註冊 微博



打印

[奇人奇事] 被扒仔屈錢的故事 (已加入借錢變屈錢新招)

被扒仔屈錢的故事 (已加入借錢變屈錢新招) E-mail 此主題給朋友

[隱藏]
(呢個post 唔係用黎比人插,呢個post既用意係提醒各位巴打!)

有一天,我跟朋友2人去澳門金x賭錢
賭賭下.......我和朋友分開響唔同既台賭

玩玩下廿一點........有人走埋黎

壞人: 喂,你都贏唔少wo
我: 係呀 !
壞人:你響香港黎?
我:係呀
壞人:你自己一個黎玩?
我:唔係呀,我個朋友響果邊賭緊百家樂
壞人:點稱呼呀?
我:姓陳
壞人:咁呢我有d 桑拿套票同船飛,整唔整返張呀?
我: 我好少黎澳門,用唔著嫁啦,唔使啦

之後無耐,就有多一個人走埋黎
壞人:我黎介紹,呢個我同事
壞人B:陳生,你好呀! 其實呢我係回x賭場既sales 黎既,我地係負責帶d 客去賭錢,賺下碼佣,你地贏輸我地都係賺咁多碼佣,我地緊係想你贏啦,咁樣先可以keep到d客,d 客都會下次再黎賭ma

於是我拎左幾千蚊碼同埋個fd跟佢地去回x賭場

去到之後,我同個fd分別響唔同台比唔同夥人""照顧""
坐落去,我拎左金x 既籌碼比佢地話搞d 手續等我可以繼續響回x 賭
佢地其中一人拎左我幾千蚊碼走
我就同成班壞人坐響百家樂台
好快,其中一個壞人打散左一個一萬蚊碼
擺落我面前
壞人:得嫁啦,呢度d碼你玩住先啦
我心諗,有幾千蚊響手,唔輸突咪無事law

於是佢地扮晒有理論咁提議我買庄定閒.........
初頭佢地幫我揸主意,買幾大,買庄定閒都係佢地幫我落注
之後就......壞人們開始想我自己買(因為出自我手輸就可以當係我借佢地)

壞人: 喂,比d 信心,唔信我地都信下你自己啦! 加油呀!
有時贏左仲會give me five
不過佢地就會開始越買越大.......我開始覺得唔對路
想停,唔玩!
但係佢地想我玩多陣,結果玩多陣埋數,輸左數千碼

咁計埋之前我響金x 贏果d , 我都仲有贏dd

之後佢地帶我去茶記坐底
我:唔好講咁多,我而家淨係想拎我贏果d 走人
壞人:唔得嫁,你輸果幾千同贏果幾千係2條唔同既數
而家2筆數我都幫你入左去張會員卡度
輸果d , 遲d 返香港,我地公司到時有戶口比你入數嫁啦
贏果d , 返到香港拎張會員卡 講個密碼就可以拎左銀行既票拎錢!

心諗:唯有整左張卡,拿拿聲走算

於是佢就開始問我d 個人資料

越問越多........仲問埋屋企人人工,名,電話

我於是問: 做咩問咁多野既
壞人:無呀,你第時可以唔使帶錢過澳門,因為張卡遲d 可以拎去賭場借碼,借完先慢慢返香港入錢都得@@?

講埋d 資料之後
壞人:我地想拎埋你電話,因為我地要用你部電話check下你比既資料o岩唔o岩


於是我比左部電話佢!

壞人:你係咪買來回船飛嫁?
我:係呀
壞人:咁你拎埋黎啦,整好張卡之後就可以幫你claim返今次船飛d 錢


當然最後是知道佢地為左唔比我走先咁做啦


於是一陣過後,有壞人接左個電話之後就同我講:陳生,你張卡批左啦,個額可以借到去十萬,不過張卡就指定要去某個賭場玩返幾手

我: 哦,玩幾手咋? 得啦!

於是坐的士去左一個場

個場一個人都無

我坐底無耐就有十萬碼擺黎

咁好快就輸左幾皮野啦........我話唔玩啦

於是佢地搵其中一個同我坐船返香港

佢地船上同我講:唔使驚,返到香港,你可以用min paid 幾百蚊去還返d 錢,同埋行規係唔可以身上有值錢既野響身,咁先証明你輸晒d 錢,
你拎d 錢出黎數數佢,我幫你袋住先,返到香港間公司搞完手續就比返你啦

於是我又比晒d 錢佢


返到香港,佢就交左我比一早響香港等我既人,同我一齊坐船既人就話有野做,行開陣,一陣返


結果,佢地帶我去茶記坐低再問多次d 資料同我響澳門比底既資料核對下


比左d 資料佢之後........等陣佢就話要今日過埋d 數

於是佢地就同我一齊坐的士返屋企.............

於是過左幾皮野比佢地..............

當然我朋友都中左招啦

希望人生將會第1次去澳門賭場既人睇下啦!!

我認我既警覺性係低,但當初我唔係貪佢什麼什麼,因為佢無話送野比我,所謂既桑拿同船飛佢係問我要唔要(即係要我比錢買)
佢係利用我既同情心(諗住幫人賺下碼佣,日行一善既心態)

如果想話我online,小我既.........希望你地唔好留言.......
我只希望唔會再有下個受害者!

由於收到不少巴打既pm,聲稱他們也不約而同地中左招,有些還是近期發生!所以我覺得呢個post 更加唔好以沉!

