tomy23

www.xanga.com/forevermemorytommy

呢個就係我同老婆去完布吉番黎...5日4夜的旅程....希望大家鍾意...用左4日時間整的

[ 本帖最後由 tomy23 於 2007-9-23 04:52 PM 編輯 ]

tomy23

泰國布吉驚險之旅

布吉島.哈哈島.鳥蛋島5天團BHEA05

香港-----布吉 OX219 0830/1050

                                           布吉-----香港 OX218 1655/2115

9月14日

出發帶備左咁多錢

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
一朝早4:30AM準時起身........但當時腦海仍然一片混亂.......完全未訓醒.....再加上喉嚨一直痛.........跟住攪掂晒d野5:00AM準時出門口啦...............落到樓下..........的士大哥企左係度準備接我.........果然準時
5:15AM..........架車準時到達田灣.........接埋老婆就正式直達機場啦..........期間車廂中突然出現強勁GE惡臭(炒蛋味)
                       
今次旅行將想聽GE歌入定落PSP........以備夜晚訓教播放
6:10AM.....的士準時到達香港機場........跟住去左搵領隊"Johnny"先............跟住再去拎行李寄倉
等緊期間.....出現一個麻煩大叔.......唔知係度做咩野.....攪到大排長龍
6:20AM........去大家樂買早餐食..........

               

咁早食野真係無咩胃口可言..........

tomy23

7:00AM.......正式集合.........聽Johnny講番小小野先.........係呢段時間期間........有人拍我........

阿Jeff:.........喂.....你係咪tommy啊??

我:............係啊...........(點一點頭)

其實我當時都覺得自己好似無咩禮貌咁.........希望阿Jeff唔好見怪........因為果陣時係度估緊邊個係阿jeff...邊個係兩個麻甩佬........結果太過專心...攪到無咩反應
9:00AM......終於上機啦.........

睇見呢張機票.......如果係國泰我會好開心.....但呢間......OX.........好得人驚

咁岩睇到自己件行李比人掉上去輸送帶........

另一個角度睇..........

起飛後......香港ge上空........藍天白雲......(心裡面一直期待住布吉都係咁樣)

嘩...你睇份飛機餐幾咁正啊(完全覺得自己好假....食完之後簡直想自殺)

                                    

係飛機上空.........咁岩見到d雲排得好靚............所以影低左...

tomy23

呢度開始會轉泰國時間

   

10:40AM到達布吉...嘩....你睇下...個天幾咁靚........攪到我想講句粗口啊

坐左旅遊巴到達中央百貨公司........同一時間認識當地領隊"阿德"

行左陣商場......同老婆就決定左係呢間餐廳度食"日本野"啦.......

                             

呢間野都幾旺.........好多人係度食野.........

呢一set野........就係老婆叫ge........個賣相真係唔錯嫁

呢個就係我叫ge.......庵烈飯.........味道唔錯嫁

呢餐加埋都只係$70~

估唔到每張台都放支真ge玫瑰花......都幾靚[img][/img]><

老婆......你望緊d咩呢

食完野後行多陣商場先.........戰利品稍後再post.....

3:30PM到達水果街....雖然當時正落大雨...但係見到咁多咁靚咁新鮮GE水果....我地一於少理...直衝落去買水果食......不過買完好快就走人....實在太多黃峰

4:00PM............到達酒店............做埋d check-in手續先...拎埋鎖匙..跟住就出發番房休息下啦

不過點估都估唔到我地間房差唔多要行到最入囉.........同埋呢間resort都幾大自然feel......可能布吉呢邊興啦

入到房.....立即周圍睇下先......其實都算大ge.....不過無浴缸!!!想浸下都無

跟住休息左一陣我就同老婆去左附近行街啦......不過果陣都一直落雨........其實真係有d掃興.....睇見個天咁樣.....唔通連個天都唔鍾意我

不過都有所收穫...入左d內街度買左兩件t-shirt....跟住就番酒店啦....點知落勁大雨....行到酒店前的斜路因為實在太大雨同大風.....結果我地唔行得住.....全身濕晒

6:30PM..........總算可以食飯lu...........食物好普通..........但總算入得下口咁啦.......認識左阿Roy.....佢比我一種感覺識好多好多野......同埋好健談......

因為係食飯期間有個泰婆唱歌.........點知...原來佢有備而來.........知我地係香港人...........唱"月亮代表我的心".......結果全部人歡呼......不過好明顯佢好多字唱錯左同miss左好多歌詞...........

