註冊 微博



打印

[DIY器材] 原創 頂濾加強diy lv2

原創 頂濾加強diy lv2 E-mail 此主題給朋友

[隱藏]
今日終於考完世史  有時間有藉口執執廚房個缸

由於圖片較大  upload於photocucket  請耐心等候

因為廚房個頂濾唔太滿意  於是改左新野

最初係一個勁細o既頂濾盒......我估1l左右  因為養多屎魚  成日換綿 擺唔到乜濾材
不滿之下改裝

一個食物盒  盒底開出水口  盒蓋轉幾十個窿  諗住做下滴漏
過程極之簡單 使用了4個月

先拎食物盒  度size  睇岩唔岩自己個頂濾  其實唔岩都用得........
只要鑽窿個size  唔好大過過濾盒就可以

鐘意的話擺濾材  放綿亦可......
如果怕水瀉.....可以剪開盒頂做溢漏疏水

30分鐘內可以完成+測試

圖如下.......因為呢個係最初版.....所以講先  不過呢個設計  個人唔太喜歡........
綿外露  有蚊   盒太長......d屎集中於綿o既局部地區  成日要轉  用雨淋管都冇幫助





如圖所見  一邊白一邊黑  



另外  個泵太猛  容易曬d水出黎.......

如果解決到的話  佢個滴漏功能真係唔錯


冇錢玩滴漏都可以扮下野


製作材料......密實盒一個  屋企拎
                  幾條水管  aa泵送.......
                  雨淋管   cut自廳個缸





另一個頂濾盒........廳用......

因為近期有蚊  加左隻蓋......蚊會o係白綿產卵(乾濕地區、有掩護)

冇乜特別  不過用佢黎實證左  過濾係垂直較佳 當然呢個係個人觀察  未必一定要認同
垂直較佳o既意思係有機物(屎)經過水壓  係會不斷向下流.....所以綿係會垂直向下變黑








濾材

有些少有機物........用左接近5塊綿

十分喜歡呢個設計......留意到的話  個頂蓋係有個轉轉圈.....本來係拎黎紀錄食物幾時擺入去......
而家就紀錄幾時綿過綿

而且水聲近乎0  密實盒+綿 隔音  密實盒亦設有溢漏功能  漏水 即係代表要換綿  
製作過程25-30分

密實盒  屋企
軟喉...濾桶送  
彎喉  同上

用左呢個盒.....真係成個月唔換綿都唔怕

入面更可以放大量濾材
估計入面有2l容量

頂濾空間大左好多........




最後一個.........
岩岩新整  用左一套爆丸時間整......+影相(我唔睇爆丸):096:

呢個設計諗左幾日  不過要考世史  唔好意思整住


鑽前

鑽後



之前提及過垂直過濾比較好  所以今次以垂直為主

成品





今次最怕鑽灰色膠位  因為中間空心  支鑽o係度發下發下  唯有其他方法

轉穿兩邊  放綿  做好防蚊就完成.........

放綿後請試水........如果泵流量太大  好易滿......
而呢個cd盒o既好處係透明  可以睇到水量 睇埋幾時換綿

有興趣可以做溢漏......
我為左防蚊  冇整

切記......請切當作濾桶使用......cd盒唔防漏

若使用初期好快滿水  請在cd盒(透明盒)再次鑽窿疏水

使用cd盒前請清洗乾淨  (有cd味殘留)

初期諗過去買個圓筒密實盒  不過既然diy  緊係物盡其用  而且我唔係整濾桶
如果閣下想用防漏密實盒  各下自理

今次成本 $0
cd盒  之前買cd送  初頭諗過買最大size o個隻  但好似太串  遲d先玩
水喉......aa膠喉
註︰如果閤下以物理過濾為主  水位無須太滿
      若以生物過濾為主  建議水位稍為提高


如果屋企冇電鑽  就用骨剪啦.......小心就得
用電鑽時  小心d  我都唔敢轉太快......始終隻手拎住個盒


整呢篇野  整左20分鐘

有錯字請指正  如有疑問請提出

好眼訓 考左6粒鐘

[ 本帖最後由 lungzero 於 2008-4-11 06:57 PM 編輯 ]



實用相關搜尋: 設計 食物 空間 影相

TOP HOME

好有趣, 而且都好易做, 好野來!!


