其他討論
消閒生活手機討論遊戲地帶影視娛樂校園生活數碼科技寵物樂園學術文化體育世界購物廣場時事投資貼圖影片上班一族美容纖體戀愛婚姻汽車討論成人資訊博彩娛樂資源交流站務管理
發帖
註冊 登入/註冊 微博



收藏 訂閱 打印

[法律] 樓上噪音



樓上噪音

[隱藏]
我屋企樓上長期有重物墜地/搬動聲, 曾多次向屋園管理署投訴, 之後上便條友仲專登大力d多次突然撞地下, 我屋企老人家常給嚇親, 長期下去真係神經衰弱

香港社會而家怨氣大, 其實同普遍生活環境擠迫造成精神壓力都有關係
外國地少人多住既多數獨立屋或樓底高既大廈, 馬路人車都少所以比較少噪音問題
相反香港d地產商起到d樓樓底低牆又薄, 若果樓上住著條缺德既人會十分滋擾
建議政府應考慮立法加強規管日常家居噪音, 有必要時要作民事起訴, 不要漠視個別單位長期受滋擾等事件

回覆 引用 TOP

引用:
原帖由 koem 於 2009-12-24 12:45 AM 發表
我屋企樓上長期有重物墜地/搬動聲, 曾多次向屋園管理署投訴, 之後上便條友仲專登大力d多次突然撞地下, 我屋企老人家常給嚇親, 長期下去真係神經衰弱

香港社會而家怨氣大, 其實同普遍生活環境擠迫造成精神壓力都有 ...

無錯,真係有好多人啞忍架
住我樓上個個都係好嘈,你同管理處講,佢又叫你報警,之後啲警察咪又同佢講幾句
第二日又再嘈番,可能好似巴士阿叔咁講"你有壓力我有壓力"
你得罪樓上仲死,佢日日比壓力你添
屋邨扣分制,就係咁廢
你過去第二邊香港個度search下,個搵到好多受害者
如果你個區既區議員有用既話,可以反應比佢聽(我自己反應過,佢叫我忍,所以我個區既區議員係無用)
另一辦法就係搬(如果可以既話)






回覆 引用 TOP

我都係受害者, 住左十幾年, 樓上就嘈足十幾年, 隔幾個月就會有鑽嘢搥嘢聲, 自今年12月開始更過份, 每日不分早晚都有唔同噪音, 朝早就鑽嘢, 過左6點就搥嘢, 夜晚9點開始就細細聲咁搥, 掉嘢落地或者拉椅聲直至12點或者朝早都試過, 試過投訢, 樓上百佳同管理員講話係小朋友喺度玩 , 佢控制唔到, 管理員叫我報警, 報咗警, 警察拉埋管理員上嚟, 嚟到又話只係砰咗一聲唧,唔覺好嘈bor, 我話你只係企喺度5分鐘, 你唔覺好騷擾, 但我每晚放工番嚟食飯瞓覺喺度最小10個鐘, 佢每半個鐘拉一次椅, 或者你瞓瞓下砰一聲, 咁都唔叫騷擾?! 個阿sir只係話宜家我地聽唔到, 我地差人都冇辨法, 咁佢就同個管理員講叫佢出張通告之類嘅嘢, 內容係叫d住客注意家居嘈音..blah...blah....blah.... 之後仲同我講嘈音呢個問題, 最有效嘅解決方法係教~育~ 呢d就係為民除害嘅香港警察
下一步我會試下同區議員反映下, 希望佢唔會好似之前嗰d咁廢啦....




回覆 引用 TOP

未感受過樓上長期噪音既人未必明每日頭上幾呎有或大或小物件撞擊/拉扯聲+突然幾下大力撞擊聲, 果種滋擾性比裝修/整馬路等只限(9-6)既工程有過之而無不及

建議政府對長期(持續兩星期以上)非作息時間既噪音滋擾都要納入監管, 而家最多警察口頭警告對於部份長期制造家居噪音既人完全冇阻嚇力, 遲早又有苦主頂唔順斬人

希望同樣長期受噪音滋擾既苦主同心協力, 要求政府盡快立法監管

[ 本帖最後由 koem 於 2009-12-29 12:42 AM 編輯 ]






回覆 引用 TOP

[隱藏]
我樓上亦有一對夫婦加個5,6 ge 死靚仔由 12.2008 起搬入嚟, 佢地包羅晒所有噪音元素 :  (1) pk 仔過度活躍, 終日又玩又跳咁, (2) 全家人都鍾意唔著鞋, pk, 無膠拖墊住, 腳踭踏地好大聲架, (3) 其中個阿叔 (個老公) 又話個肥老婆鍾意整潔 wo, pk, 一日到黑響度執嘢, 攪到叮叮噹噹咁. 我對付佢地 ge 方法如下 :  (a) 先循例叫管理處跟跟 (預咗無效), 之後叫管理處提交書面跟進記錄俾我, 方便申訴, (b) 出律師信, (c) 向業主施壓 (樓上係租戶), (d) 一聽到聲即刻報警, 半年內報警超過 50 (根據噪音管制條例, 任何人於任何地點任何時間, 因為玩耍遊戲而產生聲音, 令另一個感到煩擾, 即屬違法), (e) 向警署 (行動支援果隊人) 反映, 結果警方邀請樓上租戶同業主協助調查, (f) 管理處有跟進不力者, 我就去佢地總公司投訴, 警方跟進有不力者, 就搵警察投訴科跟跟, 點呀, 以上攻勢如何? 再無改善 ge , 我會搵區議員, 報紙, 民政署同環保署跟進, 再唔掂, 我又會所有程序重複再做, 但事實上, 我做到以上 ge (f) , 樓上班 pk 已經靜咗 9 , d 人真係犯賤, 出爐鐵咁, 打完先知做嘢.

回覆 引用 TOP



伸延閱讀
 提示:支持鍵盤翻頁 ←左 右→ 發新話題發佈投票
請先登入
小貼士:
依家可以用“@”tag會員啦!
預覽帖子  恢復數據  清空內容