食完飯番房休息啦.........第一日暫時未同forum團友正式相認..........真係唔好意思

~!第一日行程就咁完結~!

待續

tomy23

9月15日

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

由於技術問題.....XANGA限制每個月UPLOAD相GE數量.....所以跟住落黎D相較細

不便之處~敬請原諒

KARONA RESORT & SPA

係房度搵到張卡....見到幾靚...所以影低左....

你睇下....間房天花幾高....呢種就係呢間HOTEL其中一種特色

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

今日旅程正式開始啦

6:30AM....起身啦.....真係好早下其實....不過都無計嫁啦......今日目的地係

哈哈島........7:45酒店食早餐啦......其實D早餐真係麻麻地啦.....不過落到肚就算啦......再加上喉嚨又痛......把聲仲未好晒.....真係好麻煩

如果我無記錯GE話.....應該係上車前......有兩個人叫我........呢個時候就係同兩位麻甩佬相認GE時間

BENZ:.......你就係TOMMY???

我:...........係啊......

Roackman:..........tomy2323丫ma

呢個時候終於唔洗再估邊個打邊個啦!!!太好啦

跟住就上旅遊車啦.......出發去艇會......因為要再轉船到哈哈島啊.......到達後先拎救生衣.....跟住就上船啦......由於有團友要玩降落傘ge關係......我地要先到一個浮台上....上船前勁多泰仔係咁偷影我地.....一定收左錢要咁做啦

你睇下老婆d頭髮同裙....可想而知當時幾大風

     

呢張都影得幾好.....雖然大風.....但都一於少理.....影左至算

                           

實在太大風啦.....我個頭......我個頭........吹到渣都無得靜啦

呢張係把握時間....襯未開船前影....都影得ok啊可??(thx阿jeff)

9:30AM.....我地到達哈哈島啦!!!

天意弄人啊...我GE陽光與海灘......點解得海灘無陽光嫁

tomy23

跟住我就決定左拉埋阿JEFF同佢女朋友(jolly)玩香蕉船啦.....咁大個人都未玩過...一定要試下啦.....

好......等到10:30AM就夠鐘去玩啦.......之前影下相先

幸好自從幾個月前開始一直都保持適東食量.....身形至KEEP到..不過呢張笑得好勉強咁喎

你睇下我....後面個天......真係更加令人想自殺

  

左邊果張.....老婆你做咩企得咁正經呢........右邊果張好得多

大家唔好誤會......隻狗無死到嫁.....佢只係訓緊教姐

我見到佢咁得意.....立即叫老婆同佢影番張相先.....點知佢唔望鏡頭

呢張係我等佢定D GE時間影嫁.....都影得佢幾靚仔啦

再一次THX阿JEFF幫我影相

跟住終於到我地出發啦.....第一次玩都有小小緊張.....但點都估唔到個泰仔會帶我地出得咁遠......因為我見人地都無咁誇張嫁......但後黎我發覺.....出到連個島都望唔到.....仲要睇住個天由有小小太陽.....跟住開始變暗

最攪笑就係.....佢會話我地知準備跌落水.......仲講埋跌邊一面......後黎回程........跟住出事啦.....不過放心.....唔係有意外.....係突然大浪左勁多......同埋落超大雨.....跟住不停咁有雨打落個身同塊面度.........勁痛!!!........不停咁咆哮!!!

不過真係好刺激.....好好玩.......不過就真係危險左少少咁囉......總算平安番到島......跟住就立即走人啦.......因為太大雨啦.......休息下

等到12:15PM.........食飯啦......D野食都係一般啦......至少都接受得到....期間聽到有d人係度賣野.....聽到佢講"山周根".......原來係香蕉乾..!

tomy23

1:15PM......番到艇會......快手咁沖個涼先...跟住攪掂晒就上車去下個地點啦

車上影到GE....一架專賣栗米同椰青GE車

2:20PM......到達珠寶城.......講真......D野真係好靚GE.......不過唔多有興趣囉.....

結果攪到個個都睇大陣就出去坐下飲野.......

後黎我同阿jeff,jolly佢地傾下計........因為見到rockman背住我地.....我地咪係度諗.....點解佢個頭可以24小時不變咁勁ge..........結果轉個頭佢聽到我地講野就過埋黎傾計

出面又勁大雨啦.......唉.......跟住出發去買手信......就係d豬肉乾果d囉.......

3:00PM到達啦.......雖然喉嚨痛....但一於少理....都要試食一番.....結果都買左幾多野下.....呢個都算係買手信一個熱門地方黎

呢間就係買豬肉乾GE地方啦

睇個樣其實都幾大袋野嫁...

