註冊 微博



打印

[小說] [叫雞故]死魚與淫西,炮房內的攻防戰(18 ) (至第欣欣大結局)

[隱藏]
第十一集(下)

  臨行之前,我問歡挺:「依?咁班森哥帶咗邊條女去過夜呀?」

  「嘛你隔離嗰件豬西囉!」

  「嗄?咁重口味?」

  「班森哥係太子爺,有乜嘢女未食過吖?想嘅話包起啲明星姐仔都仲得。不過,難得上到嚟,佢話想試下啲奇珍異獸,到時套電影拍出嚟先夠全面喎!」

  「話時話,講拍戲講咗咁耐,套戲究竟叫乜嘢名啫?」

  「好似話叫《沙嘴的森林》喎!」

  「小!咁即係明抄啫!」我嗤之以鼻。

  「咁你有無好提議吖?」

  「Ar……」我思索了一會,又瞧了一下欣欣,道:「想全面啲,不如由床技方面入手,不如就叫《死魚與淫西》啦!」

  「小!又死又淫,未交大綱已經過唔到審批啦!」

  「係咩……我覺得依個名幾好聽喎……」

  「喂!你行未架?講明先呀!我好眼瞓,唔陪得你耐架!你都唔洗旨意包我過夜。」欣欣催促。

  「收到!」我拖著欣欣的手,愉快地離開。

  我們下一站卻不是茶餐廳。

  欣欣隨意把架上的薯片一掃而空,塞滿我的手推車。

  「喂!咦啲就係妳嘅宵夜啦!」

  「唔得咩?我不嬲零食當飯食,你第一日識我咩?」她盤著雙手踱步。

  她一點也沒變。

  「頭先又咁斯文扮淑女,而家又露出本性。」我冷諷她。

  「咁人哋貴客嚟,唔好失禮人嘛!你就唔同啦!大家咁熟。」她似乎學懂了服侍的竅門,我從前的教導果然沒白費功夫。

  「咁妳……頭先點解唔同我相認吖?」我追問。

  「我怕你爆我以前做141啲事出嚟嘛!」她挑選果汁糖。

  「嗄……妳介意嗰咩?」我詫異。

  「唔係介意,係無著數。做得141,即係每日接好多客,上得嚟玩嘅都想食啲高級嘢,有咁嘅過去會令佢哋反感。」

  有道理,正如援交妹都是賣身,但我們下意識會覺得她們乾淨一點。

  「妳上咗嚟做好耐呀?」

  「唔係呀!同你講完Bye Bye後過幾日番上嚟囉!」

  「點解嘅?繼續留喺香港接多啲客,唔係好搵啲咩?」

  聽了這句之後,她的手腳停滯了一會,彷彿在思索著什麼。

  「因為我搵夠囉!」她左挑右選著朱古力,說:「屋企人夠錢起屋,所以我而家剩係需要自己賺自己洗。我嘛同你講過儲錢環遊世界嘅!沙嘴係我嘅第一站。」

  「哦!唔怪得妳剩係陪坐啦!原來無經濟壓力。」我恍然大悟。

  「又唔係喎!而家食嘢屋租咁貴,我唔夠錢就會隨時陪番人瞓。」她向我拋媚露眼,道:「你想唔想做我『欣欣淫閪有限公司』重新開張嘅第一個客吖?」

  X街!她嘅放電功幾時變到咁厲害?令我不禁動搖起來。

  「講笑咋!我西痕嘅話,一早同頭先個靚仔開房啦!」

  她仍是那麼喜歡作弄人,說回來,我們還是第一次像普通情侶,到超級市場逛。

  店內正播放著柔和的古典音樂,將簡單短暫的約會點綴成醉人的畫面,五花八門的零食化成彩色的壁畫,其實每天過著這樣的日子也不錯。

  「多謝你,五百七十九蚊吖!」收銀員說。

  欣欣盤著雙手,厲了我一眼,說:「仲唔俾錢?」

  「我?」

  「梗係啦!你提議食宵夜喎!你唔係想賴帳呀嘛?」

  死魚欣,又鑿我一筆,成五百幾蚊零食,食撚死妳呀!

  零食塞滿了三個大膠袋。

  欣欣卻徑自步出超級市場,回頭瞥了我一眼,說:「仲唔幫我拎?」

  「嗄?」

  「幫我拎番屋企呀!咁大袋嘢,想我一個人搬死呀?最多我一陣煮包麵慰勞下你喇!」

  「係∼」我承認我春心蕩漾。

  我倆回到欣欣租住的單位,如我所料,凌亂不堪。

  「妳真係唔撚識做家務。」我嘆了一口氣。

  「我忙吖嘛!」她坐在沙發上,揭開雜誌,說:「你咁得閒,幫我執乾淨間屋啦!」

  正一洗人唔洗本,今鋪真係中撚晒計。

  「其實欣欣呀……」我一邊掃地,一邊問:「妳有無諗過正正經經搵番個伴呀?」

  「點解咁問呀?」

  「因為妳咁污糟,有個人照顧妳好啲囉!」

  「無諗過喎!我而家一個人住,自由自在,鍾意去邊就去邊,鍾意做乜就做乜,鍾意同邊個扑就同邊個扑,幾爽呀!」

  「但係……妳唔會覺得寂寞咩?」

  「會架……所以你要多啲嚟探我。」

  「嗄!」我停下了手。

  「做乜呆呆柒柒咁呀?」她漫不經心地道:「師父探徒弟好正常啫!不過記住帶手信喎!仲有唔可以係香蕉依啲平嘢!如果唔係唔俾你入嚟架!」

  原來是這個意思……不知為何,我心中萌生一點失望。

  明明當初是我主動跟她說再見,明明是我發誓把她永遠藏在心底裡,但為何這次意外重逢卻令我既興奮又難忘呢?

  莫非上天暗示我們緣份未盡?

  我好不容易把垃圾處理掉,躺在沙發休息著。

  「拿!趁熱食啦!」欣欣把一碗香噴噴的即食麵放在桌上,她總算兌現承諾,說回來,我是第一次吃她煮的東西。

  我吃了一大口,咀嚼了幾下,幾乎想吐出來,道:「乜嘢麵嚟架?咁難食嘅?」

  「營多囉!你哋啲男人唔係最鍾意食依個牌子咩?」

  妖!又係啲高登仔教壞佢。

  我輕拌著營多麵,發現湯中有一些不應該出現的異物。

  「蛋殼?喂!妳做嘢可唔可以唔好咁求其呀?」我作出控訴。

  「特登加料俾你架!等你補充下鈣質,廢事你扑扑下嘢嗌腰骨痛。」

  小!又推卸責任。

  「喂!剩係食嘢好悶啫!」她突然咬著火辣的紅唇,道:「我哋做埋上次未做完嘅嘢囉!」

  唔好誘惑我呀!我怕我今次真係忍唔住!

  她卻不是撲向我、強姦我,而是播放DVD。

  「上次我哋睇到Frankie去露營,我特登唔睇埋落去,等埋你一齊睇。」她向我回眸一笑。

  小!早知上次唔買《一路向西》,搞到我空歡喜一場。

  《一路向西》除了有大量搞笑情節,情慾鏡頭也是賣點之一,尤其是Frankie前輩和小思這頭乳牛的大戰,簡直令我血脈暴漲。

  我本以為欣欣會和上次一樣,當住我面前自瀆,想不到她竟是目無表情,到了做愛情節,更是如看文藝片般,沉悶地托著下顎。

  「喂!套戲好悶咩?」我問。

  「唔係呀……」她換了個坐姿,道:「只係我都有波有閪,佢哋做過嘅嘢我都做過好多次,覺得無乜特別啫!」

  「所以嘛話妳哋啲女人膚淺囉!」我揶揄她:「妳要思考下佢當中帶出嘅人生哲理,對生活態度作出反思。」

  「咁嘛好矛盾囉!」她反問。

  「點解呀?」

  「你哋男人見到靚女就狗衝過去,見到有得扑就扯晒旗即刻入閘,成個過程都唔洗經大腦,喺依個時候仲學人講哲學?」

  「……」

  「想學道理應該番學校讀書,或者去圖書館搵下啲典藉嚟睇,而唔係借學道為名,大條道理睇咸片。」

  又啱喎!好一個鐵齒銅牙死魚欣,在她的凌厲攻勢下,我也開始糊塗了。

  她問:「其實……你做乜咁崇拜嗰個向西村上春樹嘅?」

  「嗄?咁佢寫叫雞故寫到出埋書,仲拍晒電影喎!好多人恨都恨唔到架!」

  「咁……你有心嘅話,都得架啫!」

  「我?」我苦笑道:「咪講笑啦!我寫埋啲故咁冷門,邊有人鍾意架?負評就有。」

  「可能你未遇到賞識你嘅人啫!我聽過一個人講,『偶像唔係用嚟崇拜,係用嚟超越嘅!』,我信你得架!」

  「多謝妳先。」

  「拿!將來如果紅咗唔好唔記得人,有戲拍記住搵我做女主角呀!」

  我會的,因為在我心目中,妳從來就是不可取代的女主角。

  電視機播出工作人員名單,我和欣欣一起看《一路向西》的心願總算達成了。

  欣欣望一望時鐘,道:「原來成一點鐘囉播!唔洗打俾嘉嘉報告咩?小心俾佢知道你喺度陪我,誤會啲乜喎!」

  嘉嘉?X街!過咗十二點咁耐添!

下集預告:(請自行幻想Seed Destiny預告BGM)

  快活不知時日過,阿溢和欣欣機緣的重逢、難捨難離的情懷竟令他鑄成大錯,究竟嘉嘉還在等他嗎?他會否前功盡廢呢?下回《死魚與淫西,炮房內的攻防戰》,雞蟲們!叫雞都要記住打電話番屋企報到呀!

[ 本帖最後由 天溢 於 2012-11-9 04:49 PM 編輯 ]



實用相關搜尋: 電話 餐廳 音樂 電影 讀書 講笑 電視

TOP HOME

第十二集

第十二集(上)

  我跟欣欣四目交投,卻怎也說不出話來。

  上次離別已經那麼痛苦,我可不想彼此再承受打擊,我可不想再見到她在我面前哭。

  「係咪係去搵嘉嘉呀?唔洗理我喎!去啦!」

  見欣欣那麼豁達,讓我來去自如,我反而產生一種苦澀的味道。

  女人專一但絕情,她對我真的已剩下師徒情、朋友情嗎?明明是我主動放棄這段關係,為何現在最眷戀的反而是我?

  「嗯……我去了……」沒有人阻礙,我的步伐反而有點遲疑,彷彿被一種無形的壓力凝固在地上,但一想起嘉嘉正在等待著我,卻是心急如焚,這種矛盾的心情令我百般難受。

  阿溢呀!阿溢!你究竟想點架?一方面深愛著嘉嘉,另一方面又想把欣欣私有化,你真是一隻豬狗不如的畜牲!

