其他討論
消閒生活手機討論遊戲地帶影視娛樂校園生活數碼科技寵物樂園學術文化體育世界購物廣場時事投資貼圖影片上班一族美容纖體戀愛婚姻汽車討論成人資訊博彩娛樂資源交流站務管理
發帖
註冊 登入/註冊 微博



收藏 訂閱 打印

[師傅討論] 今日學車被個師傅鬧同唔再教我叫我轉師傅教我(長文慎入)



今日學車被個師傅鬧同唔再教我叫我轉師傅教我(長文慎入)

[隱藏]
打左一個鐘嫁啦呢篇野,非常長但希望會有有心人可以花啲時間睇完俾下意見我

小弟學左第二次車,再問下其他師兄學車會唔會好似我咁?我預左會被你地插我白痴仔抵x死之類難聽說話,因為小弟我資質的確差,想討論一下,睇下我有咩野要改善?同埋係咪其他師兄學車都係咁樣?

講一講我背景同性格資質先
做跟車送貨,司機渣自動波,我玩賽車game的確差過人例如轉彎都比盡油,撞黎撞去(當然真實渣唔會咁做)

8月14日考油塘
報駕駛學院15堂棍van
第一次:6月24日A師傅(替B師傅)
第二次:7月28日B師傅(派左佢比我)

B師傅話唔再教我叫我搵第二個,而我原本都打算搵第二個,點解?聽下我既經歷

第一次A師傅教(自我評分3分/10分)
死左3次火,渣到左搖右擺,成日記唔到起步踩極力子順序同動作之類(死火原因:當左自動波踩實剎制當停左車)
A師傅評語:叫我番去思考一次果個起步停車動作,建議我改渣自動波。

第二次B師傅教(自我評分5分/10分)
全程睇手機(有次我快眼望見到佢睇咸相,個男人啜女人對奶既相),無詳細教我路面情況有咩要注意(10樣只係講2樣),學車期間只係叫我直行,邊個位停,邊個位左轉右轉,轉彎要扭軚幾多呢啲無講(直行同轉彎全部靠我自己摸熟)今次自我評分直行完全9.5分,轉彎8分,但停車同起步都仲係好差,死火大約10-15次到(因為留意番我隔左一個月學第二次嫁咋我,我唔係好記得起步動作,加上我上一堂起步同停車都係麻麻)

20:30上車,21:30嬲到唔教我,換番位佢揸車番去,果20分鐘都無學埋(因為我真係無晒心情),原因係:我打算右轉,要cut對頭逆線駛入,但因為無停低車(因為我個人判斷個速度絕對夠過去,當然我事後知道就算考牌都要停低車,呢樣的確係我錯),但佢過程中無叫我注意呢啲,全程玩手機。

最後唔開心既事就黎啦,佢話佢唔想死,唔教我叫我搵第二個師傅,話我唔專心唔聽佢教,當揸車好似打機咁,考個牌當用黎日後飛車用,叫我唔好揸車,慳番啲錢食飯,之後就係whatsapp群果到同佢班同事同錄音講:「轉頭我報埋個名(我名)比你地聽,你地留意住呢個名,自己小心執生。」
回程途中不斷講好多非常難聽既說話,佢話:「第一次個師傅已經講左你個情況比我聽,話你都係廢垃圾果類,有啲天份但無安全意識。」我成程都死狗一粒聲都無出,連果20分鐘都無心機再上堂。

總結:今次上堂我行車同轉彎我認為已經摸熟9成(其實係我自己判斷同執生睇位,佢真係真係無教我個軚應該點樣,咩位開始扭幾多軚都無教)
起步同停車我都仲係未摸熟,佢都只係解釋同叫我點做,之後都係要我自己摸果個感覺。

感想:首先我自問我係吸收比較慢,好專心聽但會成日唔記得步驟(當左自動波),但作為一個師傅係咪理應有責任教好個學生,而唔係係到睇手機咸相同whatsapp?只係叫我行前停低等,但又唔教我路面情況有咩要注意,去到就黎出事先將責任推晒落我到?我其實係學前都上下youtube睇下教學,平時用屋企套G29軚盤玩電腦版既模擬駕駛練習下(如果無玩模擬駕駛練習,我一定揸到左搖右擺,所以點解我上面講話我自己行車同轉彎都無問題就係咁既原因)只係起步同停車唔得(因為模擬果個同真實差好遠,兩樣野黎)

