其他討論
消閒生活手機討論遊戲地帶影視娛樂校園生活數碼科技寵物樂園學術文化體育世界購物廣場時事投資貼圖影片上班一族美容纖體戀愛婚姻汽車討論成人資訊博彩娛樂資源交流站務管理
發帖
註冊 登入/註冊 微博



收藏 訂閱 打印

[球員討論] 一個攻勢話你知 - J.Gomez 利物浦中堅人選?



一個攻勢話你知 - J.Gomez 利物浦中堅人選?

[隱藏]
https://www.youtube.com/watch?v=GOT0K-0-2Kc

分析得好,J.Gomez確實需要更多磨煉,但係利物浦除咗路夫蘭,仲有其他人可以頂上嗎?



實用相關搜尋: 利物浦

回覆 引用 TOP

當沒有一對固定的中堅便會如此. 不過這是實戰經驗及訓練的問題, 可以改善. 好少新人上場可以即刻風生水起, vvd第一季英超都有好多甩漏.





回覆 引用 TOP

其實買唔到中堅先留低佢



回覆 引用 TOP

引用:
原帖由 catcat163 於 2017-9-25 08:51 PM 發表
https://www.youtube.com/watch?v=GOT0K-0-2Kc

分析得好,J.Gomez確實需要更多磨煉,但係利物浦除咗路夫蘭,仲有其他人可以頂上嗎?



片中第一個攻勢, 證明祖高美斯企位及走動線路完全正確, 亦非任何默契問題. 因為卡拉雲喺沒有中場防守球員 (anchorman) 鎮守時, 不能退至娥眉月頂 (一個柱躉中堅遇上高速反擊時應該回防
H退守位置), 而由祖高美斯頂上作堵塞工作及殿後. 殿後中堅絕對唔可以被對手支配何時起動及跑去那個位置, 反而應該望通所有空隙準備堵塞, 有需要時更要退至更後, 呢方面祖高美斯完全無犯錯. 同時兩閘亦縮回較中路位置填充, 以阻播對方斜線或過頭波傳球, 反而係施利文尼走錯位置, 跌進法拿根搶截路線即是參與攻勢無效, 所以呢個應對李斯特城H反擊係一個非常良好H正確示範.

後防四人並無犯錯, 卡拉雲進退失據形勢頗尷尬但捕位時間很準確, 迫使慣用右腳H岡崎慎司要換腳而將皮球拖遠而不能急勁快射,
有時間令祖高美斯企位能與卡拉雲成斜線走動, 一前一後地大幅度收窄岡崎慎司射門線路, 而且祖高美斯亦做到保護近柱而又不阻擋米奴列視線. 岡崎慎司要成功攻門只有左腳腳背扯遠柱尾袋, 但就算佢左腳射術一流都好, 呢個只有二十碼距離而攻門路線受限H情況, 要造成足夠孤度難度極之大, 除非佢係李華度之輩. 咩嘢企錯位置防守不夠好等等通通不成立, 唯一不太完美在於法拿根不需要急於衝前壓迫岡崎慎司, 而且攪出問題H始作俑者一直都在中場防守位置.






回覆 引用 TOP

[隱藏]
至於片中第二個攻勢, 係由身為防守中場H馬高古積喺祖高美斯漏頂時頂走解圍, 馬高古積走動路線及佈防位置完全無錯, 但中前場球員去緊邊度? 仲有軒達臣散出時步伐散渙, 祖高美斯被比頂住散出線路, 根本係無處可走.

此外之前已提過高普喺應對角球方面擺陣不尋常, 片中見到兩名中堅祖高美斯與卡拉雲企於六碼線中路平排, 而較近後柱位置係馬高古積, 仲有一個蘇蘭基回防做人盾, 而十二碼點靠軒達臣釘人與施利文尼拉扯. 如是者小禁區被封米奴列並無出迎空間, 而且中路完全無人負責阻擋對方衝前入楔 (此次角球李斯特城都無針對利物浦此弱點, 利物浦只需出動軒達臣一人貼身招呼就可以). 擺晒十個球員守角球, 但對之後要發生H各種情況毫無預警, 都不下於一次出過事.

而呢種解圍散出而皮球落回對方腳下之情況, 任何球隊做法都一樣, 只有由後面嗌上前面作指揮, 因為後面球員理應視野最闊最深, 而防守寬度及補位工作應由門將全權指揮, 偏偏呢個情況之下負責包底嗰個係陣中最年輕H祖高美斯, 而前面係指手劃腳更擋住去路H軒達臣, 米奴列當時做緊乜或可以做乜頗成疑問. 企喺呢個位置祖高美斯係應該作應變策劃防務, 點可以賴佢唔跟大隊? 而且佢係跟隨卡位雲而退後, 不能算為犯錯, 同時法拿根喺回後之不利情況之下輸頭球比對方高大中堅摩根. 一方面對方左閘芝維爾聰明識搵人放波, 而且全無壓力作傳送, 落點又有利於摩根力壓法拿根, 因而成功作出二傳, 還有卡拉雲只有半途中揀接應球員去迫搶頭球, 而最後搶點失敗, 對方高大防中伊保拉成功傳予岡崎慎司攻門.

