其他討論
消閒生活手機討論遊戲地帶影視娛樂校園生活數碼科技寵物樂園學術文化體育世界購物廣場時事投資貼圖影片上班一族美容纖體戀愛婚姻汽車討論成人資訊博彩娛樂資源交流站務管理
發帖
註冊 登入/註冊 微博



收藏 訂閱 打印

[其他] 給學神師弟/妹的一點溫馨提示



給學神師弟/妹的一點溫馨提示

[隱藏]
好多人成日有錯誤既觀念
其中一樣係覺得越學得少鐘越叻....
其實呢想法係完全錯誤...因為一個普通人由唔識到學識揸車, 係呢個階段對日後既駕駛生涯係最緊要既, 所有學番黎既概念/技巧, 都成為將來既基本…而係學車既過程裡面, 有壞習慣, 遺漏既…師父都會提點返, 所以係呢段黃金時間越長越好(當然鐘錢都係一個好重要既問題), 我自己建議學車時間為25-30小時, 能夠學到30-40小時就更加好了…如果學車時間可以集中安排日間係試場就最好不過了。
係黃金時間裡面, 能夠吸收的盡量吸收..有不明白的盡量問..學得到幾多都係自己的, 對將來日後亦好有幫助, 經濟能力許可既話, 學鐘多一點, 對自己有好處的!!

另一樣謬誤就係以為揸過大膽車既人容易D PASS.

所謂既大膽車, 就正正係考牌既大忌, 知唔知係馬路上有幾多駕駛者係無打燈, 無擰頭, 甚至無望鏡就cut線???呢D好多時就係馬路上意外既成因。

其實好多揸過大膽車既人都會忽略左好多基本既野, 以為揸到架車行得走得就算, 當中既壞習慣(右單手握軚, 左手長時間握波棍), 小動作(唔打燈, 唔望鏡, 唔擰頭)..坐佢隔離個"師父", 未必會提佢, 或者佢自己都係咁…

大膽車既人由周圍既人教, 方法唔正統, 好多人就係養成左呢d習慣之後就好難改, 可能佢考試無望鏡, 無打燈, 自己都唔知..佢手車可能好得, 但佢既小動作好可能就係令佢肥佬既主要原因...

而且大膽車係犯法的, 所以最好都係唔好揸大膽車, 揸左既就忘記左佢啦, 學車既時候專心跟師父所教既就可以了…

到你pass左, 唔會再有機會有一個咁有經驗既人係你隔離教你, 到時你隔離既人就只會呼呼大睡, 然後將生命交托比你。

記住揸車唔係一種炫耀, 係一份責任
當你有一日揸住架車係路上行,  你就會明白了。

[ 本帖最後由 dennisko 於 2008-5-30 09:42 PM 編輯 ]
輕量化就是王道!

回覆 引用 TOP

考牌一TAKE PASS

我可以告訴你們, 我第一次上車的時候, 真的比任何人都要差...
第一堂既120分鐘內, 我死左超過20次火...(第一堂師父比架棍仔射厘我揸 )
"farer"空油, 死火 =.=""
燈位起步, 死火...orz
轉彎會按到響安....=o=""
40小時之後....
跟本唔會有死火, 轉彎順暢, 油門/剎車恰到好處....
結果考試既時候, 係完全無任何壓力之下一take pass...

我自問我既駕駛資質真係好差, 但我一次pass並唔係咩出奇事...因為我有去將勤補拙, 我學車既時候係100%集中學, 落堂後檢討....平時借有關車既書睇...仲要暫停埋打頭文字d, 就係要100%專注學車, 係我一take pass, 我背後係有付出努力....並唔係因為資質好, 所謂資質好, 只係學會技巧既時間比一般人短, 單靠天才而成功既人, 至少到而家我都未見過......

或者你學未夠20小時就pass代表你資質好, 不是你運氣好...

我學到20小時先叫馬馬虎虎....學到30小時先見得下人, 40小時先叫有信心....熟能生巧, 就係咁簡單道理

要明白考牌一次pass根本就唔難, 只要每一堂都用心聽師父既教導, 落堂之後反覆思考剛才有冇做得唔好既地方, 下次再改善....
一字記之曰: 心...做好自己既份內事, 一次pass話咁易

如果有人話考牌一定要考2次先可以pass, 只有兩個原因:
一係平時上堂無專心, 所以到考試時先會有所謂既出錯
二係佢一開始已經覺得一定要肥, 咁樣冇人幫到佢的...

