其他討論
消閒生活手機討論遊戲地帶影視娛樂校園生活數碼科技寵物樂園學術文化體育世界購物廣場時事投資貼圖影片上班一族美容纖體戀愛婚姻汽車討論成人資訊博彩娛樂資源交流站務管理
發帖
註冊 登入/註冊 微博



收藏 訂閱 打印

[小說] (災難/科幻) MASS MUTATION 之 我係一個理科仔



[隱藏]
#12 遇見

「好! 我地出發!」 隨住阿明H說話, 我地一行人步出coffee shop 門口。
阿明走係最前面, 我, Mindy , 柯南同肥龍緊隨其後。 樓梯依然係一片昏暗, 我拖住Mindy 步下樓梯。 有咗上次H經驗, 行起嚟俾上一次順利, 好快我地就落到地下。

堵塞住出口H房車仍然係度, 唔同H係車頂放咗個木櫃。木櫃並唔係完美地封住車同門框之間H空隙, 室外H光線由木櫃四邊滲入嚟, 令到室內並唔係全然黑暗。
「好, 我地先搬開佢。」阿明說。
我同肥龍上前, 企上房車車頭蓋, 一人一邊將個櫃向內搬。 個櫃都唔算太重, 柯南係下面接應將個櫃九十度打轉, 然後我地夾手夾腳將櫃放係室內走廊。
「我同上面H人講咗, 我地出門口5 分鐘後, 只要安全, 就會放條綁咗白布H繩落嚟。 我地宜家照計劃等下先。」 阿明輕聲咁講。
我瞇起眼, 望向出面。 雖然房車阻擋住視野, 不過仍然可以見到出面H情況。 正值中午, 日光烈眼, 我好清楚見到阿明當日坐架警車, 就係正對面。
「大家, 我想交代多一件事。」 阿明壓低聲音說, 眾人聽後都靠近阿明。
「大家唔好驚。」 阿明說, 然後脫下佢背囊上H背囊, 伸手入去搵野。
「我唔想樓上H人太驚, 所以淨係話俾你地聽…」阿明說著, 好似搵到佢想要H野, 就伸手出嚟。 手上多咗把左輪手槍。

大家不禁倒抽一口涼氣。

「我個日撞車之後, 係過咗身H警察身上度得嚟。不過未到迫不得已都唔好用啦, 因為槍聲會吸引好多怪物。我check 過, 仲有4發。」
我第一次見真槍, 希望佢H用法同電視劇一樣, 如果唔係, 對我嚟講真係無咩用, 都唔識開槍。
阿明收好手槍 「 我地等signal 啦。 出去之前, 大家仲有無疑問? 」
大家都搖搖頭, 表示再無問題。我望望Mindy , 佢神情緊張, 雙拳握緊。我拍一拍佢手心, 希望佢可以放鬆, 佢亦會意向我笑一笑。

我估大約過咗10分鐘左右, 一塊綁係麻繩上H白布出現係我地眼前。
「好! 我地行! 」 隨住阿明H說話, 我地一個接一個跨越車頂, 再次踏足街道上。 以我印象, 街道上H風光無咩改變, 都係寂靜一片。 被我地殺死H四腳爬爬仍然躺在原處, 腐爛H氣味隨風傳嚟。
「頂! 好q臭!」 肥龍抱怨。
「Geoff, 原本呢度好似有啲死咗H人瞓係度?」 Mindy 在我耳邊問。
確實, 上次出嚟H時候, 我地附近應該有更多屍體,但係宜家得返隻怪物H屍體。 有兩個可能性吧: 一係屍體俾怪物咬走咗, 一係就屍體已經變咗做怪物。 咦, 但係阿明話轉化要四至五個鐘, 時間上好似唔係幾啱。
「嗯, 好似係。」 我答, 宜家唔係推理H時間。
「好, 我地宜家行喇!」 阿明壓低聲音說。

大家點點頭, 一個跟一個向街口進發。 我地急步走到街口處,  阿明就係轉角位停下, 以建築物為掩護, 探頭向右邊視察。
我地係阿明身後, 唔敢發出任何聲音。 阿明睇咗一陣, 就擰返轉頭, 烏低身子。 我地其餘四人亦都配合阿明, 一齊烏低身。
「右邊有兩隻怪物係度遊蕩。」 阿明輕聲說。
果然, 事實往往都唔會咁順利。
「佢地距離我地大約有七十米左右, 我估。」 阿明皺皺眉。 「佢地漫無目的咁行, 同我地係樓上H觀察一樣。我地盡量靜靜雞咁過去, ok? 一陣睇我指示。」
大家緊張咁點點頭。
「好!」 阿明又再次探頭出去。 我專注咁望住阿明背脊, 等佢下一步H指示。 我右手抽出腰間H菜刀準備, 我示意其他人都作好預備。Mindy 一手握住鐵通, 另一隻手拉住我左臂。
阿明好似搵到時機, 向我地揮揮手, 就壓低身子, 慢慢行出十字路口。 我地四人都唔敢有任何H遲緩, 照板煮碗咁矮身前進。Mindy 拉住我H手,跟係我後面,佢隻手開始愈捉愈緊。 阿明打對角咁行,盡量同右手邊H怪物拉開距離。

過咗十字路口一半左右,我忍唔住想望下右手邊怪物所在H地方。兩隻怪物漫無目的咁企係路中心,由外型嚟講,體型一大一細, 應該係一男一女。衣衫幾乎已經爛晒,灰白色H皮膚外露,只係淨低少少布料掛係身上面。
「佢….望住我地….」 身後H肥龍震住咁低聲講。
的確, 佢地面部係向住我地, 不過佢地無動於衷。 我估佢地睇唔到我地。
「唔好理, 繼續行。」 阿明擰轉面輕聲講。

我地慢慢行過寶靈街夾廟街交界,由於壓低身子前進H關係, 背部肌肉被拉扯, 帶嚟陣陣酸痛。 我咬緊牙關, 一步一步向前, 行到一半已經滿頭大汗。我一邊行, 耐唔時會望望右手邊, 以防怪物衝過嚟。

過程比想像中順利, 我地五人成日橫過寶靈街, 係轉角位H商店前停低, 呢度本身係間文具店, 玩具, 日常用品等散落地, 應該係早幾日混亂間整到咁。 我望望地下H雜物, 發現有把界刀, 我拎起佢收入褲袋。
「好! 我地宜家再向前行, 再左轉就到。 大家繼續keep low 咁行。」阿明低聲說後, 我地就再前急步走。
我一路行, 一路留意兩邊H商店。 停電令到街道有種廢棄H感覺, 廚窗十之八九都係爛咗。估唔到香港都會變成遊戲「Fallout 」 咁, 街道好似打完核戰咁H景象。 如果我地第時可以恢復返原來社會H秩序, 我諗係香港人上車H好時機吧。

我地靠住左邊H建築物向前行, 無耐就到我地H目的地。一條樓梯伸向地下舖位, 左手邊「百x 超市」H招牌掛係超市閘門上面。右手邊就見到某間日本連鎖服裝店H招牌。奇怪H係, 超市落咗捲鐵閘, 但係服裝店個邊無, 從玻璃門望入去, 服裝店裡面好似無咩動靜。
「我地宜家點好呀? 」肥龍問。「去拎左衫先? 定試下入超市先?」

大家都思考緊。

回覆 引用 TOP

「超市入面會唔會有人? 怪物唔會識落閘。」 我提出我H猜測。
「好有可能, 出事個日未到超市收工時間, 如果有怪物入去清咗場, 道閘唔會落咗。」 阿明低吟著。
「不如我地去拎啲衫先? 我條底褲醃到就爛喇!」肥龍抱怨。其實我都無換過衫, 超污糟。

阿明思考咗一陣, 抬起頭「咁, 我地確保咗唔好空手而回先, 先去U記拎衣物。一陣三個人入去拎野, 兩個人係門口睇水。」
阿明非常果斷, 雖然同我地計劃有啲偏離,但我地亦照佢H意思行動, 希望速戰速決。 阿明同我小心地走向玻璃門, 我地一人一邊再望多一次入面H情況。 其實陽光照到H地方唔多, 好多都被門口H衣櫃同埋假人模特兒遮住。好似無咩異樣, 我向阿明打個眼色, 佢會意同我一齊推門而入,我地一行人成功步進門口。

「我去搵小V H衫! 柯南, 肥龍睇水ok? 」 阿明說。
「ok。」兩人齊聲說。
「Geoff, 咁我都幫其他女仔搵衫, 你陪我呀!」 Mindy 說。
「嗯, 好呀。不過入面太黑, 我地要小心。一齊行動? 」 我提議。
「好! 跟我嚟」 阿明回應, 然後開了電筒, 我地三人就向店舖H深處行。其實香港H商店因為大多係連鎖H關係, 間間都係一樣, 所以係店入面搵野並唔係想像中咁困難, 只係貨物有啲亂。

我地先搵到櫃臺附近放襪H地方, 我地每個人都拎咗七八對放入背囊。 我地靠住阿明手上電筒H光線, 慢慢行入擺放住衣物H層架。
「Bingo! 」阿明興奮地低吟。

我地進入咗童裝H範圍, 阿明好快手咁搵咗好幾套俾小V 替換H衣物。 Mindy 亦都加入揀咗兩件t shirt , 佢話個公仔好襯小V。
阿明滿意後, 我地說繼續沿走廊一個一個咁行。 我隨手咁將一啲男裝淨色HT shirt, 薄H外套 , 褲, 底褲等塞落背囊。 到時返到coffee shop 再同班佬分吧。男人衫搞掂後, 我地搵到女裝, 我估女裝佔H地方最大。 Mindy 亦快手揀咗啲女裝 t shirt, 背心, 褲, 冷衫等。緊住我地見到放女裝內衣H地方。

「你地洗唔洗內褲, bra 個啲?」 我問。
「緊係要喇, 傻瓜。」 Mindy 企係度呆咗。 反而阿明已經揀緊kit H內衣。
「Geoff, 我唔知其他女仔咩size, 點好? 」Mindy H說話聽起嚟有啲尷尬。
「呢個時間唔洗諗咁多喇, 你揀咗自己啱用H先, 其他女仔應該同你差唔多? 一係拎 sport type? 」我說。
「醒目喎! 成日陪女仔買bra? 嘻嘻。」Mindy 恥笑, 然後開始揀內衣褲。
我只好無奈咁等, 兩人探索完畢後, 我地就向大門方法前進。 突然間, 我隻腳踢到啲野。
「咦?」 我低呼。
兩人注意到我踢到野, 加上啲滾動H聲音, 阿明就用電筒掃射地下, 直至佢搵到我踢到啲咩。

係一個人頭。眼睛同埋嘴巴都係打開, 臉上佈滿血跡, 表情猙獰。

我地三人倒抽一口涼氣。

「我地快啲離開呢度喇。」阿明說後,我地三人亦加快腳步向門口前進。 到達大門H時候,見到柯南同肥龍坐係地下。
「Yo! 收穫ok 嗎?」 柯南問。
「Ok呀,我地一陣返去再分。 宜家我地點做好? 隔離超市有無咩動靜?」 我問。
「我同肥龍都好似聽到隔離有聲,不過好細聲,唔知係唔係我地心理作用。」 柯南答。
「點都好,我地出返去,睇睇佢地個門口先。如果真係鎖咗,可能我地要改去對面H便利店。」阿明冷靜咁講, 大家亦都同意佢H決定。
「不過咁,如果入面有人咁點算?」 Mindy 問。
「嗯,咁就要執生。有時遇到人仲麻煩過遇到怪物…..」阿明語重心長咁講。

我地收拾好行裝之後,就推門離開U記。 阿明跪低檢查捲閘H鎖。
「大家…..」阿明輕聲說,然後指指位處地下H鎖頭「無鎖到。」
「咁…..我地點好?」 肥龍問。
「大家準備好武器先,我地慢慢打開佢。 唔好太大力,太大聲啲怪物會聽到。」 阿明低聲說。
「好! 我數三聲,就慢慢開!」阿明提示住柯南。 我, 肥龍同Mindy 就拎出武器係手上,係佢地身後等待。
「3…….2……..1!」

佢地兩人開始慢慢咁將捲閘向上推,捲閘與鐵軌磨擦發出「吱吱」聲。 我心跳加速,好怕會驚動到外面啲怪物。
閘門被打開至兩米高左右,並未完全打開H時候,阿明已經指示我地入去裡面,我地亦快手跟住阿明同柯南進入超市。
由於超市位置地下,並無任何窗戶,漆黑H環境同隔壁服裝店差唔多。

「有人! 大家小心!唔好亂郁住!」 阿明輕呼。 的確,係超市右手邊陳列架H深處,天花頂上有光,應該係由電燈泡發出嚟H光線。我緊握手上H菜刀,唔敢放鬆神經。我地五人緊貼大家,利用室外H日光嘗試睇清潔有無威脅。
室內傳嚟腳步聲,應該唔止一個。
「你地係咩人?」 一把年輕男子H聲音係黑暗之中傳嚟。
「我地係附近度住,不過唔夠野食,所以迫不得以落嚟呢度搵野食。我地拎完就會走。」阿明答。
「你地係嚟搶野呀? 講得咁好聽。」另一把男子H聲音傳嚟。
「宜家出面H情況大家都好清楚,就算我俾錢你,你都未必要。」阿明冷靜地說,「大家仲未死得,唔係應該互相幫助咩? 我地無惡意,介唔介意我地面對面講,宜家太黑。」
「哈哈! 好! 不過你地放低手上H武器先。」男子H聲音又傳嚟。
「好!但係你地都要一樣。唔係唔公平。」阿明說。

隨後,男子H冷笑聲傳嚟。 「好! Max, 開燈。」
眼前突然有燈光著了, 照亮晒超市H入口處。我地前面出現咗三個人,有一個年輕H瘦削金毛男子,第一個出聲H應該係佢。佢隔離企咗一個較矮少H男仔,手上拎住一盞露營用的燈。另外,仲有個格格不入H中年阿叔。
「你地嚟拎食物都得,不過咁,你有咩offer 俾我地先?」金毛男子問。 佢用英文講offer 呢個字,發音好奇怪,比 chinglish 更 chinglish。
「我地唔想有咩麻煩,我頭先都講過,我地拎完就會走。更何況超市咁多存貨,夠你地三個人食一年喇。定係你地有更多人係度?」阿明問。 佢呢個問題仲暗示埋我心中H疑問,就係究竟仲有無其他人係裡面,如果係好多人,我地就唔再佔人數H上風。
「哈哈! 宜家呢啲日子,更加無免費午餐。我地就係得三個人,但係都唔想分野食俾你地。萬一出面永世都唔會有人嚟救我地,咁點算? 我都係自保姐,阿叔!」 金毛男子串串貢咁講。
「喂! 你地得三個人,成個超市咁多物資,你地都唔幫下我地?  」Mindy 忍唔住出聲。
「哈! 姐姐仔,你平時買野都要俾錢啦! 邊有咁著數呀? 除非……,」金毛男子色迷迷咁望住Mindy上下打量。
「咁你想點?」 我擋係Mindy 前面,不滿地說。
「哈哈! 有男朋友? 好,我就同你地講條件,我地想要一架車,最好你地就係出面搵一架,飪L嚟,俾條車匙我地。」金毛男子說。
「仲有無其他可能?」阿明問,「你信我,我本身都係有部車,但係引擎聲會吸引好多怪物衝埋身,就算你有車都好,都唔會係市區行到一公里。」

阿明H說話,明顯動搖到佢地H諗法。金毛男子低聲同隔離個矮少H男仔耳語,阿叔亦顯得好唔自然。
「Hi! 我點知你係唔係大我地? 你照做先可以有野食! 唔係過主!」阿叔突然發難。
「我無講大話,你地信唔信我都控制唔到。如果你地有出過去見過啲怪物,可能你會更加相信我H說話。不過我建議唔好搞咁多野浪費時間好過。我估你地都唔想道閘開住架? 我地拎完要用H野就走。」 阿明繼續同佢地玩心理戰。
「點好呀?」矮仔低聲咁向金毛男子說。
「我唔理! 總之,一係你搵部車俾我地! 一係,你地走!」金毛男子氣沖沖地說,右手舉起了一把魚生刀。
阿明嘆口氣,「真係無得傾?」
「再唔係你地留低個女人係度俾我地happy 囉!」金毛男子說。
我想講粗口鬧個死金毛H時候,阿明用手拍一拍我心口阻止我。
「姐係講唔掂數啦! 唔好話我無俾機會你地,我本身都好聲好氣….」 突然阿明從佢後褲袋抽出手槍,槍口對住金毛男子。

對面三人一見到支槍,成塊面青晒。 其實我見到呢個舉動都有啲驚,好彩阿明係自己人。

「頂! 你俾佢地拎啦! 算啦好嘛?」 阿叔口震震咁同金毛男子說。
「大….大…我呀? 玩具槍呀? 」金毛男子說, 神情緊張。
「我係警察,你話支槍係唔係假? 我估你前幾日凌晨都聽到有車行過同埋有槍聲,我就係其中一個係車上面H人。 不過我俾夠機會你地喇,唔想再浪費時間。快啲將武器放低你地三個!」阿明強硬咁講。
對面三人猶豫。
「聽唔聽得明中文呀? 我叫你地放低武器呀! 宜家射中你地, 無得去醫院搶救呀! 快啲!」阿明霸氣地說。
佢地三個俾阿明H霸氣震懾,慢慢將手上H武器放低。
「踢啲刀過嚟。」

佢地三個一個跟一個咁照做。

「好! 你地雙手埋係頭度跪低。 Geoff !柯南! 肥龍! 搵野綁住佢地三個。 喂 ! 你地三個唔好玩野呀!」阿明揮動手上H槍。
我地三個拎住武器慢慢行過去,柯南先去搵繩之類H野,而我同肥龍就拎住武器對住佢地三人。 好快柯南就搵咗包索帶嚟,我地就夾手夾腳將佢地三人H手腳緊緊索住,過程中佢地都想反抗,但係當頸上面放把刀H時候,佢地都知道無得選擇。肥龍怕啲索帶唔夠安全,堅持每一隻手腳佢都用五條索帶固定,再用布塞住佢地個口。
「好! 你地乖乖係度休息下。我地走個時再諗下放唔放返你地。」阿明向佢地說。
「好! 我地分兩組人去搵野。 Geoff, Mindy 一組; 柯南同肥龍一組,我係門口附近搵野順手睇住佢地,大家盡快返嚟呢度meet up。」阿明說。

大家同意後,我就拖住Mindy 經過收銀台去超市較後H行數前進。
Mindy 開住電筒探索漆黑H超市,我地見到啱H野都放入袋: 罐頭、即食麵、成藥、衛生用品、飲料等。 我已經放滿兩個大背包,Mindy 亦差唔多將帶嚟H袋子放滿。當我地正想走H時候,我聽到啲微弱H聲音係放米糧H陳架傳嚟。
「Mindy, 你聽唔聽到啲聲?」我問。
「?」Mindy 錯愕?
「咳..! 咳! ……」聲音比頭先大咗啲。
Mindy 亦都聽到,佢捉住我手臂問「我地去唔去睇下? 」
「嗯。」 呢啲聲音似係人聲。

我手上姘LMindyH電筒,拖住Mindy 慢慢向聲音H來源前進,慢慢走到掛住「員工休息室」字樣H大門。當我錯愕之際, 我用電筒照向大門檢查,門係無關上的。 我用力捉一捉Mindy 手臂,示意佢向後企。 我深呼吸一口氣,推開木門…….