  「走啦!」欣欣竟從後推著我,用力把我這尊僵著不動的石像推走,直至我步出了門口。

  「你唔係屬於依個地方。」欣欣沉聲說道,這一刻我的心彷彿被抽離了肉體,有一種難以言喻的絞痛。

  我回望著欣欣,看到她笑著向我揮手,跟我說再見。

  「砰!」大門無情地關上,我立即萌生無限的內疚,彷彿看到欣欣正悶悶不樂地蹲在門的另一邊,在想我、恨我、祝福我。

  她又是這樣了,總是口不對心。傷心會強裝快樂,失望會假扮滿意。這一點我向來最清楚。

  只要我回到屋內,就可以緊緊抱著她,被她欺負、讓她打、讓她笑,一起渡過歡愉的一晚,但是!但是!

  我衝出了大廈,嘉嘉妳要等我!妳一定要等我回來!

  凌晨時份,要截的士格外困難,幸好有些無牌經營的白牌車專門截客離開。事到如今,我也不能在乎花多些錢,沒心機提防有沒有危險,上車直搗羅湖。

  我坐在車上,秒針每動了一格便令我越是焦急,嘉嘉還在等我嗎?

  「唔洗找!」我飛奔下車,回到嘉嘉所在的大廈前,地面卻是空無一人!

  莫非她已經等得不耐煩離開了?莫非她遇上了什麼危險?嘉嘉,都是我錯!如果我記性好一點,定力強一點,就不會把妳遺忘掉,把我對的諾言背棄掉。

  我如瘋子發狂,對牢牢閉鎖的大廈鐵閘又拉又扯,刺耳的金屬聲劃破寧靜的黑夜。

  徒勞無功,是我錯過了這個機會……

  雙手發紅的我無力地跪在地上,真心為自己所犯的過錯懺悔。

  我屈膝坐在地上,承受著忽地降下的濛濛細雨,只覺身軀又濕又冷,孤寂的感覺由心而發。

  也許我等待至天亮,嘉嘉便會笑著來看我,一切如舊;也許她已對我徹底失望,沒打算回來這個傷心地,一切終結。

  我們經歷了那麼多,難得有一個美滿的結局,卻被我一手毀了,被我的猶豫和貪婪毀了。

  心力交瘁的我禁不住哭了,被鼻水倒堵的鼻子勉強哼著曲調。

  情深深雨濛濛 世界只在你眼中
  相逢不晚 為何匆匆 山山水水幾萬重
  一曲高歌千行淚 情在迴腸盪氣中
  情深深雨濛濛 天也無盡地無窮
  高樓望斷 情有獨鍾
  盼過春夏和秋冬 盼來盼去盼不盡 天涯何處是歸鴻

http://www.youtube.com/watch?feature=player_embedded&v=wLejxpOK3t4

  對不起,我真的很累,很想睡醒後會立即見到妳。

  「你……等咗好耐啦?」

  我緩緩抬起頭來,錯愕地望著前方。

  「對唔住呀!我太肚餓,所以去咗附近嘅便利店買嘢食。」她笑著回來,不是作夢,她笑著回來!

  「嘉嘉!」我搶了上前,把她緊緊抱入懷中,絕不再讓她從我身邊溜走。

  「做乜喎你?成個大細路咁款……」她垂下了雙手,尷尬地說。

  「對唔住……我嚟遲咗……我以為我妳嬲咗我,我以為以後都見唔到你。」我涕泗縱横。

  「我應承咗你不見不散架嘛!」嘉嘉輕拍我的背項,道:「就算你今日唔嚟,我會等到聽日;聽日唔嚟我會等到後日,後日唔嚟都唔緊要,我會等到你嚟為止,一定等。」

  圓圓的月光代替街燈照著我們,歷盡苦難後,總算是人月兩團圓。

  嗚嗚……上天實在對我太好啦!嗚嗚……

  在街上飄泊畢竟不是太好,我平伏心情後,立即帶嘉嘉到附近的賓館租了間客房。

  「而家太夜啦!妳住住喺度先,聽日我帶妳去搵屋租。」我撥開嘉嘉的秀髮。

  「嗯……我以後乜嘢都聽你話。」嘉嘉如一隻小鳥依人竄進我的懷抱,我從未試過跟她如此溫馨,這種心連心的感覺是至真至誠的。

  「嘉嘉……」我不禁吻向嘉嘉的紅吻,而她亦相當配合,跟我濕吻起來。

  我輕輕揉搓嘉嘉的乳房,順勢把她輕推在沙發上。

  我吻她的脖子、吻她的耳珠、吻她的胸口,把所有敏感的地帶遊走一遍,彷如困在沙漠很久的旅人發現了緣洲,愛慕的慾念一下子爆發出來。

  我伸手進她的裙子,把她的內褲輕輕褪下。我們每次做愛都是脫光光的,說真的,我倒想找一次模仿AV的情節,隔著衣服做愛。

  她突然握著我貪婪之手,道:「老公,我有啲攰,今晚可唔可以唔做呀?」

  她拒絕了我?她竟然拒絕了我?這變故著實是意料之外。

  以前的嘉嘉從不會拒絕我的求歡。

  「嗄……攰呀……咁……」我仍然壓著嘉嘉,嘗試徵求她的同意,畢竟要讓已然充血的老二冷靜是很困難和洩氣的事。

  「我工作太攰……其實我一直都想放下長假……」嘉嘉鑽進我的胸懷,道:「而家我總算可以安定落嚟啦!老公,今晚你摟住我瞓啦!唔好離開我。」

  「嗯……」我看著她輕閉雙目,靜止不動,有一種說不出的怪異感覺。

  「嘉嘉,不如……做埋今晚先吖!」我在她耳邊輕聲道,但見她沒有半點反應,不知是睡著了,還是裝作聽不到,而我的陽具還是高高挺起……

  今次真係濕滯。

  我嘗試強迫自己睡覺,但平時性慾旺盛時還是要先發洩一下,現在佳人在旁,陽具內的活性化細胞仍然興奮,大量男性荷爾蒙衝擊我的腦袋,教我怎能入眠?

  嘉嘉如吃了毒蘋果的白雪公主進入了假死狀態,而我亦不介意飾演患有戀屍癖的變態王子,於是靜靜解開褲頭,露出青筋滿佈、兀自抽搐的巨龍。

  我小心翼翼挪動嘉嘉的玉手,讓她握著我的肉棒不斷套弄。

  爽快的感覺衝擊我每寸神經,如在封閉的密室吃了一粒清涼薄荷糖,迫女伴打飛機的罪惡感反而成了刺激的催化劑,令老二不自覺滲出黏液來。

  但是,只局限於黏液,畢竟不是嘉嘉主動操刀,而我亦不敢使用太大的力度以免打擾她的安寧,所以總也沒法把興奮度提高至射精的層面,而體內的精蟲卻不斷製造,反而為我的睪丸構成負擔。

  原來打飛機打唔出係咁撚慘!

  「嗯……嗯……」嘉嘉突然改變了睡姿,我嚇得鬆開她的手,若被她知道我正在迷姦她的手,恐怕會立即跟我分手。

  嗯……還原基本步,無魚生食食住魚片先。

  「嗚、嗚!」此刻我正脫掉褲子在浴室苦幹,誓要把我的精液和怨念全部發洩出來。

  不行!單憑幻想是很難打飛機的,自從習慣了跟女人做愛後,我打飛機的本領不知不覺退步了。

  我見效果並不顯著,立即摸出手機,上網看ThisAV。

  不行!我的網絡供應商太慢了!我可不想J到一半時,畫面突然卡住了,Server可以緩衝,但我射精的衝動可是半秒也不能緩衝,只恨我沒把AV預先下載到手機,以備不時之需。

  就在這個時候,我想起有一個人可以幫到我。嘻嘻!只要不被嘉嘉發現便行了。




實用相關搜尋: Server 乳房 衣服 荷爾蒙 金屬

TOP HOME

**************夜遊教室Vol.12*************
爽YY:博士、博士!大陸啲KTV除咗小姐外,啲房錢、茶水點計架?
熊貓博士:爽YY呀!通常會睇你要依嘢Size嘅房計你房錢,佢可能會要求你落最少半打酒,所以多啲人組團去點都會抵啲。
爽YY:依?我聽講有每人最低消費嗰喎!係咪真架?
熊貓博士:每間場嘅做法都唔同,有啲場收貴啲,有啲場收平啲,而且仲要睇日子。如果係平日,有啲場直程唔會限你最低消費添!
**********************************




TOP HOME

第十二集(下)

  昏暗的浴室內迴盪著我的低吟,一條滿身贅肉的身體正在孤軍作戰。

  我咬緊牙關地看著一張男女合照,左手不斷套弄老二。

  欣欣,妳在我最需要的時間幫到我,實在太感謝妳了!不過,看到自己亦在照片之內,總是有點怪怪的,好!把欣欣的頭像放大吧!

  我看著欣欣甜美的笑容,腦海開始出現猥褻的畫面,畢竟我跟她可是三番四次@@@@@閪和口交,要把這些記憶匯出可是駕輕就熟。不單如此,我每隔數十秒就會跟她變換體位,其實打飛機都可以打到出神入化。

  而我幻想的同時,亦融入了欣欣新添的成熟美,胸部大小亦調整過,彷彿她的人生只是由性愛畫面構成,由細俾我扑到大,性技由生疏保守逐漸變得成熟放盪,頗有育成遊戲的感覺,確是另有一番味道。

  你哋班友要罵就罵啦!我認我@@呀!不過心靈上越軌總好過肉體上的背叛。

  「欣欣!妳好勁呀!我要射呀!」我禁不住咆哮,幻想著欣欣高潮時的淫蕩樣子,精液如被剛鑽開的阿富汗油田往四周亂噴,名符其實,嗚呀!射到成地精啦!




  我可不會蠢到顏射手機畫面,萬一被修理員發現手機內有大量精蟲,我可是比陳冠希還要掉臉。

  「老公,你同緊邊個講嘢呀?」外面傳來嘉嘉的聲音,@@!捉姦在床!

  「無!我同我左手傾緊計咋嘛!」幸好我尚算機警。

  如是者到了天亮,嘉嘉幾乎沒發現我曾在浴室內打飛機,因為罪證已經沖到大海了。幸好她沒有查人手機的習慣,不然隨時會被她發現我I Phone藏嬌。

  嘉嘉倒是貼心,親手炒烏冬給我吃,廚藝可比欣欣厲害得多。不,欣欣根本不可以把烹飪納為技能之一,她只是一個會製造生化毒藥的麻甩女。

  「係呢……老公呀!尋晚你咁夜先到……有嘢做呀?」

  我驚到立即噴麵,@@!點解啲女人咁小心眼架?以為佢會唔忘記嗰時,又無端端問起上嚟,真係防不勝防。

  照直講好唔好呢?但係……佢會唔會嬲架?