我唔信統計的.咩50/50!??...因為咁唔通10個人去考, 一定有5個肥, 5個pass?今日10個肥哂, 聽日一定10個pass到??每個人都係獨立既個體?呢d資料聽完就算啦....定還是有人信所謂既pass quota ???唔會掛

學神既大大, 唔好聽d歪論,邊個考官係笑面佛, 邊個考官係殺人王, 考車pass與否, 全在自己有冇用心去學, 考官只係集中睇你手車如何。






輕量化就是王道!

回覆 引用 TOP

考官vs實戰

考官篇
你地要記住, 呢度係香港, 唔係東南亞/大陸
如果香港考牌都仲要顧住睇個考官面色...
咁我就冇野好講了...

學20-30小時車, 仲要顧慮埋考官既想法/面色/心情...好多時就會迷失自我....
不如將精力集中係自己既技術/細節上面改進比較好

要明白一個學神, 就算佢pass左, 都唔代表佢可以應付所有路面情況....
所以pass與否, 全在於考官覺得你係咪有最起碼控制架車既能力, 等你有機會將來揸車出路面....

我當時簡單一句: 阿SIR你好(我考下午第一個, 無理由叫早晨掛 ), 之後佢叫我做轉線, 掉頭, 我都係一句: 知道...

咁算唔算好門面??


所謂比考官好既印象, 只係你做好自己, 入屋叫人, 入廟拜神, 見到阿sir講早晨之類, 呢d只係做人基本既禮貌, 唔通一開口問候阿sir咩...亦冇人叫你黑口黑面, 成身煙味, 眼超超, 呢d根本就係唔尊重人同自己既行為, 如果有人係咁而比左個壞印象考官, 呢d叫活該...

如果做好自己既本份, 由何需再介意考官既諗法呢??做任何事, 用平常心先會發揮到最大既實力...考車亦一樣, 當你考試既時候, 已經好多野要顧慮, 又要轉波, 望鏡....仲要諗埋個考官點諗??
揸車係講求集中, 任何分神都會影響到發揮, 所以揸車既時候就諗揸車既野....其他野根本唔需要/無必要去想...因為根本係多餘...
我成日都係個句, 你平常心去考, 阿SIR唔會因為你講多一句早晨而比多次機會你, 講少一次唔該而肥你, 考得到係你既實力, 考得唔好係自己既問題, 路線就定左, 點解成日有D人會講到好似考官唔比機會人就係衰人, 比機會既就係好人?同埋點解要花時間去諗點樣去令考官比機會你, 而唔係用時間去想點做自己先做得好唔會犯錯??


[ 本帖最後由 dennisko 於 2008-5-30 09:48 PM 編輯 ]




輕量化就是王道!

回覆 引用 TOP

實戰篇

問題係考生係成個過程有冇盡左全力, 係咪依足指示去做,撫心自問, 學車既時候有冇盡力去吸收師父教既野先?自己做得唔好, 唔可以怨天尤人....成日賴呢樣, 賴果樣.....

點解成日有咩事唔係第一時間想清楚係咪自己有錯?? 自己有錯, 考官一定要放過你? 點解自己唔做好d??比你係人情, 唔比你係道理啊!!

咩叫發揮得唔好?咩叫唔小心死火?咩叫唔小心踩界?你出到馬路, 一個好輕微既犯錯都足以發生意外。

所以考官嚴謹都係為你好咋...






輕量化就是王道!

回覆 引用 TOP

[隱藏]
日後有機會pass左借架車出去路面兜下, 感受下路面上既危機四伏, 再回想下學神時學既野, 就會明白點解考牌官要捉得咁嚴, 到底係佢情緒化要留難你, 定係佢見你唔順眼故意肥你, 還是佢見你信心/技術唔夠, 怕你第日有個牌揸出街有事而比你再修練下....