下一回: 絕境






回覆 引用 TOP

#13 絕境

我深呼吸一口氣, 慢慢推開木門。

出現係眼前H景象, 我只能夠用慘不忍睹嚟形容, 我頓時hang 機。

細少H房間入面,有一個一絲不掛H女仔,坐咗係地下。佢雙手垂直咁被索帶綁係一條水管上面。長髮遮住面額,我靠住電筒H光線,依稀見到佢身上面佈滿瘀傷, 白皙H皮膚上面充滿住黑色, 紅色H瘀青。 有一刻我仲懷疑佢係唔係已經死咗,好彩仲見到女生H呼吸, 雖然好虛弱,但係仲未死。

佢意識到有人係度,低吟著「咳!…..咳!…..放過我啦,求下你…..放過我。」說後,就低聲哭泣。

唔洗問金田一都知, 係出面個三條友做H好事。我心頭一陣發熱, 頭腦發麻。

我拖住Mindy 入去,係我身後HMindy 見到眼前H景象,不自覺咁用手按住嘴巴。

「我地唔係出面啲人,我地路過呢度,你無事喇,我地會放走你。」Mindy 溫柔地說,並指示我幫手,係佢袋入面搵衫出嚟。

「 求下你地好心帶我走!咳!…..咳!..我做牛做馬都願意…. 我….唔想再留係度….嗚嗚…」女子失控地大聲哀求。

Mindy 走上前,用件衫輕輕咁包住女仔上身。女生身體震咗震,然後繼續哭泣。 我抽出褲袋入面H界刀,將綁住佢雙手H索帶界斷。女生即時用雙手環抱住Mindy痛哭。Mindy 亦用雙手輕輕拍女仔背脊,一路係佢耳邊講一啲安慰H說話。

我企係佢地兩個身邊,唔知做咩好。 不過就我觀察,呢個女仔應該同我年紀差唔多,可能細我一兩年左右。 係近距離,我更加清楚咁見到佢腳上佈滿咗瘀血,地下亦有唔少血痕。 照咁睇,應該係出面個三個人鎖佢係度,然後侵犯佢。

「Geoff,  我幫佢著一著衫先,你回避一下先。」Mindy H說話將我帶回現實。

「嗯..嗯…好。」 我將電筒遞俾Mindy ,然後擰轉面。

強姦新聞平時就聽得多,親歷其境算係第一次。 不過呢個時候我地無得報警,可以的話,我超想出去剪咗出面三條友Hjj。

「Geoff, ok喇!」 Mindy 說。

我擰返轉面,Mindy 已經幫佢著咗件 黑色t-shirt同埋長褲。而佢亦冷靜咗啲,我可以有機會睇清楚佢H面容。佢算係個樣子甜美H女生, 如果唔係臉上有幾道瘀傷,樣子應該同Mindy 不相伯仲。不過佢氣息好差, 嘴唇發白乾裂。

我係袋入面拎咗支寶礦力出嚟, 遞俾Mindy。

「俾啲佢飲喇。」 我說。

Mindy 接過寶礦力, 然後將液體慢慢送去女仔H嘴裡。望到呢個情景, 真係慶幸Mindy 有嚟, 如果全男班的話, 我地呢啲麻甩佬一定唔識處理呢啲情況, 個女仔可能俾我地搞到仲驚都未定。

「唔該....唔該晒你地呀!」 女子誠懇地說。 「可以帶我走呀? 我唔想再留係度。」

Mindy 抬頭望一望我, 我會意地點點頭。事到如今, 我都唔想見死不救。

「嗯。 你企唔企到起身? 」我問。

佢搖搖頭, 「下身好痛…..無力….」 佢答。

「Geoff , 不如你揹Doris 出返去呀。」 原來Mindy已經問咗佢叫咩名。

「好。失禮晒。」我說。

Mindy 幫忙將Doris 挨近我背脊, Doris 雙臂放上我膊頭後, 我就捉緊Doris 身體, 再用力企起身。 意外地, Doris 出奇地輕, 重量對我背上H傷唔係太大負擔。

「好, Mindy 你俾多個袋我拎, 我地行出去啦。」

Mindy 將一個袋塞係我右手, 然後佢將多出嚟H袋都拎上身, 我地拎好行裝就慢慢走出房間。 對Mindy 嚟講, 要拎埋我啲袋顯得十分吃力, 所以係中途我地搵咗架購物車, 放晒啲袋入去推住行。雖然有啲貨架倒塌咗, 但係都總算搵到路返出去。

我地好快就出返阿明所在H地方, 而個三條粉腸依然被五花大綁, 背脊朝天咁瞓係地下。

阿明應該早早就搜索完畢, 企係門口附近。 當阿明見到我背上多咗個女人, 佢走過嚟問 「咦, 多咗個人H?」

「嗯。 多得個三條粉腸喇!」 我瞪一瞪地下三人。

「柯南同肥龍話仲想搵多少少水。 我地等埋佢呀。」 阿明說。

我感覺到身後HDoris 將頭埋係我背脊, 可能係唔想面對個三條友。

「Geoff, 你攰唔攰呀? 不如放低Doris 先?」 Mindy 問。

「嗯, Doris 我放一放低你先, 小心。」 我走近Mindy, 欲將Doris 放低。 點知佢用力抱緊我, 唔想落地。

「放心, 我地唔會唔理你。」Mindy 好似睇穿Doris 心意咁「我地等埋其他同伴就會帶你走, 你就忍耐多一陣, 等Geoff 休息下先。」 Mindy 聲音相當柔和。

聽完Mindy H說話, Doris 亦都乖乖咁從我背上下來。 Mindy 在一旁照顧她, 而我就簡單咁同阿明講述點樣搵到 Doris。

「真係慘,不過咁, 宜家你打算點處置呢三條友? 」
阿明指指地下個三條友。

宜家咁H環境想要佢地接受法律制裁基本上係無可能。 私刑H話, 我係好想打佢地一身, 又或者剪斷佢地條JJ。

「我無咩資格講喇,  係呢啲環境呀, 人自私, 唔顧及其他人感受H行為就會出晒嚟。 你有睇過 walking dead H話都明喇。 宜家做H所有行為都唔洗負責任, 人就自然變得為所欲為。 我地宜家都係用武力令對方屈服, 我覺得叫唔上係啲咩正當行為。 」阿明語重深長咁講, 然後笑一笑「點睇? 我覺得由得佢地係度算喇, 睇死佢地都唔夠膽量行出街。 係呢個咁密封H環境, 精神上都會好折磨。」

我消化住阿明H說話, 或者佢都講得啱。 我更擔心H並唔係眼前三個人會唔會有報應, 而係自己會唔會慢慢咁變到好似面前個三條友咁, 為咗自己利益而做出一啲傷害人H事。

我對阿明點點頭 「嗯, 打佢都廢事。 我地快啲走人仲好。」

阿明點點頭 「不過柯南佢地好似去得有啲耐….」

就係呢個時候, 腳步聲傳嚟,應該係柯南佢地。 我擰轉頭, 見到柯南同肥龍中間扶住一個瘦小H身軀。

「呢班仆街! 我要打佢地一鑊!」 柯南憤怒地說。

柯南衝過嚟, 用腳大力踢金毛男人一下, 金毛仔中腳後痛苦呻吟。

「發生咩事呀?」我問。

「佢地捉q 咗Billy 呀!」 柯南怒吼。

「?」

我望望肥龍身邊, 佢確實係扶住Billy。 Billly 勉強咁笑咗笑, 向我揮手。Billy 係食飯當日話會遲到, 點解會係度出現?

柯南踢完金毛男子, 再踢向矮小男子同埋大叔, 兩人吃痛掙扎, 但手腳被綁之下只能發出呻吟聲。

「呢幾腳係代Billy 踢你地H!」 柯南氣憤地說。就係柯南想再踢大叔H時候, 阿明上前阻止柯南。

「我地拎齊野說走, 記得 stick to mission, 仲有人等緊我地返去 。」 阿明拍拍柯南膊頭。

柯南呆咗呆 「最少聽下呢班人有咩講!你係大佬呀?」 然後一手拉開塞係金毛男人口入面H布。

金毛男人驚恐咁瞪住我地 「哈! 原來你同個sorry 仔係識架? 個日係我地收留佢, 救咗佢。 我有俾野佢食。 我只係叫佢做返少少野報答我地姐!」

「你…. 晚晚迫我出去搵車, 我好驚架嘛!」 Billy H聲音由我後面傳嚟。

金毛男子不屑 「唔通白食香住呀!你地班仆街好快啲放開走我地! 你地要H野都拎到啦!」

柯南又忍唔住踢咗金毛男一腳, 金毛男腹部中腳, 痛苦地低鳴。

「你咪旨意我地會放你呀!」 柯南憤怒地說。

金毛男聽後, 表情惶恐 「你地頭先話會放開我地, 你地唔係諗住反口嘛?」

「我個時係話, 再諗下放唔放你地三個。」 阿明出聲。 「柯南, 夠喇。 我地唔好浪費大多時間, 快啲閃人啦。」 說後, 阿明又將金毛男H口塞住。

「咁我地放唔放佢地? 」 肥龍放低咗Billy , 走過嚟「我覺得呢度咁多物資同食物,不如我地搬嚟呢度住?  」

肥龍H說話好有道理, coffee shop 住咁多人, 食物好快又會食晒。

「係囉!如果宜家放咗佢地, 我地好難再返嚟!佢地一定會諗方法阻止我地入嚟。」 柯南說。

「但係唔放佢地H話, 就咁樣綁住佢地,佢地飲唔到水, 過幾日會死人架! 」 身後HMindy 說。

「理得佢地呀! 呢班都唔係咩好人, 打到Billy 咁傷!」 柯南不憤,向住我地叫喊。

「但係我地都唔可以由得佢地咁樣! 如果我地唔鬆綁,同間接殺人無咩分別! 我地短期內都唔會返嚟喇。」Mindy 堅定咁講。

「我又無話要殺佢地,只係……」 柯南猶豫「只係….,由得佢地自生自滅。我點都唔想就咁放過佢地。」

「柯南唔係講得無道理! 咁我地又無殺佢地, 不如就咁由得佢地, 呢個超市我地好有可能要返嚟。 我唔想重新探索一個新H地方。 一係放啲食物係地下, 等佢地唔洗用手都食到? 」 肥龍插嘴。

「肥龍你派少陣膠得唔得呀?」 Mindy 激氣地說。

「我認真架!」 肥龍答。

「Geoff! 你勸下佢地啦!」 Mindy 向我求救。

我好亂, 我望望Billy 同埋Doris , 呢三條粉腸對兩人造成H傷害有幾深, 由佢地H傷痕可以話到俾我聽。

腦海入面H麻痺, 我係好想用暴力處置呢三條友。 但係, 我又有無資格去決定佢地H生死呢?

我握緊拳頭, 再望望Mindy , 佢等緊我H答案, 大家亦都望住我。

「我…….」 我吞淡口水, 繼續說,

「我地快啲離開呢度先再講, 佢地三個人…….我地走之前, 幫佢地鬆綁喇。」

「Geoff! 你確定? 我地踢佢地出室外自生自滅都仲得架喎!」 柯南大聲地反對。

「算啦柯南。」 阿明說後拍拍柯南膊頭, 「我地浪費咗好多時間, 快啲走喇我地! 返到去再算。」

「但係……」 柯南無將後面H說話講出嚟 「你地話點就點。」

「好! 我地快手執齊野就閃人。」 阿明說。

我地各人收拾好地下上H袋, 肥龍佢地拎咗好多蒸餾水, 行裝好鬼重。 Billy 被人打到好虛弱, 連同Doris, 我地有多兩個人要照顧, 返去H過程應該會相當狼狽。Billy 由肥龍扶住, 而Doris 感覺上只係相任Mindy, 所以Doris 都係由我嚟揹。

大家準備就緒, 阿明就將一把界刀放係三條粉腸眼前遠處。

「你地一陣自己爬過去, 搵把界刀界開啲索帶喇!我地走之前唔好玩野呀, 警告你地。」 阿明對佢地三個人講,然後我地一行人就開門離開超市。

柯南同阿明合力關上捲閘, 我地一行人企係樓梯待機。阿明先走上樓梯視察環境, 再向天揮揮手, 提示coffee shopH同伴, 我地搞掂準備回程。

阿明跑返落嚟 「暫時無咩危險, 不過我地都保持警覺喇! 我地等上面有signal 再行。 記得小心左邊街口。 執生喇大家。」

大家點點頭, 阿明同柯南再走上樓梯, 等待訊號行事。

「我地去緊邊呀?」  Billy 問。

「我地原本 gathering 間coffee shop 呀。」 肥龍答。

「哦! 好呀! 我好想飲咖啡!」 Billy 說。

「sorry Billy, 返嚟囉! 」我恥笑 「我地過去個時跟貼呀, 唔好做啲 sorry 野呀。」

「嘻嘻!」 Billy 傻笑。

唉, 成員間又多個sorry 仔。 不過以上面班人咁緊張H氣氛嚟講, sorry Billy H回歸應該係件好事,起碼佢諗野總係好樂觀。

過咗一陣, 阿明同柯南回頭。阿明緊張地說 「快! 入U 記!」

我地反應過嚟, 柯南已經奪門而入。我地亦迅速移動, 全部人望去後, 阿明關好門, 凝重咁望住我地, 上氣唔接下氣。

「十字路口....... 」

「成街都係怪物, 我見到至少有十幾隻。」阿明口震震咁講。

「我地再諗方法返去!」

下一回: 夜行




回覆 引用 TOP

#14 夜行

係U 記入面, 阿明, Mindy , 肥龍等人將玻璃門用木櫃頂住, 餘下透光H部分用衣物遮住。柯南著咗盞露營燈, 令室內不至於全然漆黑一片。

我將Doris 放係地下。

「You ok?」 我問。

「嗯, 多謝你肯帶走我。」 Doris 低住頭咁講。

「小事, 我地都仲未知點返到去。」 我答, 然後隨手係附近拎咗隻衫 「嗱, 用嚟墊住個 pat pat。」

「唔該。」 Doris 接過我手上H衫。

「有咩需要就同我地講, 我去睇下咩情況先。」我欲要行去搵阿明, 但係Doris 伸手捉住我。

「你叫Geoff 呀何?」

「嗯….,頭先都無好好自我介紹…..」

「可唔可以應承我,唔好同你啲朋友講……?」Doris 所講H,無疑係我發現佢俾人侵犯H事。

「嗯,可以呀。」其實我已經同咗阿明講,不過佢點睇都似係一個有分寸H人,唔似會周圍講八掛野。

「多謝你,Geoff。」Doris 如釋重負咁講。

「哈哈,唔洗咁客氣喇! 希望我地可以快啲返去搵我班friend,到時你可以好好休息下。」  聽完我咁講,Doris 放開手,我就行去搵阿明。

阿明同柯南佢地圍咗個圈傾緊計。

「出面情況點呀?」 我問。

佢地聽到我把聲,就轉過身嚟,向住我。

「唔樂觀,我再上返去睇水H時候,有一群怪物行過十字路口,至少有幾十隻。 我地嚟個時,係唔係都見到兩隻怪物H? 佢地應該係由果個方向行過嚟。以佢地游盪緊H情況嚟睇,都唔知幾時先散水。唔知佢地會唔會轉入嚟我地呢邊,所以安全起見,我地等一等先。」 阿明解釋。

「如果班怪物sorry 9 咁企係度成晚咁點算?」 柯南唔耐煩咁講 「我地親眼見過,佢地可以係同一個地方企成晚! 咁我地就唔返去?」

「定係我地行其他路返去?」 肥龍說。

阿明用手指公按一按太陽穴,嘆咗口氣 「我地根本就唔會知邊度會有怪物,揀第二條路線太大risk。我自己就無信心可以安全返到去。」

「咁我地咩時機先出去? 宜家我地係室內,出面咩情況都睇唔到。」 Mindy 問。

「呢個……」 阿明陷入苦思, 眉頭深鎖。

大家都唔知道下一步要點做好,無一個人出聲。良久,我聽到微弱H腳步聲,「踏…踏…」,聽上去唔止一兩個人咁少,而似係一群人行過H聲音。

「喂, 你地聽唔聽到啲野?」 我問。

大家錯愕。

「無喎。」Mindy 答, 大家都一致認為我聽錯。但係我覺得腳步聲仲愈來愈大, 我再問多次, 大家都係覺得無。

「Geoff 你無事嘛?」 Mindy 問。

唔通係我太緊張H關係, 所以幻聽?我努力集中精神,嘗試搵出聲音H來源。 腳步聲應該由門口個邊傳嚟, 但係我專心聽多陣,聲音又突然減少, 之後腳步聲就無咗。

我搖搖頭「嗯,無事無事。可能係我聽錯。」

大家疑惑咁望咗我一陣, 阿明先打破尷尬氣氛, 帶大家討論嚟緊下一步要點做。基本上, 我地有H選擇唔多, 只可以等適合H時機走, 盡量諗方法避免同怪物近距離相遇。阿明提議先睇睇出面情況, 佢企上木櫃, 移開遮光布。嘗試窺視街上H景況,但由於我地位處地庫, 根本就望唔到路面。