熱門搜尋: 假髮 黑頭 eye cream 邊 隻 好 駁髮

TOP HOME

師兄整得幾好,唔錯唔錯



TOP HOME

今日我都考完.....哈  

good model. thanks







TOP HOME

[隱藏]
引用:
原帖由 catsl 於 2008-4-11 07:23 PM 發表
好有趣, 而且都好易做, 好野來!!
引用:
原帖由 electronic_s 於 2008-4-11 10:39 PM 發表
師兄整得幾好,唔錯唔錯
引用:
原帖由 laub425 於 2008-4-11 11:15 PM 發表
今日我都考完.....哈  

good model. thanks
大家喜歡就得  
分享都係為有人認同

係.......補充番......
一個頂濾盒在市面都要20蚊

[ 本帖最後由 lungzero 於 2008-4-12 12:12 AM 編輯 ]

TOP HOME

三個都應該有同一個問題 =.= 水流集中係同一個位置 =.=?
係出水位,求其他d膠片、膠 folder、cut 個角成打散水流 =.=

水向下流好似係氣壓同地心吸力唔係水壓 =.=



熱門搜尋: 便秘 肚 脹
巴西龜 x2、大和藻蝦 x2、金青苔 x1、小精靈 x1、獅頭 x4、黑摩利 x1、水晶蝦 x15、燈魚 x30、鵝頭斑馬 x1

TOP HOME

引用:
原帖由 joeleung32 於 2008-4-12 03:03 AM 發表
三個都應該有同一個問題 =.= 水流集中係同一個位置 =.=?
係出水位,求其他d膠片、膠 folder、cut 個角成打散水流 =.=

水向下流好似係氣壓同地心吸力唔係水壓 =.=
因為我係防滿瀉為主  所以冇關主都水流集唔集中

第1個綠色盒  應該唔算完全集中o既...有好多窿位
因為套缸個頂濾盒太窄   


第2個  個底都有個大窿  冇注重水流


第3個  底部有兩個窿  (都係防滿瀉,呢個滿水會側面漏)



水向下流當然受氣壓同地心吸力  

不過個泵猛泵水沖落去   俾左壓力d有機物
所以我當埋佢係水沖d有機物落去(水壓)
可能我係用詞不當
多謝指正


加左圖解釋

水會不斷將屎向下沖....
當白綿個頂包和之後  就會向其他方向發展

[ 本帖最後由 lungzero 於 2008-4-12 02:40 PM 編輯 ]



熱門搜尋: pilates 潛水 健身 器材 快艇

附件

00.jpg (13.52 KB)

2008-4-12 02:37 PM

00.jpg

TOP HOME

oic,但如果中心點將d屎等越壓越下,但周邊無用過,個人覺得好浪費!
我有都好似您咁 DIY 架

睇唔睇得出呢?


[ 本帖最後由 joeleung32 於 2008-4-14 03:17 AM 編輯 ]




巴西龜 x2、大和藻蝦 x2、金青苔 x1、小精靈 x1、獅頭 x4、黑摩利 x1、水晶蝦 x15、燈魚 x30、鵝頭斑馬 x1

TOP HOME

明白 joeleung32 兄所講
唯有擺高圓心舊綿試試

TOP HOME

伸延閱讀
 提示:支持鍵盤翻頁 ←左 右→ 發新話題發佈投票

重要聲明:本討論區是以即時上載留言的方式運作,Uwants.com討論區對所有留言的真實性、完整性及立場等,不負任何法律責任。而一切留言之言論只代表留言者個人意見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。Uwants.com討論區有權刪除任何留言及拒絕任何人士上載留言 (刪除前或不會作事先警告及通知 ),同時亦有不刪除留言的權利,如有任何爭議,管理員擁有最終的詮釋權。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。


Copyright © 2003- Uwants.com All Right Reserved.
版權所有,不得轉載。