[ 本帖最後由 dennisko 於 2008-6-16 12:17 PM 編輯 ]

附件

21c.pdf (213.47 KB)

2008-6-16 12:17 PM, 下載次數: 4654

駕駛考試指引

輕量化就是王道!

回覆 引用 TOP

版主真係講既野唔同,你又係人,我又係人,大家既各方面能力,包括記億,智慧,接收能力等都唔會相差太遠,所以要上一定既堂數係必須既~~





回覆 引用 TOP

引用:
原帖由 hunter61hk 於 2008-5-30 06:40 PM 發表
版主真係講既野唔同,你又係人,我又係人,大家既各方面能力,包括記億,智慧,接收能力等都唔會相差太遠,所以要上一定既堂數係必須既~~

所以我建議學25-30小時係比較穩陣 , 當然20小時或以下唔係一定唔得, 只係學車既, 學多好過少…大吉肥左下次考第二個試場, d位又要重新記過喇

我資質差, 學左20小時先有d成績 ….你地資質一定好過我






輕量化就是王道!

回覆 引用 TOP

你講既野真係唔同D
叫版主頂文

[ 本帖最後由 _阿苦 於 2008-5-30 10:01 PM 編輯 ]




回覆 引用 TOP


push~
出黎渣車講經驗
但係經驗尚淺之前就要學好D基本功
真唔係講笑.....咪話學二 三十堂
我學左七十幾堂...師傅已經傾囊相授....仲要渣到幾熟
一出黎自己渣就差D出事
例如轉一某些三線彎時位置唔岩就會踩錯左隔離線 如果隔離線有車轉緊唔為意就會撞我尾
轉線望鏡唔記得望盲點差D炒人地..好彩攞軚果時突然醒起睇一睇先收得切
考牌既知識係路上係100%有用架

回覆 引用 TOP

[隱藏]
選在不學校考車
只是價錢方面問題@@?

[ 本帖最後由 紋龍 於 2008-6-4 01:38 PM 編輯 ]

回覆 引用 TOP

引用:
原帖由 紋龍 於 2008-6-3 10:51 PM 發表
選在不學校考車
只是價錢方面問題@@?

唔係太明你意思
輕量化就是王道!

回覆 引用 TOP

引用:
原帖由 dennisko 於 2008-6-4 02:03 PM 發表

唔係太明你意思


佢意思應該係指你唔跟Ddriving school學係咪因為$$既問題﹖

回覆 引用 TOP

引用:
原帖由 KenH2006 於 2008-7-4 10:28 AM 發表


佢意思應該係指你唔跟Ddriving school學係咪因為$$既問題﹖

當然不是啦...
大家應該清楚學院派同師傅派既分別
PASS之後揸出街個下, 差好遠啊




輕量化就是王道!

回覆 引用 TOP

同意~~~我自已1次pass,好sure係運氣

點解?我考大球場,考時居然係棉花路個邊而唔係連道大斜個邊...
如果係連道我一定無信心pass...

所以現在叫我真係泊L位,S位...唔識...因為學/考都係睇尾板、路上又畫哂線...

P.S 不過可能自已細到大到鍾意車,又鍾意坐車頭睇人駕車(e.g紅van),所以有少少
駕駛concept,容易d上手

回覆 引用 TOP

回覆 #14 fm1234 的帖子

[隱藏]
其實都係經驗問題, 一次泊唔入咪重頭來過
唔得千萬唔好勉強, 唔係一定會出事......
泊多幾次, 對架車熟咗, 知道大約個位係點咁就冇問題架啦

p.s.我考到牌之後問我舅父借車, 一開始跳上車果時真係好驚驚架 (怕撞車, 怕撞到人, 怕.....總之就乜都驚)
但係渣渣吓對架車有咗感覺就冇問題, 而且自己同自己講: "你個牌係自己考返來架, 唔係買架. 唔得, 呀sir都唔俾你pass啦"
宜家, 已經香港大陸兩邊渣車, 或渣唔同的車都冇問題~ (我4月先考到牌, 係有咗牌3個月都冇的新牌仔......)

回覆 引用 TOP



 提示:支持鍵盤翻頁 ←左 右→ 發新話題發佈投票
請先登入
小貼士:
依家可以用“@”tag會員啦!
預覽帖子  恢復數據  清空內容