Mindy 好聰明咁搵咗塊鏡俾阿明, 希望利用反射望到出面係點, 但可能地勢相差太大,阿明調校咗多個角度都係徒勞無功。

阿明落返嚟, 嘆一口大氣「 睇嚟要行出去望多次。」

「不如我地等到太陽落山先出去。」 Billy 輕聲說。

「係喎, 你之前俾佢地迫你出去搵車。夜晚你係出面行都無事咩?」 肥龍問。

「哈哈, 講起就嬲喇!  個時我好驚, 唔想出去架!  不過佢地話唔出去就打我一身, 同埋唔俾野我食。咁咪唯有出去囉! 我有諗過偷偷地去coffee shop 搵大家架。」 Billy 繼續說。

「咦?咁點解…..」 肥龍不解。

「哈哈, 我出到去外面, 發覺電話無電, 無得用 google map, 所以我唔識路搵你地呀!」 Billy 解釋, 期間用手揉揉後腦。

無咗手機上網確實係諸多不便, 城市人都好依賴手機處理日常中H事, 睇地圖係其中一個。宜家我部手機都無晒電,我直頭無拎出嚟。

「頂你,我地隔一個街口炸!」 柯南吐糟。

「鬼知咩! 嘻嘻」Billy 傻笑。

「Billy, 點解你話等到夜晚先出去H?」阿明問。

「我出過去兩晚,初初第一晚我好驚,驚到差啲瀨尿….」

「Billy…..,呢啲唔重要。」我白眼。

「哈哈,咁係好得人驚嘛! 出面咁多怪物! 本身第一晚,我係出面條樓梯坐咗成晚,唔敢出去。點知去到第二晚,我突然間好想飲酒,所以想去對面間便利店搵下有無…..」

係呢啲情況,仲掛住飲酒,呢個人真係on9 無極限。

「前晚有啲月光,又唔算太黑,我就衝出去喇。點知呢,我一上樓梯,就見到一隻怪物企係我面前,對正得! 我太驚,覺得死硬,所以連跑都費事。」

聽落去好荒謬,不過係Billy 身上,無野係唔可能H。

「點知….,佢郁都唔郁,企定定。我就膽粗粗咁望下佢啦,點知呢……, 佢合埋眼,應該係瞓著咗。」Billy 講到眉飛色舞 「咁我咪係佢面前揮揮手,佢又真係睇我唔到。所以我先話,我地不如等啲怪物瞓著先出去喇。」

我聽完當然覺得好誇張,其他人都應該有同樣H感覺。

「你之後點? 仲有個時大約幾點鐘?」 阿明認真咁問。

「個時…..,都應該差唔多十二點。 跟住我無理佢,就走去對面7仔。 搵咗支酒,就係7仔個度飲,仲食咗啲野。佢地都唔俾野我食, 淨係得個少少。講起就嬲!」

「跟住呢? 點解你返去超市H?」阿明問。

「我都唔係好記得,但係一定無去搵車匙啦。飲完野,自己一個人係7仔好驚嘛,咁我過咗二個鐘左右咪返去囉! 返到去,佢地見到我搵唔到車就超嬲。特別係個金毛仔,改個名叫做Sky,好MK 囉!」 Billy 繼續抒發佢H情緒。

「佢地企係度瞓?」 肥龍問。

「馬都係企係度瞓喇肥龍, 有咩咁出奇。 佢地都係用四隻腳咁企。」 柯南說。

「Billy , 可唔可以諗清楚少少, 你個晚總共見到幾多隻怪物?」 阿明問。

「好似三隻, 連埋我頭先第一隻我見到都計H話。另外兩隻企得遠啲, 我無理呀。」

阿明點點頭, 然後又陷入沉思。

Billy H說話, 反映咗怪物係有休息H時間, 就同人一樣。 但係, 佢地幾點瞓, 應該都係個問號。 如果凌晨出去, 啲怪物未瞓咁又點? 只要有一隻留意到我地行過, 就已經九死一生。

阿明無再問,消化緊BillyH說話。


「不如食啲野先?」 肥龍問, 然後開咗一包薯片。大家就食起嚟, Mindy 亦開咗一包餅乾俾坐係一邊HDoris 食。

大家食野H時候, 完全係陶醉係食物H美味之中, 明顯無再諗下一步要點做。 只係得阿明繼續思考緊下一步要點做, 真係慘。

我問阿明係唔係有啲咩諗緊, 佢搖搖頭,

「無喇! 只係覺得等到夜晚出去H話, 亦無咩保證。不過叫知多咗啲情報喇! 我估…..」

金屬磨擦H聲音突然係外面傳嚟。我懷疑係唔係又幻聽H時間, 見大家緊張H神情, 我知道今次大家都聽到。

「應該係超市個捲閘。」阿明說。

「砰」一聲, 閘門應該開啟了。

佢地三條友做咩無啦啦走出嚟? 唔通發生咗啲咩事?

「我睇下咩事!」 柯南叫喊, 然後跑上塞住門口H木櫃向外睇。

「咦, 金毛仔同矮仔走咗出嚟喎!」 柯南說。

正當我想行過柯南身邊H時候, 玻璃門傳嚟尖銳H破裂聲。 柯南身前H玻璃門突然碎裂, 柯南反應唔過嚟向後跌坐係木櫃上。

「@@ !走開呀怪物!」 柯南大叫。 只係一瞬間, 柯南整個人被巨力極速拖咗出玻璃門H缺口。

驚恐充滿住我H身體, 事情實在嚟得太突然, 無人跑上去救柯南。而柯南H慘叫聲係出面傳嚟。

「呀!!!!! 走開呀!!!!」柯南大叫H聲音傳嚟,

「呀..........走......」柯南叫聲好快消失咗。

我腦袋不斷叫要跑過去救佢, 但係根本嚇到呆咗。就係呢個時間, 阿明拉一拉我手臂。

「Geoff ! Doris 呀!我地救唔到佢架喇! 其他人跟住我! 」阿明講。

對唔住呀柯南, 我救唔到你!

我忍耐住強烈H內疚感, 拔腿跑向坐係一旁HDoris。

我趕忙用雙手用抱起Doris , Doris 神情恐慌, 不知所措。






回覆 引用 TOP

[隱藏]
「Doris 攬實我!」 我向 Doris 講。 唔等佢反應過嚟就用力抱起Doris , 我快速回個頭, 尋找Mindy H身影。

Mindy 企咗係收銀檯前面向我招手, 我用最快H速度跑過去。 會合Mindy 後, 我地就走入收銀檯後面, 大家烏低身, 用櫃檯做掩護。 我將Doris 放係Mindy 身邊。

「究竟搞咩呀?柯南佢….」 肥龍慌張咁問。

阿明「shu !」咗聲, 示意大家唔好出聲。 大家你眼望我眼, 跪係度唔敢出聲。我捉一捉Mindy手臂, 我感覺到佢身體發抖, 係受驚過度了吧。

我聽到有物體踏上玻璃H聲音, 好微少。但係我開始唔相信自己H耳朵, 我望望Mindy , 佢不為所動,  睇嚟佢好似注意唔到。

我連呼吸都唔敢太用力, 驚怕萬一出面H怪物聽到, 我地六條友就會玩完。

現實住住殘酷, 我地同怪物體力相差實在係太大, 我地除咗躲避之外, 根本無其他辦法生存。我地六個人只能夠祈求無怪物會走入嚟, 順利挨過呢個時刻。

急促H呼吸聲充斥住我H聽覺神經, 大家都極為緊張,我感受到心跳加速所帶嚟H壓迫感。 係昏暗H環境, 被黑暗包圍住H感覺並唔好受。 我好驚怪物會係黑暗當中, 突然發動襲擊。 套套鬼片都會有呢啲情節,我唔希望會發生係我地身上。

我專注咁聆聽, 希望就算有怪物來襲, 都仲可以反應過嚟。 咁樣H狀態維持咗一段時間, 終於阿明忍唔住想望望出面H情況。

阿明手持左輪手槍, 慢慢探頭出收銀櫃檯。 佢望咗一陣, 就退返嚟, 同大家講

「睇嚟出面無事。肥龍, 跟住我,我想make sure。其他人留係度。」

接住, 阿明帶住肥龍慢慢轉身離開櫃檯。 過咗一段時間, 兩人再次出現係我眼前。

「出面無野呀。」阿明低聲講, 之後就同肥龍入返嚟坐底。

「不過我地無望出門口喇。 我地唯有係度睇定啲先喇。」  阿明說著, 亮起電筒。

「咁我地……點算好? 」 Mindy 哀傷咁講,「柯南佢…..係唔係已經…..? 」  Mindy 開始低聲啜泣。

柯南H死嚟得太突然, 對我嚟講太超現實, 我仲未接受到。 見到Mindy 咁難過, 心頭又湧上一陣哀傷同無力感。

頭先望住佢俾怪物拉出去, 我地咩都無做到。呢一份內疚感, 充滿住我。我眼框開始濕潤起嚟。

「最衰都係隔離班人! 」 肥龍咬牙切齒咁講,「唔係佢地, 柯南就唔會…..」
無人出聲, 大家保持沈默咗一段時間。 Mindy H啜泣慢慢緩和, 而Billy 就一幅想講野H樣子。

「咁我地點算好? 佢地三個人會出去一定有啲古怪。佢地會唔會想報仇, 先走出超市? 」 Billy 問。

阿明嘆口氣 「呢個我地唔好深究住, 我知道大家都好難過, 特別柯南係你地同學。 但係宜家唔係沮喪H時候, 我都點都要離開咗呢度先! 」

「其實……」 肥龍出聲, 聲線疲倦 「都無咩大分別喇。 就算我地今次好彩, 返到上去。 咁下一次呢? 我地總會食晒啲野。」

係我H認知當中, 肥龍並唔係消極H人。 不過目睹有朋友死去H事件, 出現想放棄H念頭亦係無可厚非。

「不如我地留係度算啦。 上面班人, 仲有野食唔會死架嘛!何況, 我地為咗佢地, 柯南連命都無埋。佢地呢? 點解我地就要….」

肥龍H說話被阿明打斷 。

「肥龍, 點都好, 我一定要返去搵我太太同埋個囡。 如果你想留低, 我唔會反對, 不過我應承咗佢地兩個會返去, 何況人多好辦事….. 」

肥龍冷笑咗聲 「你確定上面班人有幫手?」

「肥龍……., 唔係話唔落嚟就無幫手架嘛…」 阿明開始顯得不耐煩 「你睇下宜家咩環境!」

「算喇。當我無講過。 」 肥龍說畢, 說低下頭, 若有所思。

我同Mindy 互望一下, 佢聳聳肩表示佢都唔知點算好。 阿明就顯得有啲懊惱, 肥龍H消極情緒令到佢有啲不安吧。

及後,阿明企起身, 話要睇睇出面情況。 我對佢點點頭, 表示同佢一齊去。

「對唔住呀。 我估我太harsh, 唔應該咁快計劃返去H事。畢竟柯南佢…」 阿明說。

「嗯。 俾啲時間佢喇。佢同柯南比較 friend。」 我答,呢句亦都係我真心話,係大學時期佢地兩人係比較friend。

「嗯, 不過佢都講得啱。 coffee shop 並唔會維持到好耐, 我地到時可能又要出嚟。」

「到時再算喇。」

我地一邊講, 一邊行到門口。 木櫃上佈滿住破碎H玻璃, 右邊玻璃門上面染咗啲血跡。 阿明舉起手槍, 小心翼翼咁跳上木櫃。 佢望咗望說落返嚟。

「出面無野, 不過地下有灘血, 唔見柯南。」 阿明低聲說。

柯南H身體好可能俾怪物拖走咗, 腦海又諗起佢俾怪物拉走H情景, 心口有啲鬱悶。

「對面個三條友呢?」我問。

「都唔見。」 阿明搖搖頭。

「咁奇怪……唔知隔離超市點呢?」 我說。

「唔知啦。 不過我地夜晚再出發點睇? Billy 講H野可唔可信? 佢好似.. 」

「有啲sorry? 佢份人係咁, 失禮晒。」我說。

阿明唔好意思咁笑咗笑「唔緊要, 但係你信唔信佢?」

「事到如今, 我無唔信佢H理由。 雖然佢係sorry 啲, 但係唔會講大話。」 我聳聳肩。

「嗯, 宜家都兩點鐘。如果我地要等到十二點先行H話仲有排。 我地就輪流休息下先, 同埋諗諗今晚有咩要準備。 」

「好。」

我同阿明就返去櫃檯搵大家。 阿明簡短咁形容咗出面H情況同埋佢對嚟照夜行H打算。基本上無人再出聲俾意見, Billy仲覺得夜晚出去係明智H決定,舉腳贊成。

係入黑之前, 只可以等。 我地幾個人圍咗個圈,安靜咁坐係地下, 每個人各懷心事吧。 我將頭埋係膝蓋上面,合埋雙眼,盡量咩都唔諗。

「對唔住呀,柯南……」 我默默咁同自己講。柯南H慘叫聲係我腦海迴旋。



下一回: 通道

回覆 引用 TOP

#15 通道

(THEN)
「係呢柯南, 你做TA 點呀?」 Suki 問。
柯南大學畢業後, 去咗一間中學做教師助理, 即是所謂HTA。
「嗯, 還好喇。 希望讀完教育文憑, 就做老師啦。」 柯南笑說。
「你間學校啲學生乖唔乖? 有無唔聽你話?」 Katie 問。
「唔聽話H總有一兩個, 其實都無咩可以做。我都係教好少班喇, 仲未覺得好大問題住。班主任個啲就煩囉!」
「你地有無Bully 呀個啲? 好似間間學校都有。」 肥龍問。

「你係唔係想話我地Bully 你?」  柯南問。全場人大笑,柯南繼續講「Bully 呢啲野,無論去到幾好H學校都會有,只係形式唔同吧。 暴力呢家野,都可以有唔同H方式表達。 我估大部份老師都唔識處理呢啲問題,都係交個波俾社工搞。我聽講,有次bullying 搞到好大。我地學校試過幾個同學係操場打交,好喇,訓導主任捉晒個幾個學生問佢地點解打交。」

柯南嘆一口氣,「不過有兩個人死口話另一個同學偷咗佢地野,佢又唔肯認先會大打出手。之後個訓導主任覺得要一視同仁,三個人一齊記缺點了事,應該都無咩深究到底成件事係點。 點知過咗幾日,學校收到家長打嚟,係被人指控偷野個位同學H媽媽。佢話佢個仔想自殺,不過好彩俾佢發現到,問學校知唔知究竟發生咗啲咩事。」

聽到呢度,大家不禁發出驚訝H聲音。

「最後學校先開始正視呢件事,社工呀,連校長都出動埋去了解件事。不過最後個學生都係轉咗校,我諗對個學生嚟講, 已經超唔想返學, 一定好大壓力, 好多唔開心H情緒。」
「咁蝦佢個兩個人點呀?」 Suki 問。
「呢個先係重點, 聽講佢地兩個俾社工同老師關心完之後,被人迫去向個位同學道歉。人地緊係唔想見佢地喇! 之後訓導主任唔知係唔係覺得要同校長交代,記咗個兩條友小過。自始之後, 佢地兩個係畢業之前都受盡其他同學白眼, 因為係同學H眼中, 佢地永遠都係罪人。佢地高中個兩年好似過得好慘, 成日俾人蝦返轉頭。」

「但係究成件事係點?」 Mindy 問。
「其實都唔重要喇,我覺得學生好應該為自己所做H野負責………」

===================================================================
(NOW)

U 記室內H空氣好焗,地下室無咗抽風系統運作,空氣唔流通得令我頭昏腦脹, 悶熱得焗出一身汗。

我地六個人被困係U 記已經有十個小時,係呢十個鐘頭入面,大家H說話唔多。 只係Mindy 同阿明有同我講下野。Billy 同肥龍就坐係一邊,好似瞓著咗一段時間。而 Doris 就缩係一角,無出過聲,只有Mindy 同我間唔中有睇下佢點樣。不過Doris 食完野之後,氣色好轉咗唔少,講野都有返力氣。

到差唔多十二點H時候,阿明就同大家一齊整理行裝。本身柯南H物資就俾晒Billy 拎,Doris 本身堅持要幫手拎野,但係由於佢力氣仲未完全恢復,所以我地都無俾野佢拎。 佢提出自己行,由Mindy 扶住就可以,唔洗再由我揹住。對於佢H好意,我地亦無拒絕。

「好! 今次無咩計劃可言,大家執生喇! 最緊要係見到怪物都唔好出聲,盡量靜。」阿明係出發前提醒大家。

大家收拾好之後,就企係門口準備出發。阿明先望一望出面,確保無動靜後,就示意我幫助將堵住係門口H雜物移開。 前路無阻後,阿明走係最前探路。
我地一個跟一個步出U 記門口。 我跟係阿明身後,Mindy 同Doris 緊貼係我後面。
我第一次睇到無光害H香港係點樣,原本夜燈火通明H地方,宜家得返微弱H月光照亮。好彩今晚個月光都算幾光,未至於咩都睇唔到。
阿明搶先轉出街道,佢出去望咗陣,已經行返轉頭。

「上面…..,大約有5隻,係十字路口附近。全部都好似企定定。」阿明輕聲說,同時攤開手掌,示意街上有五隻怪物。
「跟住我。」阿明低聲說後,就開始向上行。
我跟緊貼住阿明H步伐走上去,上完樓梯後,我終於可以睇清楚街道上H情況。
係月光H襯托下, 唔難見到右手邊近十字路口, 有三至四隻怪企係度。再遠H野我依稀可以望到, 我望望 coffee shop H窗口, 裡面並無燈光。
我感覺到Mindy 伸手捉住我手臂, 我索性拖起佢手心, 開始跟住阿明慢慢走。

阿明好小心咁踏出每一步, 原則同樣係盡量同怪物之間H距離拉開。 我地六個人先扭過最接近我地H一隻怪物,打斜咁行過對面馬路。我地係7仔附近停低,蹲低身再睇清楚十字路口H情況。
十字路口同我地大約相距三十米,有三隻怪物係視線範圍之內。有兩隻面部向住我地,另一隻較近H怪物係背向我地。基本上,佢地企H位置就好似一字排開,踢足球起人場咁款。我地要越過十字路口,就總會有一隻係左近。
阿明似係思考緊要點樣前進,佢回頭望一望我,再指指出方轉角位。 我點點頭,同意先察看轉角位仲有無更多怪物。我地繼續慢慢前進,我盡量放輕腳步咁行每一步,呼吸都唔敢太用力。
係腎上腺素H影響下,感覺到肌肉傳嚟溫熱,熱力係潮濕H天氣低下久久不散,我已經出咗一身汗。

當我地靠近轉角位H時候,有一種感覺湧上大腦,呢種感覺我從來都未試過。
恍惚「感受」到我身邊H環境,  難以形容。無論係生物H心跳,又或者夏天吹起H微風,我通通都感覺到。腦海裡面大約會分辨到聲來源H遠近,頭腦未試過咁清醒。 我甚至體會到腦部神經發放出嚟H訊息,神經物質高速傳播電流去身體每一個部分,我感覺到肌肉有啲麻痺。
唔通我進入咗所謂H「明鏡止水」狀態?

