其他討論
消閒生活手機討論遊戲地帶影視娛樂校園生活數碼科技寵物樂園學術文化體育世界購物廣場時事投資貼圖影片上班一族美容纖體戀愛婚姻汽車討論成人資訊博彩娛樂資源交流站務管理
發帖
註冊 登入/註冊 微博



收藏 訂閱 打印

[追求] 九年後,是開始還是終結?



[隱藏]
知道唔比壓力你
我地會相處得好啲
好掛住你笑
可唔可以笑多啲
唔好成日唔開心樣
我會心痛

為左唔比壓力你
我決定比你可以無視我對你表白
其實我都幾好
唔好走寶知唔知

有時好期待快啲見到你
有時好怕見到你唔鍾意我
真係好矛盾
雖然係咁
但係都會期待你返黎既日子



回覆 引用 TOP

仲有一日就返黎啦
原來有好多野我地都一樣咁擔心
好似有時真係想太多
因為我地都說好了
就算結果係點
我地都會陪住大家丫嘛
係咪?

你尋日問我如果你墜機咁我點算
個一刻好想答你
我都會唔想做人
不過我知道你一定鬧爆我
所以我唔敢講

每次諗起你就返
個心都跳得好快好快
可能見到你之後
真係會心臟病發









回覆 引用 TOP

而家大家都處於一個奇怪既感覺
你想返黎但唔想返黎
我想你返黎但係我怕見到你

搵返就黎一個月啦
日日都我陪住你你陪住我
試過傾幾個鐘電話
試過開住視像唔講野
有開心有唔開心
有sweet有傷心
每日都感覺唔同
今次搵返
對你下左更加多既承諾
只要一日我係你身邊
應承你既野都一定會做得到







回覆 引用 TOP

你一陣就上機啦
真係好奇怪既感覺
好似你一返到黎
我地就唔會晚晚開cam唔會就晚晚傾電話
不過我會將呢幾個星期發生既事都會擺係個心到
唔會忘記
我知道你都會一樣
就好似大家呢一世都會記住對方咁記住

可能返到黎所有事都會改變
就好似你都已經唔係我最初識你個個人
我都已經唔再係好似以前個個我
大家過左咁多年都成熟左
唯一冇變既
你仲係我心入面冇變過

有時諗返轉頭
如果我冇搵返你
你呢幾個星期係咪就唔會心情起伏得咁大
係咪就算改機票都唔會改到咁早返黎
可能冇左我
你都仍然有好多人陪住你
我都仍然每日返工放工

多謝你再一次出現
令到我拎返起幾年前既衝動
令到我知道我仲可以無條件既對人好
令到我知道心跳既感覺無點
令到我知道原來被愛既感覺係點

好怕再冇機會講我既感覺
好怕你係飛機到會冇諗起我
好怕你返到黎避開我
但係你要記住
我永遠都會陪住你
因為係我對你既承諾
知道嗎?









回覆 引用 TOP

[隱藏]
你終於都返左黎香港
等既時候
有啲開心
有啲興奮
有啲矛盾
開心既係我地終於都冇時差
興奮既係我地終於冇距離
矛盾既係驚我地見到面

希望見到之後你唔好嫌棄我
唔好再話想離開香港
唔好再離開我
好想好好照顧你
好想比好多野你

岩岩問你會唔會用返whatsapp同我傾計
你話唔會因為有你鍾意用既公仔
其實我都好想講我都唔會
因為我wechat就只有你一個



回覆 引用 TOP

終於都見到面
冇肥到
靚左好多
其實你好瘦
唔好再話自己肥
知唔知

攬住你個陣
感覺到大家既心跳都好快
你係因為驚定係開心?

多謝你收哂我送比你既禮物
希望隻扼你每日都會帶住
我愛你









回覆 引用 TOP

尋晚見面
你係咁問我係咪返工唔開心係咪好攰
其實只係借啲意攬下你
好鍾意攬住你
希望以後都可以攬實你
比你聽下我心跳聲

雖然最尾都有小小唔開心
但係好快就冇事
可能呢個係我地晚特別相處方式
放心
我以後都會氹返你

其實想日日都見到你
見返過去九年冇見既日子
我唔怕辛苦唔怕攰
我怕見唔到你









回覆 引用 TOP

尋日全日唔見左人
其實又嬲又擔心
諗左好多理由
電話冇電電話壞左比人偷左電話比人拐走左
原來最尾全部都唔係
唔好再唔見左成日
因為會嚇死哥

跟住啲人又唔氹返人啦
又掛住訓教啦
又唔聽人電話啦
你應該係真心想激死我
係咪?







