註冊 微博



打印

[日本/韓國] 5天半日本自由行行程,求救啊各位高手

5天半日本自由行行程,求救啊各位高手 E-mail 此主題給朋友

[隱藏]
(5月16日, 星期六) 羽田空港 > 新宿酒店 > 吉祥寺 > 明治神宮 > 原宿 > 表參道 > 涉谷

(5月17日, 星期日)
PLAN A : 一早就去上野 > 淺草 > 坐船去台場 >有時間先上番去秋葉原
PLAN B : 一早就去上野 > 淺草 > 秋葉原 >  台場

(5月18日, 星期一) 新宿小田急 > 箱根湯本 > 箱根神社> 元箱根港> 海賊船遊瀘之湖 > 桃源台港 > 大涌谷> 早雲山> 登山纜車> 強羅站> 巴士到仙石源

(5月19日, 星期二) 仙石源旅館  > 箱根湯本 > 下北澤 > 東京鐡塔 >六本木 > 新宿酒店

(5月20日, 星期三) 新宿酒店> 銀座酒店> 迪士尼海洋 > 東京地下街> 皇居> Tokyo Dome (東京巨蛋)> 銀座酒店

(5月21日, 星期四) 銀座酒店> 築地 >汐留 >銀座酒店 >成田機場



實用相關搜尋: 酒店

TOP HOME

(5月17日, 星期日)
PLAN A : 一早就去上野 > 淺草 > 坐船去台場 >有時間先上番去秋葉原
PLAN B : 一早就去上野 > 淺草 > 秋葉原 >  台場

看你想唔想買電玩啦, 想就PLAN B先, 因秋葉原7-8點都開始關門啦, 你下午去完都仲可以落台場, 如想睇景就PLAN A坐船啦, 坐船一定要坐無玻璃果種舊款, 真係好值得試下 100%推介, 係香港根本感受唔到.



(5月20日, 星期三) 新宿酒店> 銀座酒店> 迪士尼海洋 > 東京地下街> 皇居> Tokyo Dome (東京巨蛋)> 銀座酒店

呢日超趕, 無可能, 除非迪士尼海洋玩1-2個鐘啦



實用相關搜尋: 酒店 香港

TOP HOME

你係搭夜機架? 如果唔係第一日好似唔夠時間喎~~!

星期日個plan A幾好喎~~! 尤其係坐船去台場, 宜家好少人會咁玩法~~! 不過, 除非你又唔鐘意行街, 又唔鐘意玩遊樂場(例如筋肉擂台, 世嘉電子城, 摩天輪等等), 又唔鐘意映相...如果唔係睇怕你都幾難仲有時間去秋葉原囉~~! 呵呵~~!

星期一, 入到箱根仲要去咁多地方, 最好一早就出發, 你去果D都係靚景點, 黃昏先到就無意思啦~~! 同埋係箱根交通時間唔好預得咁啱啱好~! 要等船等巴士架~~!
仲有呢, 你Book間旅館時有無包唔包晚飯? 如果係特色餐 (例如係懷石), 就唔好miss左嘞~~! 通常係晚飯時先供應架~~! 夜左就唔會留番俾你架啦~~!

咦? 點解你會轉酒店呢?  無房?

[ 本帖最後由 pezu 於 2009-4-4 04:03 AM 編輯 ]




四格, 日/埃遊記
www.facebook.com/pages/Mosting/90906370897
hk.atlaspost.com/user.php?userid=99442

TOP HOME

我5月16日係坐1:20am機!去到日本差唔多6:00am!所以第一日應該夠時間!只係係新宿附近地區行下街!

我諗住坐船去台場浪漫少少,早少少去台場等日落影相,我對攝影有興趣多過電玩哈哈!

箱根果日我上網book左10am係小田急坐50000型浪漫快線觀境席了!坐一個半鐘去到!我呢日行程係跟一個網友的行程!佢又係住仙石源!佢慢慢咁行!六七點到旅館食飯!

我book果間係包兩餐架!去到就食晚飯!訓醒就食早餐!