正當我我錯愕之際,一股強大H壓迫感向我襲嚟。 咦,係上面....。
我抬頭嘗試望向壓迫感H來源,我捉緊Mindy 隻手,示意提醒佢小心。 係十字路口上方, 無啦啦出現咗一個「結界」。我諗用結界去形容係最貼切,空間恍惚被扭曲,漩渦形H結界散發出閃閃白光,粒子圍住藍色H中心不停咁轉。離地面十米高H結界,直徑目測兩米左右吧。 諗諗下,有啲似「奇異果博士」啲傳送門。
大家都被漩渦亮眼H白光吸引,停低係度望。 我環顧四周,結界H光芒令視野更加清晰。怪物好似都不為所動,無被到結界吸引。當我俾阿明拍拍膊頭H時候,突然結界發出「卜」一聲,一個黑色H正方體飛出結界。

係當日救咗我一命H「飛行器」!

我驚訝咁望住飛行器飛出嚟,結界H光芒亦開始有點減弱。頭先個一下聲響,對我地好不利, 萬一嘈醒啲怪物, 我地就gg
飛行器飛出結界後, 阿明就拍一指我示意要開始向前走,唔好理天上面H飛行器,  阿明眼神裡面充滿住恐慌。我點點頭, 跟隨阿明向前行。
我地六人行過轉角位, 右手邊有隻怪物企係度, 只距離我三米。 我感受到怪物低沉H呼吸, 我盡輕輕咁行。 拖住Mindy H手掌, 傳嚟冰冷同抖震。 我相信所有人, 都就嚟緊張到要瀨尿, 包括我在內。
由於隻怪物本身背住我地, 當我繞過怪物之後。 我忍唔住回望一下。

以骨骼嚟睇, 怪物本身好大機會係女仔, 我靠住結界漸漸減退H白光, 依稀見到長髮下H面目, 慘白H皮膚被結界H光照得更白。 怪物H眼睛緊閉, 嘴附近係黑色一片, 或許係血液都未定。
我再回望前方, 阿明突然停下步伐, 我差啲撞埋佢身上。 阿明蹲低身, 我地五人亦照住做。

再行五十米左右就會到達塞住進入coffee shop 門口房車H位置。 但係有一隻怪物企係房車前面, 大約相隔兩米, 企係馬路中心。
阿明應該係思考緊點樣繼續前進, 因為我地要跨過房車就點都會發出聲浪。 我地要入去, 點都要踩過車身。
阿明蹲身而行, 前進咗兩三米又停低。

唔知點解, 呢啲偷偷地潛行H時候, 我腦入面響起達哥H歌聲 「吱吱吱吱吱吱吱吱吱吱吱吱吱~ 是老鼠都怕大貓, 吱吱吱! 」   幻想住,可以好似達哥玩遊戲咁, 輕輕鬆鬆咁避開晒啲怪物。

點知一唔留神, 我聽到頭頂有飛流H聲音,  飛行器飛向企係房車前面怪物H頭頂。 飛行器停留係怪物H頭頂, 底部伸出一件細長H野, 貌似一支針狀物。
怪物身體突然抽搐, 飛行器爬升,向我地後方飛去。我估係枝針插咗落佢個頭,不過光線唔夠,我唔肯定。
怪物貌似好痛苦咁,身體開始扭嚟扭去。阿明無行動,只係觀察,但肥龍已經按捺不住。

「喂! 我地快啲行啦!」 佢係後面輕聲說。
阿明呆咗呆,然後點點頭。 「大家盡量靜啲。」佢輕聲道,同時抽出插係褲袋H手槍。
大家繼續向目標移動,我眼光依然落係隻怪物身上。 佢依然係原地,身體好似「發羊吊」咁抽搐,形態非常可怕。
五十米H路程好快就行完,怪物依然繼續抽搐,口吐白沫。係近距離望到怪物個種壓迫感,前所未有。

「快! 踢開佢!」Billy 同肥龍搶先企上車頂。

突然間,我有鼓不祥H預感。






回覆 引用 TOP

「?」 我望望眼前H怪物,佢突然大聲張口尖叫。我被佢H震撼力驚親, 大獲! 會唔會吸引埋其他怪物跑過嚟?
「快手呀! Billy ! 」 身後H肥龍大叫。
右手邊十字路口處傳嚟怪物H叫聲, 叫喊高頻得令人頭腦。 剛才H聲音已經喚醒咗一直瞓HH怪物。而眼前最近我地隻怪物就突然頭部撞地, 腦漿炸裂, 四肢亦停止咗抽搐。


剛才係死前H悲鳴?

眼見右手邊H怪物開始跑過嚟, 現時H處境同上一之出嚟一模一樣, 又係臨尾香。
Billy 同肥龍好似已經搬開咗頂住入口H雜物。

「快手入嚟!」 說畢, Billy 同肥龍就跳入去。我亦唔顧咁多, 快手拉起Mindy 上去車頂。
「Doris ! 」 我無理Doris H反應, 雙手捉住佢條腰, 舉佢上車架上面。 佢被我突如其來H力嚇親, 叫喊咗一聲, 隨後就俾Mindy 拉住, 成功企上車頂。
我感覺到身後H怪物要迅速殺埋身,  我擰轉頭, 阿明舉起手槍, 扣下板機。

砰! 一聲, 子彈射入飛撲埋嚟H怪物。怪物左肩中彈, 吃痛後大聲吼叫。 子彈雖然拖延咗怪物H步伐, 但係後面有兩隻怪物正以高速狗衝緊過嚟。


「阿明! 快啲走呀!」  我大叫, 再快速以雙手借力慢上車頂。
阿明亦無再戀戰, 立刻轉身跳上車頂。 我地兩人迅速地跳進室內。
甫落地, 肥龍同Billy 已經大叫。
「幫手封門!」

我跑進走廊, 見到Billy 同肥龍係一旁嘗試拎起橫放係地下H鐵閘。我快速脫下我背上H背囊, 衝過去幫手。
閘門已經被撞到變咗型, 但係鐵料尚算重手。 我地三人舉起閘門後, 就一鼓作氣推出去。 鐵門同地板H磨擦聲非常響亮, 但係我地都無再理會, 只係想以最快H速度推出去。
我地合力將鐵閘拉起後, 再將閘門堵住係房車前面。點知怪物趕至, 砰! 一聲, 一鼓蠻力撞向鐵閘。 我地三人出盡奶力頂住。
「頂住呀! 搵野頂住道閘呀!」 我大叫。


「砰!」 又一波撞擊。
我咬牙切齒地用盡力向前退, 身後阿明應該搵緊物件俾我地阻擋係鐵門後面。
「頂住呀!」 肥龍大喊, 我出盡力推, 但由於外力好大。 我地三個開始吃不消, 鐵閘上半部分開始被外面H怪物撞至傾斜。
突然間有一隻蒼白H手由門與牆之間H空隙伸咗入嚟, 抓住我右臂。怪物H手指甲非常尖銳, 佢正在抓狂H上臂, 係我手臂上劃上幾道破痕, 根本避無可避。
我無理會痛楚, 唔知那裡來H勇氣, 我趕忙用右手抽起插係腰間H菜刀, 對準怪物手臂關節位置大力砍下去。

噹! 一聲, 手臂傳嚟刀鋒砍中骨頭H感覺。我並沒有一下子將其手臂砍落嚟, 反而刀鋒卡住係關節當中。但係怪物手臂已經流緊血,  我快速抽出菜刀, 又送出一劈。
同時候怪物想縮走手臂, 當我H刀鋒揮砍迫至時, 我只能夠界傷其手背。


「大家小心! 」 阿明同Mindy將一個企係走廊H鐵櫃出嚟。 Billy 同肥龍隨即閃身靠向左邊。
砰! 一聲, 鐵櫃撞向鐵閘。
「打橫佢!」阿明緊張地大喊。其實我都唔知可以閃去邊, 鐵櫃有一米半左右高, 而出面班怪物仲繼續用力推入嚟, 好可能我地一走開, 佢地就會搵到缺口突破。
肥龍同Billy 先後退, 我感覺到向外頂住H力量突然少咗好多。 我要食晒佢地兩人份H力, 我只好死頂。
「快啲!」 我大叫, 就嚟頂唔順。 我被退後咗半步, 鐵閘亦被外面H怪物退至傾斜向我壓下來。

「Geoff! 閃開!」 我聽到阿明大叫。
我用所剩無幾H力量向前推, 然後以最快H速度後退。
砰! 又一聲, 阿明將鐵櫃拉向右邊, 肥龍係左手邊一推, 令整個鐵櫃背靠背咁頂住鐵閘。我再加入, 用肩膀頂住鐵櫃。
外面H怪物好似無諗住放棄, 繼續向內推。 不過力量經過鐵櫃後, 抗衡起嚟, 相對已經輕鬆許多。

Doris 同Mindy 合力從後將可以用H雜物都推上嚟俾我地用。 我地將雜物一個一個咁加上去, 箱, 木櫃, 檯_等, 咩都堆晒上去。 我都幾驚訝雜物H數量可以咁多, 明明我地出嚟H時候, 都無堆咁多雜物係樓梯。
點解有野係度都唔塞住個出口? 雖然塞住H話, 我地好可能入唔到嚟, 俾出面啲怪物咬死。
出面H撞擊已經停止咗, 或許佢地都想放棄食我地呢班麻煩友吧。
各人聽到撞擊H聲音停止後, 都不約而同咁坐係地下喘氣。

「終於..... 終於都叫返到嚟。」阿明喘著氣說。
「嗯…我估, 我要回下氣先。」 Billy 說。
Mindy 捉一捉我手臂, 我對佢笑一笑。 不過咁暗, 我唔知佢睇唔睇到喇。
靜落嚟, 思緒又開始浮出嚟。


令我困擾H係, 到底個飛行器係做咩野? 佢究竟係邊度嚟,而上次點解要救我, 今次又無? 更加奇怪H係, 出現係上空H傳送門又係咩H一回事?  


我靜靜咁坐係地下喘氣, 除咗攰, 仲感覺到右臂傳一陣冰凍, 係血吧。我默默地想。


下一回: 保護






回覆 引用 TOP

#16 保護
黑暗H走廊處, 充斥著喘氣聲。

「大家……呼…… 無事嘛? 」 阿明問。

大家都表示無事。

「我地休息一陣, 再返上去喇。」 阿明說。 宜家諗返, 成個過程好彩有阿明係度, 佢係大家H領袖, 可能佢年紀比我地大, 大家都聽佢支笛。任務雖然唔算成功, 但我認為係阿明H影響下, 總算謹慎行事。呢個係成熟男士先有H沉穩吧。

我地六人休息咗一陣後, 就收拾放係地下H背囊, 袋等物品。 每一個袋都重得要死, 特別係要上樓梯, 大家爬得頗為辛苦。行到一樓, 向瘦弱HBilly 頂唔順。

上到coffeeshop H樓層,阿明摸黑敲門,對住門講我地返嚟之後,老闆娘拎住蠟燭打開大門。

係火光之下,Lily見到我地個樣頗為開心,但當佢H眼光掃過Billy同埋DorisH時候,眼神頓時銳利起嚟,但只有一瞬間。

「你地快啲入嚟先喇。」Lily說並將大門拉開。

Coffee shop 入面依然係漆黑一片,肥龍將營燈H電源打開,LED燈立刻散發出白藍色H光芒。

我地將行裝放係大廳H檯上面, 老闆娘劈頭就問一個大家都唔想講H話題。

「咦? 柯南….佢呢?」 老闆娘平靜地問。

估唔到佢語氣咁平淡, 我甚至覺得有啲毛骨悚然。 無人想回答, Lily 又問多一次, 肥龍按㩒不住, 決絕咁話佢死咗。 氣氛又是一片沉默。

「哦, 真係可惜….」 老闆娘說。

肥龍刻意咁苦笑咗一下, 就說要去瞓並且走開了。 呢一刻, 肥龍對柯南H死, 係最為心痛H一人吧。

隨後我地簡短地介紹咗Doris同埋Billy。 老闆娘看似 若有所思: 「嗯, 時間都唔早喇。 大家就快啲瞓吧。其他人全部係對面瞓, 好迫, 大家就留係呢邊啦。」

聽後我覺得有點奇怪, 頭先我地係下面咁嘈, 其他人好大機會都會聽到我地返嚟。 同埋全部人過晒去對面瞓? 對面單位空間有限, 點都會有人係呢邊休息吧。 仲有, 得老闆娘一個守夜?

正當我思考之際, 阿明搶先起身 「我要過去搵我老婆同個囡。」

點知, 砰!一聲, Lily 大力拍打木檯一下。

大家被佢驚親, 盯著老闆娘異常H行為。

「你地就係度休息啦! 佢地瞓晒架喇!」 老闆娘命令般H口氣。

「我唔理, 我就過去敲門。」 阿明不滿地說, 然後企起身。

「唔準去!」 老闆娘斬釘截鐵咁講, 語氣激動。

「鵅H」大家錯愕。

「老闆娘, 發生咗咩事呀?點解唔可以過對面呀?」 Mindy 問。

老闆娘自己笑起嚟, 捧腹大笑。

大家都俾佢奇怪H笑聲嚇親, 阿明上前捉住老闆娘膊頭。

「有咩好笑? 你好講清楚! 」

老闆娘停止抽搐, 用手擦一擦眼角。

「會地根本就唔係對面, 你過去都搵唔到佢地。」老闆娘冷冷地說。「放開我。」

唔係度? 點解會咁? 究竟老闆娘對佢地做咗啲咩?

阿明放開咗老闆娘, 退後兩步, 神色空洞。  當我企起身想說話H時間, 窗外突然傳入強光, 我眼睛適應唔到, 突如其來H強光, 只好閉上眼。

「呀…….!」 大家頓時一齊大叫。

我嘗試睜開雙眼, 但強光依然未減,我只係隱約見到老闆娘背住光H黑影。

一下金屬撞地H聲音係我腳邊響起,隨即一陣壓縮氣體充斥住室內,我開始咳嗽。

「咳…!咳…!咳…!咳…!」各人吸入不明氣體後不斷咳嗽,氣體刺激住眼睛同埋鼻腔,我不斷流眼水。

「大家就乖乖地休息下先喇。」我聽到老闆娘冷冷地說。

心口好似俾火燒一樣,好難受,意識亦開始模糊起嚟。 我支撐唔住身體,跪係地下,努力地保持清醒。

「Mindy!咳咳…..」我用盡力大叫,眼睛充滿住淚水。濃煙充斥住coffeeshop就好似一層厚厚霧,我咩都睇唔到。我伸出手,嘗試想搵到MindyH身影。 係地下爬咗兩步,就失去咗意識。




回覆 引用 TOP

.

.

.

.

.

當我有返意識H時候,室外已經有陽光傳入嚟。 我究竟瞓咗幾耐?

我想郁,但係發現雙手被固定咗係椅背,腳踝亦被固定,嘴入裡被人塞住咗,講唔到野。心口突然湧上一陣刺痛,我無再掙扎,環望四周。

其他人一字排開咁坐係_上面,雙手同腳踝被金屬手銬扣住,嘴入裡被塞住一舊白布。我諗我同佢地都係一樣,只係佢地仲未清醒。 Mindy 坐係我右邊,左邊係阿明。我坐係較中間位置。

「嗚!!!!嗚!!!!」 我嘗試叫醒佢地,嘴入裡俾人塞住咗,我只能夠發出「嗚嗚」聲。我點叫都好, 佢地咩反應都無。一陣恐懼感湧上我心頭,我繼續喊叫,期待佢地會醒過嚟。

「咦,Geoff! 果然你係第一個醒返。」老闆娘H聲音傳嚟。佢由玄關行入嚟,然後坐係梳化,我地六人一致排開, 面向梳化。老闆娘身上著住一件實驗白袍,長髮紮成一條馬尾。臉上仲要化埋妝,散發住成熟女人獨有H韻味。佢宜家H形象,同初初認識H時候簡直差天共地。

我嘗試發聲反抗,但根本徒勞無功。

老闆娘見狀,苦笑咗一下「喂! 我建議你老實啲好。你啲朋友過多陣就會醒,呢一點我可以保證。」

佢翹起腿,雙手交叉咁坐係梳化。

「我知你有好多問題問。不過咁,我都係打份工。一陣等你啲friend 醒返,我就一次過講我要講H野。呀….,同埋為免大家一陣唔專心聽我講野,我唯有塞住大家把口,唔好意思喇。」

老闆娘究竟係咩人? 點解佢要綁住我地,同埋本身留係coffee shop H人到底去咗邊?

