其他討論
消閒生活手機討論遊戲地帶影視娛樂校園生活數碼科技寵物樂園學術文化體育世界購物廣場時事投資貼圖影片上班一族美容纖體戀愛婚姻汽車討論成人資訊博彩娛樂資源交流站務管理
發帖
註冊 登入/註冊 微博



收藏 訂閱 打印

[討論] [英超第7輪]賓賓倒戈戰:紐卡素 VS 利物浦



[隱藏]
引用:
原帖由 meurette 於 2017-10-2 09:15 AM 發表



眼利�球迷都會發現, 呢兩場波古天奴其實比 "被雪藏" 之前更為落力, 巴塞挖角一事反而某程度上激活咗中場�動力. 但同時亦係呢兩場波, 令人見到古天奴急於利用食糊方程式去助攻, 即是走向偏向邊路位置再 ...

高普今場的分工⋯本人冇睇賽事唔敢評論,古天奴如踢軒神本身的位置,軒神現在的活力,真的不及安利簡,一下子轉型後再踢回之前位置,掃蕩力嚴重不足,可以話高普太睇高軒神,亦都可以講輪換失敗,唔識知人善用,兵力不足之下焗用錯位置球員,如古天奴是踢進攻中場,證明韋拿杜姆未夠能力分兼安利簡的工作,其實要買個有經驗的中場輪換唔難,奈何高普眼角高,其實還有米拿可選擇,個人意見⋯歐聯賽事高普極之睇重,不惜輪換英超賽事而用強陣出擊歐聯,但系小組裡只有西維爾是較強隊伍,莫斯科斯巴達料子真有限,再加一隊不知名球隊,要出線真的唔難,歐聯投放資源太多,英超接連失分,高普隨時人頭落地,現在更是兩頭唔到岸。



實用相關搜尋: 歐聯

回覆 引用 TOP

其實呢個433 陣容 我覺得好大問題。。所以先令 防守 更豆腐。唔好再用433啦





回覆 引用 TOP

依家由領隊到球員都好迷失, 大家都係等運到, 睇下邊個福至心靈, 有運大爆發, 又或者幾件傷咗唔出得, 焗用同一班人然後踢到上哂身. 又或者乜都等唔到今季GG.

[ 本帖最後由 WCErnest 於 2017-10-2 04:30 PM 編輯 ]




回覆 引用 TOP

幾個中堅速度都慢到嚇死人, 比人一劏穿就冇得追





回覆 引用 TOP

[隱藏]
兩閘好大影響,本身高普戰術兩閘進攻作用比防守多,其次今季兩閘防守水平唔太可靠,大大加重兩中堅工作量。導致中前場球員回後協防,冇辦法拉開反擊距離。
另外想講講軒神,我相信軒神對戰術執行力幾好的,防守補位位置感冇問題。但上場波好少見佢做埋身攔截,或者轉守為攻策動攻勢同拉空嘅工作。衰啲講好似睇佢打fifa咁。



熱門搜尋: 加拿大升學 bba 升學 學日文 日文 課程

回覆 引用 TOP

引用:
原帖由 meurette 於 2017-10-2 09:15 發表



眼利嘅球迷都會發現, 呢兩場波古天奴其實比 "被雪藏" 之前更為落力, 巴塞挖角一事反而某程度上激活咗中場嘅動力. 但同時亦係呢兩場波, 令人見到古天奴急於利用食糊方程式去助攻, 即是走向偏向邊路位置再 ...
W5由上季買佢返黎踢中場已經質疑
唔係佢冇質素,而係放錯位
今年仲越踢越後
連上年後上都冇埋
好多時仲隱埋型
覺得佢愈跟愈患得患失






回覆 引用 TOP

引用:
原帖由 foreveroi 於 2017-10-2 01:34 PM 發表

高普今場的分工⋯本人冇睇賽事唔敢評論,古天奴如踢軒神本身的位置,軒神現在的活力,真的不及安利簡,一下子轉型後再踢回之前位置,掃蕩力嚴重不足,可以話高普太睇高軒神,亦都可以講輪換失敗,唔識知人善用 ...


賽程去到而家已開始多人用心留意戰術及球員屬性, 絕對係一件好事.

安美簡本身實在厲害, 由正中場出身之後為求上陣機會屈就打防中, 再被屈去打中堅打右閘, 嚟到利物浦又可以重操故業. 係球員基本底子優厚再加上決心夠強, 技術沒有減損反而隨時日而變得更有韌度, 收收埋埋終有大派用場H一日, 但論搶截始終佢都係半途出家力度不夠, 若只得佢一個頂住中場墮後位置則只算聊勝於無.

即使換轉係以前謝拉特, 同樣由初出道被安排打右閘打防中開始, 一直慢慢轉型打全能中場, 甚至再變成可分擔策動工作, 但一開始嗰兩年佢根本係掃把星一名, 因為波底實在有限公司. 粗野魯莽H收山腳攔截, 不用腦H企位包越位, 中場遊魂散渙無故漏波比比皆是, 直至麥亞里士打H出現激活謝拉特而得以重新塑造, 表現脫胎換骨. 軒達臣要開始蛻變而家先起步實在較遲, 雖然波底未必比謝拉特差但心理質素已輸一截, 亦絕非安美簡一類早已裝備妥當H材料, 能力程度有落差, 當成直接替代品不可期望奏效. 打番正中場則不見如此太大問題, 但佢與韋拿杜姆及米拿不兼容, 當然米拿在陣調適力較好穿崩機會較少.

而家H利物浦中場, 與伊雲斯時期 5-3-2 陣式三個中場人選產生H問題極之類同, 用慕比及米高湯馬士負責中場防守, 班尼斯及麥馬拿文作為攻擊中場往後還有貝加, 正中場為列納及麥卡迪亞, 甚至將班尼斯拉至全能中場位置, 球員角色看來清楚, 實則場上分工七國咁亂人人都打天才波.

[ 本帖最後由 meurette 於 2017-10-3 12:58 AM 編輯 ]






回覆 引用 TOP

高普的搶迫戰術⋯知易行難,三位中場都要極之互動,尤其是安利簡及韋拿杜姆的位置,集迫搶,助攻,前插射門,協防⋯等等,要求極高體力消耗大,韋拿杜姆現在是迷惘期,高普對佢的要求比上季更高,下季的基達唔敢肯定達標興否?軒神太多傷患,影響進步所以有替代者的話,是可以退居後備,但現在唯一替代者,只有古天奴比較有實力,協防能力不高,張伯倫有排學習,冇分工的情況下⋯真的只有踢天才波,時來運到就入三四球,手風一變差就是現在的情況,要等到現在的球員成長,還要睇天份,體能同默契,高普有冇命睇到,系未知之數。

[ 本帖最後由 foreveroi 於 2017-10-4 06:07 PM 編輯 ]




回覆 引用 TOP



伸延閱讀
 提示:支持鍵盤翻頁 ←左 右→ 發新話題發佈投票
請先登入
小貼士:
依家可以用“@”tag會員啦!
預覽帖子  恢復數據  清空內容