回覆 引用 TOP

記唔記得我地尋日猜包剪揼
我連輸三舖
其實我猜包剪揼好叻
可能真係自問我可以贏你但喜歡輸給你

飲左酒既你真係好得意
講啲野同做啲野都係
不過唔想你成日飲酒
對身體唔好
不過你又要飲左酒先係咁
真係好矛盾������

同你一齊既感覺好舒服
好似真係咩都講一餐
好鍾意你
好想以後都係咁
可唔可以?



回覆 引用 TOP

[隱藏]
呢兩日我地關係變得好快
快到好似發左場夢
快到load唔切發生左咩事
快到唔知係真係有發生過定係幻想出黎

知你可能會有小小自卑
知你會比較
但係而家係我心目中你係最好我最愛既係你

尋日終於都真真正正咁出街
行街睇戲食飯
其實真係好開心
唔知幾時我其實已經唔係好鍾意講野
但係對住好似有好多好多野想同你講
好想氹你笑
因為你笑個陣就會捉住我
我鍾意呢種感覺
我既開心係因為你開心

唔知你有冇試過好愛一個人
我而家試緊
好似將成個心都付出左出黎
可唔可以好好珍惜佢?



回覆 引用 TOP

每一晚都會鬧交
唔知鬧左幾多日
鬧交係咪增進感情
睇黎呢招用係我地身上唔係好work

成日都會出街
我會成日氹你笑
見到你笑我就開心

我地會錫
你每次主動
我都會好開心

返到屋企
會傾到訓著
真係好開心

以後既日子
除左鬧交之外
可唔可以所有野都唔好變
咁樣已經好好 好滿足



回覆 引用 TOP

返工返到十分苦惱
好多野煩
好多野做
但係冇心機去做
唔知點算好
成日都好驚自己會放棄
其實自己都唔算係一個好堅持既人
成日都覺得自己係到做到六年已經係盡頭
好想去改變
但係害怕去改變

知道你一直都係我身邊支持我
你尋日話我講過
你就係我既動力既時候
真係好心動

我又要比心機做野喇
你出街唔好比人撞
因為我唔鍾意人地掂到你
掛住你



回覆 引用 TOP

突然返工返到有啲崩潰
明明話要氹你開心
點知變返你氹我
多謝你
其實你真係好好
唔好成日話自己衰

可能你話我想同你一齊係想搵一個人
其實講得岩
因為我有時都會想搵個人依賴下
而我真係好想個個人係你
繼續留係我身邊
唔好再分開啦好冇?







回覆 引用 TOP

我地一齊發左一個好長既夢
夢入面
我地用個幾月既時間再續九年前既緣份
個幾月入面我都做左好多好癲既事
但係好值得
因為對象係你

有時大家都會講野講到好絕
但係每次都會冇事
我以為真心
可以戰勝一切
我以為相愛
可以忘記一切
其實好多野都係我以為

好彩呢個幾月
就算你del哂我啲msg
我都已經記哂入腦
好彩我地有留低證據去證明我地唔係發夢
而真係有發生過

我冇後悔過我地曾經發生過既野
我知道你都冇
係我一而再再而三咁破壞大家既關係
如果可以
想當尋晚咩都冇發生過
我知唔可以
但係仍然都會想咁做

我話我最想聽既說話係'我都係'
如果我話我當咩事都冇發生過
我最想聽既說話
都係呢句

一合埋眼都會諗起以後就好似陌生人咁
個心好難受好痛
好唔想比你冷靜
怕你一冷靜就諗清楚
其實你要既人唔係我
以後都唔可以掂你
以後都唔可以講啲咩
以後都唔可以再對你好

知道令你難受既人
我自己都好想消失





[ 本帖最後由 kaykaylam 於 2016-5-22 09:52 AM 使用 編輯 ]

回覆 引用 TOP

[隱藏]
多謝你一次又一次咁原諒我
成日都原諒我亂講野亂諗野
其實我有時都唔知點解自己會咁
明明好愛你好唔捨得你
但係成日都亂講野
我會改
我真係會改

我知今次真係最後機會
我再係咁你一定以後都唔彩我唔見我
我唔會再係咁

對唔住
仲想同你有將來
仲想同你有個家
以後去邊都會繼續痴實你
我愛你



回覆 引用 TOP



伸延閱讀
 提示:支持鍵盤翻頁 ←左 右→ 發新話題發佈投票
請先登入
小貼士:
依家可以用“@”tag會員啦!
預覽帖子  恢復數據  清空內容