註冊 微博



打印

[中國/澳門] 想去長隆自遊行, 請指教!!

想去長隆自遊行, 請指教!! E-mail 此主題給朋友

[隱藏]
暫定六月頭端午節假期去長隆兩日一夜, 有冇人可以分享下之前去玩既經驗?

另有以下問題想問下:

1. 除左長隆酒店之外, 歡樂世界,動物園附近仲有咩酒店?
2. 淨係諗住去歡樂世界同睇大馬戲, 時間點安排好?
3. 除左酒店外, 有冇地方行街食野?
4. 有冇地方可以自己玩煙花?
5. 兩日一夜住長隆連來回船票, 咩價先合理?

望有心人賜教, 不勝感激!!



實用相關搜尋: 酒店 行街 食野

TOP HOME

我今日去完
1.) 長隆酒店之外附近無其他酒店,其他既要答車,因為睇完大馬戲都成9點,唔識路既話最好住長隆酒店啦,就行過去5分鐘唔洗
2.) 淨係諗住去歡樂世界同睇大馬戲,就先去歡樂世界(6:30收)再睇大馬戲(7:30開始),歡樂世界如果玩入面D野就要早D去,因為佢5:00開始D野大部分都唔比人玩,我就係咁...百幾$$張票只係玩左2樣野......好無奈,去個到到唔知做咩..-_-
3.) 幾本上都無....因為個到除左歡樂世界同動物園個到,其他付近地方都係好似幾落後.....食野我諗都係歡樂世界或酒店,間酒店有中,西,日式,三間餐廳,中式個間最平2人大概$1XX-$2XX
4.) 煙花....唔知,旅遊區我諗無
5.) 1個人,住埋酒店,去個2個地方,食野,船票等等大概,全部$1100咁上下
希望唔會有人好似我咁啦....-_-

[ 本帖最後由 rcc99316 於 2008-5-13 09:46 PM 編輯 ]



實用相關搜尋: 旅遊 酒店 餐廳 食野

TOP HOME

引用:
原帖由 rcc99316 於 2008-5-13 09:43 PM 發表
我今日去完
1.) 長隆酒店之外附近無其他酒店,其他既要答車,因為睇完大馬戲都成9點,唔識路既話最好住長隆酒店啦,就行過去5分鐘唔洗
2.) 淨係諗住去歡樂世界同睇大馬戲,就先去歡樂世界(6:30收)再睇大馬戲(7:30開 ...
先謝過大大寶貴資料~~
仲想問 ..
1) 想問大大係點由香港去長隆?火車, 巴士 or 船? 需時幾耐?
2) 想問長隆酒店同歡樂世界係咪好近都係行過去就得?
3) 想問歡樂世界有無快証哩樣野?
4) 我怕第一日去到都中午, 無乜時間玩歡樂世界 ... 如果去到第一晚睇馬戲, 第二日先去歡樂世界, 玩完直接返港, 大大點睇?

5) 仲有, 大馬戲做幾耐架?




TOP HOME

要$1,100咁多錢
點解唔跟團呀﹖

我近排join左美x華
包食:第1日午餐 + 第1日晚餐 + 第2日早餐﹐而第2日午餐則自費
包玩:長隆歡樂世界/香江野生動物 + 大馬戲 + 水上樂園
包住:5星級酒店

呢個團計晒所有保險﹐導遊費﹐旅費
都只係$844



實用相關搜尋: 酒店 保險

TOP HOME

[隱藏]
唔記得講
係香港搭直通巴士出發



實用相關搜尋: 香港

TOP HOME

啊.....
1) 我係坐船去既, 坐左1個45分鐘~D  船一日得4班
2) 長隆酒店個正門係可以見到歡樂世界個門口既..很近
3) 好似無快証...不過你check in 時可以問下酒店,因為酒店個到買票有得平小小
4) 我睇無問題,不過如果你走時要坐車去碼頭既話就要早上book 左位先,唔洗$$既~
5) 大馬戲80分鐘~我覺得最好玩係里個~你坐中間一d佢可能會請你上台玩水tim~



實用相關搜尋: 酒店

TOP HOME

1.你可住香江酒店或祈福渡假村,大家車程約分鐘內,香江二百幾一晚,祈福都是百幾蚊一晚,但祈福就有車去長隆蚊位、香港就搭的士25蚊內.
2.如果你住香江酒店可以搭船1個鐘頭分鐘船程,因為有專車接送蓮花山碼頭到酒店你可以網上訂酒店,祈福就搭直通車方便些兩個小時多些.
3.兩個地方附近都有野食的,香江酒店裡面的食物很多選擇、祈福都有食街.
4.新年先可以玩煙花啊?我新年在香江酒店那邊玩過.
5.我建議船票和入場票去到先買都得,入住香江酒店買長隆所有票都有折,因為香江酒店係長隆集團的.
你都可以上我網誌睇下架,希望資料幫到你啦 http://hk.myblog.yahoo.com/dusty_1118

[ 本帖最後由 fung01 於 2008-5-15 02:26 PM 編輯 ]



實用相關搜尋: 酒店 網上 食物 香港 blog yahoo
我的旅遊網誌http://hk.myblog.yahoo.com/dusty_1118

TOP HOME

引用:
原帖由 rcc99316 於 2008-5-15 09:41 AM 發表
啊.....
1) 我係坐船去既, 坐左1個45分鐘~D  船一日得4班
2) 長隆酒店個正門係可以見到歡樂世界個門口既..很近
3) 好似無快証...不過你check in 時可以問下酒店,因為酒店個到買票有得平小小
4) 我睇無問題, ...
o, 咁落左船仲使唔使轉車? 要搭幾耐車?