最後果日我轉酒店係因為我見銀座果間酒店個境靚!大堂對住東京鐵塔!同埋d房都望到東京鐵塔!自己都幾中意東京鐵塔!同埋最後走係成田機場!咁呢間酒店係其中一個機場巴士的上落點!咁book機場巴士都可以叫酒店d人幫手book唔洗再找地方!走都方便少少!

5月20日!一早就轉左酒店先!之後就直去迪士尼!玩到四五點!之後找多一個地方去就算囉!之後返酒店睇境!



實用相關搜尋: 酒店 影相

TOP HOME

[隱藏]
如果你淨係去映相, 咁第一日同埋去完台場再出番黎都得既~~!

去箱根果日, 咁你D行李真係唔可以帶太多喎~~!

醒喎~~! 識得book定觀境席~~!

一早轉酒店, 即係keep行李係counter? 有無問過得唔得, 應該多數都得...不過有網友話俾人拒絕過...所以小心為妙.

和式早晚餐真係值得一試~~! 真係試過先知, 原來係食早"飯"係咁過有FEEL架~~!

祝你旅途愉快~~!



實用相關搜尋: 酒店
四格, 日/埃遊記
www.facebook.com/pages/Mosting/90906370897
hk.atlaspost.com/user.php?userid=99442

TOP HOME

我怕第一日行咁多地方再去台場會好累!所以集中係酒店附近!適應下日本先!

我第1,2,4 日都係住同一間酒店!所以去箱根只會帶大袋去!行理箱放係酒店度!等第4日住果返果時先囉返行理入房!我問過旅行社話無問題!同埋我睇天書講呢間都得

我會係去迪士尼果日轉酒店!帶埋行理係早上由新宿酒店坐車轉去銀座酒店放低!反正去迪士尼都係順住路去!所以都無大問題!

希望順順利利啦



實用相關搜尋: 旅行 酒店

TOP HOME

睇完你的行程,初初以為你玩野,但之後覺得你好似認真咁 (希望啦),咁我都俾少少意見。
以你個plan,就算我 (去過十幾次東京同去過晒,除左disney,你講果d地方) 都冇可能完成,當然若果你只需影張相到此一遊了事,就當然可以兼有時間淨!!!! 但我都唔相信你花咁多錢只係為左咁樣!!!!
就以呢日為例 :

(5月20日, 星期三) 新宿酒店> 銀座酒店> 迪士尼海洋 > 東京地下街> 皇居> Tokyo Dome (東京巨蛋)> 銀座酒店

你去迪士尼會唔會只玩一個上午?? 會? 你唔好玩我啦!!!!   唔會? 咁你邊有時間去皇居,東京巨蛋呀?
就算你disney唔入場 ( ,我係咪傻左? 會咁諗?) ,行東京地下街,唔蕩失路都要行個幾兩個鐘? (如果你唔係女性又好似少點吸引)。你係咪第一次去東京? 行皇居? 你指外苑定入內? 如果第一次去東京就咪嘥時間行皇居外苑啦!!! 東京巨蛋又有乜特別要去? 影相? 如係,不如去就近的東急手買張post card算,玩機動遊戲? 咁不如放棄disney吧? 附近遊覽逛逛? 咁要再安排過d時間。
你重要考慮之前幾日的 "非人道" 行程後重有冇心情及體力喎!!!!?????

希望以上廢話真係對你有用!!



實用相關搜尋: 酒店 遊戲 影相

TOP HOME

其實去迪士尼果日我係睇其他網友去完的做法!所以我都係抄過黎!之後聽你地話好難做到!
所以之前我早兩日回覆果時就改做
5月20日!一早就轉左酒店先!之後就直去迪士尼!玩到四五點!之後找多一個地方去就算囉!之後返酒店睇境!
我自己本身唔玩機動遊戲,去迪士尼海洋係影下相!幫女友同卡通人物影相!
所以我去完迪士尼之後無咩特定地方去!重諗緊
其實我唔係好知迪士尼幾點趕人走!有無人知話我聽?
第一日係酒店附近行街有無問題?
第二日去上野淺草台場有無大問題?
第三去箱根我係照一對夫婦的行程行的!佢地都得我諗唔大問題!因為箱根係順住一圈咁行!
第四日坐返車出東京行下北澤hea幾個鐘應該唔辛苦吧!
第五日就係迪士尼果日晚上再行應該問題係太累對吧?
第六日去築地食埋野返酒店等坐巴士走人應該無問題!

