其他討論
消閒生活手機討論遊戲地帶影視娛樂校園生活數碼科技寵物樂園學術文化體育世界購物廣場時事投資貼圖影片上班一族美容纖體戀愛婚姻汽車討論成人資訊博彩娛樂資源交流站務管理
發帖
註冊 登入/註冊 微博



收藏 訂閱 打印

[親身經驗] (黑店) 九龍城髮型屋 BEAUTY LIFE HAIR2013 髮型師不負責任



(黑店) 九龍城髮型屋 BEAUTY LIFE HAIR2013 髮型師不負責任

[隱藏]
https://www.facebook.com/beautylifehair2013/
九龍城有兩間BEAUTY LIFE HAIR SALON,我就係中左伏,去錯左福佬村道個間BEAUTY LIFE HAIR2013,
平時開去另一間既,依家結果就成肚火,比錢買難受!!!
髮型師(男,肥+好似有少少光頭+戴黑框眼鏡)只顧食煙+玩電話,
全程電負離子交由新人洗頭仔負責!!結果我個頭係焊曬+髮尾嚴重炸開曬+仲要唔直!!!
我有理由相信係PART1時間過耐,所以先搞成咁.
利申:我天生曲髮,耐唔耐要電負離子,但係原先頭髮只係髮尾有D開叉,唔會好打CAKE同埋好焊


我早幾日去左呢間黑店到電負離子,個陣都未到12點,鋪頭岩岩開門冇咩客.
我今次只係去電前陰既負離子,髮型師話有$438,$538同埋$638既藥水.
平時我電開前陰都係$500左右,電全頭就$1000(用SHISEIDO).
所以我就揀左中等價位既$538.
當時我都驚驚地,個髮型師完全冇CHECK過我本身既髮質,
問我對上一次幾時電負離子,而且亦都冇同洗頭仔講 要離髮根幾多落藥水等正常我去其他SALON都會遇到既野.
當落左PART1 隔左10分鐘之後,洗頭仔有過黎CHECK下我既頭髮夠軟,可以洗頭未,
佢當時有叫髮型師過黎睇下得未,但髮型師冇過到黎,只係話放多5分鐘再洗頭.
當洗完頭之後,其實我已經見到我D髮尾傷曬,爆開曬.
當時我有舉手向第2位髮型師示意,但佢應該睇唔到,
咁我都諗住電曬成個頭再睇下點先.
點知電完曬之後我就呆左....
點解電負離子,可以電完都唔直之餘,仲要又焊,髮尾又炸開曬?
我忍唔住我既怒火,即刻問髮型師發生咩事?點解會咁?
佢只係不斷重覆,詐傻扮懵咁話"邊到有呀?唔明你講咩喎?邊到有焊曬?髮尾炸開曬?邊有好鞋呀髮質?"
我"你唔好再詐傻扮懵啦,我唔係第一次電負離子,我細個去電$300全頭就會係咁既質素,但依家我唔係呀,我比$500幾蚊電個前陰咋!!!
我唔電仲好過電呀!依家究竟發生咩事呀?係你比埋D CHEAP藥水我,定係PART1放得太耐呀??"
佢之後大致上都係話 咁依家一係剪左去,一係即刻幫我焗油,睇下會唔會好D,一係叫我番屋企考慮下睇下點再決定
咁我就話 焗完油睇下再點 (你叫我剪左去,係咪剃曬前陰呀姐係?!低能!!)
之後就話幫我用價值$1000既焗油幫我整前陰
有個好細心,服務好好多既女仔,主動幫我跟進
焗完油十幾分鐘之後,幫我用風筒吹,可能想D營養再吸收D
再用直髮夾夾幾多次再洗頭,洗完頭幫我落護髮油
我條氣先順番好多,之後個髮型師幫我吹頭
我見前陰都叫好左DDDDDDD既,仲有再同佢嘈都冇意思,
佢最多咪送多次焗油比我,而且比價值$999999既焗油我都冇用啦,最直接既方法都係留長去剪走傷既頭髮去
但就算送10次比我我都唔想再去呢間SALON啦
所以埋單比錢走人就算
我依家個頭唔近睇都還可以既,因為朝早我都會用直髮夾夾多次先出門口,
但係近睇就會見到髮尾炸開曬,飛曬出黎,呢D係直髮夾點夾都夾唔番直,
唔想再有其他人受害,比錢買難受,
D髮型師只顧玩電話+食煙,完全唔照顧客人既需要,
不負責任,將心比己啦!!
我見佢FB PAGE好似都係講漂頭染頭,可能D人根本唔識電負離子,
一D都唔專業,我求奇落樓下屋村SALON都好心機過佢!!!


回覆 引用 TOP



伸延閱讀
 提示:支持鍵盤翻頁 ←左 右→ 發新話題發佈投票
請先登入
小貼士:
依家可以用“@”tag會員啦!
預覽帖子  恢復數據  清空內容