查看完整版本: 【第三次拖手_女仔篇】

計數佬 2018-9-6 06:03 PM

【第三次拖手_女仔篇】

我Daddy 係中學校長,有個比我大五歲的哥哥,屋企都幾大下,計埋廚房書房客房工人房有廿六間房,有花園有泳池,因為住半山區比較僻靜所以需要八架車,連阿爺阿嫲,太嫲,大伯二伯兩家人一共住咗十四個人,司機花王管家同五個工人姐姐,好熱鬧吖。


可惜哥哥十歲就送咗去英國讀書,一年先見到兩次,全屋得大伯個仔同二伯個女同我年紀差唔多,不過我最可愛,所以個個都錫我。

計數佬 2018-9-6 06:06 PM

大伯以前係大律師,好威風㗎,赢過好多大單官司,已經退休。八年前最後一次出庭,我5歲果陣有機會現場旁聽,D 風采真係迷死人。由果時開始我立志大個要做律師。有咗方向後我好比心機讀書,完成小學課程Daddy 建議我去英國讀。 起初我舉腳贊成,仲好期待,我以為英國唔會好大啫,以為得閒可以去探下哥哥,佢响英國都七年幾時間,以為佢得點解我唔得?

計數佬 2018-9-6 06:07 PM

以為以為,我真係太天真,晌英國由一個地方坐車去另一個地方,郁D七八個鐘頭,一來一回去咗成日時間。而且暑假後果邊開始凍,仲唔係普通嘅凍,係好鬼凍。天啊,乜野鬼地方嚟㗎?



起初又以為同學會好nice,話晒女校,我英文又叻,一定溝通到。但原來咁先慘,D 大人一走晒同房的同學就現哂真面目,乜野黃皮豬支那人的說話全部出晒嚟,根本就種族歧視。

計數佬 2018-9-6 06:09 PM

同樣遭受歧視仲有台灣日本馬來西亞嚟嘅女仔,佢地英文唔及我好,起初見佢地比英國鬼妹圍住,我埋去幫口代答替佢地解圍,點知咁就惹禍,受晒D 鬼妹針對,比人蝦緊嘅女仔見甩難走都走唔切,剩低我成為箭靶。


仲要宿舍同房,佢地日日叫幾個過嚟蝦我,好辛苦吖。捱咗幾個月,難得有十日假飛返香港,好唔想再返去,以後日子點過吖?

計數佬 2018-9-6 06:10 PM

返到香港同Daddy 講,起初佢當我講笑,後來知我講真就黑哂口面,求咗成個禮拜仲惹到佢討厭添,成日推話要返學校唔得閒,谷鬼氣之下咪叫媽咪帶埋我去佢學校搵佢,因為三日後果邊就開學,冇時間喇。


媽咪明白我嘅苦况,而且四個月冇見佢都心掛掛,見我瘦咗都心痛。到學校見Daddy 依舊唔肯聽人講野,嬲得滯衝出門口撞到個幾奇怪嘅男學生。:026:

計數佬 2018-9-6 06:11 PM

我見佢望下呢度望下果度之後講咗句:「要大人聽我地講,妳係要用D方法」。好玄,但幾有大伯個feel,我問佢:「你有計?」


佢笑住咁吸啖氣就話:「妳揸呢枝鉛筆晌手扮挾持我拖我入去,叫佢地唔好埋嚟,大大聲咁話如果校長再唔肯聽妳講野妳就一直拖住我呢個男同學隻手唔放。放心,我係應屆辯論大賽嘅優異生,口才出眾,一陣我會幫妳代答。」仲玄,但仲有咩其他方法呢?

計數佬 2018-9-6 06:14 PM

雖然唔知呢個男仔可唔可靠,非常時期乜都要試下「好!」就照佢說話做,唔好理咁多,拖埋佢入面多個人壯下膽都好。結果,真係可以比我宣洩到,但係睇住呢個明明同我差唔多年紀嘅男仔,神態自若,講野好平淡自然,D舉動完全似個大人,原本係好緊張捉實佢隻手,變咗係幾放心咁比佢拖住,奇怪。:027:





。。。。。待續。。。。

syanbb 2018-9-8 07:55 PM

經驗十足啦 :096:

計數佬 2018-9-10 10:19 PM

然後,佢好似發現咗D野,建議轉宿舍換 roommates。係喎,得㗎咩?如果換哂係同樣比人蝦的女仔,大家有個照應,咪好多問題都解決到囉。個男仔見Daddy 講完可以咁做之後就企起身示意媽咪過嚟,呢一刻我先醒起我地一路拖住手,真係醜死怪。佢走咗之後我問 Daddy 關於佢嘅野,隔離個年老阿Sir 講咗好多,百厭,多口,駁咀駁舌,貪玩,過渡活躍,鍾意整古人,不過係有小聰明,腦筋靈活轉數快,學野快反應快,舉一反三又記性好..…。

