其他討論
消閒生活手機討論遊戲地帶影視娛樂校園生活數碼科技寵物樂園學術文化體育世界購物廣場時事投資貼圖影片上班一族美容纖體戀愛婚姻汽車討論成人資訊博彩娛樂資源交流站務管理
發帖
註冊 登入/註冊 微博



收藏 訂閱 打印

[零售] 瘋宅又爆離職潮



瘋宅又爆離職潮

[隱藏]
眼見身邊同事一個一個的走,自己區的好友又走,瘋宅真係士氣低落,死氣沉沉。歸根究底都係機場三子無料到,害了我地下面一班細既,錢又揾唔到,report同解釋又超多,又要action plan, 我解決到無人入來瘋宅買野,坐咗機場三子個位,多舊魚。我都諗住走,做落都係等死,一個月只得萬頭人工,出面都多過呢度。



回覆 引用 TOP

已離職,想問下邊區做,差成咁?





回覆 引用 TOP

邊區唔講啦,費時機場三子又做攪屎棍野。其實生意就區區都差咗,以前Gary都識得幫我地諗下方法點谷生意,而家無數要我地解釋之餘,重要我地諗action plan點樣救番生意。上大人上大人阿,你地機場三子十萬八萬一個月,我只係萬零蚊一個月,你地都無計幫我地,就唔好攪咁多野。







回覆 引用 TOP

提示: 作者被禁止或刪除 內容自動屏蔽,只有管理員可見

附件

mobile_1.jpg (212.78 KB)

2015-4-3 01:50 AM

mobile_1.jpg

[隱藏]
其實最廢係採購同市場推廣部班人!做咁耐唔係咁都唔明呀?



回覆 引用 TOP

我係mp嘅 邊區就唔講嘞!所有舖頭都應該覺得近期好燥 上面點解咁天真覺得部s6可以好買過s5 有經歷過s5 預售嘅人都知hi咗嘢啦!仲話食飯食粥睇呢舖…咁重視嘅就做吓嘢等對手跟唔到我就覺得你重視嘞 一句要跟代理指引就算 問題就舖頭食晒  唔到數又要寫解釋 解釋好簡單咋 啲客淨係覺得喺瘋宅買得最抵嘅係埃瘋咋 其餘嘅啲人一啲都唔想買 點解?因為人地銀行回贈多 唔似我地來來去去得一個銀行回贈 仲要係四個月都係得嗰350至750(好彩嘅話…) 我啲熟客都去咗人地舖頭度買 人地服務態度未必好過我 但人地嘅優惠一定好過我地…所謂電器界龍頭唔係開九十幾間分店就叫龍頭 有啲死舖同事領嘅係一萬咋 係一萬呀!係咪覺得我地係唔等錢開飯?係因為每個同事爸爸都買咗部法拉利 我地打工係為咗幫部法拉利揾入油錢?No!我地入嚟做係為錢養家!既然今年係創意之年嘅話 就諗吓點樣令到每位同事有一份合理數字嘅糧 唔係諗點捽呢樣解嗰樣!
我以前做嗰間公司有個叫[全民皆兵]嘅計劃  就係嗰間公司嘅高層落舖一日去睇驗前線同事嘅工作 等日日坐寫字樓嘅高層唔駛做井底之蛙!瘋宅都有玩過嘅 不過就係啲寫字樓一般人仕到舖 但既然係創意之年 唔知瘋宅高層, buyer們,marketing們敢唔敢企舖一日,睇驗吓你地嘅action 係咪work吖?與其用口講同門市共同進退 倒不如用身體行動做吓嘢鎮軍心啦!









