其他討論
消閒生活手機討論遊戲地帶影視娛樂校園生活數碼科技寵物樂園學術文化體育世界購物廣場時事投資貼圖影片上班一族美容纖體戀愛婚姻汽車討論成人資訊博彩娛樂資源交流站務管理
發帖
註冊 登入/註冊 微博



收藏 訂閱 打印

80年代既朋友, 一齊懷念下童年生活 丫



[隱藏]
以前細個麥記唔係好似而家咁成日有得去食的,每次一出新城市,媽咪話去食野,我地幾姊妹就即刻話麥記,果時只識得食漢堡包,起80年代的小朋友角度黎睇,漢堡包以外的包係貴的,我仲記得果陣間的麥記一入去,中間果行成條都係卡位黎的,哈哈﹗果時的薯餅兩蚊塊咋。

回覆 引用 TOP

我到而家為止都係住井型屋村的,細個時約埋 d 鄰居出去平台玩捉依因、踩單車、糖痴豆、狐狸先生或小姐、你叫而家的細路玩,佢地揀打機唔好。





回覆 引用 TOP

引用:
原帖由 hayman272 於 2009-8-5 08:45 PM 發表
以前細個麥記唔係好似而家咁成日有得去食的,每次一出新城市,媽咪話去食野,我地幾姊妹就即刻話麥記,果時只識得食漢堡包,起80年代的小朋友角度黎睇,漢堡包以外的包係貴的,我仲記得果陣間的麥記一入去,中間果行 ...


new city間MC係火車主題ga




開鎗只有一個目的,就係要贏.

                         -By Rick Pang-

回覆 引用 TOP

所以正府話養一個細路要400萬...
養我地呢班80s洗鬼400萬..我得$2 一日jar !!
依家0個d就要...買包煙都會$30 la ~~
你比$2一日佢...我諗佢真係會斬你=_=






回覆 引用 TOP

[隱藏]
我記得有次嚮麥當勞方死無得食, 食到嘔!!!!
仲有過左11點無薯餅企係收銀度喊!!
以前一日得五蚊雞.為左慳錢去機舖打街霸2, 小息要坳人野食(媽面, 辣味卷, 牛仔片)同野飲留底. 無晒錢落機舖就夾一蚊兩份打或者打得2/3粒制o個o的.響畀人屈左錢刮沙都無就痴"2 round"打!!
不過小學時發生一件難忘o既事就係響1989年鐘保羅走o個日係學校飲白檸揭蓋掩抽中維他收音機一部, 一抽中電台就播佢嚮沙田第一城屋企........................................................

回覆 引用 TOP

引用:
原帖由 dancemio 於 2009-8-6 01:18 AM 發表
所以正府話養一個細路要400萬...
養我地呢班80s洗鬼400萬..我得$2 一日jar !!
依家0個d就要...買包煙都會$30 la ~~
你比$2一日佢...我諗佢真係會斬你=_=

以前有得買散飛, 真過癮!






回覆 引用 TOP

我比較懷念當年d公園
鐵架同埋兩層樓高滑梯
依家無晒啦  得返d膠野
乜都話要安全...






回覆 引用 TOP

重有無人記得咩叫 "放膠袋"呢
以前細個,每逢打風都好開心....一黎唔使返學 ,二黎又可以玩"放膠袋"
點玩? 就係羅呀媽衣車用既"線碌",綁住個膠袋,放係個天井度,就識飛~
記得以前係住5樓,可以一飛就飛上24樓(最高)...
通常一個人玩,轉頭望上去就見到有好多人玩.... 不過以前細個無相機,就無得影相,唔係既話而家睇返實係好過癮~




千萬別跟豬打架,這只會讓你變髒,卻讓豬樂在其中..不要以为把小鸡鸡插到土里就强奸了整个地球;不要以为也许小鸡鸡朝天就强奸了整个宇宙;

回覆 引用 TOP

以前金絲貓唔係抽架..99.9%都係自己捉既....

最好玩係鞋帶糖...唔係攞黎食而係玩...
仲有女仔最鐘意玩花繩

回覆 引用 TOP

[隱藏]
引用:
原帖由 WTFreedom 於 2009-8-6 11:34 AM 發表 我比較懷念當年d公園鐵架同埋兩層樓高滑梯依家無晒啦  得返d膠野乜都話要安全...

講開公園就要講荔園啦
第1次玩碰碰車既地方

但好似去唔到幾次就執鬼左

回覆 引用 TOP

引用:
原帖由 funcyf 於 2009-8-5 08:08 PM 發表


係呀, 以前我同d阿哥家姐要籌好耐錢至可以食一餐M記
細個好少零用架
你記唔記得, 以前M記, 除左漢堡飽之外,
其它所有飽都係用盒裝架, 細個重儲埋個盒, 唔捨得掉

記得,早餐同熱香餅都用發泡膠盒﹐一個白色一個黃色,
薯餅就啡色紙盒。
用貝殼盒的包有: 豬柳漢堡豬柳疍漢堡兩古都是白色,一個紅字,一個藍字。煙肉疍就黃色,紅字。之後就雙層漢堡 雙層芝士﹐魚柳就藍色,巨無霸是最後才轉紙。
薯條那時只有大同細即現在的中。
記得吃魚柳包送哈哈桶嗎,食薯條送薯條脆卜卜嗎?
記得麥記人物填色冊嗎?
小飛飛 代表熱香餅,初時仲怕飛tim
滑啫渚代表奶昔嗎
太子間m 記(始創對面個間,是跑車作主題,同美菲閣個頭間應該同期。

回覆 引用 TOP

引用:
原帖由 leesobing 於 2009-8-6 02:40 PM 發表

記得,早餐同熱香餅都用發泡膠盒﹐一個白色一個黃色,
薯餅就啡色紙盒。
用貝殼盒的包有: 豬柳漢堡豬柳疍漢堡兩古都是白色,一個紅字,一個藍字。煙肉疍就黃色,紅字。之後就雙層漢堡 雙層芝士﹐魚柳 ...
太子間'm記'係我小學隔離, 即係由1980開到依家, 成30年犀利.......

回覆 引用 TOP

我好掛住以前鴨利洲大街大排檔內買的牛雜粥,同凌魚球粥,而家搵唔反囉



回覆 引用 TOP

我79年的,也來說一個吧!!康樂棋(現在相信好少人識玩),波子棋,食物方面金獅糖(一串的,類似平時飲野時支吸管果隻<---我好鐘意(中)碎佢,變左沙咁食,當然還有爆炸糖,同一蚊一塊O既牛肉干豬肉干,我還記得當時芝士圈1蚊包= =現在$3.5了

回覆 引用 TOP

[隱藏]
仲有果啲時 好多街邊小販 成條街賣小食
現在無晒 搬晒入鋪

回覆 引用 TOP



伸延閱讀
 提示:支持鍵盤翻頁 ←左 右→ 發新話題發佈投票
請先登入
小貼士:
依家可以用“@”tag會員啦!
預覽帖子  恢復數據  清空內容