4:40PM....到達左腰果廠.....D野應該OK掛.....因為我無試食.....個喉嚨就快爆炸

後面果兩粒.......係......係.......唔知乜Q野(如果話腰果無人信)

我似係幫JORDAN賣廣告多D

腰果廠出面影GE......都幾靚

你睇下幾靚..........我話後面兩棵野啊~!(希望老婆見到唔會殺左我)

5:40PM.....到左燕窩專門店啦.....見到佢雙眼都發晒光......因為係呢個旅行中....只要一有潤喉野....我就會好興奮......鬼叫我喉嚨痛

入到去拿拿臨叫番碗黎食........正.......

6:30PM.....我地就去食自助火鍋啦........間野靜到不得了.......又勁多烏蠅~.....其實都食左好多野嫁啦........後黎我地拎左D腸仔入黎.....點知一咬....出事...D腸仔軟到丫........好似食粉咁.......我..阿JEFF....仲有子明一咬........面色都變晒....但ROCKMAN就講到好正咁.......

tomy23

Shopping正式開始

呢度就係芭東步行街啦

期間見到有好多人妖企係路中心迫人同佢影相.......真係見到都驚啊....係咁問人拎錢

呢間bar.......好多好多人幫襯嫁.......有隻老虎係最頂

呢座唔知咩黎.......見到佢幾靚就影低左啦...

係呢度其實有3個商場嫁.......個環境真係好靚........左手面果張就係一個商場下面有人做緊按摩

呢個就係ROBINSON商場......無咩點行過.....因為好靜.....睇落無咩野睇咁

    買左好多好多野啊......戰利品稍後公佈........

    因為喉嚨不適關係...結果就到左呢間野度搵野飲.......

呢間野係靜左D.....但真係幾靚....環境幾舒適

本來叫左一杯.....無記係ICED GREEN TEA.......點個果度D人可能聽唔清楚....比ICED TEA我......幸好飲落原來都幾舒服......估佢唔到

其實無記錯呢個地方好似係叫做"鍾舒啷"..係呢度影左張相.....都幾靚啦

tomy23

我諗大約11:00PM左右都番左酒店啦.......番到去沖個涼先.....舒服晒....跟住就將D戰利品拎出黎啦

其實...本身就寫好左邊樣係咩黎.....但可能字太細睇唔到啦...而家再講過

總共買左3件衫.....1件背心....1件外套.....1條泰拳褲.....大出血

近少少睇清楚D....最鍾意就係中間用BOX入住GE衫.....同老婆買左

一SET情侶裝

另一邊廂.....其實右面果件係外套.....不過太黑關係睇唔清楚.....但件外套竟然比我價講到半價

之前講過去哈島果陣係咁比泰仔偷影.....結果回程後佢地擺檔賣相.....結果我地就買左呢兩個番黎啦(影得老婆好清秀,但我就.......完全係比人偷拍.....)

呢D就係食物收穫啦.........有豬肉乾...魷魚絲....蝦乾.....好多好野....

呢兩件衫幾靚啊可???質地都唔錯嫁

而呢兩份呢....就係香燻果一類產品啦.......都唔錯嫁....好香..包裝好靚

呢個.....提唔提都吧......阿媽朋友搭買.....拳王藥膏

今日消費表

• 200 Bhat 哈哈島相架x2

• 40 Bhat 椰青

• 1810 Bhat 食物

• 200 Bhat 燕窩

• 500 Bhat BOX T-Shirt x2

• 600 Bhat外套 (原價 1200 Bhat)

• 300 Bhat T-Shirt

• 150 Bhat 拖鞋

• 500 Bhat 泰拳褲

• 370 Bhat 香燻

• 1080 Bhat 藥膏

• 1000 Bhat 香蕉船

總共6750 Bhat

今日行程到呢度都完結啦.......番房休息..訓教

待續

tomy23

9月16日

7:45AM.........又起身食早餐啦..........尋日香蕉船......令到老婆周身痛.......我都仲好少少....無咩事......落到去問阿JEFF佢地都係有D痛.......

唔知點解今日D早餐好似好食左好多咁......before可能又唔識叫炒蛋果d.....而家仲整埋庵烈啊......食得好滿足啊....

8:30AM.....又搭旅遊車出發啦.......今日行程係去鳥蛋島.......唔知果度係點呢......聽阿Roy講.....佢話好靚嫁.....餵魚一流

去到大約9:20AM.....買麵包同拎救生衣先.....跟住就坐船出發啦......