  「我去咗陪老闆應酬,我哋去咗沙嘴唱K……」我抱著心驚膽顫的心情,小心翼翼地說出每個字。

  「哦!原來係咁……」

  我搶著道:「放心啦!我連抽小姐水都無,真架!妳信我啦!」

  「傻啦!我都無懷疑你。」嘉嘉嫣然一笑,道:「趁熱食啦!」

  呼!危機總算告一段落。

  但是,看著嘉嘉天真的表情,我更是無地自容,彷如吃了一打慚愧波板糖。

  她百分百信任我,而我卻對她刻意隱瞞,不敢對方坦誠,又豈能廝守一生?

  「嘉嘉呀……」我的心跳開始加速。

  「嗯?」她抬頭望著我,已給予我無比的壓力。

  「其實……我尋晚陪完老闆之後,仲去咗見一個人……」

  她等待我說下去。

  「我遇番欣欣,我去咗佢屋企坐陣……」我立即澄清:「但係我真係同無佢乜嘢架!係真架!」

  「哦!咁咋嘛!」她仍然和顏悅色。

  「咦?」

  「好少事啫!唔洗當係啲好難開口嘅秘密喎!」

  「乜妳唔介意咩?」

  「介意乜嘢喎?」她撫著我的手背,道:「每個人都有佢嘅過去,你哋啲男人成日出去玩,會撞番熟人一啲都唔出奇。」

  「咁又係。」原來是我多心,小事化大。

  「除非……你對佢仲有嘢啦!」

  「嗄……」我冷不防嘉嘉來一招霸王回馬槍,呆若木雞。

  「講笑咋!我知你而家剩係愛我一個,而我亦都一樣。」

  「嗯……」

  嘉嘉雖然口裡說不打緊,但我感覺到氣氛變了,四周彌漫著不信任的空氣。說到底,都是我拔不掉欣欣這根刺,因為經常把她放在心上,才會不自覺把她掛在嘴邊。

  嘉嘉知道的,女人的直覺比男人更準,但她沒有發脾氣、沒有質問,全心全意地相信我。

  但她對我越好,我越是覺得對不起她,卻找不到任何補償的方法。

  我們的早餐便在這窒息的氣氛下落幕。

  在我跟歡挺會合之前,我先把嘉嘉安置到一個租住單位。

  「唔撚係呀!成二千蚊一個月?網上個價都唔係咁寫嘅!」我衝口而出。

  「價格依啲嘢變動得好快,網上個價唔準架!」包租婆仍在強辯。

  「喺深圳大陸打份工平均幾嗰三、四千蚊咗喎!點俾得起呀?」

  「喺依個地段依個價已經算合理架啦!你信我啦!你搵唔到另一間抵過我依度。」

  「信你一成,雙目失明,嘉嘉,我哋走!」我發晦氣。

  「但係……我哋已經行暈晒依頭囉播……真係剩番依間最抵……」嘉嘉真是老實。

  「咁……算啦!租住先!遲啲再搵個第二度。」

  「好!咁你俾住三個月租先!」包租婆果然是超級奸商。

  我不忿地點算身上的鈔票,@@!唔夠錢添!

  「拿!包租婆,依度一千蚊喺度,過幾日俾埋條尾數妳!」

  「係過幾日先好喎!如果唔係我當你毀約,要賠雙倍!」妳條八婆,做生意做到咁撚串。

  我和嘉嘉離開了單位。

  「老公呀!你……係未唔夠錢呀?」嘉嘉挽著我的手。

  「梗係唔係!」為免嘉嘉擔心,我搶著道:「我依排痴到個好有米嘅老闆,佢睇得起我嘅話,將來大把錢等住我賺呀!」

  「如果……如果你真係唔夠錢洗……不如我出嚟做……」

  我的臉色和步伐立即僵住了。

  「唔好誤會呀!我嘅意思係做下侍應生之類,我應承你唔會做番嗰行。」她慌忙解釋。

  我輕拍她的手背,道:「放心啦!你老公我無問題,過幾日我會帶夠錢番嚟搵妳,等生活上咗軌道,我就慢慢幫妳還清爭骨場嗰條數。」

  「嗯!」嘉嘉甜笑起來,伏在我的肩上。

  話雖如此,其實我真的擔心嘉嘉會為了交租還債而重操故業,她那麼為我著想,一定希望盡量減輕我經濟上的負擔。

  我不怕捱、不怕辛苦,最怕戴綠帽。嘉嘉越是叫我放心,我越是感到不安,我終於明白什麼叫「鄭子誠的笑容」。

  唉!貧賤夫妻百事哀,雞蟲夫妻更悲哀!

  我跟歡挺、班森在落馬洲會合,一起去吃個午飯,美其名討論夜遊文化,其實是賽後報告。

  「原來,豬西都有豬西嘅味道,騎上嚟嗰下好動感,真係好感動。」班森一臉滋味地回想昨晚的大戰過程。

  我料不到班森到了第二天仍是容光煥發,還以為他被豬小姐這重量級選手壓完之後,第二天定然下不了床。

  「點呀?阿溢,」歡挺扣著我的脖子,道:「尋晚無女食,一個人打飛機呀?」

  無錯……我真係一個人打飛機。

  班森是個大忙人,所以我們也不可能長期跟他去東征西戰,結果先齊齊回港,等待他的第二步指示。

  唉!沒有固定月薪的我,要在短短數天籌備租金可說是不可能的任務,唯今之計只有向我的大水喉下手。

  「班森哥,我依排手緊呀……可唔可以……」我已經定下決心,即使班森要我把菊花賣給他也願意。

  「得!」班森爽快地把一疊鈔票遞給我:「依度五千蚊,當係你搜集資料嘅經費。」

  感謝上蒼!班森哥你真是我的再生父母。

  他又問:「係呢!我今晚諗住上去,你陪唔陪我走轉呀?」

  「兩日前先上完去咗播!咁密?」

  「哦!上次個媽媽桑今朝打俾我,話嬌滴滴嗰位小姐肯陪瞓喎!咁我嘛打算即刻上去試囉!」

  唔撚係呱!條死魚欣前嗰幾日仲守身如玉,咁快又拋頭露面?

  「嗯……我都未試過啲咁細粒嘅對手,我諗同佢做愛應該會幾有新鮮感。」

  看著班森滿心期待的樣子,我著實找不到藉口攔著他不去找欣欣。

  不行!我一定要阻止他,我可不想跟這個襟兄弟朝夕相對!

下集預告:(請自行幻想Seed Destiny預告BGM)

  吃醋、佔有慾,每個男人必然會有,但偏偏雞蟲不應擁有。阿溢會用什麼方法阻止班森呢?欣欣真的會成為班森的囊中物嗎?下回《死魚與淫西,炮房內的攻防戰》,雞蟲們!搵尋歡拍擋最忌口味相近呀!



實用相關搜尋: 遊戲 講笑 網上 空氣 單位

TOP HOME

[隱藏]
第十三集

第十三集(上)

  「班森哥呀!其實唱淫K都唔係咁好玩個咋!上次啲小姐質素又麻麻,一時又話對食物敏感,一時又話唔識唱歌,仲要計埋房錢、小食費。」我嘗試破壞班森的雅興。

  「無所謂啦!錢我唔Care,況且上次見嘅可能係小部份,要唱多幾次,見啲人先會夠全面,取材先至夠宏觀。」班森一臉認真,說到取材是重點,扑嘢只是其次,這種專業的態度令我無從質疑。

  「吖!不如咁啦!我帶你去邪骨場玩下!嗰度啲女又正,又識幫人按摩,包你爽歪歪。」

  「你放心!邪骨場我遲啲一定會去,不過要先完全了解晒淫K依Part。如果你唔想去,我唔會勉強你,你叫完雞之後,隨時拎番張單問我Claim錢啦!」

  你玩我咩?班森哥,叫雞邊有得拎單據架?

  班森接聽手機。

  「喂!媽媽桑呀!放心!我一定八點半準時上嚟!叫可可Ready定,今晚我一定包佢過夜!嗯!拜拜!」

  @@!佢今次認真嗰喎!仲Bookmark埋人。

  事到如今,管他是我老闆還是恩公,什麼卑鄙的招數也要使用。

  「哦!班森哥,原來你睇中上次唔肯開房嗰條女呀?」我裝作意外。

  「Well,有乜嘢問題呢?」

  「哎呀!你咪濟添呀!我尋日走嗰時見到條女呢喺後巷度,食煙、啪針,幾唔乾淨呀!小心俾佢傳染啲菌呀!」我調節成三姑六婆的語調。

  「但係,我睇佢臉色紅潤,唔似喎!」

  哈哈!他開始步入我的陷阱了。

  「佢個妝化得好啫!落咗妝成隻殭屍咁款,好核突架!」死喇!我咁樣咒死魚欣,會唔會有報應架?

  「嗯……咁我更加要去會一會佢。」

  「嗄……班森哥,你講笑咋嘛!」

  「拿!要創造一個電影角色首先有夠立體,聽你咁講,似乎佢嘅背景同癖好係佢淪落風塵嘅主要原因,我好大可能會喺佢身上拎到靈感,依條女我食硬架喇!」

  咁都俾佢講得通,真係吹撚漲……

  不過,無論他幾大條道理也好,我還有最後的殺手鐧。

  我站到欣欣在沙嘴的單位外,卻躊躇起來。

  說實的,即使我成功截在班森前頭也沒用,欣欣也說過她這間「淫閪有限公司」是打開門做生意,我阻得她跟班森交易,也沒可能防礙她每天的工作。

  除非……除非……我還在胡思亂想什麼?我已經算是有家室的人,怎可以有非份之想?在情在理,我今天應該拿著租金去找嘉嘉,而不是出現在這種地方。

  我究竟係掛住欣欣個傻妹?定係唔捨得將佢個窄閪拱手讓人?

  當我在走廊上左右徘徊之際,木門忽地打開,教我一愣。

  「依?你點解會喺度嘅?」欣欣也看傻了眼。

  「Ar……」

  「上嚟探我又唔單聲,我而家要去開工啦!你遲啲再搵我啦!」她打開了鐵閘,作勢離開。

  「同我傾幾句先啦!」我立即倒堵著門口。

  「哎呀!傾計幾時都得啦!個客等緊我架!」她滿不耐煩。

  「我有嘢要同妳講!」我誠懇地望著她。

  她猶豫了一會,沒好氣地道:「好啦!傾一陣好啦!今日係假日,好旺場架!阿姐我賺少個崩都唯你是問。」

  好嘢!