有另外一樣野,我比較在意H,係點解佢會覺得我會係第一個人醒? 佢好似講到好有把握咁樣。

「不過係佢地醒之前,我都有野想單獨同你講。」老闆娘淡淡的說,宜家H情況根本就只有佢講,無我講的份。

老闆娘將上身傾前,雙手合十放係嘴唇邊「Geoff, 你覺得點解會有怪物出現?」老闆娘講完之後,雙眼銳利咁望向我。

我有一種俾佢眼神刺穿H感覺,只能夠睜大眼睛。 如果我講到野,我一定會以一句「鬼知咩!」還擊。

老闆娘輕輕咁笑咗聲 :「你一定係諗緊,鬼知咩,係唔係? 不過咁,為咗獎勵你咁叻仔早咗瞓醒,我可以偷雞講多少少野俾你知。」

老闆娘再次調整坐姿「我同你講,我唔係呢個世界H人。呢句係真話,亦只係字面上H意思。信唔信就只係取決於你本人啦。」

老闆娘試探性地看著我H反應, 好似睇得津津有味咁。

不過佢指唔係呢個世界H人, 姐係點。 唔通係外星人? 穿越時空嚟? 我腦海入面浮起好多科幻電影H情節。

「我唔係咩外星人……」

佢好似睇穿咗我諗緊咩。

「我係無花無假H人類, 不過咁, 點解得你地無變做怪物呢件事, 你有無諗過點解?」 老闆娘舔舔嘴。

我真係有諗過, 但係唔知答案。

「其實係我地一直保護緊你地。 你地係我地選中H實驗對象, 而你地幾個可以生存到宜家, 應該要好好向我感恩。我地一早就做咗某啲措施令你地唔會變成怪物。」

保護? 聽起嚟好荒謬。

老闆娘由梳化企起身, 走向我。 佢係我面前停低, 上半身傾向前, 輕輕係我耳邊說 「你條命仔都係因為我, 先至保得住。」

老闆娘H香水味好濃, 令我有啲唔舒服。 佢講完之後, 用食指按住我額頭「記唔記得個日係街上面, 㩒住你個三隻怪物? 係我殺死佢地, 救返你架。 嚟!快啲同姐姐講聲多謝喇。」

老闆娘H氣色令我頓時耳仔發麻, 起晒雞皮。 佢點救我? 唔通架飛行器係由佢控制H?

老闆娘係我耳邊講完野之後, 手指沿住我額頭,一路掃到我下巴 「仲有, 你確定你班朋友係好人? 佢地根本就係自私同怕死, 可憐你地幾個為咗佢地出去冒險搵野食呀。 我幾欣賞你地幾個架, 真心。」

老闆娘又靠近我臉頰, 目光正視著我 「佢地見到街上面突然出現咗好多怪物, 就以為你一定死硬! 哈哈, 但係根本無一個人諗住落去救你地。 你話, 人性幾咁醜惡。」

唔通佢講H係事實? 我唔相信係咁。

「好喇, 時間有限, 我差唔多要叫醒你啲朋友喇。 好好地消化我講H野喇。同你傾計我好開心, 我好希望嚟緊仲有機會同你吹水。 」

說畢, 老闆娘輕撫著我臉頰。 我本想躲避, 但係佢仍然無視我H反抗, 伸手撫摸。

我唔知道有咩含意, 但係佢講呢啲野俾我聽係為咩?  不過幾乎可以肯定H係, 出面有人類變成怪物呢件事, 佢肯定有份參與。

佢遊走係我臉上H手停下來後, 就坐返係對面梳化, 仍然面向著我。

老闆娘由口袋拎咗一個銀色H平板出嚟, ipad 咁H款。 佢㩒咗幾下, 突然窗外傳出爆炸聲音, 窗戶被炸個粉碎, 麈土飛揚。

其餘H人究竟無被巨響嘈醒, 最靠近窗口HBilly 已經成身灰塵。

Coffee shop H外牆穿咗個大窿。 係粉麈當中, 有一個黑色正方體飛咗入嚟。

又係飛行器。唔通老闆娘當日係遠處控制住佢, 救咗我條命?

佢飛近老闆娘, 係老闆娘頭頂一米上空停留。 我估係兩邊H引擎不斷向下噴出氣流, 所以先可以停係半空吧。 不過呢件機器異常咁靜, 唔知動力或者能量來源係咩, 簡直係外星科技。

「好喇, 叫醒晒你啲朋友仔先。」 老闆娘佢自言自語, 手指操作住平板。

「Geoff 你唔好貶眼呀。」

飛行器下方伸出一把銀色H槍狀物, 及後槍口裡噴出一枝銀色飛鏢, 精準地打中Mindy 左肩。

Mindy 中鏢後, 輕輕呻吟咗一聲。

我盯住老闆娘, 佢只係微笑 「你個女朋友仔好快會醒返喇。唔洗啤住我喎!」

飛行器再射出四枝飛鏢打中其餘人H左肩, 各人中鏢後, 意識慢慢地恢復過嚟。

Mindy 醒後, 神情慌張, 不斷咁掙扎。 我嘗試用表情叫佢冷靜啲, 當佢見到插係身上H飛鏢,更加驚到要喊出嚟咁款。

「喂! 小姐,冷靜啲。我無放咩毒藥俾你,你就乖乖地坐係度啦!」 老闆娘冷冷地說。

Mindy 聽到老闆娘H說話,開始冷靜落嚟。眼神放空咁樣望住我。

其餘H人開始陸續醒來,所有人起身個下都會掙扎一番。老闆娘足足用咗十五分鐘,先將所有人冷靜落嚟。

「好! 大家俾15分鐘左右我講野就可以,唔會阻大家好多時間。」老闆娘滿意地說「係我走咗之後,你地個手銬會係1 分鐘之後自動解鎖。不過係我走之前……..」

老闆娘係白色實驗袍H口袋裡面抽出一到黑色粗框眼睛,然後戴上。

「同大家解釋下,係Stage two你地可以點樣自救。」

Stage two? 咁Stage one 係咩?

老闆娘按一按眼鏡框,繼續說「係Stage One 留落嚟H生還者,係第二階段可以有一個被拯救H機會。」 老闆娘H語氣似係照稿讀。

「組織係全港安排咗六個撤離地點,以你地宜家H位置嚟講,最近你地H係紅磡碼頭,坐標係: 22°18’01.0″N 114°11’21.4″E,步行距離大約為 2.8km。」

「你地仲有72小時H時間,係三日之後H正午十二點,組織就會安排到達目的地H生還者撤離。 如果未能夠係預定時間前到達撤離地點,將不會再獲安排撤離。」

「有多一項資訊可以話俾大家聽,宜家香港H人口,根據我地H數字,係二千一百五十一人,而全世界H人口大約係二千萬人左右。」

香港得返二千人? 其他人一係死, 一係變晒做怪物?

老闆娘望一望我地幾個反應後, 重覆將頭先H資訊講多一次。

「….., 工作人員有權為生還者提供物資。」

「電腦, 開啟G654 權限。」 老闆娘自言自語, 佢副眼鏡應該係電腦介面, 鏡片反射住閃閃藍光。 我不禁覺得成件事好型。

飛行器有所反應, 底部伸出一把灰色H槍。 突然槍手噴出一道彩光, 光芒係一米外散開, 打開咗一個白芒芒H旋渦。

我一定無眼花! 呢個閃閃發光H旋渦就係當晚係半空出現H「結界」。閃閃白光照得室內非常光亮, 我不得不眯起雙眼。

一個黑色盒係傳送門入面跌出嚟, 掉係地上。

「就當係我送俾大家H禮物啦。」 老闆娘除下眼鏡 「希望你地可以去到碼頭喇, 盒入面H野應該對你地有幫助, 我睇好你地呀。」

說畢, 老闆娘企起身, 走向傳送門。但係進入白芒芒H旋渦之前, 又回頭對我地講

「呀… 可能你地會關心你啲朋友。 對唔住, 我尋晚講大話, 佢地並唔係對面單位。 我見佢地無咩求生意識, 出去外面實好快俾人ko。 所以我傳送咗佢地去何文田附近, 比你地更近目的地。 所以, 你地想見返佢地H話, 就快啲趕去碼頭喇。後會有期。」

老闆娘講完笑咗笑, 然後頭也不回咁行入結界。飛行器亦跟住飛入去, 結界亦隨之消失。

我地六個人茫然咁坐係度, 你眼望我眼, 無野可以做, 只可以等手銬解鎖H一刻。

老闆娘H說話, 一時之間好難消化。 我回想起佢話佢並唔係呢個世界H人, 咁佢究竟屬於邊一個地方或者空間?

點解佢唔講清楚啲, 我默默地想。我握緊拳頭,指甲都快要陷入手心了。

下一回: 明偵探

回覆 引用 TOP

[隱藏]
#17 明偵探

老闆娘消失後無耐, 手銬果然自動解開。我將塞係口入面H布拎出嚟, 其餘H人亦都解開束縛。

各人H樣子都有啲吃不消H感覺, 特別係阿明, 佢仍然坐係_上面, 若有所思。

「喂,你地睇唔睇到? 個女人就咁就消失咗,好型呀!」 Billy 雙眼發光。 Billy 係呢個時候都係好on9。

「係好型呀,不過老闆娘究竟係咩人?」 肥龍問。

「鬼知咩! 不過佢幾靚囡….」 Billy 講得好興奮。

我無奈咁睇住佢地兩個講啲無聊野。 不過老闆娘單獨同我講H說話, 應該係暗示緊啲野。佢提到「 組織」 , 亦都提過佢打份工。 意即佢係受雇於某個組織或者機構? 而呢個組織就係成件事H主腦? 呢個係我現時H推理。

「Geoff, 你無事嘛?」Mindy H聲音將我拉回現實。

我緩緩點點頭, 可能Mindy 同埋Doris 企係我面前有一段時間, 只係我無察覺到。

「你隻手又整親啦?」Mindy 扁著嘴嘟噥, 捉起我右手手臂。

「嗯。唔緊要, 都無流血。」 我已經唔記得咗手上H傷, 何況已經唔痛, 只係留低一條長長H疤痕。

Mindy 投以一個責怪H眼神, 我只能無奈地笑。 見住Mindy 不斷轟炸我唔小心呢啲咁滑稽H場面,Doris看在眼底裡, 佢亦只能會心一笑, 完全無插嘴H空間。

「你地……,」 阿明突然出聲, 聲線低沈。 「你地……, 信唔信老闆娘H說話?」

老闆娘H說話確實毫無真實感, 不過老闆娘又真係做到好多超現實H事。佢說話H可信性根本無從稽考, 我估家明擔心H部分係小V 同埋Kit 吧。

「嘩! 佢咁勁, 好可能成件事都係佢搞出嚟。唔信佢可以信邊個。」 Billy道。

「Billy, 你唔俾佢就係鐘意玩我地架咩?」 我開玩笑般反問。 然後再轉向阿明 「老闆娘H說話, 但願係真喇。 我相信留係度班人會無事H。睇佢H眼神,佢唔似講大話。同埋,我地宜家都只可以希望佢無講大話。」

阿明無奈地點點頭 「只可以係咁喇…..。」

「不如我地睇下對面單位先? 起碼可以驗證佢部分H說話。」 我提議。

眾人亦無異議, 劏房單位門無鎖。 我地入屋後, 已經係人去樓空。 起居H痕跡仍然係度, 大廳H檯上面有一啲食剩H食物。

「水杯入面仲有水, 有啲袋仲係度, 應該走得好趕。」 我說。

阿明蹲係大廳角落, 佢城_掉起地上一個手掌左右大小H毛公仔, 沮喪地說:「係小V 最鐘意Hminion 公仔。」

阿明頹然地企起身, 我本身想講一兩句安慰說話, 好快又打消念頭, 因為係呢個時候阿明唔會聽得入耳吧。

「我地如果要去碼頭H話, 就要好好準備起程喇! 」 Mindy 打破沈默 「 我地去睇下老闆娘俾我地個箱入面係咩都好, 可能會有線索都未定。」

Mindy 向我打個眼色, 我亦跟上佢H步伐回去coffeeshop。

其餘H人都跟隨住Mindy過返coffeeshop, coffee shop 外牆被打開一窿, 非常光猛。

首先引起我注意就係留係地上H金屬手銬。我係地下拎起一個研究, 其餘H人好似對手銬唔感興趣, 只係走過去黑箱附近。

手銬以一種黑色金屬打造, 硬度應該好高。 手銬兩邊環狀因為已經開鎖, 只剩下半圈。 令我在意H係, 連接手銬兩圈H接駁位, 上面有一個細小液晶屏幕閃爍著,。

藍色屏幕上閃爍著白色字體, 屏幕上顯示著細小H英文字 「unlocked after quantumtransfer 」。

「量子傳送後解鎖」? 量子傳送係指令老闆娘消失H結界吧。 如果老闆娘係被傳送走H話, 咁佢又去咗邊?

「我唔係呢個世界H人.....」 佢係咁樣講, 意思係佢用所謂H量子傳送, 返去自己H世界?

我反轉手銬, 背面並無任何裝置。 只係有一細行字, 刻咗 「made in USA」。

「美國貨……」 我喃喃地道。直覺話我知可能有用得著H地方, 我將手銬收入背囊, 再加入其他人。

「喂, 個盒入面有咩?」 我企係人群後問, 佢地蹲係黑盒前, 貌似討論緊。

「Geoff,我地唔識開呀。」Mindy 回頭答, 樣子尷尬。

「, 睇過….」 我邊說邊湊近黑盒。

黑盒H外貌同飛行器H機身近乎一樣, 只係兩邊無引擎。 黑色H正方體大約每邊一米闊, 向外H五面都係平滑H, 無任何凹凸不平, 又或者鎖, 掣之類H物體。

「奇怪….」 我自言自語。

「會唔會佢專登玩我地? 其實根本咩都無咩有用H野留俾我地,只係浪費我地時間。」 肥龍道。

「不如我地反轉佢睇下? 地下個面我地未睇。」Billy提議。

「嗯,都好。」 我和議,然後Billy 嘗試用力反轉箱子,Billy出盡奶力都推唔郁箱子,我唯有加入幫忙。我地兩人合力抓緊箱子一邊用力向前推,箱子向外轉咗個九十度,先前朝向地下個面宜家出現係眼前。

呢一面同其他盒子H平面唔同,正中間有一盞白燈閃爍著。細看之下,好似係一個著住白燈H掣。

「會唔會係陷阱?」Billy 問。

大家舉棋不定,因為大家怕老闆娘會玩野,撳完掣會爆炸都未定。呢幾日在有太多令人不解H事情發生,我都變得多疑起嚟。

不過人類H天性,見到掣係會好想撳。我即刻諗起去機舖,就算無入錢玩,見到遊戲機上面H掣都會手癢撳下。我地幾個望住個掣閃下閃下, 手指蠢蠢欲動。

「不如等我嚟喇, 大家退後。」 Mindy 伸手欲試, 但被我捉住。

「等我嚟喇。我估老闆娘唔會水我地H。」 我說。Mindy 猶豫咗一陣, 然後點點頭。

眾人後退兩步後, 我伸手到按鈕前 「嗱, 我撳落去啦!」

我按下按鈕, 箱子傳嚟「噠」一聲。箱子有按鈕H一面突然打開,裡面亮起藍光。 黑箱H正中間,有一個金屬架。上面掛咗六枝銀色H手槍,外形同飛行型伸出嚟個啲差唔多。

我拎起一枝, 純銀色H表面非常光滑, 手柄處夾上木造H防滑面, 幾好隊漶C 正當我疑惑緊點樣用H時候, 黑箱傳嚟一把由電腦合成H女聲。

「武器編號,MH 2898, Silver。 此型號為物理性武器。 注意: 拉開保險桿後, 請小心走火。詳細資料, 請參考內附的說明。 重覆…. 」
以上H內容又再重覆。

「講多無謂, 不如我地試下佢。」Billy 興奮地揮舞著手槍, 嚇到Doris 彈起。 Mindy 瞪著Billy示意佢唔好亂玩 ,  Billy 唔好意思咁笑一笑, 將手槍指回地面。

我再次仔細望望手槍, 老闆娘所指H禮物就係呢樣吧。銀色H槍管末端, 有一個與左輪手槍相似H桿, 呢個應該係保險桿吧。 呢樣野夠唔夠力量殺死怪物真係要試過先知。

回覆 引用 TOP

「原理應該同普通槍無咩分別, 我地試下喇, 大家要出去H話點都要識用。」 阿明無奈地說, 挺起來, 走近被破壞H外牆。

「大家唔好靠得太近。」 阿明說畢, 舉起手槍對準外面, 拉下保險桿。

「唔知會唔會好嘈呢?」 阿明喃喃地說, 隨即扣下板機。

「蕉!」 一聲, 子彈跳出, 異常地安靜, 恍惚加咗滅聲器。

「嘩! 堅野! 唔怕嘈。 唔知道有幾多子彈呢?」 阿明道。

「十二發。」 肥龍突然出聲, 手上拎住一張紙。

「箱入面有說明書.....上面寫住: Twelve bullets.」

阿明點點頭 「有無彈匣?」

「說明書寫有, 不過箱入面無佢所講Hrefill。」 肥龍低頭研究著說明書。

「每人有一枝真係體貼。」 阿明吐嘈 「點都好, 我一定要出去搵老婆同阿囡, 希望大家可以一齊趕去紅磡碼頭。唉, 大家就休息下先出發喇, 我估宜家大陽咁猛, 怪物都會好活躍。」

阿明講完之後, 就獨自走向梳化坐下, 雙手抱著頭 。

Mindy 憂心地問我 「阿明…., 佢無事呀嘛?」

老婆同個囡下落不明,佢話無事我都唔相信啦。 我只好聳聳肩 「俾少少時間佢先啦,我陣間同佢傾下。」

Mindy 點點頭 「重視H人唔見咗, 一定好痛苦。我都好掛住小V…..仲有..」 Mindy 遲疑, 無再講落去。 佢向來重視關係, 我估都係想念家人同朋友吧。不過諗起小V 俏皮H面孔, 我都有啲戚戚然。

「呢幾日發生太多事….., 我有啲接受唔嚟。」 Mindy 語氣聽起嚟帶點落幕。

「嗯, 好難會覺得係真實吧。」 我說 「基本上我地都被蒙在鼓裡, 老闆娘實知道啲野, 只係佢選擇唔講。話時話, 係我暈咗個時, 你覺得老闆娘有無古怪? 」

Mindy 搔搔頭, 再用食指按住下巴 「其實無咩特別呀, 都叫照顧我地。不過係你暈咗H時候, 嗯…點講呢, 都係我個人感覺喇。佢好似比其他人關心你H情況咁。」

「?」 我不解 「點解咁講?」

「可能係我H錯覺啦, 因為其他人都會有少少怕你變做怪物嘛。 點都會減少同你接觸, 更何況你同老闆娘識咗無耐。佢無咩刻意避開過同你接觸, 仲主動問過我關於你H事。雖然大部份係啲無關痛癢H問題。」

「佢問過啲咩?」 我好在意。

Mindy 偏著頭, 回想著幾天前H事。

「都係問下你返工做咩呀, 有無兄弟姊妹呀, 我地點樣認識個啲啦。」

「嗯, 仲有無啲問題, 你係覺得印象深刻啲架?」 我問。

「呀!」 Mindy 突然睜大眼睛。

「諗起啲咩?」我湊近Mindy。

「佢有問過我, 你有無咩遺傳病。」 Mindy 激動地說。 「你唔覺得呢個問題好奇怪咩? 邊會有人會問啲咁H野!」

遺傳病? 會問呢樣野確係好另類, 難怪Mindy 會留有印象 。

「咁你點答佢?」 我追問。

「我答佢應該無喇, 你都無提起。 色盲個啲男人最常見H遺傳病你都無。」Mindy 認真地回答。

我點點頭, 佢咁問應該係有佢H原因。 不過遺傳病又有咩關係?  佢好似對我H身體好關心,又或者, 我昏迷會唔會同老闆娘有關?

