Uwants TV消閒生活手機討論遊戲地帶影視娛樂校園生活數碼科技寵物樂園學術文化體育世界購物廣場時事投資貼圖影片上班一族美容纖體戀愛婚姻汽車討論成人資訊博彩娛樂資源交流站務管理
發帖
註冊 登入/註冊



追帖 打印

[其他] 女友出街食飯永無主動畀錢 男網民:扮下畀都好吖!



女友出街食飯永無主動畀錢 男網民:扮下畀都好吖!

[隱藏]
一直以嚟,網民都好自豪咁話「香港男生,天下第一」;講嘅就係港男又有風度、又唔計較、當港女如珠如寶,甘願變小男人,可以話世界上罕有。不過可能正正係港男呢種風度,令某啲男生都被迫要接受同等待遇,反而令自己唔開心。有男網民於「連X討論區」出Post,話自己同女朋友拍拖3個月,大家都係畢業一年嘅打工仔,經濟上大家差唔多。男網民話女朋友樣樣正常,唯一一樣令自己好睇唔過眼就係拍拖每次食飯,女朋友都無主動話過畀錢。男網民強調唔係想AA制或者吝嗇,只係覺得女朋友呢種攤大手嘅感覺令自己好唔舒服,唔明白點解男生就一定要餐餐畀錢。

其實呢個問題都已經係老生常談,基本上任何男人一提及呢個問題,第一反應畀人感覺就係「小家」;所以呢位男網民敢提出,都唔知話佢天真好,定勇敢好。男女拍拖,一直以嚟都強調應該要公平,唔存在邊個欠邊個。當然香港習慣咗男仔多數搶畀錢,女生亦甘於接受,日子耐咗,就令男請女食飯係天經地義。不過大家都要留心一點,好似呢位男網民咁講,好多時候男仔唔係真係介意錢,只係感覺唔好,佢哋嘅卑微要求係女朋友扮要搶畀錢,其實就已經足夠,相信最後男仔都會爭住自己請。作為醒目嘅女生,好多時只要扮下嘢,足夠男友窩心好長時間。

當然,香港仲有一大班好女仔,會真係同男友輪流請,絕對大有人在,一啲都唔出奇;希望作為女朋友嘅你,多啲為男朋友諗諗,代入一下佢哋,然後你就識做,下次食飯,試下拎銀包出嚟啦。

附件

61839810cb5a9fc2ea756083fa7ae854.jpg(28.65 KB)

2019-8-22 05:26 PM

61839810cb5a9fc2ea756083fa7ae854.jpg

回覆 引用 TOP

條女自己鍾意既又點會咁計較呀

回覆 引用 TOP

睇完,好好笑
連餐飯都計較,將來點一齊生活




回覆 引用 TOP

真係未見識過有人會攤大手板唔俾錢,點安心啊

回覆 引用 TOP

[隱藏]
溝緊要請條女食飯係應該的
拍得耐既話
有時食太貴真係會肉痛

回覆 引用 TOP

引用:
原帖由 05ho 於 2019-8-22 05:26 PM 發表
一直以嚟,網民都好自豪咁話「香港男生,天下第一」;講嘅就係港男又有風度、又唔計較、當港女如珠如寶,甘願變小男人,可以話世界上罕有。不過可能正正係港男呢種風度,令某啲男生都被迫要接受同等待遇,反而令自己唔開心。有男網 ...


作為大家都男人既我, 係唔介意請食飯, 請得起係代表自己有本事。不過就會好介意對方係咪當自己朋友? 另一半關係? 水魚?
所以請唔係問題, 係心態問題, 就係我地咩關係, 咩原因要請。如果對方係自己有左關係既女朋友, 次次請咪次次請囉, 食左你副身家咩? 如果對方係隔左好耐都未有關係既女朋友, 就可能會介意。如果如果對方只係追求者, 就更會介意自己係咪兵。尼個唔係風唔風度既問題, 係誠意同信任問題。如果對方係朋友, 冇左特別關係, 請唔請就隨心, 反而唔會成日計住。

回覆 引用 TOP

頭3個月係蜜月期,男士俾好正常。
過左蜜月期,女仔為求穩定,反而會做多D,如送禮物等等。

呢個Story只係講,男士既蜜月期已過,但女仔還停留在蜜月期中。
Timing唔夾就係呢種,如雙方差別太大,好容易分手。

回覆 引用 TOP

引用:
原帖由 Diedog 於 2019-9-10 11:53 AM 發表
頭3個月係蜜月期,男士俾好正常。
過左蜜月期,女仔為求穩定,反而會做多D,如送禮物等等。

呢個Story只係講,男士既蜜月期已過,但女仔還停留在蜜月期中。
Timing唔夾就係呢種,如雙方差別太大,好容易分手。 ...


聽好多lu, 好多都過未有關係果時就好熱烈, 過左就冇晒火。所以男人最好保持一貫作風, 唔好輕易去改變對人既態度。




回覆 引用 TOP

都係一餐飯,何必在意

回覆 引用 TOP

[隱藏]
男女方大家價值觀不同

回覆 引用 TOP

我女朋友都會偶爾請我食一餐半餐😂 但大多數都係我比~

回覆 引用 TOP



伸延閱讀
[按此隱藏 Google 建議的相符內容]
 提示:支持鍵盤翻頁 ←左 右→ 發新話題發佈投票
請先登入
小貼士:
依家可以用“@”tag會員啦!