  「咪住!」她突然問:「有無買手信?」

  我無奈地抽起我的通行證-一大袋鉅記豬肉乾。

  好彩我夠醒目。

  我走進室內,環境仍像上次糟糕,不,垃圾比之前更多,不禁抱怨:「搞撚錯呀!上次嘛幫妳執完嚟囉!」

  「有乜所謂喎?」她躺在沙發上,道:「間房租番嚟咋嘛,幅牆爛咗都唔關我事。」

  將來有邊個同佢同居真係當黑。

  「喂……妳唔夠錢洗咩?」我坐在她旁邊。

  「點解咁問呀?」

  「因為我聽媽媽桑講,妳又肯陪番人瞓。」

  「係呀!因為我突然覺得沙嘴好悶,所以想快啲儲錢,去過第二度囉!」她的眼神充滿期待。

  「我以為妳嗰時話一邊旅行,一邊做雞係講笑添。」

  「梗係唔係!」她站了起來,道:「我樊曉欣係一個頂天立地嘅麻甩女,講過嘅嘢一定會算數。」她突然不屑地斜視著我,道:「好過啲人吖!之前又話唔見人,上次又陪人睇戲,而家又無端端殺上人屋企。」

  「我!」我實在找不到句子反駁。

  我想見妳,我不想再讓其他人得到妳,難道妳還不明白嗎?

  「唔講啦!我去開工啦!你鍾意留喺度又好,自己去叫雞又好,自便啦!」欣欣步向大門。

  我看著她的背影,她的每一動作彷彿變成了慢鏡,就像昔日在街角後吻別離去,可是此刻只有我動情,只有我不捨,不再瀟灑的只有我一人。

  「唔好走!」我上前握著欣欣的手腕,道:「欣欣,今晚陪我,妳唔好去番工啦!」

  「我唔番工?」她冷笑,道:「我唔番工,你養我呀?」

  係!我本想一口答應,但想起身在遠方、在酒樓幹活的嘉嘉,卻吐不出話來。

  「喂!你今日怪怪哋嘅?」她又問。

  「無嘢嘅……」我逃避她的目光。

  「唉!真係怕咗你。」欣欣忽地撥出了電話,道:「媽媽桑呀!今日我有啲唔舒服呀!你同我推咗個客啦!我知佢係貴客!不過,我咳咳呀!哈哼!妳都唔想我傳染俾啲客,整臭妳嘅朵架!」

  欣欣……我就知道妳永遠會將我擺在第一位。

  「唉!一日最衰都係你,累到我得失個大客!」欣欣暴力地篤著我的太陽穴,但不打緊,只要她願意留在我身邊,我被她插爆屎眼也不在乎。

  「不過,熟還熟,數目要分明……」她突然向我搜身,我冷不防她有此舉動,被她輕易搶走了褲袋的銀包。

  她擅自在銀包取出一千元鈔票,道:「過夜費八百,另外嗰二百蚊當貼士,計平你架啦!」

  @@!今鋪真係估佢唔到!

  「咪住先呀!欣欣……」我試圖討回鈔票,她卻立即轉個身子,道:「出得嚟玩,唔係連一千蚊都豪唔起吖嘛?」

  「唔係呢……啲錢其實我要留番嚟幫嘉嘉交租架……所以……」

  「咁好簡單啫!你唔好幫佢交租,剩係將啲錢用落我度。」

  「嗄……」我無聽錯吖嘛……

  「講笑咋!」她說:「睇你個樣幾咁騰雞吖!我似啲咁冷血嘅人咩?我雖然未見過嘉嘉,但係大家都做過依行,都想佢得到真正幸福嘅!」

  咁都好啲,無端端開依啲玩笑,想嚇撚死人咩?

  「不過呢!我唔可以做壞規矩嘅,錢呢!我就一定會收。」

  「唔好啦!」我哀求道:「啲錢真係唔俾得妳架!唉!妳當我今日無嚟搵過妳喇!」

  「點可以當架?你唔好話@@@@@完閪之後當無射過精,然後再@@@@@過?」

  「好啦!當係師父我求下妳啦!最多我下次買法國朱古力俾妳食喇!」我輕輕拉著她的手,嘗試動之以情。

  「好喇!好喇!咪話我唔俾機會你,你玩Game贏到我,我就俾你取消交易,即刻放你走。」她不耐煩地妥協。

  「玩Game?無問題!猜枚依架嘢,我贏唔到班森哥,但點都唔會輸俾妳條o靚妹嘅!」我充滿自信。

  「哼!邊個話玩猜枚架?無啲新意。」她投以鄙色。

  「嗄?咁玩啲乜呀?」

  「我要玩野球拳!」

  なに!?



實用相關搜尋: 旅行 電話 電影 傾計 講笑 睇戲 食物 交易

TOP HOME

**************夜遊教室Vol.13*************
爽YY:博士、博士!點解我朋友佢上去玩嗰時俾公安拉咗,仲要俾人拘留十五日嘅?咩上面叫雞唔係合法嗰咩?
熊貓博士:爽YY呀!喺港澳內地,只有喺澳門幫襯集團式經營嘅賣淫場所先係合法。所以嗰啲由媽媽桑帶嚟嘅小姐,同KTV無直接嘅合約關係。
爽YY:哦!咁喺上面玩嘛好危險囉!隨時俾人拉咗都唔知。
熊貓博士:咁你又唔洗驚,公安同賣淫集團打龍通係啲好平常嘅事,通常掃黃都係做下樣俾上面睇,公安事前會通知KTV、夜總會、桑拿場,叫佢哋自己執生。
**********************************



實用相關搜尋: 桑拿

TOP HOME

**************夜遊教室Vol.13*************
爽YY:博士、博士!點解我朋友佢上去玩嗰時俾公安拉咗,仲要俾人拘留十五日嘅?咩上面叫雞唔係合法 ...



熱門搜尋: locker 家居 設計 ipcam 浴室

TOP HOME

第十三集(下)

  「野球拳?」我戚起了眉頭。

  「無錯!嘻嘻嘻!我哋猜包剪揼,輸咗嘅話要除一件身上嘅嘢,除晒所有嘢就即刻當輸。」欣欣盤著雙手,像一個出難題的大魔王。

  我打量著欣欣身上的衣物,背心、裙子、胸罩、內褲、一雙鞋襪,合共八塊籌碼,而我則有恤衫、西褲、領帶、皮帶、內褲、一雙鞋襪,合共九塊籌碼,我稍稍佔優,搏得過。

  「好!我接受妳嘅挑戰,等你見識下野球拳王嘅厲害。」我作出必勝宣言。

  「咪咁口響!你贏咗就可以拎番啲錢,咁如果你輸咗呢?咁又點呀?」

  「妳無非都係想敲詐啫!我輸咗嘅話就俾多一千蚊妳!」反而也不夠錢,欠一千和欠二千都是一樣。

  她冷冷說道:「又講錢,真係無癮。我唔要你啲錢,我要你同我做一件事。」

  「乜嘢事?妳講啦!」

  「我要妳陪小霞過夜!仲要一晚做夠五次!」

  「嗰件豬西?唔撚係呀?」這條件教我晴天霹靂。

  我無力地跪在地上,多麼龐大的注碼,輸了的話不但血本無歸,還要被這件肥婆霞強姦,這是天下男人的恥辱!我不是班森哥,我絕不會為電影、為了試新奇的事物而犧牲色相!但是!但是!

  可惡的死魚欣,竟然輕而易舉把我趕上絕路。她真是蛇蠍心腸,我知道她心中定然在恥笑我!期待我被肥婆霞蹂躪身體、摧殘自尊!

  「做乜個人震晒呀?開始驚囉咩?睇嚟你嘅決心都唔係好大咗播!」她挑釁我。

  「好!我接受!」我站了起來,我知道上天會憐憫我這個痴情男子,一定會被我和嘉嘉的真摯感情打動。放馬過來吧!死魚欣,我要脫光妳的衣服,然後狠狠鞭打妳的屁股!

  「嚟啦!」我和欣欣齊聲咆哮。

  「包!」我擺好了架式,氣定神閒。

  「剪!」她拉後了右手,眼神認真。

  「揼!」我們齊齊出招。

  旁白:「究竟勝利女神會向誰微笑呢?是窮撚阿溢?還是古惑MK妹欣欣呢?一場龍爭虎鬥即將在這密室展開!!!」

  「可惡!」我看著遞出的兩指。

  點解我要出剪?

  「呵呵呵呵呵!知道本小姐嘅厲害囉咩?」欣欣先拔頭籌,十分囂張。

  「哼!」我邊脫下了領帶,邊不忿地道:「贏一鋪就串串貢貢,睇我一陣點剝妳光豬,再嚟!」

  「包、剪、揼!」

  包贏揼!Yeah!

  「快啲除衫啦!俾叔叔睇下妳對波有無大到。」我露出猥褻的表情,看妳還神氣什麼。

  「好呀!」欣欣卻不是把背心脫掉,而是伸手進胸口一探。

  「登登登登!」

  乜嘢話?砵仔糕!?

  「妳、妳竟然裝假狗,犯規呀妳!」我作出控訴。

  「哼!規則有話過唔可以裝假狗咩?唔整大啲對波,點吸引啲咸濕佬呀?」她把胸墊掉在地上。

  哼!今次真是棋差一著,算漏了兩塊隱藏籌碼。

  接下來的十局,我們各勝五局。她把另一塊胸墊和一雙鞋襪脫掉,而我則脫掉了皮帶和一雙鞋襪。驟眼看我們的籌碼數目是一樣,但其實她比我多一條胸圍,若維持這趨勢打消耗戰,我必敗無疑。

  一定要出奇制勝!沒錯!每個人必然會有一些不為意的小習慣,只要找出欣欣的小習慣,一定可以預計她的下一步。

  「包!」我火速進入八奇的思考領域,舉起右手的她彷彿變成了慢動作,而我的腦海正不斷運算。

  每個人玩猜拳都有取向,有些人偏好出包,有些人偏好出剪,而剛才的十二局,她只是出了兩次剪、三次包,其餘七次是出揼,為什麼她偏好出揼呢?而且每次出揼的時候,她的動作好像特別流暢,好像是本能使出來,完全不需要經過思考。

  她把拳頭握緊,是出揼?還是會中途變換動作?慢著!她的動作……

  我的腦海不斷重覆她出拳的畫面,重播、倒帶、重播、倒帶、揮下、高舉、揮下、高舉……我看出了!我洞悉她的破綻了!

  「包!」我自信地揮出右手。

  包贏揼!果然沒料錯。

  「你……你究竟發現啲咩?」她似乎留意到我嘴角含笑,開始生疑。

  「無呀!」我當然不會透露真相。

  欣欣啊!都怪妳的職業病害了妳,妳出揼之所以那麼自然流暢,是因為幫客人打飛機太多!無論是速度還是節奏,都是用手打飛機的標準動作!

  她脫下了背心,悻悻然地道:「哼!今次你無咁好彩!」

  「包、剪、揼!」

  好!又是包贏揼!欣欣,妳無路可逃了。

  「仲唔除衫?」我笑淫淫地說,她不忿地脫下裙子,說回來,她的條線真的優美了不少。冷靜!大戰期間,不可以被其他事分心!