「有咩問題呀? 」 Mindy 問。

「無咩, 純粹好奇。」 我回答。「不如你都休息下先, 換下衫褲喇, 難得我地拎咗咁多衫。」

Mindy 好似完全唔記得咗咁, 高興咁拉起 Doris 話要佢陪住一齊換衫。我無奈咁笑咗笑, 就走去搵阿明。我一直都想同佢傾一傾, 畢竟佢係一個沉穩H人, 對老闆娘H事可能有其他推理都唔定。

我係背囊拎咗一枝樽裝水, 遞向阿明。

阿明抬頭, 微微笑咗一下, 伸手接過水樽。

「你還好嘛? 雖然我咁問好廢。」 我邊講邊坐係佢隔離。

「嗯…, 有心。 」 阿明凝望住握係手上H水樽, 應該係度思考緊。

「係呢? 你點睇老闆娘H事? 佢之前有無咩古怪?」 我問, 直入主題。

阿明搖頭 「我頭先都有回想過, 無咩特別。 所以俾佢綁住個時, 我都好驚訝。」

阿明打開水樽, 飲咗啖。「基本上, 宜家諗返, 佢唔正常H位, 只可以話佢太過好人。」

我不禁抽一口氣, 呢個答案意想不到。

「嗯, 我加入你地之後, 佢一直都好熱心幫我地一家人。 雖然好人唔係無, 不過佢熱心H程度唔似一個做生意H人。 咁講好似好衰咁, 你地當然都係好人, 但試諗下, 佢可以當coffee shop 係私人地方, 唔俾你地留係度。 養咁多人,
食物又係佢先前買落, 照道理係呢啲生死攸關H情況,唔會咁樂意同人分享。 」

阿明又飲一啖水「 不過呢啲都係馬後炮, 無咩意思。」

我點點頭。

阿明嘆一口氣 「我好掛住我老婆同小V , 就算老闆娘呃我, 可能去到碼頭都見唔到佢地都好, 我都要去。 呢個係我唯一H希望。」

「嗯,我地都無選擇吧。」 我喃喃地說。

「不過我有啲唔明, 到底成件事係有人操控定點? 好明顯老闆娘H科技係外星級別, 佢地有能力令到人類變做怪物都未定。 如果成件事係佢地搞出嚟, 我好懷疑佢地做咩無啦啦扮好心, 話有個撤離點? 點解到宜家先行呢一步,唔早啲話俾我地知? 我地仲傻傻地咁同佢相處咗幾日。」

阿明H問題, 我同樣有疑問。 去到碼頭真係代表會安全? 其實諗真啲, 根本一啲保障都無。

「Geoff, 我呢, 細個讀書唔叻。 好早讀完中學就出嚟做野。 之後就去咗做裝修師傅,好多人都睇唔起我, 包括我啲親戚呀,屋企人呀。成日都話我無用, 讀唔成書。直至遇到我太太…..」

阿明一講到佢太太, 眼中好似出現一道光彩。

「我地係中學同學, 不過畢業之後無聯絡。 我地相遇返係因為佢屋企裝修, 佢做咗我個客先遇見返佢。呢啲可能就係緣份掛。  佢畢業之後, 原來去咗做室內設計,所以我地話題開始多起嚟。之後就開始拍拖, 佢一啲都無介意過我讀書少, 佢仲話有好多人雖然讀好多書, 但係心地唔好又或者只係留於紙上談兵。佢話都係我呢啲落手落腳做野H男人更加吸引喎。都唔知係唔係安慰我啦。」

阿明苦笑 「我都唔知點解講呢啲野。 不過佢係最了解我H人。Kit 一向都好理解我H性格, 所以之前話要同你地出去搵食物, 佢無反對同阻止。 因為佢向來都好尊重我。 」

我恍然大悟,當時我都唔明,點解Kit 對阿明出去冒險都無阻止又或者好傷心。佢地之間H感情真係好深,唔係支配對方,而係對對方完全H信任。

阿明突然同我透露身世, 我只係留心聆聽。人H心理真係好得意, 有時同一個唔熟H人反而能夠更容易敞開心扉, 因為陌生人係無咗「關係」呢一種顧慮。同認識H人往往好難講到心底說話, 特別係年紀愈大, 壓抑咗H感受更加難搵對象傾訴。

由於我工作關係, 都會上一啲輔導有關H課堂。 不過向來我覺得個啲野都流於理論, 人與人之間要溝通得到, 並唔係有理論就夠。 所以好多時間, 學咗H理論好快就會唔記得晒。

「搵到一個了解自己H人係件幸福H事。」 呢句係真心話, 講H同時腦海出現咗MindyH樣子。

「哈哈, Mindy 唔錯呀!」 阿明終於顯得開懷。

「我呢啲毒L , 這些機會不是我的。」 我無奈地說。

「唔會喇, 你偽毒之嘛! 」 阿明開玩笑咁講「你地好襯呀。」

我白眼。

「不過咁, 我覺得你好叻。真心。」 阿明唔知幾時開咗包餅, 咬咗一塊。

「鵅H」 我錯愕。

「你感覺你心地係好個啲。 聽阿Mindy講, 你係NGO 做。 以你呢啲大學生, 屈就你喇。 你肯做,應該都係一顆熱心咁去做喇。 宜家啲人大多都係向錢看, 如果你唔係專業人士又或者做好賺錢H工作, 啲人根本會覺得你無料。 」

「又唔係H, 都係打份牛工。」

「大概聽過Mindy 講, 你去做性教育呀, 幫人檢查個啲。 我覺得好好呀! 你父母應該高興個囝咁生性。」

「多謝….., 我屋企人唔係咁諗啦。 話份工無咩前途….」

「你自己鍾意就得喇! 」

我點點頭, 一時諗唔到點回應。

「多謝你!同你傾完心情好好多喇。 」 阿明突然企起身 「係時候休息下, 準備出發!」

阿明向我點頭, 就去整理地上H物資。

此時, Mindy 同Doris 已經換好衣服向我打招呼。 Mindy 換上咗一件寶藍色T shirt , 黑色長褲。 Doris 都係黑色長褲, 唔同H只係T shirt 係粉紅色。

「你好臭! 快啲去換衫, 幫你揀埋喇!」 Mindy 皺起眉。

我無奈地拎起Mindy 俾我H衣物走向廁所, 我望到Doris 偷偷咁笑。 唉… 俾Mindy H霸氣食住, 真係無用。
我走入廁所, 基本上黑到咩都睇唔到。 憑感覺換好衣服, 就快步回到大廳。

甫出廳, 就傳嚟阿明H聲音, 佢似係研究緊個黑色箱。

「大家快啲過嚟睇下! 」 阿明驚呼。

大家聽後走過去。 當見到黑箱入面H「畫面」, 大家都不禁凝住, 俾唔到反應…..

下一回: 進化

回覆 引用 TOP

#18 進化

(THEN)

我快速地按著手掣上H按鈕。 剛剛買咗 「fallout 4」 , 一返到宿舍就緊不及待入碟玩。 肥龍知道咗我買新碟, 就話想上嚟睇我玩。

我控制住遊戲中H主角攻擊一隻怪物,角色剛剛創造,唔係太夠打,戰鬥陷入膠住H局面。

遊戲H背景係核戰之後H世界: 人類人口大減, 文明受到威脅。 核戰留落嚟H輻射更加令到地球上H生物異變成各種各樣H怪物。

「頂! 臨尾香!」 我駡, 遊戲中主角死之前, 怪物只剩下一滴血。

肥龍大笑, 然後搶走手掣。

「嘻嘻, 等我嚟試下。」 肥龍按下 start over, 主角又在安全屋重生。

肥龍打機H反射神經比我好, 遇上同一個關卡時, 打得相對輕鬆。 打到中途, 肥龍用一枝火箭炮近距離一嘢轟落隻怪物身上。爆炸波及主角, 最終同歸於盡。

我睇到呆咗 「喂! 玩野呀!又要重頭嚟過!」

肥龍傻笑, 好一陣子先停落嚟。

「睇嚟我地卡關了!!!」 肥龍用達哥H語氣講。

「唉…早之自己毒毒地打機好過,話俾你聽攸咩。」 我吐糟。

「開心share 嘛!」肥龍笑說, 然後又按下start over。

「你睇下, 成條街都係怪。 我地今晚有排打…..」

——————————————————–

(NOW)

阿明從黑箱之中, 取出咗一個ipad 之類H平板螢光幕。屏幕好似CCTV 咁分開四格, 下面有字寫住拍攝H地方, 鏡頭分別影住香港四個唔同H地方。

不約而同H係, 每一格都播住怪物殺害途人H血腥畫面。 我盯住左上角, 鏡頭影住銅鑼灣時代廣場對出, 一群怪物係街上亂跑。 有啲怪物將途人成個撞飛, 有一啲追上逃跑緊H途人, 就將其撲倒, 就地咬死,撕開身體。平時熟悉H街道, 頓時變成人間地獄。

雖然片段無聲音, 但係我恍惚聽到到嚎叫, 驚恐H聲音係我腦中響起。

其餘三格分別係旺角女人街, 沙田市中心, 同埋荃灣市中心。 呢三格我已經無意欲再睇, 不過畫面偶爾會放大, 鉅細靡遺咁影底怪物殺害路人H過程。

我實在頂唔順, Billy 已經開始埋怨阿明叫大家睇啲咁H野。 我睇睇身邊HMindy 同Doris , 佢地驚到瞇起雙眼, 肉緊咁捉住大家手臂。 Doris 左手不經意捉住我手臂, 阿明將屏幕反轉後, Doris 先意識到捉住咗我。

「唔好意思!」 Doris 趕忙縮回手臂。 但我前臂被佢H指甲深深陷入皮肉, 留下咗四個半月型H紅印。

我笑說無事, 但 Doris 仲好介懷, 樣子不知所措。 Mindy 之後恥笑我經常自殘, 先令Doris 無咁緊張。

「段片, 點解要俾我地睇? 」 阿明問。

「鬼知咩! 我宜家唔想見到啲怪物。 太陽唔落山我地都唔好出去。」 Billy 道。

「似係爆發當日? 宜家條街邊有咁多人走嚟走去。」 肥龍說。

「似係。 仲會zoom 鏡頭, 好可能係佢地用機器係半空拍出嚟。」 阿明分析著。

「宜家仲有無野睇?」  Mindy 問。

阿明又瞄著屏幕睇, 佢邊睇邊講 「無, 似係不斷重覆。奇怪, 上面一粒掣都無。」 阿明仔細研究著平板。

屏幕播啲咁H野, 應該係特登俾我地睇吧。 按老闆娘H說話推斷, 就先假設呢場災難係有組織係背後操控, 咁佢地做H所有野應該有某個目吧, 除非佢地特別鍾意見到有人死喇,所以我比較相信佢地俾呢段野我地睇唔係咁單純。而老闆娘一伙人H目的雖然未明, 但至少知道成件事唔係偶然, 而係有「人」係背後安排。我諗起肥龍之前H一句說話, 又諗起飛行器, 心中開始有個假設......

「唔通特登想嚇我地? 」 阿明說, 放下手上H屏幕 「你地諗下, 嚟緊我地就要去所謂H撤離點。 一方邊又俾希望我地, 一方面又嚇我地, 唔係自相矛盾咩?」

「係囉, 點解唔就咁救我地走? 要搞咁多野。」 Mindy 說。

「嗯,感覺完全係俾人玩緊。」阿明無奈咁講 「我地夜少少再行動喇,宜家我地休息下先,我地……下午三點先再傾下啦。」

我本身想同大家討論下,會唔會有日光H時候出去對我地更加有利,一來我地視野會清晰好多,二來我地就賭一賭怪物視力唔好呢一點。雖然知道咗深夜怪物會休息,但係矛盾在於我地夜晚行動亦係諸多不便。

我無出聲,畢竟大家精神上都好攰,休息一下再討論亦無妨。

「Geoff, 幫手整個簡單H午餐,好嘛?」Mindy 問。

我地一齊入咗廚房,Doris 隨後亦加入。我地三個人合力將廚房H食物拎晒出嚟,可以存放H食物, 例如罐裝食品就先收好。 我地再用之前H食材簡單咁煮咗個飯。過程發現,原來Doris 煮飯有板有眼, Mindy同我都極為驚喜。

大家簡單咁食過飯, 我就襯機會將我H諗法講出嚟。

「嗯,你咁講都有道理。 就算好似上次返嚟咁,月亮已經算光,行起上嚟都幾辛苦。何況今次要行H距離長咗咁多….」阿明又陷入苦思。

「不過,唔等佢地瞓就出去H話,我地實死都似!」 Billy 真心驚。

大家聽完Billy H說話,一粒聲都無。 大家都怕俾怪物追住嚟咬吧,剛剛平板上播放H影片,又再浮現係腦海。

情況確實係兩難,阿明並無答案,只係話過多陣再傾。 我估阿明想有啲空間好好思考對策,再同我地幾個講吧。

無手機玩H日子,時間好似過得特別慢咁。城市生活,令人習慣永遠都唔想停落嚟。或者係空閒H時間會讓人感到自身H空虛,所以城市人都會安排到每一秒都有啲野做下,咁樣個人先會舒服。

無聊H我就只可以搵人吹水,但係肥龍同Billy 向來都好鐘意瞓,同佢地兩個傾咗陣無聊野就話眼瞓,話要就走去對面劏房瞓覺。我只好無奈咁同佢地過去,我是但揀一間無人H房,連門都無閂就攤係床上面。

我根本唔眼瞓,思緒一直停唔到落嚟。不知怎地,老闆娘H說話又再響起。

「佢唔係呢個世界H人….」 我回憶著。

我閉上雙眼, 突然聽到一下撞擊H聲音。

「Geoff….你係邊呀?」外面傳嚟Mindy H聲音。

「我係度呀。」 我喊,然後起身走出房間。

係走廊同Mindy 打個照面,Doris 跟係Mindy 身後。

「搵我咩事呀?」我問。

「有啲野想叫你過嚟睇。肥龍同Billy 呢?」Mindy 說。

「佢地瞓緊。」

Mindy 「哦」咗一聲 「咁唔理佢地喇,你跟我地過嚟呀。」 Mindy 講完就邁步向前。

返回Coffee shop,明到阿明企係窗邊。

「我地有啲有趣野俾你睇。」Mindy 淘氣皮地說,然後拉住我,行過阿明身邊。樣子興致勃勃。

「Yo, Geoff 你過咗嚟喇。你睇下下面。」阿明說。

我望一望腳下,發現有一群怪物係正coffee shop 樓下,數目大約有十二隻。佢地漫無目的,迫係同一個位,明明四周好多位企。 我望望阿明,見到佢手上隋磾荌鈰s玻璃瓶,我大約估到佢做緊咩。

「你引佢地過嚟H?」 我問。

阿明點點頭「醒目,頭先我一直思考緊你個提議。其實係恆量邊個時段行動, 對我地take H risk係最細。所以我就想睇下, 啲怪物係日間會有幾活躍。夜晚H話,我地尋晚都親身經歷過,所以唔洗試。 不過掟樽呢條橋唔係我諗架喇。」 阿明望望Mindy 。

Mindy 招積咁舉起V 字手勢 「嘻嘻! 掟樽係我諗H, 不過其實係Doris 提醒我喇!」

Doris 聽到自己個名有啲錯愕, 怕醜地低著頭。

Mindy 對住Doris笑一笑「係佢鼓勵我地與其憑空諗, 不如做個實驗測試下。 嘻嘻, 所以我先會諗掟樽個idea。」

睇嚟Doris 同Mindy 相處得不錯,Doris 亦都信任Mindy。

「嗯, 膽粗粗就試下。 本身樓下有四隻怪物, 一聽到個樽落地, 就衝過去。 連帶附近H怪物都跑咗埋嚟, 佢地跑H速度都係好Q快呀。 成隻獵犬咁快, 就同我地之前睇無咩分別。我懷疑佢地都唔洗點食野,你諗下,過咗咁多日都仲咁Active。」

阿明掟出一個啤酒樽, 不過落點為遠離怪物群H右邊。啤酒樽粉碎H聲音驚動咗腳下H怪物, 玻璃瓶落地不久, 怪物已經蜂擁而至。

「同狗仔玩飛碟差唔多。」 阿明無奈咁講, 又拎起啤酒樽用力掟出去。 落點大約係右邊H十字路口, 怪物一支箭咁衝埋去。

一諗到佢地本身係人類, 宜家變成只能夠根據本能行事, 心裡有啲唔舒服。

「佢地視力係點就試唔到。不過咁, 起碼知道如果係有太陽H時間行, 可以用呢招。 我地有用槍旁身, 應該會好過上次去超市H。所以我覺得行動H時機係why not both 。」