9:35AM到達鳥蛋島.......果然唔錯......都係一樣水清沙幼

因為天雨關係啦......今日又無得浮潛.......但係就咁睇.....都睇得到魚GE數量嫁

再近鏡睇清楚.....真係幾靚.......好鍾意呢種場景

老婆係度餵魚.......你睇....幾多魚衝晒埋黎.......

跟住果一餐又係一般啦......最野味係炸雞膇......好好味.....至雖我喉嚨痛.....阿JEFF...BENZ....ROCKMAN個個係咁引我........激死我

想自殺都成為我旅程金句"

跟全住等到1:15PM就離開蛋島啦........其實架快艇有分前後座......結果我幾程都盡量坐前面....因為刺激D.....再加上我地走果陣......之前落過大雨.....天氣一直不穩定......結果今次壓外贈送刺激快艇環節

因為一直落雨關係....好多白頭浪.......結果海上真係好危險.....但我地一於少理.....跟住我同老婆都用大毛巾"嬲"住......因為D魚同風力太強........再加上浪同船撞激好強....拋到我地好高.......勁激.......結果濕到不得了.........但都總算安全到達遊艇會...

係艇會度見到有隻好可愛ge狗仔..又乖又得意啊.結果立即叫老婆同佢影張相

2:00PM.......番到酒店..沖涼...休息.......今日都算好......因為全身濕晒.....但都有機會番酒店沖番個涼.....好舒服........接下黎時間......就係等到夜晚

tomy23

帝王自助晚餐

老婆下午訓教....而我就周圍影下相.....係房度玩陣PSP...睇下電視咁......直到5:30PM....又再集合啦.........出發去象王宮殿!!

呢度就係象王宮殿入口啦.........一個好靚好靚ge地方

拎住把野影相.....好似好怪咁

呢隻唔知係咩黎ge人...........企左係門口.........結果老婆就埋左去同佢影番張相

                                 

其實我唔太記得呢兩個係咩黎嫁如果有人知唔該同我講啦...

嘩......你地....呢間野真係好豪華啊........無記錯係一間賣手飾ge舖頭黎

呢個唔知咩黎=.=..........應該係食飯ge入口黎掛

呢個就係帝王晚餐ge大門口啦........不過我只係影左個牌

裡面ge環境真係好豪華.......好大......可以同時容納4000人

只可惜呢度d野食真係好普通..........唔係想像中咁好食.........令我大失所望啦.........而係呢個時候我又有另一個動態係大家都發現..........就係"另"頭.........benz..jeff..rockman佢地都話.....tommy仔你又"另"頭啊........又想"自殺".......後生仔唔好郁d就"自殺"喎

呢幾張相..........er.................得中間係有開閃光燈影...........因為發覺開親閃光燈都影得唔太好咁.....不過總括來講.....都接受到啦

tomy23

呢張就影到少少後面ge夜景.........好鍾意d燈光殘影配番老婆...好靚

係咪有d似disneyland呢但事實呢度靚得多囉

呢張就係老婆企係銀色果間舖頭前面影ge......雖然黑左少少.....但都好靚丫..

至衰影唔得清我地自己個樣啦.......呢兩隻熊好大好大隻......好靚

tomy23

後面果張係假嫁.......側邊兩隻都係假嫁......(我個樣好似反晒光咁=.=)

唔好誤會.......呢度係兩張相合埋嫁.........

其實出面真係落緊雨嫁......但唔係真係太過大雨囉......自己成日都拿住把野

呢度就係象王宮廷出面啦.......好難影啊.........只可以形容係一個好有歷史古蹟的感覺

好鍾意呢個景.........真係好靚嫁.........不過呢張影得唔好....較靚ge請睇下一張

嘩......唔知大家覺得點呢..........我就好鍾意啦.........都幾浪漫ge

行左咁耐.........暫時影住咁多先啦!因為睇show時間夠了.....呢度就係象王劇場入口.....

呢個劇場係唔準我地帶相機入去嫁....因為有大象係度.....驚閃光燈影響到佢地.......

呢度想講番一樣野......我覺得呢個劇場ge運作真係好值得香港學習嫁.......佢地是將我地d相機收係一個獨立box度.....比一個牌我地.....牌上有個box ge number........當劇場完左一比立即拎得番.......效率簡直值得配服啊

起初我地都唔肯定係咪自己入去嫁......因為老婆話唔見我地d團友喎......但我好記得"阿德"話睇完出面等丫ma....所以就排隊入去啦....勁多人啊.....入到去個座位都好舒服...個劇院好靚好大啊..原來我地係最早到ge......