其實由我快眼望到佢睇手機咸相我就已經打算換師傅,依家佢咁樣鬧法我一句說話都無出過聲,你可以話我死狗無鬼用,其實我係有打算大大聲吊佢根本無教我自己係到玩手機等等,但我心諗鬧佢根本無意思,廢時搞到下一位師傅知道,到時慢慢玩我,搞到我比學費但乜都學唔到仲衰埋路試,所以只好死狗受盡屈辱。

我自問我自己揸車係有問題,但唔代表我係玩玩下,只係我對揸車真係好少經驗,計埋今次只係學左唔夠3個鐘,靠既都係我自己判斷同摸感覺,我會繼續揸棍波唔會放棄,要我再補鐘我都會繼續,因為我考牌唔係用黎飛車,想知道其實個師傅咁樣玩手機由個學生自己判斷係正常嗎?唔介意俾你地插我,我反而會吸收你地俾我既意見等我可以知道有咩不足同改善,希望可以教教小弟,指點一下,小弟打左成個鐘字,打到呢到個心舒服好多,謝謝。

[ 本帖最後由 king1perfect 於 2017-7-29 12:15 AM 編輯 ]



實用相關搜尋: 學生 電腦

回覆 引用 TOP

引用:
原帖由 king1perfect 於 2017-7-29 12:05 AM 發表
打左一個鐘嫁啦呢篇野,非常長但希望會有有心人可以花啲時間睇完俾下意見我

小弟學左第二次車,再問下其他師兄學車會唔會好似我咁?我預左會被你地插我白痴仔抵x死之類難聽說話,因為小弟我資質的確差,想討論 ...
補充多句:因為其實我對棍波極力子死火等無概念,有次我虛線停車等轉彎,個師傅話我考油塘可以唔洗拉手制之類,問題係我唔知應唔應該踩剎制(驚死火),個師傅咩都唔教淨係叫我可以唔洗拉手制,但正確做法隻腳係咩都唔踩定係點樣?師兄麻煩都教一教我






回覆 引用 TOP

既然唔想放棄棍波,就必先要學好點樣起步,聽你講你經常忘記了d步驟,以為係自動波,但你想學H係棍波嘛,棍波就一定比自動波複雜架勒,咁起步呢個基本功學唔好,仲點繼續學落去?轉師父無問題,但都要落多少少心機同記性記實d步驟,唔好成日將打機果套姥丹P渣真車比較,考車唔單止渣得郁架車就合格,仲要睇遵守交通規則同安全意識

繼續努力吧




回覆 引用 TOP

引用:
原帖由 king1perfect 於 2017-7-29 12:26 AM 發表

補充多句:因為其實我對棍波極力子死火等無概念,有次我虛線停車等轉彎,個師傅話我考油塘可以唔洗拉手制之類,問題係我唔知應唔應該踩剎制(驚死火),個師傅咩都唔教淨係叫我可以唔洗拉手制,但正確做法隻腳係咩都 ...

