註冊
微博



發新話題發佈投票
打印

[採購] 請問有冇人知道去邊批發韓國時裝? 唔該!

請問有冇人知道去邊批發韓國時裝? 唔該! E-mail 此主題給朋友

[隱藏]
小妹想創業, 開間鋪tee賣韓國時裝, 但唔知去邊攞貨? 有冇人知道點樣去韓國攞貨啊?
大概係韓國邊區最多最靚? 如果唔識韓文, 去到會唔會唔得架? 好想搵人教路.
請有心人指點指點小妹, 謝謝!



實用相關搜尋: 創業

TOP HOME

其實如果你要啲現成韓國時裝批發,你去荔枝角既香工、長沙灣廣場實會搵到,不過佢地既價錢唔平,同埋如果你自己唔醒水又唔屬個行頭,好易俾啲老行專呃…

教你最化算、最實際又最唔怕人呃既方法:

你首先自己睇雜誌之類,睇下有咩款啱,拎幾個款去影印n咁多張,諗諗有冇咩自己想修改個款既地方,諗諗自己既預算,想每個款做幾多數量

唔知你對布料有冇認識,如果唔係好熟,去深水埗汝洲街行半個鐘,果度有勁多布行,你可以去逐間布行揀隻適合你果啲款既布料,啱心水既就拎個布版(拎布板唔駛錢)

如果你有咩配件有特別要求,好似鈕、絲帶、喱士花邊、橡筋、閃石扣,你可以去深水埗基隆街行下搵搵,不過如果你只想要類似又唔一定要十足十既配件,唔駛自己搵,下面有講

跟住去深水埗長沙灣道逐間時裝批發問有冇做,唔駛理佢地門面係咪做你啲貨,呢樣好緊要,唔好見到人地門口冇掛自己心目中既款就唔行入個門口,見到人地門口掛晒啲大陸款、印度款甚至非洲款都唔好怕入去問,佢地通常最靚/最好賣既貨多數唔會掛出黎俾人睇,反而如果你見到人地掛出門口果啲同你自己心目中果啲好似樣,你反而要問清楚價錢,因為佢地做開呢類型客,價錢會略高,不過無論佢地門口掛羊頭定掛狗頭,你只要行入門口開口問就一定有人show你,我覺得等佢地reject你話佢地冇做類似既野都唔緊要囉

你俾佢地睇你想做既款,講埋有冇野要修改,改長短、改袖等等…講俾佢地聽想用咩類型既料做,唔識講就用上面講果啲布板出黎,剪少少俾人…除非你指定話一定要用果間布行既某一種布,你可以叫佢地幫你搵類似既布,價錢可能會仲平

跟住你可以叫佢地報個價俾你,有啲可以即時俾到價,有啲可能要過幾日覆你,所以要問佢地拎卡片記低個電話日後再聯絡…不過唔係話價錢最平果個就要揀果個,你可以叫佢地做個板俾你,睇下佢地啲手工、車工合唔合你既要求…有啲價錢好平,但係手工唔係咁好,有時有啲裁剪又唔係夠靚,你著上身就會覺得怪怪地…視乎你既要求囉…揀好邊間後就可以做貨…

我唔係話想賣廣告定咩,我提議深水埗呢幾條街,係因為幾條街好近,選擇又多,價錢真係好抵諗,係時裝批發既天堂…同荔枝角、觀塘既分別係,你可以自己揀布、揀配料、揀搵邊間做都得,價錢又唔會好高(以荔枝角、觀塘黎比較),因為果度競爭大,價錢太高等於讓咗單生意俾人

不過講返轉頭,如果你話你唔鐘意自己揀咩料、自己配咩拉鏈等等等等,你可以考慮荔枝角,貴就貴啲,但係勝在有現貨,你肯買就得…

Anyway,如果你要多啲資料,你可以pm我



實用相關搜尋: 電話 廣告

TOP HOME

伸延閱讀
 提示:支持鍵盤翻頁 ←左 右→ 發新話題發佈投票

重要聲明:本討論區是以即時上載留言的方式運作,Uwants.com討論區對所有留言的真實性、完整性及立場等,不負任何法律責任。而一切留言之言論只代表留言者個人意見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。Uwants.com討論區有權刪除任何留言及拒絕任何人士上載留言 (刪除前或不會作事先警告及通知 ),同時亦有不刪除留言的權利,如有任何爭議,管理員擁有最終的詮釋權。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。


Copyright © 2003- Uwants.com All Right Reserved.
版權所有,不得轉載。

10.0.0.13