其他討論
消閒生活手機討論遊戲地帶影視娛樂校園生活數碼科技寵物樂園學術文化體育世界購物廣場時事投資貼圖影片上班一族美容纖體戀愛婚姻汽車討論成人資訊博彩娛樂資源交流站務管理
發帖
註冊 登入/註冊 微博



收藏 訂閱 打印

[女人心事] 典型既父母,傳統既門當戶對之悲劇



典型既父母,傳統既門當戶對之悲劇

[隱藏]
我今日真係好憤怒,真係唔明點解而家呢個社會會變成咁樣??係咪我地呢D窮等人家就註定一世要單身??
永遠唔能夠有愛情,有另一半,甚至唔能夠建立自己家庭呢??
   廢話少講,事緣尋晚終於能夠同拍左拖3個月的女友雙親見面啦,事前梗係要做足準備啦.我已經在我能力範圍
之內細心挑選左一支我認為最好紅酒同埋一合燕窩給女友父母,但點都估唔到,呢一切只係惡夢GE開始...........
   到左尋晚食飯時間,我地2個滿心歡喜咁拎住見面禮去見他們,仲笑笑口咁同佢地打招呼,點知...............
女友阿媽一見到我手上的紅酒,我已經感覺到佢當堂面色一沉,跟住開始用很不友善GE眼光望住我...當時我都不以為意,仲
笑騎騎咁同女友去廚房開飯,點知到開飯後,戲肉上演了...
   首先係佢母親開始發炮,不過我都仲未為意..因為最初只係問下我地點樣識,我幾歲,住係邊度咁呢D好COMMON GE話題,
咁我咪照常咁答話今年28歲,同父母和妹妹住公屋,同佢個女係幾個月前係KARAOKE一個共同朋友GE聚會邂逅啦...係呢個
過程裡面,我都覺得佢老母越聽就面色越沉架啦..果然之後就開始講D越來越侮辱,令人非常難堪GE說話....
   "你揾幾錢個月呀???"
   "8000左右啦.."
   "8000??咁你有冇諗過同我個女結婚呀??"
   "暫時未有計劃,因為我覺得我地拍左唔係好耐,仲未了解得夠.."
   "冇計劃???咁你同佢拍黎仲咩??"
   呢個時候我已經覺得好唔妥架啦....咪話:
   "咁我覺得我地情投意合..咁咪一齊囉,但至於結婚,我仲未想咁快,要好好考慮一下.."
   "OK,咁你話同父母住公屋,係咪??"
   "係呀."
   "係??仲話係..住公屋想同我個女一齊??咁你地第時想係邊度住呀??冇樓仲想同佢拍拖??你憑咩養佢呀???
    仲有呀,我地得佢一個女咋,第時旨意佢養我地架...你而家咁樣,又冇錢..你憑咩養佢呀???我地點指望第時我地老左
   可以養到我地呀???我唔該你,食完呢餐飯好走啦,唔好再揾我個女,知道未呀??"
    嘩,果一刻聽到我,真係即時忍唔住發炮, "x@@臭x呀..你講乜x野呀???你地係d咩新鮮羅白皮呀???你個女好巴閉呀???
   塊野鑲金架???你地都痴膠花GE...你食x啦..仲有,呢 兩合野我當俾乞兒啦....x@@杏加橙.."
    果一刻我真係頂唔順啦....就連女朋友叫我,都阻止唔到我奪門而去....我真係好心up..點解而家會變成咁......
   尋晚成晚就係咁自己一個係咁隊到啤啤夫..真係.........天啊..點解呀??????
  就係咁,今朝瞓醒,我就忍唔住打呢篇野上黎向大家控訴啦......我唔係想要大家同情,只不過我真係想各位明白我此刻
的感受.......呢個世界係咪已經變得咁樣..個個都狗眼看人低呢??

回覆 引用 TOP

Wa





回覆 引用 TOP

比人看低既感受的確唔好,雖然佢地說話直接,佢地只系擔心個女會挨苦,邊個唔想子女幸福快樂
你冷靜完咪唸下點樣可以爭氣D,搵多D錢,8000都可能唔夠你用啦

雖然人地唔尊重你,但個個系你女朋友,你又會無啦啦話你女朋友
其實你係咪無甘愛佢




回覆 引用 TOP

大把衣種家長 `
我是打自己工的,   己上樓,有車
之前女朋友個父母就係好似你講個種
一開始未問清楚 .. 就看低你一樣
一開始唔知我開商, 以為我沒錢,沒野做,同佢個女一齊打算食軟飯
.....
後未知道  我係開店 ,有樓,有車
180度轉變....
但到最後都係冇同佢一齊
因為最後傾唔點  雖要女朋友有幫口 , 但佢父母完全企硬
(禮金 =天價  150萬話幫佢大仔買樓用,  唔係比唔到, 只係感覺你好似賣女多過.....


------------------------

不過 , 樓主要自己想一下
28歲月入8000 可能你一個人時夠你自己用
多一個就會唔夠, 住公屋沒咩問題住公屋就話沒出息的話,大把人唔洗結
  加上唔一定要樓 , 有車 , 有錢先可以結婚
但有一些覺得 一定要有 樓 , 有車 , 銀行超過100萬先可以結婚的
老實講 以上這種人只看錢 (不會看心) 唔會同你有感情

[ 本帖最後由 被遺忘的小孩 於 2017-10-16 05:11 PM 編輯 ]






回覆 引用 TOP



伸延閱讀
 提示:支持鍵盤翻頁 ←左 右→ 發新話題發佈投票
請先登入
小貼士:
依家可以用“@”tag會員啦!
預覽帖子  恢復數據  清空內容