回覆 引用 TOP

終於有兄弟出來數吓上高寫字樓班廢柴,成日以為d新model一定好搶手實賣得,又唔知出面market係點,活係自己幻想國度入面。重有EW一個月比一個月set到超高target,以為加咗價就飛上天,今年要比舊年up 25%,咁下年呢?又up幾多呀?比今年up 125%啦,好似EW賠償上限咁啦不如,真係用個屎忽諗野,我地班細咪比店長捽數捽到暈囉∼









回覆 引用 TOP

唔好玩啦 推高啲個target都係想啲前線出唔到糧咋嘛 借問有邊幾間分店可以有每月到數吖 連續兩個月都難啦!最得意係上年唔好 今年都要繼續上升target 好似知道啲客上年唔嚟 今年會嚟幫襯你咁!我可以講嘅係 而家做生意 除咗係你嘅服務要好 價錢都好重要㗎!回贈唔夠人嚟,贈品老是常缺貨。張易賞錢呢張咁好嘅武器又唔識用 用易賞錢買電話俾個優惠人嘛 我地專利嚟㗎嘛!咁好嘅優勢都唔識利用!trade in仲得啖笑 特高就冇i;人地對手trade in 黃mon有烘唔駛扣 我地…扣到hihi咁啦 咩道理?







回覆 引用 TOP

回覆 #3: 瘋宅又爆離職潮

你哋呢班人以前响度數人不是,而家就話以前會幫你諗辦法,真係青山出嚟!



回覆 引用 TOP

[隱藏]
愛之深, 責之切, 三星S6開售又出事, 對手又TK, 又Tecom保護貼, 又低殼,又尿袋, 我地無, 試問下兩位採購高層KEN NG, JENNY YIP, 做咗咁多年, 唔係新架啦, 究竟識唔識做電器, trade in 價輸九條街都費事講, 德都係癈, 喺度唯有跪求歐小姐, 黎生, 霍生出手拯救!

回覆 引用 TOP

提示: 作者被禁止或刪除 內容自動屏蔽,只有管理員可見
最大問題係呢間嘢太貪心!令打佢工嘅個個大壓力!個個唔開心!錢又唔係多!點會好!



回覆 引用 TOP

對呢間公司已死心,更對上面的膠層管理不知所謂,無明確方向,淨係識行鋪,捽,除左呢樣都係捽。第二把膠椅果個更無能,成日都講食粥食飯睇呢鋪,阿姐,有無了解過個環境,了解過個市場。少左自由行大家都明難做,仲要咁樣力捽?試問依加咁經濟有邊個客會隨便用份糧的两份之一去換部手機或買部手機。大家心中有數。阿姐你咁得閒巡鋪,倒不如多行對手,深入了解人地點解比我地強,有咩係可以學仲好啦,依加個個返工聽到閣下巡鋪就神經質,唔係你掂咯,係比面你title咯,個個依加返工隨時都準備好撈唔掂走人,試問點同你去砌阿低能。







回覆 引用 TOP

我曾經係澳門小員工一名,香港係點我就唔知,澳門近期就真係大爆離職潮,連班揸匙嘅都走左一半,原因就條上年尾新嚟個 OM 四眼叔攪到成班同事無日安寧!硬要將香港標準套落嚟,攪到個個叫苦連天,係澳門同事都知出邊大把工人工高過你,仲响度做都係諗住安安份份,你要咁攪,咪好似而家咁走曬囉!過多一排走得仲多!



回覆 引用 TOP

[隱藏]
小弟有幸遇到當期時呢個OM四眼叔英明領導新界區(攪到污煙瘴氣,天怒人怨),真係令到新界區上下一心「小」「七」佢,重有好多人準備辭職信。好彩细Lun返來主持大局撥亂反正,先至留住班人。OM四眼叔有後台,大媽二媽都係佢嘅人,咪調佢返office,但之後聽講迫走咗EW Jacky。



回覆 引用 TOP



伸延閱讀
 提示:支持鍵盤翻頁 ←左 右→ 發新話題發佈投票
請先登入
小貼士:
依家可以用“@”tag會員啦!
預覽帖子  恢復數據  清空內容