  「再嚟!包!」她似乎懷疑我看穿她的動作,故意把側過身子。

  「包、剪、揼!」

  「好!贏番一局!」她恢復信心。

  嗯……竟然是出剪,似乎她出拳時是經過思考。慢著!我可以順勢把心理戰昇華。

  我不是脫掉恤衫,而是把長褲脫下。

  窄狹的內褲無法遮掩我已然膨漲的巨龍,我還故意把下半身挺前,用我的小山丘吸引她的注意力。

  「你……」

  果然如我所料,她瞪著我的下陰不放,右手像是被強迫握成拳頭。是替人打飛機的慾望被勾起吧!是潛意識控制妳的決定吧!

  「包、剪、揼!」我故意把節奏加快,不讓她有思考的空擋。

  包贏揼!脫胸罩!

  包贏揼!脫內褲!

  「贏啦!我贏咗啦!」我如苗喬偉般歡喜若狂,只見欣欣沒脫掉內褲,反而冷笑一聲,伸手進內褲取出一件東西。

  「衛生巾!?咁都算?」我瞪大了雙目。

  「梗係算啦!只要係著上身嘅嘢就算!」她意氣揚揚地道。

  @@!早知我就笠多幾個避孕套落碌鳩度啦!

  「繼續!包、剪、揼!」她的動作倏地加速。

  我冷不防被她突襲,下意識出了包。

  包輸剪!@@,被她偷襲成功。

  「哼!」我脫掉恤衫,現在我和她都只剩下一條內褲,即是下一局分勝負。

  我倆屏住了氣息,室內只剩下冷氣機轟隆作響,下一秒將會決定我的命運。

  緊張的氣氛令我的腎上腺素急升,她的動作在我眼中變成慢鏡,高舉的手卻不斷轉換著包剪揼的手勢,無法判斷,在毫無先兆的情況下,一切只可以碰運氣。

  「包、剪、揼!」

  咆哮過後,我們僵著不動,房間彌漫著一陣肅殺的氣氛。

  「呀……呀……」我難以置信地看著握拳的右手,悲憤的心情佔據著我的內心。

  「可惡呀!」我仰天長嘯,無力跪在地上。

  「好精彩嘅一場戰鬥,不過可惜最後都係本小姐贏,哈哈哈哈哈!」她按著因不斷揮動而麻痺的右肩。

  嘉嘉,我輸了,我對不起妳!嗚嗚……

  我看著地上的衛生巾,突然靈機一觸。

  「咪住!」我打斷了欣欣的狂笑,緩緩站了起來,渾身散發出不屈的鬥氣。

  沒錯!我也有隱藏籌碼!

  「吒!」我瀟灑地脫了下來。

  「喂!眼鏡都算?」她質疑我。

  我冷冷說道:「妳連砵仔糕都當係籌碼,點解眼鏡就唔得呀?」Yeah!四眼仔萬歲!

  「好!算你狠!」她咬一咬唇。

  終於到最終決戰了!今次誰也不能抵賴。

  只穿著內褲的我們嚴陣以待,就如一對在擂台上對壘的摔角手,捕捉機會向對方使出筋肉強打。

  沒戴眼鏡的我看不清欣欣如流水般的動作,所以索性閉上雙目,不被她的假動作和策略迷惑。

  「嘉嘉!賜我力量!天上天下一擊必殺念動包剪揼!」貫注信念的一擊,賭上我一生的所有運氣,開拓通往幸福的道路吧!

  兩股氣勢相撞,化成可見的衝擊波,激起劇烈的震盪,剎時間風雲變色……對不起,我承認我看打鬥動畫上腦,當我沒說過。

  雙拳齊齊擊出,剎那間鴉雀無聲,未幾,我才渾身打顫……

  是興奮到渾身打顫!包贏揼!贏了!我終於贏了!

  「欣欣……」我遞出了右手,笑道:「俾番啲錢我。」

  「我都未輸。」

  「嗯?」

  她再次高舉右手,然後狠狠插進內褲內。

  「嗚!嗚!」她一邊挖著,臉容忽地扭曲起來,猶如最終Boss即將進化成第二形態,對主角進行絕地反擊。

  「衛生綿!」她就如多啦A夢,在四次元內褲內,抽出了一條濕淋淋的法寶。

  「喂!邊有人又用衛生巾、又用衛生綿架?」

  「唔得咩?又係你嫌我個人唔夠衛生,咁我嘛用晒兩樣囉!」

  我應該笑嗎?

  「唔好講咁多啦!再嚟!」她右手拉弓。

  「咪住!我未儲夠念力!」我可不想因遲出而落敗,被迫出招。

  「包、剪、揼!」

  我垂頭喪氣地坐在床上,兩行淚水滴在我的手掌上。

  「你唔洗洩氣喎!唔係你廢,係本小姐太厲害啫!哈哈哈哈哈!」她拍一拍我的背心,不過她太輕敵了。嘻嘻!

  我乘她不備,飛身撲向床頭的一千元鈔票,得手了!

  「天真!」

  這兩個字剛傳進我耳內,我的脖子已被一對肉腿夾緊,身子被蠻力扔在床上。

  我未及掙扎起來,頭顱已被她的下陰壓著,沒錯!她用下陰壓著我的頭,隔著內褲也嗅到水簾洞散發的清香,換另一角度看,也算是一種M味濃的享受。

  「哼!你以為依啲小動作可以瞞得過我聰明嘅欣欣咩?」她不斷向下施力,內褲狠狠壓在我的臉龐,教我無法作聲,僅能作出零星的反抗。

  「點呀?乜你唔係好鍾意奶我個閪咩?奶啦!做咩唔奶呀?」她不斷扭動蛇腰,令我開始有窒息的感覺。

  完敗!在欣欣面前,我只是一個手無縛「雞」之力的弱者。




  「嗚嗚……」我側身躺在床上,不斷抽泣,彷如被強姦中出的處女。

  唉!屋租拎唔番,之後仲要俾個肥婆霞強姦,我不如自殺死咗佢算。

  「喂!」她輕推著我。

  「做乜呀?」我了無生氣地回應。

  「錢呀!唔要呀?」

  「嗄?」我轉個身子,只見她遞上了一千元鈔票,道:「同你玩下咋嘛,咁認真。」

  「欣欣……妳果然對我有情有義……」我感動得淚流滿面。

  「男人老狗,唔好咁肉酸啦!」

  「嗯!」我擦一擦眼淚,正想收取鈔票,她卻不放手。

  「始終都係你輸咗!唔懲罰下就無意思嘅!」她的陰險笑容令我感到心寒,我慌忙掩著下陰。

  「放心啦!唔會要你陪瞓,你估我咁想同小霞做襟姊妹咩?不過我而家仲未諗到罰啲咩,諗到再同你講啦!」她這樣說反而令我更不安,萬一她要我幹出一些泯滅人性的事……

  不過,今次的遊戲總算告一段落,很瘋狂,亦很難忘。

  我見窗外天色已暗,便道:「我係時候走啦!嘉嘉仲等緊我。」

  「等陣先呀!」

  「嗯?」

  「做埋愛先走啦!」她講到好似「食埋飯先走啦!」咁隨便。

  「嗄……不過,啲錢我拎番囉播……」

  「唔緊要啦!」她突然撲了上前,輕輕掐著我的雞巴,一臉媚惑地道:「你唔記得咗啦!你嘛爭我兩Q嘅,係時候找數啦!」

  我突然渾身乏力,不由自主被她推倒。

  真是狗改不了吃屎。

下集預告:(請自行幻想Seed Destiny預告BGM)
  急色是男人的致命武器,肉體是女人的最大武器。面對欣欣的誘惑,阿溢真的能把持得住嗎?下回《死魚與淫西,炮房內的攻防戰》,雞蟲們,分咗手就唔好諗打友誼波啦!




TOP HOME

第十四集

第十四集(上)

  「欣欣、欣欣,唔好呀……」我坐在床上,羞澀得如未經人事的少女。

  口裡說不,身體卻很誠實,欣欣伏在我的背項,雙手繞到我的下盤,熟練地揉搓我的老二,很快便令它如陶瓷般堅硬起來。

  收音機正播放著《人鬼情未了》的主題曲-Oh My Love,為激情的畫面增添幾分浪漫的氣氛。

  「師父,我有無進步到呀?」欣欣在我耳邊輕輕吹風,的而且確,她的打飛機功夫確是進步了不少,甚至已經超越了嘉嘉!

  自從被嘉嘉拒絕求歡後,我故意忍耐不去自瀆,準備在下次全彈發射。料不到現在被欣欣捷足先登,體內的精蟲就如《風之谷》的甲蟲,快要在她的刺激下傾巢而出。

  「五秒、四秒……」我計算出忍耐力快要到臨界點,又長又粗的大炮瞬間進入了Tran-Am模式,春袋內的兩顆太陽爐互起共嗚,不斷製造出活躍的GN精子,發紅的龜頭瞄準虛空的宇宙。

  正當我準備一洩如注,欣欣卻突然冷笑一聲,徑自跳下了床,更開始穿上了衣物。

  「妳、妳做乜停呀?」我錯愕地看著她。

  「嘻!你中計啦!點呀?想射又射唔出,係咪好辛苦呢?」她露出奸狡的微笑。

  「欣欣呀……咪玩啦!我真係好想要呀!妳幫我整多幾下啦!就射得到出嚟啦!」我苦苦哀求,不斷增加的幼蟲彷彿要噬開我的包皮。

  「唔得呀!我唔可以再縱容你條死淫蟲架?你咁想搞女人,依度附近大把。」

  「我都話要留番啲錢交租咯,家陣妳係咪見死不救先?」我握著發痛的陰莖。

  「哼!而家只有一個女人肯免費同你做愛,你仲唔即刻飛的去搵佢出火?」

  她指的是嘉嘉?哦!我終於明白欣欣的苦心了,原來她不是打算用美色來留住我,而是挑起我的性慾,讓我不能再四處亂跑,乖乖地回到嘉嘉身邊。

  欣欣雖然是俏皮,但對於愛情,她永遠都是最願意犧牲、最偉大的一個,說不定她只是用野蠻、開朗的性格來掩飾她脆弱的一面。

  唉!都是我的錯,如果我不是佔有慾太強,如果我不是吃這些無謂的乾醋,就不會令自己走進死胡同,同時傷害欣欣的弱小心靈。

  良心受到責備的我逐漸失去性慾,龜頭軟垂下來,而欣欣亦向我遞上了衣服,道:「快啲著番衫走啦!嘉嘉啲靚湯等緊妳架!」

  「嗯……」我開始整理裝束,浪子是時候回家了。

  「話唔定佢今晚整杯虎鞭酒俾你飲,增強你嘅戰鬥力。」欣欣一邊說,一邊模仿《賤熊30》的泰迪熊,不斷扭動下盤。

  我灰然道:「我都想,我驚佢好似上次咁唔肯做……」

  「依?佢唔係咩都聽你講,服侍得你好好咩?」

  「唔係囉!」我失落地道:「上次我哋打打下車輪,本來想做埋落去,點知佢突然嗌攰,以前佢都唔係咁嘅。」

  我的春袋突然被欣欣轟了一下。

  「好、好痛呀!痴線咩妳?」

  「你有無搞錯呀?你而家當嘉嘉係性愛機器呀?做少一次半次就咁多嘢講?佢都係人嚟架!你做人條佬更加應該體諒人!」欣欣的一席話如當頭棒喝,說回來,每次想起嘉嘉,我都會先聯想起她厲害的床技,從來只看重她這項優點。

  欣欣說得沒錯,若要天長地情,就更應該互相體諒,為了嘉嘉的健康著想,我多打幾次飛機又何妨呢?