先講下極力子係咩黎H比你知道先,極力子用途係將引擎同架車分開同接合。大家都知道引擎唔行架車就唔行架啦。但如果引擎唔轉H就會死火,所以先要極力子將引擎分開,因為你踩brake時引擎會跟住架車減速而減低轉動速度,架車停之前你唔將引擎分開就會拉停引擎即死火。咁踩brake到引擎聲音低到同你茖悅汏H聲音差唔多(比茖悍嵾蠸簹o時H聲大少少)咁就要拿拿林踩低極力子以防死火(踩低就要踩到底)。起步時當你本身冇野拉住,突然多件野係你手,要你拿起佢係唔係好哂力?同樣原因,當起步架車接觸時會因為多架車要拉,所以引擎轉動速度會下降。如果未等佢拉順就強行放上去就會拉到佢停止即死火,所以我地先要係磨擦點定一定(吊極力子)。有D人起步會踩D油就係唔想佢禁易死火。架車行到舞龍咁好正常,因為香港D路唔係平,係向左微斜(因為要去水),咁架車經常會向左飄,所以我地行車時其實都會向右微扭車軑,等佢平衡翻(扭H時候會有覺得鬆鬆地,但到1個點就會再扭就覺得有D緊,大約就係到果個緊位。習慣D軑盤感覺就ok。轉彎就必定要自己去領悟,因為每個彎都唔同,你架車入彎時位置都會有影響,所以基本上冇得講。但基本都係以慢入快出同望住自己想去H地方為主。慢H好處係比你有時間扭唔夠你會立即再扭多D,扭多左會再放翻。咁你望住自己想出H地方就會自然知道幾時回軑。但好似我地咁H就已經一睇就知扭幾多同幾時回。唔洗一個彎扭幾次,一次就搞掂。總知多d練習同去習慣基本H控制,否則控制又未得仲要留意路面就實在太難啦,加油啦






回覆 引用 TOP

[隱藏]
引用:
原帖由 acsacis 於 2017-7-30 11:26 PM 發表
既然唔想放棄棍波,就必先要學好點樣起步,聽你講你經常忘記了d步驟,以為係自動波,但你想學H係棍波嘛,棍波就一定比自動波複雜架勒,咁起步呢個基本功學唔好,仲點繼續學落去?轉師父無問題,但都要落多少少心機同 ...
師兄,佢學左兩堂炸,你真係想佢識飛咩?個個學車開始都豬手豬腳架啦,我自己都係蠢人黎H,但依加係各樣野上面都比好多人細節上做得更好。唔講冇人知,我學車果陣甚至D師傅話我咁H悟性,成世都唔洗考倒牌。但最後我都考倒
其實都係多練習姐,多學習姐。最起碼我自己已經雇o好過youtube果D比人閘到傻就放上去話人不是果D司機安全好多。最起碼佢地唔會意識到高速公路扒車時除時有後車飛上黎cut線,而我就神早就留意住,早就控制好車速距離唔比機會對方閘。
對於一個冇天份H人,只要多留意同多練習,手車要好過有天份H人係可以架。佢先學兩堂,唔記得D野好正常。邊有禁快可以做到習慣性去做呀?



實用相關搜尋: 學習

回覆 引用 TOP

引用:
原帖由 禁危險架 於 2017-8-4 10:37 PM 發表
師兄,佢學左兩堂炸,你真係想佢識飛咩?個個學車開始都豬手豬腳架啦,我自己都係蠢人黎嘅,但依加係各樣野上面都比好多人細節上做得更好。唔講冇人知,我學車果陣甚至D師傅話我咁嘅悟性,成世都唔洗考倒牌。但最後我 ...
多謝師兄教路極力子原理先,我會再多加研究。

駕駛學院果邊話太趕時間啦,搵唔切師傅趕上8月14日考期,所以就延期至出年4月26日,但都好,無壓力又有多啲時間練習。

師傅方面佢轉左C師傅比我,試左佢兩堂睇下我合唔合適,結果係...非常之好!!點解?因為呢個師傅教左好多基本野係之前兩個師傅都無教既,例如真正左右盲點,佢親身企係到被我知道盲點位究竟係邊,教我點樣擼豬腸扭軚盤(之前果個B師傅自顧自己玩手機教都無教)我唯有自己交叉手左轉右轉,自己判斷

同樣都有詳細講解死火原因,邊個距離位置就要爬頭,建議我抄筆記溫習重點,仲有就係叫我番屋企練習望鏡扭軚等動作,要做到好自然,呢樣非常好,因為最起碼有樣野係比我去自行練習,基本上呢個新師傅好過B師傅10倍,回程果陣同C師傅傾計,佢話B師傅好忙,咁我自己就有個陰謀論湧現就係,呢個B師傅排到我咁後先學車又要就佢自己放假,根本佢就唔好意思推我走,依家話唔教我佢仲鬆動好多時間添