往澳門借錢變賭錢 新招「屈錢」
「大耳窿」集團為逃避追查,不斷鑽空子。警方發現有本地「大耳窿」與內地或澳門    不法分子合作,先在香港網上討論區張貼文章,聲稱借貸條件寬鬆,專向有不良借貸紀錄者招手,誘騙他們到澳門借錢,其間安排事主到賭場「玩兩手」,最後事主輸錢欠下數萬至數十萬元不等。

事主被押返港後,會在碼頭交由香港公司職員「騎龍」,即接走押返家確認地址,以便日後追債。

警方今年至少接獲5宗在澳門「被屈錢」個案,上月與澳門司警合作追查下,司警在澳門拘捕多人,包括一名38歲姓吳男子。

警方透露,曾調查一間相關網上借貸公司,發現網址是內地登記,香港的聯絡電話則飛線至澳門,公司要求香港客人要親自到澳門才可借款,明顯是誘騙事主到澳門「屈錢」。雖然案發地點並非在香港,但警方會與澳門和內地方面加強合作打擊,上月曾協助3名被屈錢事主到澳門協助司警處理「認人」手續。



實用相關搜尋: 電話 調查 銀行 借錢 網上 香港 密碼 桑拿

TOP HOME

其實我唔係好明點解仲有人會係賭場入面同陌生人講野






TOP HOME

根本一早都講左澳門冇好人,d 人總是不信,
事後怨天尤人!




TOP HOME

自己賭錢,唔好理人,就小心駛得萬年船..........


熱門搜尋: 歐洲 旅遊 澳門 酒店 訂房 hotels 馬爾代夫

TOP HOME

[隱藏]
所以在賭場如果有人問我係咪香港人,我會話我係澳門人.
有人問我要唔要桑拿套票,我會話我都唔玩呢d.
如果有人話我係xx賭場sales,我會話點解yy賭場會有xx賭場d sales.
其實話自己係澳門人,其本上佢都唔會再搞你,而且果d人多數係香港人多.



實用相關搜尋: 香港 桑拿

TOP HOME

提示: 作者被禁止或刪除 內容自動屏蔽

TOP HOME

提示: 作者被禁止或刪除 內容自動屏蔽

TOP HOME

賭場冇好人有報應....叠碼仔....扒仔.....放數佬..........



TOP HOME

其實都唔係乜野新招..d 橋10年前已用.只係用人多兇樓主就範吧..只要一開始不答爹就乜事都冇發生.賭場日日都有一大班人靠偷呃拐騙揾食的.


實用相關搜尋:

TOP HOME

[隱藏]
其實大家都知..光棍佬教女..平宜莫貪....袋幾多輸幾多....見到个D人當佢透明..就ok






抗議本土娛樂事業唔湯唔水, 要成日舟車勞累北上
抗議 林公公都有金紫荊勲章
抗議毓民掟蕉唔掟榴槤
抗議長毛唔夠激進
抗議大舊閙人仲未夠大聲

TOP HOME

張嘉俊早前認識了一名自稱居於澳門的男網友,對方以「包飲包食」誘騙他到當地遊玩,詎料即被指欠下4萬元賭債,失蹤12小時後在藍田村墮樓斃命。


熱門搜尋: 冷氣 filter led tv 太陽燈

TOP HOME

我去左甘多次都無撞到D叠碼仔....扒仔.....放數佬..........,可能我賭得細啦?


熱門搜尋: 台灣 代購

TOP HOME

我認我既警覺性係??
你係冇!!!

但當初我唔係佢什麼什麼
你去賭埸係為左乜?

我唔係想插你...!
總之貪字得個貧喇!!
我都有朋友中過招...單野同你一模一樣!!!

賭埸入面真係冇好心人...!!
巴打見到呢d扒仔...
好簡單禮貌地一句:船票,桑拿,去第二間再賭都唔洗喇唔該!




TOP HOME

引用:
原帖由 QUIKSILVER 於 2009-8-15 01:41 AM 發表
賭埸入面真係冇好心人...!!
巴打見到呢d扒仔...
好簡單禮貌地一句:船票,桑拿,去第二間再賭都唔洗喇唔該! ...
應該大聲地呼喝一句:行撚開d 啦,x 街!



實用相關搜尋: 桑拿

TOP HOME

[隱藏]
想安安心心咁賭錢...
其實可以去澳博旗下嘅法老王....因為嗰度有佢地場嘅特別行動組...
絕對無所謂嘅X爛腳...扒仔....疊馬仔之類嘅人煩你..
賭得安心又放心..!!



熱門搜尋: 酒窖 凍肉 謝師宴 團購 自助餐 食品 公司
EQ...再高一點....只需要....再高一點點..!!

TOP HOME

伸延閱讀
 35 123
 提示:支持鍵盤翻頁 ←左 右→ 發新話題發佈投票

重要聲明:本討論區是以即時上載留言的方式運作,Uwants.com討論區對所有留言的真實性、完整性及立場等,不負任何法律責任。而一切留言之言論只代表留言者個人意見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。Uwants.com討論區有權刪除任何留言及拒絕任何人士上載留言 (刪除前或不會作事先警告及通知 ),同時亦有不刪除留言的權利,如有任何爭議,管理員擁有最終的詮釋權。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。


Copyright © 2003- Uwants.com All Right Reserved.
版權所有,不得轉載。

10.0.0.22