再講越位論, 可看看芝維爾傳球之時, 除摩根以外其餘三位李斯特城球員皆已越位, 祖高美斯對此並無干涉, 而只要摩根二傳成功, 攻門亦有可能出現, 只係形式或許不一樣輕鬆, 當然或可能進攻不成. 但以越位論將責任推卸於祖高美斯一人身上, 公道嗎? 要數場上有人犯錯其實軒達臣責任更大, 我並非針對但事實上又係佢, 此外前場球員亦責無旁貸, 但此與高普指示, 及一眾非主力球員如何貫徹執行指示有關, 蘇蘭基就係一個例子.

祖高美斯的確上陣經驗不足, 但我相信有真實正規賽場經驗H球迷, 睇到H問題並唔係呢 D 所謂分析得出H講法. 有球迷成日講洛夫雲唔多掂, 不如又換個角度去理解, 喺上述H難堪情況, 擺邊個出嚟先包冇事呢? 呢場波之後, 高普已坦言承認利物浦防守確係出咗問題, 之後嗰場再鬥李斯特城, 用回大部份正選之下情況己算回復正常, 而且防守係比之前H聯賽賽事都有改善, 最起碼軒達臣忽然回勇, 雖然中場搶截依然如是但防守亂像消失了而且復仇成功, 當時祖高美斯不在陣嗎?

[ 本帖最後由 meurette 於 2017-9-26 07:50 AM 編輯 ]



實用相關搜尋: 利物浦 空間

回覆 引用 TOP

引用:
原帖由 meurette 於 2017-9-26 06:52 AM 發表
至於片中第二個攻勢, 係由身為防守中場H馬高古積喺祖高美斯漏頂時頂走解圍, 馬高古積走動路線及佈防位置完全無錯, 但中前場球員去緊邊度? 仲有軒達臣散出時步伐散渙, 祖高美斯被比頂住散出線路, 根本係無處可 ...

有道理。李城確實攻得好,軒達臣仍然有點未在最高峰。
希望今晚對莫斯科斯巴達,軒達臣可以生生性性!






回覆 引用 TOP

引用:
原帖由 catcat163 於 2017-9-26 10:15 PM 發表

有道理。李城確實攻得好,軒達臣仍然有點未在最高峰。
希望今晚對莫斯科斯巴達,軒達臣可以生生性性!


不要對軒達臣抱過高寄望, 以為佢可以取代謝拉特. 事實上謝拉特不時可做出神怪作用, 但好多時佢都被吹捧得太過份, 以為利物浦可變成一人興邦. 但對球隊H領頭及組織作用, 謝拉特H功勞及存在價值係絕對可以肯定, 隊友對佢可放心信任. 例如輸比莫斯科斯巴達H嗰個罰球, 如果隊長係謝拉特, 人牆排陣就不大可能會如此大意及亂來, 最起碼謝拉特都可將領隊H指示帶出場上.

我不反對高普打算重用軒達臣, 因為球隊始終不能無重心, 但佢作為管理球隊者就需要為得失負上最終責任. 中場及中堅之間H黑洞幾個球員都有份作出 "貢獻", 軒達臣其實近來係不時出醜, 對球員自己亦絕對害事, 高普真係不能夠座視不理, 我亦不相信抽走一人換入一人頂上問題就會自動消失, 反而應硬淨地決定邊個球員可作為連系人 (但軒達臣專注負責防務確係有心無力).

幾個年輕球員其實作用對辦, 當然偶有不遞, 但佢地交出H表現尚可. 如是者往後發展就會成為已能確位成為主力H球員交出H表現H最底底線, 我擔心有遲早要被交人頭, 不停無故地消耗及浪費機會, 壓力來自賽程更來自球迷. 不過又咁講, 阿仙奴中路防守更為笑料雲加依然不痛不痕, 單純睇波又真係充滿娛樂性.

[ 本帖最後由 meurette 於 2017-9-28 02:16 AM 編輯 ]






回覆 引用 TOP

引用:
原帖由 meurette 於 2017-9-28 01:55 AM 發表


不要對軒達臣抱過高寄望, 以為佢可以取代謝拉特. 事實上謝拉特不時可做出神怪作用, 但好多時佢都被吹捧得太過份, 以為利物浦可變成一人興邦. 但對球隊H領頭及組織作用, 謝拉特H功勞及存在價值係絕對可以肯定,  ...

我都讚成唔係換人就了事
但係宜家問題就係戰術比人睇穿嗮,但係都照打,最終對手就能夠好好部署,利物浦H問題更顯然易見。
戰術如果可以多變啲,切身啲,為球員度身訂做,一定可以知己知彼,百戰不殆




回覆 引用 TOP



伸延閱讀
 提示:支持鍵盤翻頁 ←左 右→ 發新話題發佈投票
請先登入
小貼士:
依家可以用“@”tag會員啦!
預覽帖子  恢復數據  清空內容