註冊 微博



打印

[考車過程] 河畔線 - 遇上嚴格考官 - 結果 . ...

河畔線 - 遇上嚴格考官 - 結果 . ... E-mail 此主題給朋友

[隱藏]
第一次考,棍波貨van,先來泊位調頭上落斜,十分順利。然後叫我出門直去,過多石街停車場都係叫直去,我就知係河畔線。(註:入多石街前左線修路,所以在中線,我當時一心就諗係河畔線,其實佢無講,我後來想我應該過完燈入番左線,搏佢去大涌橋線,因為相對較易。)

沿途開停車前均有望鏡,上三波落二波沒問題,cut線望盲點不在話下,打足燈停慢dup唔chok,轉彎位個人覺得不是超好但也可接受。

到入崗背街過死車,都小心奕奕,佢開聲話,我開貨車要多d望左面鏡,唔好淨係望盲點,會睇少好多野,其實我係有用左鏡,只不過過完死車cut番入左邊真係要望下有無d單車之類Ji出來(因為我之前真係試過有架電單車系我cut左時Ji出來,當時我在鏡及盲點都睇佢唔倒,連師傅都睇唔倒),係為左大家安全,不過我始終經驗淺,我答佢"um,係",之後我望左鏡就望耐dd,誇dd。

跟住轉入大涌橋,cut入左線佢又同我講dd差唔多o既野,我就聽佢講應佢幾聲。跟住左轉入沙田圍路,心諗點解唔比油都"掟"住入呢,原來係掛住聽佢講唔記得入番二波,始終駕駛經驗淺。但個彎都ok,無"掟"左去格離線。

回程中遇到兩個"醫院燈",都要我急停,我覺得都唔係急dup停,但我估個碌有可能砸界,不過佢無出聲。到回程行到銀城,在中間燈位停車,車停下,在入空波拉手制之間,佢突然一腳踩落腳制度 . . .. .. 佢踩之時,我已拉好手制。然後我同佢你眼望我眼,最係佢望望後面,同我講,架車流後。結果可想而知啦。

今次衰大意,雖然平路停車,我為左停車唔chok踩腳制唔夠深,如果踩得深佢就踩唔倒,不過覺都有d怪,我其實都差唔多拉完手制唔濟佢先踩腳制,咁實有得踩過喎,個度條路都幾平,我又唔係完全無踩住腳制,我都唔記得有無真係流後。

我並非覺得自己揸得好好,其實考試當日表現尚可,不比練習時差,但始終只係學左廿個鐘,明白經驗絕對是十分重要,重考也不打緊,但就是有點不明所以的感覺 . ... .. ...  .



實用相關搜尋: 考試

TOP HOME

真係唔抵...衰得個一樣!!考完之後你應該有得睇番個張評分紙嫁??!!佢除左話你衰溜後仲有冇話其他!!其實 你係唔係真係溜後嫁??個考官有冇咁勁係你入空波拉手制之間即刻就FEEL到你溜後 ??


熱門搜尋: 鋼琴 調音 琴行 結他 鋼琴 課程 yamaha

TOP HOME

師兄好唔抵呀.....
你介唔介意講下你考幾點??




TOP HOME

引用:
原帖由 mr.mouse 於 2009-11-7 08:30 AM 發表
師兄好唔抵呀.....
你介唔介意講下你考幾點??
我都想知師兄考幾點



熱門搜尋: 香港 商機 credit card

TOP HOME

[隱藏]
引用:
原帖由 kokop 於 2009-11-7 01:09 AM 發表
第一次考,棍波貨van,先來泊位調頭上落斜,十分順利。然後叫我出門直去,過多石街停車場都係叫直去,我就知係河畔線。(註:入多石街前左線修路,所以在中線,我當時一心就諗係河畔線,其實佢無講,我後來想我應該過 ...
真係好可惜呀
前碟後鼓 handbrake既反應比腳制來得慢
我估你當時唔係溜後 可能係腳制未落晒  隻碟索唔實前轆
你拉handbrade後  煞車鼓在摩擦狀態令架車郁一郁先會停定
但係個官一feel到架車好似"未停定"

[ 本帖最後由 hkna 於 2009-11-7 01:49 PM 編輯 ]

TOP HOME

引用:
原帖由 hkna 於 2009-11-7 01:46 PM 發表


真係好可惜呀
前碟後鼓 handbrake既反應比腳制來得慢
我估你當時唔係溜後 可能係腳制未落晒  隻碟索唔實前轆
你拉handbrade後  煞車鼓在摩擦狀態令架車郁一郁先會停定
但係個官一feel到架車好似"未停定 ...
仲有.....你空波先手制???

TOP HOME

引用:
原帖由 hkna 於 2009-11-7 02:15 PM 發表


仲有.....你空波先手制???
係喎//..師兄你真強!!如果真係空波先拉手制...真係有可能會溜後!!