點都好啦,最起碼新師傅比到個希望同信心我就係,我唔係唔適宜揸車,只係未有適當既教學,初初聽到B師傅話我呢種人呢世都唔應該揸車果陣個心真係好難受,依家會努力學車,明年出戰路試再同大家分享






回覆 引用 TOP

俾師傅睇死唔緊要,未做好D考個牌返黎俾佢睇,最緊要唔好睇死自己就得啦
練習多D離合器控制,就好易控制到棍波車架喇






回覆 引用 TOP

熟能生考 開頭一星期二日都要既 自己分清楚尐腳制位置 右邊俾油 中間Break 左邊係極力子 (希望無記錯, 因為考完之後揸自動波)



回覆 引用 TOP

收到!實考到個棍波牌番黎💪🏻






回覆 引用 TOP

[隱藏]
樓主,真心覺得你好好想清楚點駕駛,因為棍波真系相對難楂。
車楂多D,練多左,熟左有經驗就會好。

我唔會好似D師兄咁支持樓主,反過黎,樓主應該先自我評估。
你掌控唔到架車,唔系害死自己,系害到路上H人。

駕駛態度決定行為。 樓主車度未能掌控,
就可以評估到車速過唔過到?  
仲有時間心情睇身邊人做緊咩?
應該先照顧同集中系路面情況。



熱門搜尋: bb會 bb children 親子活動 DHA

回覆 引用 TOP

引用:
原帖由 buleo0 於 2017-8-8 04:13 PM 發表
樓主,真心覺得你好好想清楚點駕駛,因為棍波真系相對難楂。
車楂多D,練多左,熟左有經驗就會好。

我唔會好似D師兄咁支持樓主,反過黎,樓主應該先自我評估。
你掌控唔到架車,唔系害死自己,系害到路上嘅人。 ...
其實上第二堂跟呢個B師傅學真係好多野擔心,我又唔敢肯定出面係咪個個都咁樣教車,全程佢有佢玩手機,我有我自己執生,真係顧及唔到咁多野,每次都係叫我前面停或轉左右之後就繼續玩手機,都唯有照做,去到踩左上路「膊」,就出事先剎停我,都唔知可以點







回覆 引用 TOP

回覆 11#  king1perfect 的帖子
可能每個人都有唔同  你應該計對自己邊樣唔得叫佢搵個位俾人練  好老實渣棍VAN 係極難死火  我由第一次上車到最後考車係未死過一次火
有D 師傅真係唔理你 當然唔係你所講咁樣 實際情況我唔知  但師傅咁做對佢無好處 我學車果個會講應該點行  但你話轉灣要幾多果D 係感覺黎  師傅無得教   跟本好直覺見唔夠咪轉多D  學車一次唔得就兩次  而我覺得你師傅講得你岩架 !  而你筆試應該清楚邊D可以行邊D唔可以  人命黎! 多D上YOUTUBE 睇下教學   或者轉渣自動波   因為日後你渣出街係無人會咁樣就你  隨時俾人夾返轉頭







回覆 引用 TOP

引用:
原帖由 king1perfect 於 2017-8-8 06:17 PM 發表

其實上第二堂跟呢個B師傅學真係好多野擔心,我又唔敢肯定出面係咪個個都咁樣教車,全程佢有佢玩手機,我有我自己執生,真係顧及唔到咁多野,每次都係叫我前面停或轉左右之後就繼續玩手機,都唯有照做,去到踩左上路 ...


C兄,我28/8 PASS了,有個好好好好師傅想介紹比你

佢教棍的,我跟佢學6堂學的野多過教開我個師傅

我到今日都想再多謝佢,你如果想再學就PM我,我介紹佢比你




回覆 引用 TOP

各位C兄可以介紹師傅比我嗎? 我11月考,而家個師傅好忙約唔到時間....


熱門搜尋: bb會 bb children 親子活動 DHA 尿片 奶粉

回覆 引用 TOP



伸延閱讀
 提示:支持鍵盤翻頁 ←左 右→ 發新話題發佈投票
請先登入
小貼士:
依家可以用“@”tag會員啦!
預覽帖子  恢復數據  清空內容