Uwants TV消閒生活手機討論遊戲地帶影視娛樂校園生活數碼科技寵物樂園學術文化體育世界購物廣場時事投資貼圖影片上班一族美容纖體戀愛婚姻汽車討論成人資訊博彩娛樂資源交流站務管理
發帖
註冊 登入/註冊 微博



追帖 打印

[其他] 【物理科,電學】電壓源,電流源。



【物理科,電學】電壓源,電流源。

[隱藏]
電源係乜?



就係可以將其他能源轉做電嘅設備,請注意,係轉換同提供,唔係處理!

單車你哋踩過未,整(修理)過未,電源就似單車嗰條鏈,個轆相當於電器,腳力就係能源。

回覆 引用 TOP

無論大家有冇學過物理,學過電工,都知道電係唔short得嘅, 其實仲有一種電係一定要short死,千祁唔好斷嘅,呢種電就係電流源,我哋唔會有乜機會用到佢,所以好多唔提。





回覆 引用 TOP

電壓源電流源,恆壓源恆流源,係唔同慨念,啲人成日撈埋講,連維基都錯(你用繁體輸入Google吓)!



电乜源係本質,恆咩源係性能,電流要條路通至有得流,電流源嘅表現形態,係一股永遠唔會停嘅電流,
如果你斷佢米路,佢就會逢山開路遇水搭橋,拉弧打火殺出條路挺啲電可以繼續流,如果佢落負載嘅電流點都唔變,咁呢個電流源先至有資格叫做 恆流源!




回覆 引用 TOP

電源嘅內阻,其實唔止電阻,仲有電抗呀,極化呀,換能嘅規模同效率呀呢啲問題,不過响呢度係題外話,唔講佢,


電流源其實同電壓源一樣,內阻係零至係最好,內阻雖然唔會影響電流源嘅流量,之但係會造成損耗吖嘛(既然係恆流,咁損耗幾大就係梗嘅,呢部份嘥嘅能量都係梗嘅),
電流源嘅「內阻」點解要用並聯嚟分析呢,因為,「內阻」通常係梗嘅,負載就可以冇時定,一個變嘅同一個唔變嘅並埋一齊,電流的分配咪會因負荷而異囉,咁個「內阻」我哋睇唔到㗎嘛,睇到嘅剩係電流會跟住負荷變,我哋話呢個電流源嘅內阻唔夠大咪就係咁樣囉。






回覆 引用 TOP

[隱藏]
電壓源叉電,電流方向反咗, 電流源叉電點叉作呢,就係串聯加短路,電流源自己嘅電動勢方向就會掉轉,
咦,咁其實同電壓源叉緊電嗰陣嘅情況係一樣㗎喎,不過係將個電源畫成上下調轉啫!

回覆 引用 TOP

過電用電,啲導體始終係要有個合理嘅尺寸,唔通將啲電線整到大屎渠咁粗咩?!



唔想電線太粗,大功率電器用嘅電壓就要高啲,大功率輸電就要變高啲電壓嚟輸,
市電有5A同13A兩瓣,如果市電用恆流源嚟做,咁照樣用呢兩瓣得唔得呢,之但係,如果嗰件電器嘅功率得半火(0.5W),咁我算你用5A檔,都係0.1V咋喎大佬,咁低嘅電壓,FET(場效應管)都未必可以正常發揮,除非加多個0.1A檔,電壓有5V就差唔多。






回覆 引用 TOP

嗱,好嘞,市電有分「粗幼」,想過幾多電,用灰士或者跳掣就搞掂,入屋一條街線就夠,用恆流源點做?!



用市電點個5火燈膽,食25mA電,如果用15A嘅恆流源,咁燈膽攞到嘅電壓就係0.33V,你哋覺得啲電器設計成咁合唔合理呢?!

如果分檔俾電,咁一係就入13A,5A同0.1A三條街線,一係就一條街線入屋自己分,每路都要恆到流至得,係咪煩呀?!






回覆 引用 TOP

用火牛又係個問題,恆壓源電壓係梗嘅,電流大細睇負載,有幾多負載扯幾多電,
恆流源就唔同,火牛,電磁鐵同摩打,都係鐵芯加線圈,佢哋都要俾啱電壓至可以物盡其用,正常做嘢,如果負荷係梗嘅,問題唔大,如果負荷係冇時定嘅,咁點設計呀吓?!




回覆 引用 TOP

電流源嘅空載電壓,係恆壓源嘅電壓,
電壓源嘅短路電流,就係恆流源嘅電流。

實際上,乜嘢電源都有內阻,有內阻就冇得恆;電咩源至可以兩睇,恆咩源係唔可以調轉嚟諗嘅。

附件

constant.jpg (17.28 KB)

2018-3-16 01:11 PM

constant.jpg

回覆 引用 TOP



伸延閱讀
 提示:支持鍵盤翻頁 ←左 右→ 發新話題發佈投票
請先登入
小貼士:
依家可以用“@”tag會員啦!