  「走啦我!」欣欣步向門口。

  我慌忙追問:「妳去邊呀?」

  「去食飯呀!都八點咯!我好肚餓呀!」

  哦!我仲以為去搵班森添!

  「喂!不如……妳跟我去嘉嘉度,我哋今晚三個一齊食飯……吖……」我一時衝口而出。

  「嗯……好呀!」

  欣欣竟然爽快地答應了!

  「行啦!我好肚餓呀!」欣欣催促我,她竟然認真看待我開的玩笑,若現在才甩掉她,恐怕再那不是受爆春袋之刑那麼簡單,今次真是騎虎難下。

  我跟在欣欣的後面,越想越不對勁,她會不會借機向嘉嘉宣佈主權?她會不會口沒遮攔弄哭嘉嘉?

  @@!今鋪真係玩大咗……

  「老公,你番嚟啦!」嘉嘉打開了門。

  「嘉嘉姐,I miss you so much!」欣欣立即跟嘉嘉來一個熊抱,令她無所適所,只能呆望著在後面苦笑的我。

  「哦!原來你就係阿溢成日提起嘅欣欣呀?」嘉嘉捧出一煲魚湯。

  「係呀!嘉嘉姐,妳果然好似我師父所講,個樣又靚、身材又正。」欣欣喝了一口湯,豎了起大姆指,道:「嗯!廚藝仲一流!」

  「妳過獎啦!」嘉嘉笑道:「妳好似佢所講,咁精靈活潑。」

  「哦!係呀?」欣欣斜視著我,道:「仲以為你成日講我壞話添!」

  「哈哈哈!點會呢?」我以笑遮醜。

  糟糕了!怎麼她們的相處和對白會那麼自然和睦?明明知道對方會搶走自己的男人,莫非她們只不過是笑裡藏刀?只要我稍不留神,便會拿起鐵叉、筷子互砍對方?一定要打醒十二分精神,一旦有火藥味便要立即制止。

  「依?老公!你做乜成身都係汗嘅?好熱咩?」嘉嘉問。

  「唔係呀!」

  欣欣插口道:「哎呀!師父佢不嬲好多汗架啦!佢次次同我做完愛,都搞到成身都係汗,嘈住要一齊沖涼!」

  欣欣,妳知唔知自己講緊乜呀?

  嘉嘉又說:「係呀!阿溢佢真係好鍾意鴛鴦浴架!佢仲好鍾意擦人背脊添!不過呢!好似話得我一個識欣賞咗喎!可能因為咁,佢就揀咗同我一齊囉!哎呀!我講笑嗰咋,妳唔好當真呀!」

  唔好笑!依個爛Gag一啲都唔好笑!

  「嘉嘉姐呀!妳知唔知師父最鍾意講啲咩呀?」

  「咩呀?」

  「佢呢!好鍾意講粗口架!我每次同佢互相爆粗,都會搞到大家好High、好開心嘅。所以妳以後記住講多啲粗口,氹佢開心喎!」

  「粗口呀?我唔係好識講喎!」

  「唔緊要,好易學嗰咋!我教妳。」欣欣臉色突變,一張日和漫畫式的嘴臉,沉聲道:「@@@@@妳!」

  乜咩教粗口呀?妳擺明係咁搵藉口罵人!

  「哎呀!欣欣,學粗口我第日再搵妳教啦!而家趁熱食飯先啦!」好!嘉嘉果然大方得體。

  「唔緊要啦!真係好易學嗰咋,我而家教住三個單字先,妳自己溫習下啦!」欣欣再次變臉,說話一次比一次用力:「@@@@@妳!@@@@@妳老母!@@@@@妳老母臭閪!」

  喂!妳玩撚夠未呀?

  鴉雀無聲,我看看欣欣,儘管她加以隱藏,還是難掩她心中的惡魔。

  依條死妹釘擺明喺嚟搞搞震!




  嘉嘉沒有反應,是抑壓著心中怒火吧!快要爆發出來吧!

  「又幾得意喎!哈哈哈!粗口真係有趣。」

  還好!嘉嘉氣量寬宏,沒放在心上。

  「係呢!」嘉嘉問:「我想問『臭閪』係點解呀?」

  欣欣答:「即係俾好多人@@@@@過嘅閪,通常係用嚟罵女人。」

  「依?咁即係好似妳咁囉!」嘉嘉冷冷說道:「臭閪!」

  我暈啦!今次真係火星撞地球、豬西奶龜頭,世界末日啦!

  「係呀!我係臭閪呀!哈哈哈!係一個好多人鍾意奶嘅臭閪呀!」欣欣竟然開懷大笑。

  「呵呵呵!其實,我都係件臭閪嚟架!個閪都唔知俾人插過幾多次囉!」嘉嘉也掩著嘴巴。

  依兩個女人個腦竟然係乜嘢構造?

  「老公呀!」嘉嘉突然說:「你又唔早啲講欣欣都嚟食飯,搞到唔夠餸喇!你快啲落去斬半隻雞啦!」

  「嗄?」

  「嘉嘉姐真係有我心,師父我都想食雞呀!快啲落去斬啦!」欣欣和議。

  我有不祥的預感。

  要我落去斬雞,我驚妳兩隻雞喺依度斬到一頸血呀!



實用相關搜尋: 漫畫 講笑 衣服 機器 沖涼

TOP HOME

[隱藏]
**************夜遊教室Vol.14*************
爽YY:博士、博士!《一路向西》入面,小魚主動向Frankie提出包養佢,係咪真係有依種女人架?
熊貓博士:爽YY呀!現實中都有好多依啲咁嘅例子,你俾咗錢佢,佢就會優先同你做。
爽YY:依?聽講都係幾千蚊咗喎!除番條數都幾抵喎!
熊貓博士:梗係唔係啦!好多上去玩嘅人,都係一星期先抽得到一日。除番開,其實同你每次搵唔同小姐瞓差唔多價。仲有,你唔喺度嗰時佢照樣落場搵食,邊有咁平就買到隻私家雞架?
**********************************

TOP HOME

第十四集(下)

  「老闆,斬半隻雞嚟!快!」

  「好!半隻吖嘛!」店主慢條斯理地操刀。

  「快啲啦!我趕時間架!」我心急如焚。

  「得啦!得啦!食遲少少會死咩?」

  「會死呀!仲會死兩件添呀!」我不禁咆哮。

  「冷靜啲!你哋兩個冷靜啲!」我一邊拔足狂奔,一邊默禱二人不要動粗。

  論身形和氣力,嘉嘉打起上來應該佔優;但欣欣身手敏捷,而且奸狡古惑,爆發力無可限量。唉!我幹嘛在做戰力分析?她們打起上來,定會至少有一個受傷,這是我最不願意見到的!

  「我番嚟啦!」我猛力打開了門,竟發現飯廳空無一人,反觀地面還有一大灘血紅色的東西。

  Oh!No!

  「師父!」

  我回頭一看,只見欣欣滿身鮮血站在我面前,笑容簡直像在《大逃殺》遊戲中生還的小女孩,她身上的鮮血難道是嘉嘉?難道嘉嘉已經遭遇不測?

  「殺人兇手!妳個殺人兇手!」我竭嘶底里地吼叫,顫抖的手撥出手機,道:「公安同志,有人殺人呀……」

  「老公!你番嚟啦!」嘉嘉突然出現在欣欣後方。

  「依?」我打量著嘉嘉全身,卻是毫髮無損。

  「師父,乜嘢殺人兇手呀?你痴撚咗線咩?」

  「妳、妳身上嗰啲唔係血咩?」我指著欣欣。

  嘉嘉笑道:「哦!欣欣話想學煮嘢食,咁我嘛教佢煮茄汁豆先囉!點知開罐太用力,搞到成地都係。」

  「哦!」@@@@@!咁老套嘅橋段都睇唔出,枉我睇咗TVB咁多年。

  「依度係派出所,乜嘢殺人呀?」聽筒傳來公安的聲音。

  「無……我啱啱打《真•三國無雙》,殺咗成一千幾百人啫……」

  「妖!混吉!」

  還好,沒把事情弄大。

  「欣欣呀!啲衫褲喺度,妳快啲去沖涼先啦!」

  「哦!」

  「老公呀!我去幫欣欣洗衫先呀!你幫我抹乾淨撻地吖!」

  「係!」我跪在地上努力苦幹,腦海不禁幻想若血案發生,我正在狼狽地清理犯罪行跡,真是教我不寒而慄。

  飯局繼續開始。

  「欣欣,妳唔好飲多酒啦!」嘉嘉勸喻。

  「唔緊要啦!今晚咁開心!依杯酒就當祝你哋白頭到老!」欣欣舉杯,她這句話是由哀說出來嗎?

  「欣欣呀!聽阿溢講,妳平時喺KTV番工,一定好多客灌妳飲酒,妳今晚就俾個腎抖下啦!」

  「怕乜嘢喎!我做多幾日唔做架啦!」

  「嗄?」我和嘉嘉齊齊驚訝。

  「我嘛講過囉!沙嘴嘅生活我已經過厭咗!所以呢!我決定聽日就同媽媽桑辭職,然後周圍去,下次再見嗰時,可能你哋已經生埋仔啦!」

  「欣欣,妳決定咗架啦?」嘉嘉說:「一個女仔四圍飄泊,無人無物,好危險嗰喎!」

  「怕乜嘢喎!我之前落香港做141嗰時,嘛一樣係一個人照顧自己,得架啦!」

  聽到這個消息,我的一顆心立時沉了下來,今晚可能是我最後一次見欣欣。就算幾年後有機會跟她重遇,很可能彼此已遺忘掉當年情,親密曖昧的關係從此不再。

  「我係時候走啦!拜拜!」欣欣站了起來,向我們道別。

  「咁快?食埋生果先走啦!」嘉嘉說。

  「唔啦!唔阻你哋扑嘢啦!嘉嘉姐,妳煮嘢好好食,一定要養到師父肥肥白白。等其他女人呢!見到佢個大肚腩就自動彈開。」欣欣東歪西斜地後退,好不容易走到門口。

  我慌忙上前扶著快要跌倒的欣欣。

  「老公!你送欣欣番屋企啦!」還好,嘉嘉體諒我。

  我們在樓下等的士,欣欣在我的相扶下好不容易才站穩,嘴裡還咕嚕咕嚕,隨時會像喪屍般嘔吐大作。

  欣欣忽然道:「放心啦!師父,嘉嘉姐真係個好大量嘅女人,你以後唔洗驚佢會成日疑神疑鬼啦!」

  欣欣,原來妳剛才的針鋒相對是為了考驗我和嘉嘉的愛情,我錯怪妳了。其實,妳喝醉是因為高興?還是為了忘情?妳的祝福是由哀?還是勉強?

