyright © 2003- Uwants.com All Right Reserved.
版權所有,不得轉載。