後黎其他人都到達啦.....不過呢場劇都睇得辛苦啦........因為我咳到停唔到....好難捱啊.........同埋整套劇.........唔係全場都咁精彩...但空中飛人....象仔表演.....魔術表演都好好睇啊......不過期間有d時候真係差d訓著左

不過d象仔好得意啊..........隻隻行果陣都會用象鼻拖住第2隻條尾..........

10:15PM...........劇場完左啦..........搭番旅遊車番酒店..........10:50PM番到..........好攰好攰.........沖番個涼.........跟住就訓教啦

今日行程去到呢度完結啦待續

tomy23

9月17日

今日終於可以唔洗咁早起身啦.........因為今日係自由活動啊......所以時間較為彈性少少

9:00AM......起身啦......訓夠晒...跟住就換衫落去食早餐.....估唔到同大家都咁有緣.....起身時間差唔多...........落到去無幾耐就撞到阿Jeff同Jolly.....跟住就撞到rockman同Benz.........今日好休憩啊.......結果食完早餐後..........大家見有時間就係度傾計....傾左好耐好耐..........

好鍾意呢個團.......因為個個都傾得好投契............佢地去旅行經驗好多.......學到好多野啊.....不過成日講笑囉...........成日話我攪野...跟住又話....岩ge.....後生仔係精力旺盛d.....我地都後生過...........傾到11:35PM......番一番房執D野......個個都番房"爆石"

12:00noon.......今日自由活動.....我地決定左去做"SPA"..........因為未試過......結果搵埋Benz....rockman.....阿jeff佢地一齊去啦....

1:00PM到達啦.......

             

呢度就係我地做SPA GE地方啦.....睇落好似連個大門都好細咁......但其實入面都好靚嫁

呢度就係正門啦........後面果兩個人.............阻住晒   

呢度打開門入去後.....有另一番感覺嫁

拿.......無厄你嫁......呢個池都好靚下啦.........同一時間又比阿jeff踢爆我好想落泳池

因為每日天氣都好差......本來我係打算係酒店泳池玩......點知每日都唔成功......結果佢地個個都知我一見到泳池就會想

"自殺"

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊    

見到個背景係泳池.........令我想"自殺"ge感覺更強烈

老婆拎住果個野幾得意嫁......用黎整碎d藥材.........而佢前面果d就係我地可以"簡"黎做spa的材料

見到呢個櫃放晒d產品係度...好靚.....結果就影番張相先...

tomy23

聽完職員介紹呢.........我地就"簡"番自己鍾意用ge材料啦......結果我"簡"左中藥........因為佢話會令個身興興地......因為生果會涼涼地....唔岩我.........

跟住入到去就換衫啦..........靜係準著佢地果度提供ge一條褲咁大把.........跟住沖個身先..........沖完就去焗一焗桑拿先...........乾蒸完就去個迷你按摩池度浸一浸........都幾舒服ge.........跟住又再沖一沖個身..........攪掂晒就坐低等下先......因為d職員未準備好

跟住佢地就開始帶番我地去個別房間啦.....去到見到老婆坐左係度.......跟住d職員幫我地洗腳先....(講真..........真係好唔慣咁樣比人服侍)

跟住就要除晒衫........訓係張野度......最慘就係佢幫我地按摩果陣.......不停咁店倒"加拿大"位.....同埋"腳板底"位.......果種感覺真係比死更難受......結果我係咁忍住唔笑.........幾咁辛苦.........後黎用中藥查晒全身後用保鮮紙包住........個度都夠晒凍嫁啦.......點知發覺唔對路.........查完野佢d藥滲透晒入身體裡面.....直程由裡面凍番出黎.........勁辛苦.........唔覺唔覺又做完spa啦....

跟住就番番更衣室果邊......同benz.....rockman....阿jeff佢地傾計.......原來唔係靜係我一個覺得凍.....個個都覺得係......個個都懷疑用錯野...............後黎佢地仲抵死.....係度問我....."小TOMMY有無站起來啊"

換好晒衫4:35PM就離開呢度啦...........5:10PM番到酒店.........大家就係度商量今晚食咩好啦........結果決定左去恐龍園度食

呢度個氣氛都幾好嫁.......整到好似森林咁..........總之就好特別啦

每張台都會有支蠟燭.......攪到好似好浪漫咁......但其實燈光嚴重不足

好大個恐龍骨頭啊...........睇佢應該唔係想食左我地掛

嘩.............呢架咪就係.........傳說中....."聰明笨伯".........所出現GE

用腳行GE車