  我倒真希望的士永遠不會經過,好讓欣欣酒醒過後,跟我談心事直至天明。

  「咁夜好難截的士,不如妳留喺度瞓一晚啦!」我剛提議,一輛的士停在我們面前,那該死的的士司機,巴不得他被客人打劫。

  算了吧!可能上天早已注定。

  我扶欣欣進入後座,她卻用高跟鞋輕踢我的胸口,醉醺醺地道:「你唔好跟嚟!番去陪嘉嘉姐,我自己番屋企得架啦!」

  「妳醉成咁,我點可以俾妳一個人番去架?」

  「你呀!咪以為我醉咗就可以趁機抽我水呀!小心我一招撩陰腿閹咗你呀!我吒!」

  我被欣欣的假動作嚇至後退,她便乘機撲前,把車門關上。

  「拜拜!」欣欣在車廂內向我揮手。

  我看著的士絕塵而去,四周只剩下夏蟬的鳴叫,修長傾斜的影子投射在破爛的牆上。

  我的心從未如此百感交雜,有點豁達、有點擔心、有點失落、有點憂緒……欣欣,妳一定要得到幸福,希望下次不要再遇到我這種人、這種搖擺不定的壞男人。

  我回到單位。

  「依?咁快番嚟嘅?」嘉嘉已把餐具執拾好。

  「嗯……欣欣話唔洗我陪喎!我送咗佢上的士就番嚟。」

  「老公呀……其實你係未唔捨得欣欣呀?」

  我冷不防嘉嘉有此一問,一時無以應對。

  要我否認對欣欣的感情,我辦不到,即使是嘉嘉親口問到。

  「其實……我明嘅……」嘉嘉說:「欣欣咁可愛,又同你經歷過咁多事……」

  「嘉嘉……」

  「得啦!我明架啦!老公你都攰啦!我服侍你沖涼吖!」嘉嘉像是刻意中止話題。也好!再談下去,只會令大家鬱鬱不歡。

  始終有些說話藏在心底比較好。

  以往我和嘉嘉鴛鴦浴都是在企缸內進行,此刻在浴缸內浸泡泡浴理應是刺激的新玩意,但欣欣的事卻纏繞著我的思緒、佔據我的腦袋,令我完全提不起勁。

  沐浴過後,我躺在床上靜思,把由認識欣欣、再遇到嘉嘉的畫面重頭回憶一次。那時候,如果我沒有上141,又或是沒有跟歡挺去揼邪骨……

  「老公呀!你而家想唔想做呀?」嘉嘉躺在我旁邊,性感的浴袍露出了半球。

  「想呀……」我料不到嘉嘉會在這時候提出性需求。

  「對唔住呀!因為我嗰日太攰,我都知你忍得好辛苦,所以我而家一次過俾你吖!連續做三、四次都無問題架!」

  單是聽了這句也興奮,我的意識再次被下半身操縱。

  我倆一下子把衣服脫光,在床上展開前戲。

  正當我躺在床上,等待嘉嘉施展她最厲害的舌功和騎術,她卻說:「老公,今次由你全程服侍我吖!」

  「哦……好呀!」我並不介意自己採取主動,而是稍為不習慣,一直以來都是嘉嘉先採取主動,用她的淫盪床技激起我的獸慾。

  我用力揉搓她的巨乳,嘴巴如八爪魚的噴嘴反覆吸啜她的乳暈,右手施展出撩陰白骨爪,把她的淫水連帶高潮勾出來。

  可是……有點奇怪……

  「嘉嘉呀……妳係未仲係好攰呀?」我停止了動作。

  「嗄……唔係呀……點解咁問嘅?」

  「因為妳好似唔多嗌咁嘅,我以為妳無感覺添。」

  「唔係呀!我好舒服呀!老公,你繼續啦!」

  「哦……」雖然我繼續活塞運動,心中卻在胡思亂想。如果她真是覺得舒服,為何她不呻吟?不顫抖?我完全感覺不到她興奮的心情。

  難聽一點,她現在比一條死魚好不了多少。為什麼會這樣?我以前認識的嘉嘉不是這樣的,無論是什麼日子、什麼時間去找她,她還能保持狀態、時刻高潮。

  究竟她發生了什麼事?

  「老公,你……仲乜越做越慢嘅……」

  「嗄……無呀!」我回神過來,道:「可能係有啲攰啫!放心,我一定會滿足妳。」

  我加快的抽插的幅度和速度,可是未如理想,沒有嘉嘉自發性的配合,根本是事倍功半。

  嘉嘉突然緊緊抱著我,屁股輕輕晃動,同時舌攻我的嘴巴。

  是這種感覺了!這才是嘉嘉!她終於回來了!

  進入狀態的我們簡直脫胎換骨,不消一分鐘,我已一洩如注,軟躺在床上。

  我把嘉嘉擁入懷中,讓她靜聽我的心跳,就像以前一樣。不,還是不一樣,她沒有刻意玩弄我的老二,讓它迅速恢復戰意。

  是她逐漸把專業的技巧遺忘掉?還是她已經得到滿足?我沒有去考究,因為上半場那沉悶的氣氛仍在我的心窩沉澱,那連續做三、四次愛的宣言就當是戲言吧!

  我不知道是不是跟嘉嘉做愛已沒什麼驚喜,但我敢肯定,隨著我逐漸進入沉睡狀態,我對嘉嘉的渴求已沒以前那麼大了。

  第二天早上,一個Morning Call令我驚醒。

  「是欣欣?」我下意識望向嘉嘉,雖然我跟欣欣已沒有苟且之事,但還是心中有愧,小心翼翼挪開嘉嘉疊在我身上的肢體,在沒弄醒她的情況下溜到廁所裡去。

  「喂!咁早打俾我嘅?」

  「無呀!有樣好重要嘅任務要交俾你做。」

  「任務?」

  「上次你玩野球拳輸咗,嘛應承我做一件事嘅,我而家諗到啦!」

  我吞了一口唾液。

  「我要你做小霞嘅出租情人!同佢展開一個愉快嘅約會。」

  作嘔的感覺襲向我的胸口。

  唔撚係呀?做肥婆霞條仔?

下集預告:(請自行幻想Seed Destiny預告BGM)
  男人的自豪、雞蟲的矜持,碌鳩再痕也不要屈就食豬西,否則終生遺憾。在欣欣派予的艱鉅任務下,阿溢能保住自己的貞操嗎?下回《死魚與淫西,炮房內的攻防戰》,雞蟲們,記住你有權彈鐘架!



實用相關搜尋: 遊戲 運動 衣服 廁所 香港 沖涼 飲酒 單位

TOP HOME

第十五集

第十五集(上)

  「喂!喂!喂!有無其他選擇呀?不如妳罰我喺妳面前打十次飛機啦!」我苦苦哀求。

  「唔得呀!我話係咁就係咁!」欣欣態度堅決。

  「唔好啦!嗰件肥婆霞見到都想作嘔,仲話做佢條仔?」

  「拿!你再嘈我就響嘉嘉面前爆你啲衰嘢,話你尋日特登上嚟搵我做愛,仲中出咗我二十連發。」

  「妳、妳咁毒?」

  「哼!鬼叫你自己唔定性先呀?睇你仲敢唔敢四圍玩女人?」

  「喂!不過點解要揀我先?我又唔係靚仔,又唔係有錢,要慰藉肥婆霞,搵班森哥嘛得囉!」

  「咩你咁都feel唔到呀?小霞佢鍾意咗你呀!自此嗰晚你搵佢陪坐之後,佢就一直忘記唔到你!」

  唔係呀嘛?好衰唔衰,俾件豬西睇中?

  「佢……佢究竟鍾意我啲乜呀?」

  「唔知喎!感情依家嘢邊度有理由架?我夠……總之,你今日陪硬佢架啦!放心啦!出租情人最多係行下街、睇下戲、拖下手,最多嘛打個車輪,唔會要多你一條精嘅!一陣我Send佢個地址俾你,你朝早十一點鐘去接佢啦!仲有呀!唔好講肥婆霞依啲咁難聽嘅名,激嬲我姊妹唯你是問,就咁啦!」欣欣滔滔不絕地指示我,然後草草掛線,完全不給我反駁的機會。

  @@……臨走前都要送我去地獄,死魚欣,如果下一世再讓我遇到妳……我一定捉妳去玩禁室培育!

  無可奈何下,我只好應欣欣的要求,接豬小姐去約會。

  臨出門前,我走回床邊,親了嘉嘉的額頭一下。

  「老公?」她悠悠轉醒。

  「我走啦!過兩日再番嚟探妳啦!」我正準備離開,她卻拉著我的手,道:「老公,其實聽日係我生日,你聽晚嚟陪我過得唔得呀?」

  「係?哎呀!妳又唔早啲講?依家都唔知Book唔Book得切餐廳架!」

  「唔洗咁破費啦!簡簡單單喺屋企食餐飯嘛算囉!」她輕撫著我的手,道:「只要你喺我身邊,我就已經心滿意足啦!」沒有比娶到個節斂的老婆更值得高興。

  「老婆。」我和嘉嘉深情一吻,我發誓一定保住貞操,不會讓豬小姐奪走我一條精蟲!

  「咁我聽晚等你番嚟囉播!」

  「嗯……」有一個女人每天在家裡等你、服侍你也是一種難得的幸福。

  哼!我絕不會任由欣欣擺佈的,要討好一個女人可能要花很多心思,但要令一個女人討厭你,其實很簡單。

  我故意遲到三十分鐘,然後邊打著哈欠、邊慢條斯理地到達約定的地點。

  「溢哥!」

  我沒有看錯吧?豬小西竟然穿著白色Deep V小背心、黑色短裙,讓身上可怕的贅肉暴露人前,看似稍一亂動便會把單薄的衣服綻破,寬闊的二頭膏活像戶愚呂弟的80%形態。

  通常約會女孩子,男方遲到已經是罪該萬死,道歉也未必能得到原諒。但為了早日脫身,我必須反其道而行。

  「有乜搞錯呀?約喺啲咁偏癖嘅地方等,想行死本大爺咩?」我大聲呼喝,引起途人的目光。

  「對唔住呀!溢哥!我下次唔會架啦!」看!她開始慌張起來了,我心腸倒真壞呢!

