註冊
微博



發新話題發佈投票
打印

[日本] 十月大阪5日4夜自由行行程一問 (人生大事!!)

十月大阪5日4夜自由行行程一問 (人生大事!!) E-mail 此主題給朋友

[隱藏]
小弟o黎緊十月尾會同女友去大阪自由行, 由於小弟女友於十月尾生日,加上到時小弟會係當地求婚
所以好希望個行程可以安排得好好睇睇

之前我都只係去過東京兩次,呢次係第一次去大阪
近日已經四買o左幾本關於大阪關西o既旅遊書,同埋上網搵資料做參巧

呢次旅程
我o地想去大阪+京都,因為咁樣就可以做到shopping同遊覽都兼而有之,唔駛好似去東京時咁, 以shopping為主

睇過d書, 同埋係網上參巧後
發現下面呢個行程都幾fit

住宿: 暫時應該會住富士屋
Airline: 日航/CX code share的早機, 到關西空港應該係14:45分, 預算到酒店check in埋都應該要四點幾, 回程就係18:45機

第一天去心齋橋、美國村、道頓堀

第二天去環球影城. 打算玩足一日, 唔知會唔會仲有時間去其他地方,大家有冇其他建議??

第三天打算去京都, 會去清水寺, 見到網上有人建議去完清水寺可去嵐山, 遊完就返大阪, 唔知大家有咩好建議呢?

第四天應該都係留係大阪,會去梅田同埋海灣區

第五天就會去Rinku Premium Outlet, (由於18:45分機, 總覺得可以去多一個地方,然後先去outlet)

我總係覺得個行程好似去得好少地方
而且女友好想去即食麵博物館, 仲有去海灣區行

而我呢, 就好想去hep five or 海灣區
因為我打算係摩天輪上求婚

所以我好希望大家可以幫幫我
睇睇可以點樣豐富呢個行程
麻煩晒大家



實用相關搜尋: 旅遊 酒店 網上 女友

TOP HOME

day1 問題不大, 要留意 心齋橋 一帶約收20:00-20:30左右
day2 我唔confirm 10月是否收19:00點, 我上星期四去完(收19:00), 唔另外買fast pass玩咗8至9成game, 在1800左右走, 至後去hep five及大阪(梅田)站行
day3 其實 嵐山 和 清水寺 分別是在 京都 的兩邊, 我當年是坐 阪急電鐵 去 阪急嵐山站, 先行 嵐山 一帶, 之後行去坐 嵯峨小火車(10月應開始有紅葉), 在 龜岡站 行去 jr馬堀站, 坐jr返 京都站, 轉巴士去 清水寺 一帶
day4 可以上午先去 即食麵博物館(開9:30), 如果要自畫即食麵杯, 大約需逗留2小時左右, 之後再去 海游館一帶, 有時間就返 梅田 或 心齋橋 一帶行
day5 其實如果想在摩天輪求婚, 在Rinku Premium Outlet旁, 新開了一個商場, 亦會有大型摩天輪



實用相關搜尋: 商場

TOP HOME

我只係想講o下酒店問題因為我聽人講富士屋都幾殘舊同唔舒服〈雖然我冇住過〉,所以如果呢個行程對你咁重要的話不妨用多小小錢住間好小小的令第時的回憶更加美滿



TOP HOME

網上見到好多都話富士屋好殘
而且好多旅遊書都話住梅田好
因為佢係大阪o既交通樞紐

請問大家有冇咩介紹呢?
同埋我都想知邊度會有Head Porter店舖



實用相關搜尋: 旅遊 網上

TOP HOME

回覆 #4 lampenny 的帖子

[隱藏]
我通常住 難波 一帶, 因坐 南海線 都是一程車, 而且近 心齋橋,道頓堀 行去都是10min左右, 附近亦有1間24hr大型超市, 當然如果要坐車方便, 梅田 是不二之選, 無論打算去邊, 通常都要在 梅田 轉車, 至於晚上多唔多野行, 我就不大清楚


熱門搜尋: hk law 慈善

TOP HOME

個人覺得用一日去晒嵐山、清水寺會比較趕,
去京都應該慢慢感受吓景點、寺廟等...
如果只為去得多景點,跟團仲方便...