TOP HOME




熱門搜尋: hk bank

TOP HOME

我岩岩上網bk左廣州賓館, 只需$29x一晚, 4個人share好平

day 1 checkin後周圍hea下, 食野,

day2訓醒由海珠廣場搭MTR去漢溪長隆的歡樂世界

玩完返香港~

其實係廣州市區搭mtr去長隆好快架乍, about 半小時-45mins

長隆酒店附近真係好落後, 冇野好行++



實用相關搜尋: 酒店 食野 香港

TOP HOME

我都打算去長隆搞過三日兩夜之旅, 包括歡樂世界, 馬戲團及水上樂園
玩晒再加豪食都係千五蚊左右...

anyway我都做過research, 等我試下解答下你既問題:
1. 正如上面所說, 長陘附近有香江酒店或祈福酒店, 大部人都建立住祈福, 原因係比較近(10分鐘的士), 而且附近又多野食.
2. 如果係星期六,日or假期, 歡樂世界開放時間為09:30-19:00, 而為左配合呢個特別開放時間, 而馬戲表演一日則有兩場, 分別為17:30及19:30 (17:30 這場只在星期六,日及假期開場) 另外, 如果買套票玩歡樂世界+馬戲, 價錢會平幾十蚊.
3. 有...最出名既四海一家[全亞洲最大的自助餐, 兩日前訂位(17:30-21:30)], 如果唔介意坐車出去食而又喜歡中菜既, 強烈介紹廣州酒家, 在廣州有7-8間分店, 特別推介文昌雞, 上次廣交會期間去過...味道服務都好好, 叫左隻北京填鴨都只係98蚊
4. 唔知...
5. 單程船票為120, 香港 ---> 蓮花港 (7:50, 10:40, 13:50, 18:10) / 蓮花港 ---> 香港 (8:30, 10:00, 16:00, 18:00) --- 船程: 1小時50分鐘, 在中旅可以買來回套票, 應該會平少少



實用相關搜尋: 酒店 香港

TOP HOME

岩岩玩完~尋日返黎~
share下我既experiences俾你~

1. 除左長隆酒店之外, 歡樂世界,動物園附近仲有咩酒店?

酒店我就係住附近既維景酒店~
老實講酒店就唔係好靚~不過間房好鬼大~都ok架~
我咁岩住尾房~不過咩古靈精怪野都冇~幾舒服~放心~~
而且去樂園都係搭5mins的士~不過唔知點解果到好少的士~
好難搵~但係可以叫bell boy幫手~酒店d人都幾nice~唔錯~
長隆係就係方便去玩同睇馬戲~
但係去食野就真係唔方便~又貴~
一晚半晚真係冇所謂~

2. 淨係諗住去歡樂世界同睇大馬戲, 時間點安排好?

我前日就搭早船~先去酒店check in~之後就去歡樂世界~玩到6點~
除左小朋友果邊d野冇玩~其他野玩哂~d show都睇哂~
推介一定要睇hollywood果個show~好好睇~
不過提示你: 睇show都係有機會濕身的
因為以前已經同男朋友睇過馬戲所以冇去~
記得以前就只係得1930一場~呢次去見佢多左場1730~

3. 除左酒店外, 有冇地方行街食野?

其實長隆附近真係唔多地方行~
得個萬博中心~果到個商場~
都有野食~幾大既~可以行下~但係都冇咩點買野~
晚餐正如樓上一樣~推介去四海一家~
入面真係好多野食~而且幾好食~至愛係炭燒蠔~
仲有haagan dazs送~haha~service以國內黎講都幾好~
佢就係萬博中心訪邊~我係酒店行去~10mins-15mins左右~
2個人$296落樓~我覺得幾抵~不過佢9點就開始close~早左d~

4. 有冇地方可以自己玩煙花?
國內而家除左新年同國慶好似都唔俾放煙花~
但係我唔sure~不過果邊夜晚真係幾靜~小心d好~

5. 兩日一夜住長隆連來回船票, 咩價先合理?
我係經中旅既~連酒店、船飛、遊樂場飛2張=12xx唔記得尾數~
另外再包2個早餐~不過因為訓得太晏...食唔到...haha~

希望幫到你啦~~^^



實用相關搜尋: 酒店 商場 買野 行街 食野 男朋友

TOP HOME

我報左關鍵lor--;!



TOP HOME

噢, 多謝各位大大分享寶貴資料 ~~






TOP HOME

[隱藏]

TOP HOME

伸延閱讀
 34 123
 提示:支持鍵盤翻頁 ←左 右→ 發新話題發佈投票

重要聲明:本討論區是以即時上載留言的方式運作,Uwants.com討論區對所有留言的真實性、完整性及立場等,不負任何法律責任。而一切留言之言論只代表留言者個人意見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。Uwants.com討論區有權刪除任何留言及拒絕任何人士上載留言 (刪除前或不會作事先警告及通知 ),同時亦有不刪除留言的權利,如有任何爭議,管理員擁有最終的詮釋權。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。


Copyright © 2003- Uwants.com All Right Reserved.
版權所有,不得轉載。

10.0.0.20