我自己就絕對有心有力!前年新年大陸雪災!我坐柴油火車油深圳去武漢係車上過左三日非人道的經歷都係咁!成世仔都未試過咁凍過!
但係怕女友無力者!哈哈!佢累我會拖佢行!

我絕對重視每個網友比的意見!我自己都有用google map實境試行酒店到車站之類多次!我希望編一個可行的行程

改到呢個行程其實已經改左三四次!我五月先出發!希望用呢個月時間改好佢!

iiea03兄請再比意見




TOP HOME

見樓上幾位請到興高采烈, 我都比d意見啦.
16/5 雖然是在0600左右在 羽田 落機, 但其實入到 新宿 都差不多0800, 通常自由行d人都不過是0900左右開始一日行程, 所以實際上你呢日不是比正常情況多很多時間, 通常 原宿+涉谷 的行程要預足一日, 雖然你說只是行, 但你唔好唔記得, 你是坐零晨機的, 精神和體力上的消耗比正常情況大, 所以行程應該安排比正常少, 但你還加上 吉祥寺, 恐怕要對自己的體力很有自信才可以.

17/5 plan a, 反正你對電玩興趣不大, 去 秋葉原 做咩

18/5 在日本, 大多郊區旅館, 都是在1800左右食飯, 你有否向你的旅館確認, 因為有部份旅館, 如果旅客在開飯前, 未check-in或有任何通知, 時間一過, 可能連飯都冇得食.

20/5 樓上位師兄都講得好詳細, 我就不多說

[ 本帖最後由 faimans 於 2009-4-5 01:32 PM 編輯 ]







TOP HOME

太好了!多d人討論下起碼我知通多d!
16/5 其實我都係諗住第一日六點幾到日本!九點到酒店休息下!之後坐車去吉祥寺食飯!再順住咁行原宿涉谷!
17/5 plan a, 反正你對電玩興趣不大, 我朋友話去日本唔去秋葉原睇下好似唔係咁好!
所以我出埋plan b skip左秋葉原!直去台場行下坐下等日落!
至於箱根果日!我同去過果對夫婦問過!佢地個blog都寫到去箱根果日行程係點!同埋住果間野同我住果間一樣!
佢地blog有寫話:
而我身後就是洗澡和泡湯地方,半露天的,我們一打開玻璃門,冷得我們說,今晚只可在這洗澡.........7時便下樓吃晚餐了,今晚吃的是火鍋
確定好總行程後!我會再send e-mail比果間野問佢地食飯大約個時間



實用相關搜尋: 酒店 blog

TOP HOME

哈, 剛見到你原來同女友去, 唔好介意我老實講, 除非你女友唔好購物或者佢真係好好脾氣, 否則你果行程50%以上死緊, 隨時吵架修場.
基本上, 你個行程太辛苦, 可能你係d地方只會影麍, 隨便逛麉K算, 但女仔就很難講, 事實上帶女性去日本, 每一個有名的購物區, 至少要預3hr以上, 這只不過是最低消費, 並不表示行得完果區. 可能你會覺得有d誇張, 但你最好相信以下幾過地方: 新宿, 涉谷, 原宿, 池袋, 銀座, 都至少 灣仔+銅鑼灣 咁大, 如果你都覺得唔算大, 咁再加上大多數都是類似sogo的6-7層大型購物商場, 你又點睇.
我只可以講除非你同樣好喜歡購物或者你去的日數多d, 否則你只有兩種選擇, 一係唔理女友的感受, 一係就唔理自己的感受, 得5日係咁架啦. 附帶一提, 通常女性在行購物區的時候, 是不會覺得辛苦, 只會擔心夠唔夠錢.

