Uwants TV消閒生活手機討論遊戲地帶影視娛樂校園生活數碼科技寵物樂園學術文化體育世界購物廣場時事投資貼圖影片上班一族美容纖體戀愛婚姻汽車討論成人資訊博彩娛樂資源交流站務管理
發帖
註冊 登入/註冊 微博



追帖 打印

[故事/經歷] 3年跟他的生活.. 我真係好想放棄.. 但往往事與願違



3年跟他的生活.. 我真係好想放棄.. 但往往事與願違

[隱藏]
可能有點長篇 但我實在已經再搵唔到方法發洩 希望大家唔好介意..
我同佢都係同年, 今年已經踏入29, 而我同佢已經係埋一齊第四年了
初初開始既時候佢係自己住既
我同佢都好鐘意打機, 所以間唔中放工都會去佢到一齊打下機玩下同埋過夜
講下佢既工作,佢係做髮型屋既, 而我岩岩同佢一齊時佢除左返緊工, 仲有去D學校到讀進修課程


依種模式維持左約半年到 , 我男友既住處因為種種問題唔可以再租, 佢就提出左暫時搬黎我到住, 再幫補返一二千蚊我屋企, 最後佢就搬左黎我到住(而我係同我屋企人住既, 我父母都好開通覺得冇咩所謂), 咁就正式開始左同居生活
當每日都見面後, 問題就開始出現了, 個課程讀讀下就冇讀, 工就轉左做兼職, 咁我當然有了解下發生咩事啦, 咁佢都係話想轉換下環境個D咁, 如是者佢就每日都係咁樣HEA, 最後唔知由幾時開始連工都冇返..

我三日唔埋兩日就會關心下佢既情況, 咁佢都係話搵緊呀, 希望搵份好D呀咁, 咁我都覺得冇問題. 因為自己有時都明白工有時真係未必份份都岩自己, 所以都希望我既支持可以比到佢鼓勵..


大概一年到, 我開始接受唔到了, 一年入面可能只係前前後後返過30日工, 每日都係訓到一兩點起身, 食完午餐就開始打機(佢當然唔可以留係屋企, 因為我一直幫佢隱瞞我屋企人佢係返緊工, 佢每月既一至二千蚊家用都係我去幫佢比住先), 我開始經常性發脾氣, 亦都試過心平氣和同佢傾, 希望可以幫到佢解決佢自身既問題, 但佢每次都係回應我佢明白, 知道點做, 會做好D, 叫我比時間佢, 但一直以黎都係一模一樣冇改善, 我真係人都癲..


我自問都唔係大洗既人, 從來都冇要求佢買過任何野比我, 更加冇要求過要去D咩貴既餐廳, 最多都係兩個人加埋二百零三百蚊, 每年佢既生日, 聖誕, 情人節我都會買野或者整野比佢食去希望我地既關係好變得更加好, 有好好既未來
但而家我真係覺得自己好傻, 為左我自己想去旅行, 我會買埋機票酒店比佢.. 而佢到時冇錢, 佢呀媽就會自動比錢佢去旅行玩,
行程從來都唔Plan, 我當然都有唔開心過, 但佢就話鐘意去到周圍摸索, 唔鐘意編排, 但最後每一次去旅行, 都係跟我既行程去行

我生日從來都冇諗過同我去邊到玩..第一年我既生日係我自己book左梅窩酒店同佢兩個入左去玩同燒野食, 雖然第二年邊到都冇去.. 但第一二年都有買生日蛋糕比我食, 我都開心架, 總括頭一兩年我都仲感受到我係佢生命佔一席位, 雖然佢從來冇主動用佢個電話黎同我影下合照.. 我當時只係佢個人冇咁多idea同個人未定性, 因為我每日都希望佢聽日會成熟定性, 終有一日會同我談婚論嫁講將來, 我每日都係咁樣昐望住