以下係我同朋友上年去關西既遊記!分享吓!
http://www.uwants.com/viewthread.php?tid=5465516

另外,我覺得梅田空中庭園都係一個唔錯既求婚地點!
望住大阪既夜景,可能比摩天輪既景更靚!參考吓!祝 你成功!

http://www.skybldg.co.jp/garden/index.html
or
http://www.skybldg.co.jp/garden/t/01.html

TOP HOME

好多謝妳呀
我其實好想係京都留耐d
仲想去埋神戶
所以七-八日對我o黎講係最理想

只係真係好難請咁多日假
女友亦面對同一問題

所以只好盡量將行程濃縮
我剛剛發現原來我原定去o既period
第二日係星期日
即係我一定要改閒日去Universal Studio...
京都之旅就要推到第三日

唔知大家有冇咩建議
可以幫幫小弟盡量安排得個旅程更充實呢??
我好想女友去旅行玩得開開心心呢



實用相關搜尋: 旅行 女友

TOP HOME

我認為去京都一定要慢慢行,感受其一草一木,
而去京都唔去金閣寺就真真係浪費,
我建議你先係火車站搭巴士101 or 205 去金閣寺,
跟住可以搭返12 到東出三条,行知恩院,円山公園,八坂神社,再沿住二年坂(舊街名),一直行到清水寺.係清水寺入面仲收埋個好細ge
地主神社(about因緣),咁應該用晒你一日 ^^




TOP HOME

引用:
原帖由 lampenny 於 2008-5-31 02:56 AM 發表
好多謝妳呀
我其實好想係京都留耐d
仲想去埋神戶
所以七-八日對我o黎講係最理想

只係真係好難請咁多日假
女友亦面對同一問題

所以只好盡量將行程濃縮
我剛剛發現原來我原定去o既period
第二日係星期 ...
唔使客氣!
如果第二日係星期日,
咁就真係唔好去USJ喇!
盡量安排平日去啦!

個人覺得如果只得5日時間,
神戶都唔值得花時間,
因為都同一般既城市差唔多.....

京都既景色我地好少機會接觸到,
所以個人覺得應該花多d時間,
建議你可以考慮吓用一日既時間去京都,
再選其中既平日時間去嵐山,3、4點返大阪其他景點(e.g: 海灣區、摩天輪.....)
我睇過有人遊記又係一日去清水寺再去嵐山,但去到嵐山時已經天黑,最終都係晒車錢....小心!

因為對即食麵博物館唔係咁大興趣,
所以之前都無去到,
但如果真係想去,可以考慮最尾果日既,
不過要留意之後去outlet既時間同行李安排可唔可行...
因為上次我又係搭6點幾機,
但我12:00離開大阪去機場放完行李再去outlet,
大約都係得個幾鐘時間行咋!
(因為機場去outlet架巴士要半個鐘先一班,車程要20分鐘,來回都無咗個半鐘以上...)



實用相關搜尋: 女友

TOP HOME

伸延閱讀
 提示:支持鍵盤翻頁 ←左 右→ 發新話題發佈投票

重要聲明:本討論區是以即時上載留言的方式運作,Uwants.com討論區對所有留言的真實性、完整性及立場等,不負任何法律責任。而一切留言之言論只代表留言者個人意見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。Uwants.com討論區有權刪除任何留言及拒絕任何人士上載留言 (刪除前或不會作事先警告及通知 ),同時亦有不刪除留言的權利,如有任何爭議,管理員擁有最終的詮釋權。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。


Copyright © 2003- Uwants.com All Right Reserved.
版權所有,不得轉載。

10.0.0.12