其他討論
消閒生活手機討論遊戲地帶影視娛樂校園生活數碼科技寵物樂園學術文化體育世界購物廣場時事投資貼圖影片上班一族美容纖體戀愛婚姻汽車討論成人資訊博彩娛樂資源交流站務管理
發帖
註冊 登入/註冊 微博



收藏 訂閱 打印

[愛情信箱] (閒談文長)其實係咪大部份依加既女仔都係咁



(閒談文長)其實係咪大部份依加既女仔都係咁

[隱藏]
上一段既愛情經歷唔係咁好
封閉左自己一段時間,
由上一段愛情開始, 我諗都接近3年無走去主動識其他人
一尼放唔低, 二尼不停搵錢令到自己好忙唔比自己再諗起,
日覆日返工放工訓教返工咁輪回, 收工都繼續OT
好努力咁日日做終於爬到上管理層(工作已穩定),
但最近發覺原來放唔低就係放唔低,
唯有搵過第二個方法啦~所以走去讀返書~~
**********************************************************************************************
最近收工去進修既時候識左唔小同班/隔離班既女仔(不嬲都好小同性朋友, 計比例真係異性會比較多, 從來無同人講自己係咩人, 純粹大家講起咪話自己, 喔~我做文員架乍)
發覺自己係咪已經脫左節

以前一直都覺得拍拖講愛情係好"單純"既一樣野, 唔會論啲咩條件, 真係鐘意既, 無論對方係一個咩人都好
只要兩個人有心, 就可以一直咁行落去

但早兩日同兩個好後生(好似21定22,兩個都差唔多)就生左既女性朋友食飯, 大家傾起呢方面既問題, 即時覺得"我都係唔再諗愛情啦"

女仔A: 時下女仔, MK妹好易哄架乍, 易過港女好多, 有物質就得, 港女就更加唔洗講, 鮑鮑換包包!
我: 有咩分別....都係講物質
A: 咁係咁架啦! 對你地啲男人好你地都唔珍惜既! 咁蝕張既"生意"我地唔會做囉~反正都係~點解唔搵過有錢既
我: (我地!?生意!?)...我諗唔係個個都係咁既我成日覺得女仔講個句"壞女孩係壞男孩造成架!"係一個有雞先定有蛋先既問題,因為男人...就算係我都會覺得"壞男人係壞女人造成架", 咁講追唔到沿頭, 下下咁勢利, 點解唔諗下靠自己發圍呢?


女仔B: 下?我老公?我19歲識左佢唔夠3個星期飲大兩杯就搞左, 跟住仲大埋肚, 咁佢又肯負責咪結婚囉!
我: 咁你鐘意佢啲咩?
B: 其實無架, 起初覺得佢又幾靚仔, 白白淨咁, 又有啲才華, 識買股票, 係無樓無車姐, 對我又唔錯, 咪索性嫁比佢囉, 又唔係真係咁鐘意架乍
我: (心諗:有才華買股票...無樓, 點解我聽落似老手呃女多咁既FEEL既)咁佢搵緊幾錢呀/月?
B: 萬8囉!買埋股票既我諗3萬都有既~ 佢大我好多係個樣唔似, 35歲啦~~~, 夠成熟~我咩都唔洗理~
我: (心諗: 咁後生就嫁, 我仲以為個男仔有啲咩咁特別)...點解好似個個女仔都係咁既?咩唔係依加啲3X既女人先會講架咩?
B: 下!? 女人最緊要對自己好, 我老公!? 即使平時擺到明我自己有唔岩, 我都唔會認囉, 一定要佢先低下頭, 因為係"我簡佢唔係佢簡我!男人未到80歲都唔好比飽飯佢食囉!
我: 死囉...連啲新一代都係咁, 算啦我都係唔再諗拍拖啦
********************************************************************************************************
首先要講, 我無要貶低對方男人搵錢係多定小既意思, 只係單純覺得咁既狀況都肯生, 勇氣可嘉!好男人!不過好可鄰
因為我自己平時都係人工+外匯+股票咁搵生活費(十八歲就返工儲低啲錢等5號仔逢跌唔到1蚊就入, 加埋炒下紅市, 無炒輪, 分利息慢慢搣都夠生活既,今年24歲勉強脫離"生存模式", 但現實無人知比人笑係窮"利"仲ENJOY過比人話好有錢, 同樣唔會帶勞順]車

前排
我仲會覺得"啲好男人死哂架啦"個啲主流叫既港女係現今29~39個班先會講, 咁都正常既我覺得
但都未灰既, 最多我唔簡個個AGE群既人咪得囉
點知比我發現, 新一代既個批仲衰!