但我真係敵唔過我既心底, 我既忍受力原來真係有限, 我開始更頻密咁發脾氣, 更加提出分手, 但當我每次發脾氣, 佢都係保持沉默, 從來唔同我嘈交, 就係咁樣一直唔出聲, 我就一路鬧.. 正到我講到冇氣講, 所有野都回歸返之前一樣冇變, 佢會一直好似咩都冇發生過一樣同我傾閒計, 就算我冇反應佢都會繼續, 因為佢知道當某一日訓醒我就會冇事, 最長試過係屋企唔理佢一個月, 佢都唔會理我, 令我更加感覺到<我咁就一世啦>既諗法, 點解?因為我提出分手時真係有叫佢執野走, 但佢當然都係一貫風格, 唔出聲唔郁啦, 你地一定會問, 咁點解你唔幫佢執? 因為我好擔心如果我真係趕走左佢佢會冇地方住(佢家庭既野我就唔詳細講啦, 總之佢屋企冇位比佢住)
我好擔心佢係街唔知點過日子, 所以我又再提出叫佢搵個單位搬, 咁當然佢都係冇任何表示, 就係咁樣拖拖拉拉就接近四年..



佢就依舊每天打機打機訓覺訓覺, 間中返幾日工鐘意就唔返幾日咁.. 我依四年黎真係唔知喊過幾多次, 我唔係想改變佢d咩, 我只係希望佢可以有一份正常工作, 大家放假時一齊去行下街, 間中去下小旅行過下二人世界, 我知我好犯賤, 我明明有得簡只係自己唔做.. 係.. 我自己知.. 條路自己簡.. 仆街唔好喊.. 係我自己抵死.. 我知.. 我真係知.. 希望你地睇完唔好鬧我.. 我真係想搵個地方講出黎發洩下.. 我真係完全唔敢同朋友講我有個咁樣既男朋友.. 眼見身邊d朋友個個都結婚了, 就望下自己, 真係覺得好好笑..


最後睇到依到既朋友.. 真係好多謝你地, 我應該真係打到一舊舊

回覆 引用 TOP

引用:
原帖由 maojai 於 2018-3-12 05:08 PM 發表
可能有點長篇 但我實在已經再搵唔到方法發洩 希望大家唔好介意..
我同佢都係同年, 今年已經踏入29, 而我同佢已經係埋一齊第四年了
初初開始既時候佢係自己住既
我同佢都好鐘意打機, 所以間唔中放工都會去佢到一齊打 ...


同情你, 但係真係無咩方法改變

而家擺明你男友性格係懶

唔諗住做野,亦唔諗將來

所以有得揀一定係搵過個

但係呢D人請都唔會走,肯定一味賴死

真係我都唔識講可以點幫你

如果你發爛渣趕佢走反晒面可能仲大鑊.....要諗條完全消失既計真係唔容易

令人同情~






回覆 引用 TOP

你搞到佢變成咁。。。由你收留佢個陣已經系錯



回覆 引用 TOP

上計:唔心軟先有得玩,但你的性格執行唔到
中計:你要慢慢離開佢既生活圈,但要有外力支持
下計:你都係咁就一世啦







回覆 引用 TOP

[隱藏]
我都知自己有問題先會搞到咁架啦,我都有責任。 但我既性格真係太唔識拒絕人,要我執晒野趕佢出去簡直仲難過取西經,可能佢正正知道我係咁既人更加放心維持佢而家既生活囉,唉好廢

回覆 引用 TOP

引用:
原帖由 maojai 於 2018-3-13 01:20 PM 發表
我都知自己有問題先會搞到咁架啦,我都有責任。 但我既性格真係太唔識拒絕人,要我執晒野趕佢出去簡直仲難過取西經,可能佢正正知道我係咁既人更加放心維持佢而家既生活囉,唉好廢 ...