阿明聳肩「我已經唔識考慮風險喇, 好似到頭來一定會有突發事情。 所以我建議凌晨行動, 等佢地瞓咗之後我地就慢慢前進。 未到達目的地H話,就搵地方我地上午休息下午時間再行動, 日光足夠H話, 我地步伐會快啲。 有怪係附近, 就整啲聲引開佢地。點睇?」

「我無異議,不過我地行咩路線?」我問。

「我未諗呀,不過你地點睇? 應該係一路向東行…..可以由海邊…」阿明交叉雙臂思考。

「不如…..」 Doris 羞澀H聲線傳嚟 , 好少聽佢係咁多人面前講野, 我有啲意想不到。

「我地唔好行星光大道? 海邊應該原本就好多人。 所以會有好多怪物……同埋係個邊一有怪物就無地方走……」 Doris 聲音有啲沙啞, 應該仲未習慣同大伙人相處。

Mindy 拍一指Doris 膊頭 「Doris 講得好啱呀, 所以我地沿住內街行去?」

阿明點點頭「我地出到彌敦道, 沿住柯士甸道行。 到時街上面H情況可能會令路線有變, 不過大致上我同意唔係海邊行去。」

「你話我地遊過去等唔得? 」 我問。

阿明聽後有啲驚喜 「嗯, 咁有趣? 我地唔知怪物會唔會游水喇…..」

「又係….佢地識游我地就gg。 」 我承接著阿明H說話。

「好, 咁暫時我地都叫有個方向。宜家都成三點, 大家想一陣就出發? 定係等到凌晨?」

「我地今晚先出發怕唔怕趕唔切?」 Mindy 問。

由呢度行去碼頭, 俾著係以前,步行一個鐘頭咩都到。但宜家出面充滿住怪物, 移動速度真係好難預計。

「我真係唔知。」 阿明無奈咁搖頭。

Mindy 無力咁望向我, 睇嚟Mindy 想聽我H意見。

「我地等到凌晨出發喇。 出到去可能會搵唔到 shelter,  我地休息下, pack 齊野再出發喇。 體力好重要。呢個可能係我地休息H最後機會。」 我說。

阿明諗咗陣, 點點頭 「嗯, 你都啱。 急都未必係好。何況有三日時間, 到時見唔對路就休息少啲趕路喇。 」

「我地夜晚十二點出發喇, 不過係瞓之前….」 阿明拎起老闆娘俾我地H手槍 「我教大家呢枝野點操作先, 夜晚大家未必睇得清楚。」

Mindy, Doris 同我湊近阿明。 阿明簡單解釋咗點樣鬆開保險掣, 瞄準要睇準星等等技巧。

「我頭先試咗一次, 後座力超細, 所以你地女仔用起上嚟都應該唔難。」 阿明解釋著。

阿明又教我地點樣飯j, 我地每人都拎起槍練習著姿勢。

「阿明你好pro 呀!」 Mindy 感嘆著。

「哈哈! 唔係喇。 後生個時會玩下氣槍, war game 。 不過生咗小V 就無再玩咁濟喇。」 阿明搔搔頭。

「希望我地用唔著把槍喇…」 Mindy 望住銀色手槍概嘆。

我有同感,上一次推隻怪物落街個段回憶,對我嚟講係一個不能磨滅H印記。


「我地要好好保護自己呀! 必要時都要開槍呀Mindy!」 Doris 向Mindy 講,語氣堅定。

Mindy 遲疑咁點點頭。

Doris 咁講, 想必同佢係超市H經歷有關。要好好保護自己,先至可以係殘酷H世界生存,大概佢係咁諗吧。

「你地兩個去休息下喇。可以過對面瞓喎。 遲下無床俾你地瞓架喇。 」 我說。

兩人話未眼瞓住, Mindy 就話想吹多陣水。 我地四人圍就索性坐係梳化附近, 傾起一啲無聊野。


阿明傾起佢H生活背景, Mindy 講起佢返工H柒事, Doris 亦意外地健談, 佢講起係U記打工H經歷。

大家傾計H氣氛很好, 恍惚出面H世界返番以前咁, 一切都正常, 一班朋友約上cafe 吹下水玩下咁樣。
我地甚至拎起coffee shop HUNO 出嚟玩, 一邊玩一邊傾。
我有啲掛念災難之前H生活, 又唔需要擔驚受怕, 又唔會無水無電H日子。

日光慢慢減退, Mindy 同 Doris 兩人各自窩係梳化上瞓著。 阿明同我就席地而睡。

回覆 引用 TOP

頭很重, 思緒不斷湧嚟, 迷糊之中我聽到有人喃喃細語。

我起身, 發現係Doris H聲線。外面H陽光已經差不多完全消失, 我憑著感覺前進。

Doris 呼吸急促, 似係發緊惡夢。 知道無我H事, 本想離開, 點知Doris 突然坐起身。

「你無事嘛?」 我問。 昏暗中我睇唔清楚佢H面孔。

Doris 依然係度喘氣。

「洗唔洗飲啲野?」我又問。

「Geoff…?」 佢睇嚟回過神嚟。

「嗯, 有無嚇親你?  我見你呼吸有啲亂, 睇下你有無事姐。」我說。

「無事, 只係…….只係發惡夢。」 Doris 輕輕咁講。

「我拎啲水俾你?」

「唔洗喇, 唔該。」

「嗯, 咁有需要就話我知喇。我就係附近。」我說, 欲要轉身離開, 但係俾佢叫停。

「唔好走住。介唔介意陪我一陣, 我瞓唔著。」

反正我都瞓唔到, 我就答應Doris H請求, 兩人坐係梳化吹水。我諗起啲咩搞笑野就講出口, 希望佢心情會好返啲。最鋒利H刀都有生蚻J一日,而話題都有用完H一日, Doris 只係靜靜咁聽我講膠野。

「發夢….」 佢突然開口 「我返番超市….。」

惡夢H內容同超市H遭遇引起吧, 我打算靜靜咁聽佢講。

「Mindy, 阿明同你都係好好H人, 至少你地唔會傷害人。」Doris 淡淡咁講。

「啲人變怪物個日, 我照常係舖頭做野。 點知舖入面有人變咗做怪物, 我聽到有人大叫, 我就同幾個同事跑入員工休息室, 鎖住道門, 無幫到出面啲人。 諗返起, 都覺得我地好衰。」

呢段經歷佢係下午佢並無講, 可能係時機唔適合吧。

「出面H人不斷咁嗌救命, 但係我地幾個無人敢出去。 我地一直咁等, 等到出面無晒聲, 我地先敢出去。舖頭入面無晒人, 地下有啲血跡, 我地肯定佢地俾啲怪物咬走晒。」
我腦海頓時出現柯南消失係我眼前H景象, 心口湧上一股內疚H涼意。

「我地當初有五個人, 一個男H經理。 仲有四個小薯仔, 兩男兩女。我地幾個呆坐係舖頭, 去到第二日太肚餓, 經理就提議去隔離間超市搵野食。」 Doris 停頓咗一陣, 又繼續說
「經理叫我地四個小薯仔過去, 但係我同另外一個女仔太驚, 所以最後就兩個男同事去。 點知, 佢地出去之後幾個鐘都未返, 我地開始擔心佢地安危, 就焗住要過去搵佢地兩個。」

「我地三個過到去, 就見到個三個人….」 Doris H聲音有啲震。

個三個人就係指阿Sky 一行人吧。

「根住我地問佢見唔見兩個男仔入嚟, 佢地死口話無。 你話邊有可能?明明佢地無地方可以去!佢無理我地, 只係話要食物H話就要搵野換。 經理無理佢地, 就咁行入去拎野。 點知佢地用把刀指住經理, 嚇我地。」

「好似佢地會做H野。」 我忍唔住講。

「嗯…不過我地經理更加過分。 個班人要求留我同另外一個女仔留係超市, 佢地先肯俾食物。 點知經理竟然應承。 我同另外一個女仔點反抗都好, 都無用。經理親眼見住我地兩個女人俾個三個人捉咗。」

我不禁倒抽一口氣。

「嗯… 佢分開鎖住我地兩個。跟住H日子, 就好似落咗地獄一樣。 俾佢地打, 俾佢地壓住, 佢地要我做咩我就做咩。我根本反抗唔到。就咁….. 不停重覆。 之後….. 我無力再反抗, 只係求佢地放我走。」Doris 呼吸開始用力起嚟, 其後佢不斷深呼吸令自己H情況控制過嚟。良久, 先繼續講。

「所以每次有人開門, 我都好驚。因為每一次有人入嚟, 都會好痛苦。覺得死咗去可能會好啲,但係我又無勇氣自殺。 」 Doris 開始低聲啜泣。

「嗯, 一定係好難捱。」 我說, 諗唔到安慰H說話。因為就咁聽, 已經覺得好痛苦。

「所以…….所以見到你同Mindy 真係覺得好開心。 終於有人嚟救我……所以……. 所以真係…….真係…….好多謝你地! 我以為……我以為…..我……」我已經聽唔到 Doris 講咩, 佢只係一邊低聲哭泣, 一邊想講野。

「我覺得…… 我覺得自己好污糟……. 鳴鳴…」

睇嚟佢將壓抑咗H情緒, 一下子釋放晒出嚟。 個種沈重H情感,  令到我都好壓抑。搞笑H係, 竟然Mindy 同阿明都無被嘈醒。我只能夠靜靜咁聽住佢H低吟。
漸漸Doris 控制返呼吸。

「對唔住。講埋呢啲野…..」Doris 疲倦咁講。

「唔會喇。多謝你H信任,話咁多野我知。」 我說。

「我好想沖個涼, 不過宜家無得沖涼。」

「嗯, 我都覺得自己好臭。 出咗好多汗。」我自嘲。

「哈哈! 唔係喇! 不過……. 你…..你地…..」Doris 遲疑。

「我地…?」

「會唔會……覺得我好污糟?雖然你地實話唔會, 不過你地親眼見到我搞成點, 都會想像到…..」

「唔會。」 我斬釘截鐵咁講。

Doris 發出驚訝H聲音。

「唔知Mindy有無同你講我做咩喇, 我睇呢啲野唔係好似大眾咁死板, 同埋我覺得做人係活在當下, 俾過去H事情煩擾住自己係一件好痛苦H事。 點都好, 我相信你將同一番說話講俾Mindy 聽, 佢都一樣唔會歧視你。 仲會抱住你喊, 可能你要安慰返佢都未定。所以, 唔好亂諗緊, 我地嚟緊專注去目的地喇。」

Doris 聽後又再向我道謝, 我就叫佢爭取時間休息。 我離去之前, 佢突然開口講

「Geoff, 要好好地對 Mindy呀, 佢係個好女仔, 要表白就盡快喇。」

我輕輕嘆氣 「咁快咁多事呀…!」 我吐糟 。

Doris 輕輕偷笑。

「呀! 我想問好耐, 你話有另外一個同事俾佢地捉住。 我地搵唔到佢H?」

「嗯, 我偷聽到佢地話佢偷走咗。 佢地仲因為咁嘈咗一大餐。希望佢出到去都無事喇。」

竟然一個女人可以逃脫三個大男人H掌心? 雖然有啲唔相信, 但係我無再追問。

「好喇, 我好咗好多喇。 你都快啲休息下喇!」 Doris 柔和地說, 再拍拍我頭頂。

被Doris 拍一拍, 剛才心中H鬱悶舒緩了一些。

我找回自己H地席, 合上雙眼, 迷糊之間再次睡去。
.
.
.
.
.
當我張開眼H時候, Mindy 就企係我面前。 眼神對上之時, 佢笑一笑 「好大鼻寒呀你!」

「係呀? 唔好意思。」 我說, 我望一望自己下面, 好彩無「晨勃」, 即時鬆一口氣。

室內亮著住營燈, 阿明係一邊收拾背囊。

「幾點呀。」我問Mindy。

「十一點半左右。Doris 仲瞓緊, 我由得佢瞓多陣。Billy 同肥龍話睇下對面有無有用H野拎埋走。」 Mindy 回答。
我點點頭。

我亦起身, 要收拾H東西唔多, 一早已經入好袋。 此時, 阿明走過嚟 「我地差唔多出發喇, 下面我睇過, 暫時無怪物, 睇嚟下午已經引開咗部分, 準備好出去未? 」

「嗯, 執埋野就行。」

肥龍同Billy 加入後, 我地將肥龍係超市拎返嚟H手電筒綁係背囊上面。 各人將老闆娘H手槍袋好, 我地就整裝待發。
我地穿越著熟悉H樓梯向地面出發, 去到地下走廊,我地用咗一段時間清理堵係走廊H雜物。
直到出現缺口, 我地就一個跟一個咁行出去。

夜晚天色多雲, 月光被薄薄H一層雲霧遮住。
阿明照舊行係最前負責帶路, 佢亮著電筒, 引領住我地一行人向東行, 我地H第一個目標係先去到彌敦道,到時再睇下情況。

我地一行人先左轉,向佐敦道方向走。

阿明小心咁前進,步伐好慢,周不時會停低察看四周。 路經之處,有唔少怪物企係度瞓緊,只不過阿明行每一步都經過深思熟慮,我只係依稀感覺到有怪物係自己身邊。

我感覺到每一個人都凝住呼吸,腳步亦盡量放輕。

就係要距離佐敦道大街不遠之處,阿明停低咗好耐,我地蹲係原地已經有十五分鐘。

「喂,有麻煩。」阿明突然輕聲說,隨即走向一邊。

我地靠著身邊H建築物蹲下,肥龍輕聲說「點樣呀?」

「有隻我未見過H怪物…」阿明說。

我頓時背脊有一陣涼意。

下一回: 人在野




回覆 引用 TOP

#19 人在野

「好大隻,唔係之前啲Size。」阿明輕聲說,聲線帶點抖震。

我望向前方H大馬路,係呢個距離我望唔到阿明所講H巨型怪物。

「咁我地點算?」Billy 問。

「佢係邊度?」我問。

「佢企係馬路中間,我地轉右出去彌敦道點都會撞到。」阿明說。

「佢係點H樣架?」Mindy 問。


阿明吞一吞口水,道「好難形容,咁黑我唔係睇得好清楚。不過好L 大隻,應該有成3 米高,面積好大,一個大黑影。不過依稀見到四肢,所以唔會睇錯掛, 仲有佢應該用兩隻腳企, 唔係用四隻腳。」

三米高? 可想而知係隻龐然大物。


「咁我地行返轉頭?」Doris 問。

「呢個都可以,不過, 我下午引咗好多怪物係個邊。我地過去H話,會遇到好多怪。」阿明說。

「咁都好過要打隻大佬呀?」肥龍說時有啲激動。

「嗯,都係。咁我地返轉頭,試下由寶靈街個邊行出去喇。」 阿明說後,即刻輕步向相反方向前進。

我地沿住剛才所走H路線逆向而行,有咗經驗, 速度出嚟個時快。不消十分鐘,我地又返番原點,係coffee shop 門口。

「好,大家小心,跟貼。」阿明向身後H我地講。

我地一行人小心翼翼咁向前行,當我地走到十字路口不遠處,阿明停係一旁觀察。


係我H位置,我已經大約見到有一群怪物企係十字路口,為數十隻左右。

阿明無選擇向東伸展H道路, 反而向前走, 向住超市個邊行。 沿住呢個方向行, 下一個會碰上H橫街係柯士甸道。

我地一行人躡手躡腳咁向前行, 基本上都係跟住阿明H指示行事。係行到超市附近, 我突然感覺得有啲唔對路。 我停落嚟, 感受到地下傳嚟異常H震動。

我回頭望, 見唔到啲咩。 但係隨著時間流逝, 地下傳嚟H震動愈來愈強烈。

突然有人拉我H衣袖, 令我回神。

「Geoff!」 係Mindy, 「做咩呀你? 其他人都行咗啦。」

「後面。你feel 唔feel 到地下震?」 我 低聲說。

「無呀。快啲跟住喇。」 Mindy 說畢, 就拉起我手臂。

我無再猶豫, 加快腳步跟上大隊。 追上大家後, 我就係隊伍H最後面, 默默跟住大隊。

唔通我又有錯覺? 其他人好似感受唔到異樣, 就好似之前係服裝店咁樣, 得我一個覺得出面有聲。

疑惑之際, 大隊好快就去到柯士甸道H街角。 阿明係轉角位觀察咗一段時間, 就帶大家轉左, 住彌敦道方向前進。

柯士甸道上H怪物好多, 基本上我地路線彎彎曲曲。 加上有唔少車停係路面, 我地不時要跨過車身而行。

但同時車輛亦帶俾我地掩護, 阿明不時會利用汽車車身安頓大家, 再思索下一步要點行。

怪物之多令我地行得好慢, 瞓著H怪物雖然企係度唔郁。但係係佢地附近行過, 心理壓力仍然好大, 恍惚佢隨時都會醒返。 對於呢種情況, 就好似你見到隻小強係地下唔郁, 同佢對侍之際一個唔留神, 佢隨時會飛撲埋嚟咁樣。

個種預測唔到H恐懼同不安, 支配住我全身。

好唔容易走過兩個街口, 地下震動H感覺再次傳嚟。

我錯愕, 想搞清楚係幻覺定係事實。突然阿明帶住我地走向橫街, 搵一架貨車做掩護。

天上H雲霧開始消散, 月光亦開始光起嚟。我地企係一架小貨車後面, 阿明壓低聲音道

「頂! 又有。」

其實我好奇,想親眼見一見隻巨型怪物係點H樣。

「我地轉個街口出去,跟實!」阿明說。

各人知道又出現未知H怪物個種不安感,從大家沉重H呼吸聲可以略知一二。 阿明亮起電筒,慢慢咁轉入庇利金街 (呢個街名我都唔係好確定)。

我地鑽進小街,怪物H數量相對地少。月光H出現,令到大家視野更為清楚, 步伐亦得以加快。

我地好快就行到下一個街口,如無意外,向右轉就會去到彌敦道。要去紅磡碼頭的話,我地必須橫過彌敦道。

我地扭過幾隻怪物,走到兩街相遇之處。我地再次有機會窺探大街H環境。

阿明上前探頭去望,不久,就向我地幾個打眼色,叫我地自己去睇睇出面咩環境。

好奇心驅使之下我快速趕上面察看。

彌敦道上佈滿怪物,怪物皮膚慘白,所以反光作用下隱約都會睇得到佢地H位。 驟眼睇都有二十隻左右係我視線範圍。不過呢一個情況都符合我預期,本來呢條街就係超多人行。

我住右手邊望,期待可以搵到阿明所講H巨型怪物。

係月光H反射下,我依稀見到馬路上面有一架雙層巴士。 係巴士旁邊,有一個巨大H黑影。位置離我地有一百米左右吧,月光由個邊傳嚟,係呢個角度根本睇唔清楚。但係黑影好似有四肢,應該就係阿明所指H巨型怪物,身高同架巴士差唔多。一陣涼意係背脊傳入心臟, 我嘗試深呼吸, 希望能夠冷靜落嚟。