熱門搜尋: online shopping 媽咪 會

TOP HOME

引用:
原帖由 strikefung2000 於 2009-11-7 06:18 PM 發表


係喎//..師兄你真強!!如果真係空波先拉手制...真係有可能會溜後!!
唔係強啦  因為我都經常犯呢個錯




TOP HOME

點解你唔係手制空波呀


熱門搜尋: 謝師宴 凍肉

TOP HOME

[隱藏]
我考11:35am的,路面煩忙度屬正常。

我係學Benz Vito的,它的"手制"其實係要用左腳踩的,所以必須空波左先,左腳放開離合器,才可過去踩"手制"。當然其間右腳一直踩住中間個腳制。

佢就係o系我左腳放下離合器去踩"手制"的刹那踩我腳制。我承認當時我腳制踩得唔係好夠深,咁係因為果度係平路。我唔敢百分百話架車無溜後,但溜都唔會超過3 cm我估,因為我已在踩"手制"。

我明白呢個都係一個錯誤,我亦會吸取教訓,以後會踩深d個腳制。

成績單嚴重錯誤係考官採取行動、車輛溜後及不恰當使用腳制,所以應該就係因為呢下fail。

不過經過這次考試,我就對考車的睇法有所改變 ... .. . .

可能是因香港教育,一向覺得考試都有明確的合格要求。所以人地講三分技術七分運氣,我也不以為然。經過這次之後,我覺得自己係必須對技術有把握,自己都唔感比個牌自己咁無話好說,一定的技術係必要條件。但真正合格的要求,我就真係覺得好模糊,我聽講有人睇錯燈沖左紅燈都合格,到底要做到點先至係合格?真係迷幻過迷幻藥。所以我再考的時候肯定唔會再有壓力,反正我都唔知佢想點樣,我做好自己就得,唔得就再考(或者考個其他地方的牌等其他方法),無他法。

若有可能,我會建議考試時錄影行駛及駕駛員的動作,好等考生可以"查巻",亦有助統一合格要求。



實用相關搜尋: 教育 香港 考試 錄影

TOP HOME

無錯停車怕 chok 係臨停定之前輕迫力,
但係停定時要踩番實迫力架 ..
我自己學車果時, 初頭咪學你咁, 輕迫力停車拉手制囉.
平路無問題架, 一上斜路就現形 .. 所以緊記一停定踩番重迫力黎拉手制呀 ..



熱門搜尋: stainless steel 文件夾 膠水 指示牌

TOP HOME

引用:
原帖由 KD1490 於 2009-11-7 11:55 PM 發表
無錯停車怕 chok 係臨停定之前輕迫力,
但係停定時要踩番實迫力架 ..
我自己學車果時, 初頭咪學你咁, 輕迫力停車拉手制囉.
平路無問題架, 一上斜路就現形 .. 所以緊記一停定踩番重迫力黎拉手制呀 ..
係,其實其他停車位都有踩實個brake,就係果下唔夠深,正正體現了一次疏忽,足以致命,又要比多3000大洋



熱門搜尋: 香港 商機

TOP HOME

引用:
原帖由 kokop 於 2009-11-8 12:44 AM 發表

係,其實其他停車位都有踩實個brake,就係果下唔夠深,正正體現了一次疏忽,足以致命,又要比多3000大洋
我有個fd 新牌渣車....
佢又係鐘意半brake  攪到慣性溜前  變相推人  叫極佢改都唔聽  佢話慢慢brake先舒服
有次黎載我食飯  佢又係好型咁輕輕brake  停燈前一路同我地吹水
不知不覺架車係度溜前  等到我地發現想出聲既時候
已經砰一聲對左落前面架貨車尾度
人地落車睇咩事  佢驚到開窗係咁sorry
點知人地睇下睇下好似個車尾花都無花就上車走左
而我就見到個fd 架車 車頭凸起左
成班笑到肚痛
停低車個brake一定要地板呀




TOP HOME

引用:
原帖由 kokop 於 2009-11-7 10:59 PM 發表
我考11:35am的,路面煩忙度屬正常。

我係學Benz Vito的,它的"手制"其實係要用左腳踩的,所以必須空波左先,左腳放開離合器,才可過去踩"手制"。當然其間右腳一直踩住中間個腳制。

佢就係o系我左腳放下離合器去 ...
1135都河畔
我1200唔知有無機會河畔同大涌橋呢,怕



熱門搜尋: stainless steel 文件夾 膠水

TOP HOME

[隱藏]
引用:
原帖由 *#文少#* 於 2009-11-8 01:12 AM 發表


1135都河畔
我1200唔知有無機會河畔同大涌橋呢,怕
有關係嫁??我0930...有冇機會??



熱門搜尋: gia pn diamond 結婚 介子 diamond 耳環

TOP HOME

伸延閱讀
 20 12
 提示:支持鍵盤翻頁 ←左 右→ 發新話題發佈投票

重要聲明:本討論區是以即時上載留言的方式運作,Uwants.com討論區對所有留言的真實性、完整性及立場等,不負任何法律責任。而一切留言之言論只代表留言者個人意見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。Uwants.com討論區有權刪除任何留言及拒絕任何人士上載留言 (刪除前或不會作事先警告及通知 ),同時亦有不刪除留言的權利,如有任何爭議,管理員擁有最終的詮釋權。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。


Copyright © 2003- Uwants.com All Right Reserved.
版權所有,不得轉載。

10.0.0.11