計數佬 2018-9-10 10:34 PM

哦,好犀利,Daddy 亦加把口話佢唔百厭再好好栽培係有d 前途。我:「但係,Daddy ,你唔覺得佢好似完全唔驚你地㗎咩?」。校長:「佢又無做錯事,為乜要驚我地?不過無大無細呢吓係真。」 媽咪晌度笑,話有d Daddy 年輕時嘅影子,Daddy就掘住媽咪,好搞笑。我望住剛剛佢行出去果度門,好似仲見到佢個背影,一個唔簡單的背影。

計數佬 2018-9-10 10:47 PM

Daddy 即時打長途搵果邊已經夜晚的Uncle Billy,搵到之後傾咗好耐千叮萬囑一定要處理好呢件事,仲話個寶貝女,即係我,返嚟已經嘈咗幾日。嘻嘻,我腦海中開始幻想以後唔使再比佢地搞住冇時間溫書,再諗埋,我有呢個想法,果幾個女仔應該都有,掂吖呢次,我要學呢個男仔咁。


哥哥十歲就過去,從無講過有呢個問題,我十三歲都做唔到?媽咪安慰我時就話,人地面對幾大人都咁鎮定,妳比幾個同年紀女仔針對,有乜好驚呢?:096:






。。。。。。 待續 。。。。。

計數佬 2018-9-10 10:58 PM

[quote]原帖由 [i]syanbb[/i] 於 2018-9-8 19:55 發表 [url=https://www.uwants.com/redirect.php?goto=findpost&pid=234464938&ptid=19788896][img]https://www.uwants.com/images/common/back.gif[/img][/url] 經驗十足啦 :096: [/quote]
:027::027::130:

syanbb 2018-9-11 05:45 AM

[quote]原帖由 [i]計數佬[/i] 於 2018-9-10 10:58 PM 發表 [url=https://www.uwants.com/redirect.php?goto=findpost&pid=234474581&ptid=19788896][img]https://www.uwants.com/images/common/back.gif[/img][/url]

:027::027::130: [/quote]


接落黎系點呢? :122:

計數佬 2018-9-12 05:53 PM

[quote]原帖由 [i]syanbb[/i] 於 2018-9-11 05:45 發表 [url=https://www.uwants.com/redirect.php?goto=findpost&pid=234476258&ptid=19788896][img]https://www.uwants.com/images/common/back.gif[/img][/url]  


接落黎系點呢? :122: [/quote]
接落嚟都係描述返第N次拖手入面個情景,其實已經無咩好寫,情節宜家好多韓劇都出現過,我再寫變咗好似抄人地咁。呢二十年编劇嘅水準晌不知不覺間已經去到一個業餘寫故佬根本追唔到的境界,犀利。:032:

計數佬 2018-9-18 12:57 AM

續....…

聽完媽咪咁講,我對我自己嘅幼稚行為覺得慚愧,從媽咪口中得知Daddy 原來都有另一面,望住媽咪睇住個男仔嘅眼神,想像到年輕時的Daddy 都可能係個好早自立嘅男仔,就好似哥哥咁,十歲去英國寄宿到宜家,從無要過屋企人擔心。


晌校長室東拉西拖延時間等中午食飯,表面係同Daddy 食飯做個乖乖女。暗地,係想見多個男仔一面。我求其問一個學生知唔知數仔晌邊?佢已經答到我話多數响操場打波。

計數佬 2018-9-18 12:58 AM

望住呢個唔算高唔大隻但好黑的男仔响人堆中穿插,成隻馬騮咁,好少起手投籃,只係好似波子機咁將個波不停彈比隊友,唔知道咁有咩好玩,不過睇佢地玩得幾開心,偶然的一次外圍投入個三分波,係幾有型。


最後媽咪催要走,要去添多幾件褸,日用品之類。而我仲要返去plan 好個做 leader 大計。「哦,知道喇,媽咪。」

計數佬 2018-9-18 01:00 AM

兩日後朝早,我一早執好哂野,晌房望出窗口沉思時,媽咪問:「使唔使去同人地講聲多謝吖?」知女者莫若媽咪,「嗯♡」。架車到Daddy 學校出面停低,司機全叔入去通知咗Daddy 之後,隔一陣就見數仔行出嚟,嘩,開心到我吖。


可惜,佢對人地異常咁冷淡,仲話乜野中學生唔應該咁咁咁,等我做到律師先乜乜乜,邊係人話嚟㗎?哼!我話過今年到聖誕時候返嚟一定要你對我另眼相看。可惜,今年年尾我再話去Daddy 學校時,媽咪已經同我講呢個叫數仔的男仔已經冇讀了。唉~




完。
頁: [1]
查看完整版本: 【第三次拖手_女仔篇】