聽我講。。。把心一橫掉哂佢d野出去。。。佢懶死吾走就叫保安請佢走  仲吾走就打3條9






回覆 引用 TOP

引用:
原帖由 maojai 於 2018-3-12 17:08 發表
可能有點長篇 但我實在已經再搵唔到方法發洩 希望大家唔好介意..
我同佢都係同年, 今年已經踏入29, 而我同佢已經係埋一齊第四年了
初初開始既時候佢係自己住既
我同佢都好鐘意打機, 所以間唔中放工都會去佢到一齊打 ...


你好,這是《自殺.自療.互助舍》。看來你已累積了不少負面情緒,是嗎?人就好像氣球一樣,若積存的鬱結和壓力太多,便會有爆發的一天。你不妨到以下的網址了解我們的服務:

http://www.uwants.com/viewthread.php?tid=18818516&extra=page=1
,那裡有一些與自殺有關的人與事,你可以隨心看看。你更可以進入網站內的『真心話室』(星期一至日,下午8時至凌晨1時)即時與我們的義工在網上交談,尋找一些精神上的支持,或是疏導一下自己的負面情緒。我們願意聆聽你的心聲,伴你一起走過這段艱難的時候!只因『晴天雨天要樂天,難關難過總會過』!



《自殺.自療.互助舍》




你不需要在這裡回覆我,因這戶口是我們義工共用的,但期望在聊天室可以見到你,與你傾談。






《自殺.自療.互助舍》www.help4suicide.com.hk
  | 完全自殺之謎 | 自殺真人館 | 真心話室 | 好人好事 | 心靈信箱 |
     Suicide myth   Suicide story  Chat room   Goodies     Soulbox

回覆 引用 TOP

回覆 1#  maojai 的帖子


面對現實, 你同佢都要, 佢浪費緊佢人生, 你陪佢一齊浪費!! 與其係咁, 不如正面D




回覆 引用 TOP

一腳申佢走啦~

回覆 引用 TOP

[隱藏]
看樓主要不要狠下心把他趕出去分手,再這樣下去他依然會繼續懶著
愛情疑難雜症、約別人的老公出來吃晚餐:[url]https://goo.gl/4U6LKF[/url]

回覆 引用 TOP

針真係唔拮到肉就唔知痛嗎? 唉, 我實在無法做得到要執佢D野,問佢拎返鎖匙之後趕佢出街..
如果係調返轉我搬出去唔再見他會容易很多.. 但依個係我的家呢

回覆 引用 TOP

唉........呢D渣男早走早著啦, 傻女.

回覆 引用 TOP

你可以繼續拖,但過左三十好難揾下家 結婚可以呀,你繼續養佢,佢大條道理繼續痴你屋企。。。
你望佢改?社會接受接受佢先?一個失業 4年既人本身已經難揾工。




回覆 引用 TOP

此人留不得丫,,


不過我相信妳好難趕到佢走,,

回覆 引用 TOP

[隱藏]
引用:
原帖由 maojai 於 2018-3-12 05:08 PM 發表
因為我提出分手時真係有叫佢執野走, 但佢當然都係一貫風格, 唔出聲唔郁啦, 你地一定會問, 咁點解你唔幫佢執? 因為我好擔心如果我真係趕走左佢佢會冇地方住(佢家庭既野我就唔詳細講啦, 總之佢屋企冇位比佢住)



你講到好擔心佢咁
其實係你唔捨得
害怕冇左佢/開始新生活


香港有公主病既女仔
但又有你呢D polar opposite


睇你個樣都唔會忍心同佢散
既然你講既野佢左耳入右耳出
你做好自己
唔好發脾氣
唔好叫佢番工
等睇下佢會唔會有一日良心發現自己有幾幸福
等幾耐就你自己決定
祝你好運

回覆 引用 TOP



伸延閱讀
 26 12
 提示:支持鍵盤翻頁 ←左 右→ 發新話題發佈投票
請先登入
小貼士:
依家可以用“@”tag會員啦!