其實我係咪真係脫左節, 做自閉仔做得太奈, 原全唔理解新一代既人對愛情既睇法
定係係我自己咁天真美化左呢一段"關係"
突然間好大落差, 令到我好唔知點咁
叫我地啲港男仲點對愛情有憧憬



實用相關搜尋: 結婚 外匯 進修 拍拖 靚仔

回覆 引用 TOP

回覆 3#  skyliner34 的帖子
um...其實不嬲對愛情都比較遲鈍(唔係唔知對方咩意思個種, 而係好難對人有FEEL or 掛心), 加上好奈之前都有講過自己係外表都比較上好易比人誤會係出尼玩個啲咁, 解釋左好多次都無用就索性唔理, 自己對簡女仔都真係無咩信心, 自己鐘意既又未必係好人/對自己好, 太奈無出尼識過女仔(真係目標要溝個種, 反而交朋友咁識就識好多, 個比例真係10個人有7個都係女仔)
所以有時都諗, 要搵多啲, 讀多啲書<---呢兩樣野都要花好長時間, 怕自己會唔會錯過左啲好既野
不過問心我又想行左呢兩樣野先, 好矛盾






回覆 引用 TOP

回覆 2#  Patrickbee 的帖子
我條件...我都係正常男仔姐~
高度有, 無樣~
唔係有錢, 係唔愁3餐但唔會比人知(屋企人都唔知, 點會比其他人知) ,
一直都想睇下會唔會有女仔單純係鐘意我個人唔係鐘意呢類條件
不過可惜~未見到~




回覆 引用 TOP

回覆 6#  skyliner34 的帖子
可能我真係太過認真諗呢個問題啦
都諗過自己係咪真係唔岩做人男朋友
因為真係諗得太多, 我又唔係驚衰波~
純粹係覺得感情...一付出會付出得好多, 我無咁多"本錢"係燒
一陣燒完都唔係想要既野
個人唔多唔小都會變, 廢事一陣變到成個PLAYER咁就仲衰
所以都係比較小心對待呢個問題
但無奈我又真係唔識係呢方面應付

我之前都有做開GYM既~而且米八高, 睇落去都...橫既
問過女仔朋友話我唔出聲係好惡, 真係好似啲出尼行咁(但明明我係一隻龍/鳳都無 )
如果唔識我會直情係避免同我接觸
跟住我已經係






回覆 引用 TOP

[隱藏]
回覆 8#  雪后 的帖子
多謝妳咁有耐心覆我先
物質我當然好清楚個人點燶都好...唔多唔少都要有啲
只係我無諗過"洗鬼好鐘意咩, 有能力既, 小小好感都已經要拉住唔放啦"呢類說話會咁快就出現係一班23都未到既女仔口中姐

事業...一直都奮鬥緊, 加上進修都要幾年時間, 呢幾年都係同自己講唔好諗咁多啦,
直接完成左先算啦, 但係一嘗試同一講呢類話題就發覺好似同我想像中有好大出入就覺得...
詞窮...直接係I'm shocked
跟住直接有個諗法"女人真係好危險"先想知係咪大多數女仔都係咁架呢

[ 本帖最後由 ignore83 於 2017-9-27 11:51 AM 編輯 ]



實用相關搜尋: 進修

回覆 引用 TOP

回覆 9#  crystaltaltal 的帖子
係掛, 我自問都係比較遲鈍既人尼, 好難分心同一時間諗咁多野
特別係平時生活局限, 要處理既突發事情太多, 唔係做緊工事就望住個市/新聞
加上仲話讀書進修(已經讀緊), 其實都好小會留意身邊有啲咩人

怕遇到自己都唔知...到時又係得個吉我就GG






回覆 引用 TOP

回覆 10#  Token 的帖子
移民都係一個好選擇尼既, 我自己睇政局都係一樣(唔講太多, 廢事比人話係政治能)
不過香港人去到個邊, 真係最緊要諗掂係打工定自己做生意波~
雖然生活節奏係慢過香港好多好多, 香港人過到去都會有種"輕鬆"既感覺
因為好小CHUR住去~~

我又唔係想論條件去搵人
真係好坦白講, 進修都只係想打好個底去睇多啲唔同既野, 而從來無係經濟方面諗過
即使我真係發大達, 即使將來個個係咩鬼野都唔識又蠢又鈍, 只要係自己鐘意既就死守啦, 一直都係咁諗

無咁多話咩有錢就你簡人, 更何況有錢都唔會比人知~
一直都係諗"如果個女仔同我講佢咩都唔要, 我就咩都比哂佢"
點知睇完依加啲人既諗法, 就覺得我係咪太天真






回覆 引用 TOP

回覆 14#  Token 的帖子

其實都知架啦, 但問心真係要改既話我都無從入手~




回覆 引用 TOP

回覆 15#  最後知識人 的帖子
其實係咪我好有問題呢...成日聽到啲人要分邊個level:
拍拖不結婚,結婚不生仔,生仔。
我係好"隨遇而安"個種, 當然我緊係想結婚為前題咁去啦, 但無奈咁易就遇到既話我相信我都唔會開POST

其實唔比人知無咩特別意思, 都唔係話特別ENJOY做"隱形富豪"
只係好清楚"人怕出名豬怕肥", 著到成個富二咁or一隻錶貴過架車但其實蠢到不得了, 一啲內涵都無個啲...
一尼易比人笑, 二尼易得罪人仲要易比人知底蘊, 到時要搞你真係好易
一直覺得"蠢"唔緊要, 但唔好咁易比人知你"咩料"先囉~

而如果去到未我真係遇到一個我好鐘意既, 我又唔介意分"身家"波, 又唔係多~
同埋...破碎家庭出身, 我無門當戶對呢種諗法, 佢無...我有咪得囉~



實用相關搜尋: 結婚 拍拖

回覆 引用 TOP



伸延閱讀
 提示:支持鍵盤翻頁 ←左 右→ 發新話題發佈投票
請先登入
小貼士:
依家可以用“@”tag會員啦!
預覽帖子  恢復數據  清空內容