其他人亦想湊上嚟望睇,我先退下俾空間佢地向外望。退下後,我靠近阿明。

阿明向我點點頭, 靠近我耳邊說 「巴士隔離, 好大隻。」

我亦點頭示意我望到。

阿明又再講 「我地小心啲行過去對面, 左邊好似無大隻個啲。」

我同意, 回望正係度窺探大街H同伴, Billy 已經跪係地下, 用佢瘦小H雙手抱膝。 睇嚟係被怪物H體積嚇怕吧。

Mindy 走過嚟拉一拉我手臂, 佢隻手好冰凍, 同我皮膚H溫度相差好遠。

「我地點好? 」 Mindy 輕聲問。

其實我地無選擇H餘地, 一係就繼續行, 一係就搵地方休息等天光。但係依我印象, 我地只係向目的地推進咗好短H距離, 宜家停落嚟, 我地H進程會大落後。

所以阿明亦都多諗, 就說

「都無辦法, 盡量安靜咁行過去。 巨型個啲, 我地唔清楚佢習性。 要小心。」

「ok!」 Mindy 輕輕 回應。

阿明走向與其餘三人說明計劃, 就畢, 就帶住我地慢慢溜出街角。大家只好硬著頭片跟上去, 轉出街角, 我心中不祥H感覺愈演愈烈。 我強忍著身體上H不適, 繼續弓身而行。

我地六人向左邊靠行, 盡量與巨型怪物保持距離。

橫過馬路時, 我忍唔住望一望巨型怪物。

不禁哀嘆, 識狗衝H怪物已經好煩。 宜家仲加埋身高四米H怪物。

猛然諗起漫畫「進擊的巨人」, 漫畫入面H人類面對實力過份懸殊H敵人, 個種無力同絕望感, 大約係呢個滋味吧。

馬路上H怪物好多, 我地只能以接近垂直H路線而行。 去到馬路中央, 有一排小花圃, 花圃之間有一個鐵欄。

回覆 引用 TOP

[隱藏]
阿明先跨過花圃, Billy , 肥龍亦照樣跨過去。 我踏過障礙物後, 就轉身扶Mindy 係花圃上落嚟。 Mindy 甫落地, 就仲差Doris 係對面欄杆。

Doris 跨上花圃時, 顯得好吃力。 成功企上花圃後身體搖晃, 看似站腳不穩。我見情況不妙, 就立即上前扶住佢。

等待Doris 穩身後, 我扶著Doris 跨過鐵欄再落地。 佢有啲上氣唔接下氣, 應該係身體未回復過嚟。 Mindy 見狀,亦上前幫助扶著Doris。

阿明帶住我地橫過彌敦道, 跟住走進橫街。 Mindy 同DorisH腳步開始跟唔上, 我建議揹住Doris 行, 因為Doris 愈來愈虛弱。雖然感覺Doris 並唔係好情願, 但係呢啲關頭, 佢無多考慮就跳上我背脊。Doris並唔重, 我同Mindy 迅速緊上阿明等人。

我地進入橫街後, 阿明決定左轉。 我係腦海中定位, 沿住宜家H路線會走返去佐敦道。

呢一帶H怪物數量比起coffee sbop 附近多好多, 前進亦較為慢。 Billy 周不時都會問阿明, 幾時先會搵地方停落嚟休息。 但似乎阿明仲想行遠少少, 無停落嚟H意思。我亦同意應該係夜晚行多啲, 因為怪物H數量太多H關係, 日間用聲音引走佢地H成功機率並唔高。之前我地試都係講緊廿十隻左右, 宜家大街可能講緊四十隻以上, 點諗都覺得被殺H可能性好大。

轉出佐敦道後, 心口又傳嚟一種唔舒服H感覺。不祥H預感襲來不久, 就聽到Billy 係我前方尖叫。

我未反應過嚟, 就聽到肥龍淒厲H聲線叫

「走呀!快!」

我反應唔過嚟, 膊頭俾跑過H肥龍撞咗一下。係我重拾平衡之時, 我終於明白點解肥龍走得咁快。

係不遠處, 企咗一隻巨型怪物。 月光照射H角色剛好勾勒出怪物H型態。身高四米左右, 佢係度伸手玩緊一個大型招牌(九成都係金舖招牌, 周星星個類。),金屬磨擦H聲音吱吸作響,再係咁落去,其他H怪物恐怕會俾佢嘈醒。佢應該係突然轉出嚟吧, 如果唔係無可能見唔到佢。

巨型怪物四肢幼長,頭部相對於龐大H身軀顯得不合比例H小。巨型怪物一雙眼睛好似貓一樣,係夜間反射出白色H光芒。依我H認知,呢個係夜間視覺良好H表現,佢好可能會睇到我地幾個人。

我亦無再多諗,轉身就跑。

係我跑緊之際,身後開始有一陣騷動,怪物低吟H聲音傳嚟。我唔再回頭望,只係專心跟住大隊跑,因為我已經係包尾果個。我跟住佢地幾個跑返去彌敦道方向,沿途仲要閃避四周H怪物,我覺得有啲吃力, 我努力捉緊身後HDoris, 令佢唔好跌落地下。

霎時,後方傳嚟一聲巨響,聲浪之大, 就如恍惚有樓房倒塌咁大聲。

我心知道大檸樂! 一定會嘈醒晒啲怪物。耳朵已聽到傳嚟怪物低吟H聲音。

我用盡氣力向前衝,同時又要找緊Doris。我同大隊H距離慢慢減少,我好快就追到Mindy 身後。阿明等人亦係較遠H地方尋找著躲避H地方, 我轉個彎, 見到阿明係一道玻璃門前招手, 我就跟住Mindy 衝入大門, 阿明係大家入晒去之後, 將大門關上。
關上門後,阿明打開手電筒。 按室內H觀感,呢度應該係間酒店H大堂。

「咦! 佢地兩個呢? 」阿明咕嚕。

佢指H係肥龍同Billy 吧。同時,Mindy亦亮起電筒,大堂面積並唔大,一眼睇晒。有一排梳化,一個簡單H接待處,但並唔見佢地兩個H蹤影。



「奇怪,明明佢地走咗入嚟……」阿明輕聲說。「點都好, 我地check 清楚呢個地方先!」

我同意, 萬一室內有怪物就大鑊。

阿明用電筒H光線四圍查看, 大堂本身並唔大, 好快就行咗一圈。

「死咗H人就有。見唔到有怪物, 但係就係唔見佢地兩個。櫃檯後面我都搵過。 唔通上咗去? 一樓好似係餐廳。」 阿明照一照右方, 有一條樓梯通向上層。

「嗯, 都只可以上去睇下。」 我說。我輕輕將Doris 放係梳化上面。 「我同你去睇睇? Mindy 係度陪Doris? 」

「我地一齊行喇! 」 Mindy 說, 不想大家分開。

「嗯, 一齊行動會好啲。 Doris 你Ok 嘛?」 阿明問。

Doris 勉強地企起身, Mindy 急忙扶一扶佢。 「我還好, 慢慢行就無問題。」
我地四人慢慢步近樓梯, 樓梯上怖滿血液。 血液近乎黑色, 睇嚟已經氧化晒並唔新鮮, 應該係好幾天前已經留低。

上咗一半, 轉角位有一條屍體坐係牆角。 雖然屍體已經見過唔少, 但唔會有習慣H一日, 噁心H感覺點都會有。

睇屍體身上H衣著, 生前應該係個侍應生。Doris 同Mindy 見到屍首後, 急急腳要上樓梯。

我忍受著屍臭味, 跟住大家轉上一樓。

一樓空間比大堂大, 格局係一般酒店俾人食自助餐H地方, 有好多檯_, 電筒H光線令到檯_H影子拉到好長。 暗角位之多, 令人不安。

阿明拍一拍我膊頭, 提醒我小心前進。 我點點頭, 左手飪q筒, 右手飯j, 緩緩與阿明並肩向前行。

肥龍, Billy 究竟走咗去邊?  千祈唔好出事呀!我心裡暗忖。

餐廳充滿住食物H氣味, 混雜住酸酸地味道。 室內H傢俱亂七八糟, 爆發當日應該有一場腥風血雨。

突然餐廳盡處傳嚟一嘶慘叫聲。

係肥龍把聲!

我唔想又有朋友出事, 現下亦唔顧得太多, 我拍拍阿明, 旋即加快腳步追去聲H來源。

「Geoff!」 阿明拉一拉我手臂。 「唔好太衝動!一齊行動!」

我實在唔想浪費時間, 講到尾, 柯南都係因為我反應唔嚟無咗條命。

我唔想下一個係任何一個人...... 我咬緊牙關, 想甩開阿明隻手追上去。

「Geoff! 唔好行太快。」 Mindy 亦拉著我手臂。

我幾咁焦急都好, 都唔可以俾Mindy 有事, 呢個係我對自己H要求。

我盡量令自己冷靜落嚟。

我深呼吸一口氣, 再對大家點點頭。

阿明再次步向聲音H源頭, 我跟住阿明H步伐, 慢慢前追, 亦不時留意兩邊H死位, 以防有野彈上嚟。

我地走到盡頭, 又係一條樓梯H入口。

「麻煩喇! 唔知會上咗幾多樓! 」 阿明輕聲說。

「你地睇!」 Mindy 驚呼 「地下!」

望向地下, Mindy 電筒照住地板上有幾滴血液, 血液鮮紅, 且未凝固, 應該係身體流出嚟無幾耐。

「好可能係肥龍, 我地跟住血液行啦。」 阿明說。

我地四人沿住斷斷續續H血痕行上樓梯, 好彩樓梯係瓷磚質地, 血液留係表面清晰易見。 我抱起身體虛弱HDoris上樓梯。

我地跟住地板H血液, 向上走咗三層, 最終係四樓消失。

「應該係呢層!」 阿明輕聲說。

一條長廊出現係我地眼前, 長廊兩邊門後就是酒店房間。 阿明用電筒照進走廊, 光線照唔到走廊H盡頭, 走廊恍惚深不見底。

我吞一吞口水, 阿明比我先一步踏進走廊。

走廊很窄, 我同阿明並肩而行只係剛剛夠闊。 我提醒兩位女生盡量緊貼。

我地一直行, 同時保持警戒。

經過咗唔知幾多間房間, 突然有種不安H感覺湧上心頭。我停下腳步, 大家見狀亦跟我一齊停低。

前面! 係前面不遠處有種令人不安H感覺。我決定相信我H直覺。

「Mindy! 你地兩個行返轉頭。」我輕說。

佢地顯然對我突如其來H變化有啲錯愕。

「總之, 快啲行!嚟唔切解釋!快!」 我加重語氣。

Mindy 亦無再遲疑, 「嗯」了一聲, 就拖起Doris 向後退。

「Geoff.....」 阿明輕說 「有咩唔妥?」

「前面應該有怪物.....」 我將我H想法講出嚟「唔好問我點解咁覺得.......小心!」

說時遲, 那時快。一陣怪物H低吟, 係走廊響起, 窄小H走廊令聲音困住, 回音不斷響起, 令人不寒而慄。

我趕緊架起手槍, 對準前方H黑暗。身體不其然發熱, 我盡量控制住呼吸, 強行令自己不至大力喘氣。 阿明亦同樣架起手槍, 對著前方。

走廊深處傳嚟又一處H低吟, 我照阿明所教, 鬆開手槍保險掣。我知道怪物隨時會出現眼前, 我地幾個就如籠中鳥, 無處可逃, 迫於無奈下, 我亦只好同佢正面交鋒, 呢凝唔係佢死就我亡。

時間一分一秒咁過, 心中H不安感愈來愈大。 低吟聲環迴整個走廊, 我已經分唔清聲音係唔係由我身前傳嚟。 如果我估錯咗, Mindy 佢地.....

正當我想回頭望之際, 木門被撞破之聲迎面傳嚟。 怪物由左邊不遠處, 撞爆房門走進走廊。終於出現係我地視線範圍!

阿明第一時間扣下板機。

「蕉!」 一聲係我耳邊響起。

我唔知有無打中, 怪物只係一聲大吼, 但無倒下。 搖晃H光線之下, 只係照到怪物扭曲H面部。

阿明無猶豫, 又送出一發, 火光瞬間照亮走廊。

但係怪物並無理會阿明H攻擊, 勢要撲向我同阿明。

求生H本能係我血液尖叫著, 我不自覺咁扣下板機, 送出一粒子彈。

咦! 真係無咩後座力, 同BB彈槍差唔多手感。不過我根本無點瞄準, 就算打中都係好彩。

怪物無因為我H子彈而停落嚟, 反而跑得更快。

「Geoff! 走呀! 」 阿明大叫。

但係怪物動作比我地兩人更快, 眼見佢已經跑到我眼前兩個身位, 勢要飛撲。

我趕緊抽出菜刀自衛, 怪物一個飛撲, 衝力將我重重壓係地下。 我背脊撞地, 但同時右手傳嚟濕淋淋H感覺。

怪物無好似預期咁咬向我個頭, 反而佢身體軟咗落嚟, 傳嚟弱弱H呼吸聲。

我用力將怪物推開, 再坐起身。

「你無事嘛?」 阿明問。

我摸摸心口, 並無異樣。「嗯, 無事。又再俾啲四腳爬爬撞落地下, 睇嚟佢地真係好鐘意我都唔定。」 我吐嘈。

「嗯, 無事最緊要。」 阿明伸手扶我起身。

同時, Mindy 同Doris 亦跟咗上嚟。 阿明用電筒照住瞓係地上H怪物, 菜刀剛好插係怪物胸部。 菜刀係我跌倒H時候, 順勢插入佢心口的吧。怪物肩上亦有一處被子彈打中H痕跡, 九成係阿明打中佢。

大家見到怪物呢個死狀, 都抽一口氣。

突然, 怪物H四肢輕微跳動, 細看下骨瘦如柴H手腳有多處破裂見骨。

「佢好似仲未死.....」 Mindy 戰戰兢兢咁講。

「嗯…真係可憐....」 阿明說畢, 就拿出一枝類似磨刀用H鐵棒。

「好好去喇....」 阿明用力將鐵棒由下巴處直插入怪物頭部, 隨即怪物H四肢亦停止跳動。

阿明將鐵棒抽回, 又將菜刀由佢身上抽回, 遞俾我。

「我地仲要搵肥龍同Billy , 應該就係呢層! 」阿明說。

我點點頭, 大家就繼續向前行。

係行緊H途中, Mindy 突然出聲「Geoff, 點解你頭先咁firm 前面有怪物H? 」

我遲疑左一陣先回應 「我都唔知.....只係感覺唔對路, 好難形容。」

Mindy 輕輕「嗯」 左一聲, 亦再無追問。

我地一直默默咁行, 去到我有啲焦急H時候, 終於見到有異樣。一間房間H門整個被撞爛, 阿明用眼神示意大家小心。 我點點頭, 架起手槍, 慢慢接近木門。

房間內傳出一陣呻吟聲, 係人類H呻吟聲。

阿明先小心窺探房間內H情況, 佢望咁一陣, 就大刺刺咁走入去。

我地三人緊隨阿明入內。室內一眼睇晒, 肥龍攤係房間內H地上呻吟。

我地趕緊走過去, 只見肥龍痛苦咁抱住左臂。肥龍H意識唔太清醒, 應該因為失血關係。

佢見到我地, 虛弱咁郁咗郁嘴唇, 就暈咗。 我根本聽唔到佢講咩。

「大鑊。 佢左手前臂俾怪物咬到見骨。」阿明蹲係地下, 研究住肥龍H傷勢。

我同電筒照住肥龍身體各處, 身上怖滿瘀青, 但係右手H傷係最為明顯。

「我地要幫佢止血先呀!」 Mindy 焦急咁講。

係.....一定要救返肥龍, 我嘗試將發麻H頭腦冷靜落嚟。

「我諗, 佢點都要縫針先搞得掂。」 阿明說。

「Mindy ! 快! 你背囊有急救用品! 」 我一邊說, 一邊將我上衣脫下, 用較乾淨H表面按著肥龍H傷口。 肥龍吃痛呻吟咗一聲, 又昏過去。

其他人亦會意行動, Mindy 同Doris去搵緊急救物品出嚟, 阿明就繼續檢查住肥龍H傷勢。

突然, 阿明背囊發出「嗶嗶」H電子聲。

大家錯愕之際, 阿明猶豫咗一陣, 最終走去打開放係地上背囊。

正當阿明搵緊聲音來源時, 走廊響起腳步聲。

阿明慌忙地停止手上H動作, 拎起手槍關上電筒電源, 房間頓時漆黑一片。

腳步聲已經好近, 近到好似下一秒就會殺到。我趕緊拉一拉係我身邊HMindy, 提示兩位女生搵地方掩護。

當兩人驚覺, 移到我身後時。 一個黑影出現係房間門口, 我趕緊抽出手槍, 鬆開保險掣, 對準黑影。

黑影慢慢移近, 我放係板機上H食指慢慢用力.....

下一回: 捉迷藏

回覆 引用 TOP



伸延閱讀
 提示:支持鍵盤翻頁 ←左 右→ 發新話題發佈投票
請先登入
小貼士:
依家可以用“@”tag會員啦!
預覽帖子  恢復數據  清空內容