酒店通常要下午才可以check-in

[ 本帖最後由 faimans 於 2009-4-5 02:12 PM 編輯 ]



實用相關搜尋: 酒店 商場 女友

TOP HOME

其實我都有考慮過你講的問題!我問過我女友!去到係咪會掃貨!佢話都係行下見岩先買!唔會大買啦(當然去到係點唔知啦哈)
同埋箱根迪士尼係佢想去!佢話想去特色少少的地方行!買衫褲可以唔洗特登去行!買精品佢話想!所以我遇左去下北澤都大半日!
咁當我十二點食完野去原宿行三個幾鐘!再去涉谷行三個幾鐘咁樣點睇??行到七八點就返酒店!其實我諗係香港灣仔+銅鑼灣我都未行得灑!來來去去都係去果幾個地方咁!所以我諗去到日本購物區都係選定幾個熱點行下啦



實用相關搜尋: 酒店 香港 女友

TOP HOME

酒店方面查過2pm度 check in!我諗都係去到放低野係酒店度!

同埋我諗編得行原宿都會順路過埋涉谷!對嗎?




TOP HOME

如果是我, 我會有以下更改:
16/5 放棄 吉祥寺, 只行 原宿 及 涉谷, 有時間多就返 新宿 行或稍為返酒店休息, 夜d先行 新宿
17/5 選plan a, 但放棄 秋葉原, 改為有時間多去 鐵塔.
18/5 留意巴士時間便可
19/5 呢日應該都問題不大, 不過我會先去 六本木, 因為 鐵塔 收10時, 可以放最後.
20/5 轉酒店後, 全日 迪士尼, 除非你真的4-5點走, 否則不要想去其他地方, 原因是我當你6時走, 去到其他地區都可能要6.30或7時, d舖通常8時收, 趕餐死行得1個鐘多d, 不如唔好去, 舞濱站 都有商場啦, 而且去完 迪士尼, 實一袋二袋走
再去其他地方實辛苦, 另外都唔好想話早d返 銀座 一帶行, 因這一帶全是百貨公司, 8點實收晒冇野行. 係 迪士尼 玩都尾好過(唔玩機動遊戲, 都有很多表演睇的).
21/5 ok啦, 坐巴士去機場, 預鬆一點防塞車.



實用相關搜尋: 酒店 遊戲 商場

TOP HOME

[隱藏]
如果係我,都會同#14 師兄/姐差不多,
day 1 明治神宮 -> 原宿 -> 行去涉谷
day 2 上野 -> 淺草 -> 台場 (千其唔好對搭船有太大憧景,你嚮香港都成日搭)
day 3 你參考果對夫婦係咪自己駕車定用公共交通,原則上可行無問題,但一定要check清楚巴士時間表,否則miss左一班車可能影嚮成日
day 4 你一早就出番黎東京? 係就ok,不過我都係 下北沢 -> 六本木 -> 行去鉄塔
day 5 我會淨去disneysea,完盡佢趕先走 (當然實際情況係我唔會去disney)
last day就冇問題,不過我唔覺得汐留好行,除你好在意去食拉麵 (要check清楚幾時定休,試過有一次行過想玉食見到佢地定休)

另外,女人o既野,佢話冇所謂唔會乜唔會物,千其唔好信晒,可能只係想睇下到時你識唔識做

祝旅途愉快

[ 本帖最後由 iiea03 於 2009-4-5 08:16 PM 編輯 ]



實用相關搜尋: 香港

TOP HOME

伸延閱讀
 30 12
 提示:支持鍵盤翻頁 ←左 右→ 發新話題發佈投票

重要聲明:本討論區是以即時上載留言的方式運作,Uwants.com討論區對所有留言的真實性、完整性及立場等,不負任何法律責任。而一切留言之言論只代表留言者個人意見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。Uwants.com討論區有權刪除任何留言及拒絕任何人士上載留言 (刪除前或不會作事先警告及通知 ),同時亦有不刪除留言的權利,如有任何爭議,管理員擁有最終的詮釋權。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。


Copyright © 2003- Uwants.com All Right Reserved.
版權所有,不得轉載。

10.0.0.12