  「對唔住大撚晒呀?我而家無mood約會啦!妳點補償呀?」我乘勝追擊,說話不留情面。

  「對唔住呀!真係好對唔住呀!」她急得開始眼有淚光,我下輩子會不會有報應呢?

  手機忽地響起,欣欣?

  「乜事呀?」

  「作死呀你!整喊我個姊妹?」

  「依?」我環顧四周,視線掃視人群,惜遍尋不獲,道:「妳喺邊度?妳監視緊我?」

  「咁就緊係啦!知你個人無良心,唔睇實啲點得呀?你拿拿臨好氹番小霞,如果唔係唔好怪我唔客氣,係咁啦!」

  可惡的死魚欣!竟然那麼小心,這樣一來,我唯有忍辱負重,趕快完成這個任務。

  「溢哥呀,我哋去邊呀?」

  「嗯……去睇戲啦!」

  別以為我敷衍地選擇,其實看電影是經過我精密思考才下的決定。第一,在漆黑的密室內,沒有人留意我這對偽情侶,令我的清譽受到最少損害;第二,雖則是一齊看電影,其實可以各有各享受,我大可借口專注於看電影而忽視豬小姐,節省我功夫之餘,死魚欣亦無法監管我的舉動。

  雖然在遇到欣欣、嘉嘉之前,我未試過跟女生拍拖,但亦從不少朋友身上聽過一些約會心得。可以看的戲種只有三種,假設你是高大的型男,宜選擇看恐怖片,當女方被畫面嚇倒時,便會倚賴你強健的身體;假如你是聰明的智者,宜選擇看一些推理片,在事後跟女方大肆分析劇情,用你機智的一面吸引對方;假如你是優雅的帥哥,宜選擇看愛情片,不用作聲,只需坐著不動,到生離死別的情節時女方便會自動自覺摟住你哭了。

  我不知道自己在豬小姐眼中算不算高大、聰明、英俊,但我可不會給自己加分的機會,所以選擇的是……熱血的武俠片!

  可惜,我實在太不了解豬小姐了……

  「哦!依招嘛係攻中有守、守中有攻嘅日字衝拳?」豬小姐如小孩般雙眼發亮。

  「係呀!不過妳唔洗……哎呀!」我臉頰中了豬小姐的肘擊,道:「演練俾我睇架……」

  「對唔住呀!溢哥!因為我自細受父母熏陶,好鍾意練武,所以一見到人打架,就會自動自覺模仿佢哋嘅對練。」

  「竟然係咁……」

  「依?又打日本仔啦!」

  「等等!小霞呀……我覺得套戲有啲悶,不如我哋做第二啲嘢吖!」

  「嗄?不過套戲做到戲玉囉播!一定會有好多精彩嘅打鬥鏡頭。」她這樣說我更害怕。

  「戲依啲隨時都可以自己睇啦!難得同妳單獨約會……我想同妳傾多啲計呀!」我隨便找了個藉口。

  「好呀!」她竟然舐一舐嘴巴,喂!這是什麼意思?別胡思亂想呀喂!

  我們到了一間粥店。

  兩個人面對面坐著是最好的,不會有任何身體接觸,旁人看上來未必會聯想到是情侶,甚至當作二人只是搭枱的陌生人。

  「溢哥呀!你平時鍾意做乜架?」

  「無!嗯……都係打下機、上下網,我係一個宅男嚟!生活好悶架!」我敷衍以對,萬一被她發現到什麼共同興趣,定會借題發揮。說回來,欣欣還在監視著我嗎?

  「不如講下妳自己吖!」雖然我對她的嗜好沒什麼興趣,但作為一個創作人,有必要從不同人身上吸取靈感。

  「我呀……我兩年前呃屋企人話去讀書,自己一個由佛山市搬過嚟住。」

  「因為窮所以做依行?」

  「唔係呀!我屋企其實係武術世家,爸爸媽媽仲係國家武術冠軍。」

  「依?咁就奇怪喇!咁妳嘅屋企應該都幾好環境喎!點解仲……」

  「因為我要尋找真愛!」

  「嗄?尋找真愛?」我的臉抽搐了一下。

  「無錯!我父母雖然係同我安排過幾次相睇,但係我知道佢哋只係睇中我嘅家景,根本都唔係愛我嘅!」

  「但係……妳咁樣拋個身出嚟做,啲客都係玩完一晚就算,又點會搵到真愛呀?」

  「因為我聽過啲成功嘅例子,所以我相信自己終有一日會得償所願嘅!」豬小姐盡是憧憬的眼神。

  「成功例子?妳唔係指……上網個啲故仔吖嘛?」

  「依?你都有睇呀?啲網民呢!成日喺論壇度發表真人真事,話自己尋尋下歡愛上個小姐喎!幾咁浪漫呀!如果可以發生喺我身上就好囉!」她自說自話,繼續沉醉在自己的幻想中。




  高登仔啲沉船故真係害人不淺,求其老作啲嘢呃鳩啲讀者,仲衰過孽念深拍埋啲港女戲。

  雖然豬小姐做雞搵真愛嘅方法好似好荒謬,但係我哋何嘗未見過一個西裝佬拎一疊錢去卡拉OK大叫:「錢我大把!我依家要初戀……初戀呀!」?




  而我亦係一個活生生嘅例子。

  「咁妳……搵到妳嘅真愛未呀?」

  豬小姐停止了自言自語,愣了一會,突然放聲大哭。

  @@!講錯嘢添!

  我忙遞上紙巾,但見四周的顧客向我們投以奇異的目光,令我很是尷尬。

  「唔該!」豬小姐猛力抽出了鼻涕,道:「實不想瞞,我咁耐以嚟,幫襯我嘅客九成都係揀無可揀先揀我,有啲仲擺到明剩係玩我對波,從來都無尊重過我嘅!嗚嗚……」

  「咁又唔好咁講,波都係妳嘅一部份,You Know,啲客玩妳對波就代表欣賞妳個人。」我這樣算是安慰她嗎?

  「但係……但係佢哋個個同人做完之後,都唔再搵人嘅!佢哋只不過係俾錢買個閪咋嘛,都無關心過我嘅!連上次嗰個班森都係,明知人重仲要我係咁騎,條腰好攰架嘛!」她越說越激動。

  「喂!喂!唔好講大聲啦!驚死人唔知咩?」我想用膠袋笠住個頭。

  她停止了抽泣,道:「但係……溢哥你就唔同啦!你同我都鍾意唱粗口歌,又鍾意食芥末味薯片喎!我覺得依排係上天賜俾我嘅緣份,我哋起埋一齊一定好夾得嚟架!」

  我還以為那次她是故意遷就我……唉!斃了,看她閃亮亮的眼神,似乎已經沉了我船。我還是坦白跟她說,免得夜長夢多。

  「小霞……其實,我有女朋友架啦……」我鼓起勇氣說出來。

  「嗄……咁你又……」

  「其實,我今日係受一位朋友所托,先嚟同妳約會,我對妳……絕對無非份之想架!」我祈禱說完這句後,不會被她用日字衝拳轟殺。

  她突然猛力拍案,低下頭來,嚇得我心驚膽顫。

  要出手了嗎?這間店的逃生門在哪?

  「其實……我一早就估到架啦!我呢挺女人點會有人睇得上眼吖……」她擠出了笑容。

  「係佢哋走寶啫!」我僅能想到這句話。

  「拜託你嗰個係可可姐可?」

  我想了一會,憶起欣欣在這裡化名做可可,方道:「係呀!就係佢!」

  「哈哈!可可姐就係咁,成日為我哋班姊妹著想,反而自己嘅感情事就一個人去承擔。」

  「感情事?」我認真起來,道:「可唔可以講多啲俾我知呀?」



實用相關搜尋: 餐廳 電影 讀書 拍拖 睇戲 靚仔 薯片

TOP HOME

**************夜遊教室Vol.15************
爽YY:博士、博士!究竟出租情人係啲乜嚟架?
熊貓博士:爽YY呀!出租情人真係你俾錢佢,佢好似男女朋友咁同你出街,拖手、錫嘴、抽水通常都有,不過包唔包埋做愛,就要你同佢傾啦!
爽YY:依?咁嘛到喉唔到肺囉!我拎筆錢正正經經叫隻雞唔好?
熊貓博士:又未必嘅,有啲男人唔夠膽叫雞,又或者只想感受下拍拖嗰種感覺,正如日本有啲成萬Yen同你陪瞓一分鐘,都有大撚把毒撚去試。
**********************************




TOP HOME

第十五集(下)

  「可可姐佢啱啱上嚟嗰時,唔係好似而家咁開心、咁活潑架,佢成個人落晒形咁,起初我以為佢係因為第一次做依行,仲未適應到生活環境。後來,我同佢傾計,先知道原來佢之前落香港做過141一段時間。咁我嘛問佢點解無端端番上嚟做,佢就話想撞番個人喎!」

  聽到這裡,我即心如刀絞,勉強吐出話來:「繼續講!」

  「佢話佢喺香港鍾意咗個客人,但係個客突然有一日話要修心養性,唔再搵佢喎!佢之後喊咗好耐,生意都接唔到。無幾耐,佢就上嚟做KTV小姐,佢話個男人周不時會北上搵女人,又可能要為咗應酬而去啲風月場所,只要佢做依行就有幾會撞番個男人喎!就算唔可以起埋一齊,知道佢近況都好。唉!可可姐真係可憐,鬼唔望個男人生性病死咗佢,唔好喺度害人。依?溢哥,你做乜喊呀?」

  「無……」我擦一擦淚水,道:「啲碎牛粥落得太多胡椒粉啫!」

  我的腦海閃過之前跟欣欣逛超市的畫面,那時我問她為什麼到這裡做小姐,她猶豫一會才回答。為什麼我當時沒洞悉她的真正想法?沒有察覺她內心的痛苦?

  阿溢你為什麼要三番四次誤解欣欣的心意?為什麼不去悉心地了解欣欣的內心世界?你真是個大蠢材!真是個超級大蠢材!

  「溢哥呀,其實你嘅女朋友係未就係可可姐呀?」

  「嗄……」我冷不防豬小姐有此有問,支吾以對。

  「其實我都估到架啦!嗰次喺KTV陪坐,你全程眼金金咁望住可可姐,一定係睇中佢啦!拿!你一定要好好對可可姐呀!唔好好似上次個衰男人咁掉低佢唔理,如果唔係……呵!唔好怪我用日字衝拳呀!」豬小姐鼓起了手瓜上的脂肪。

  「放心……我會好好咁對佢,一定會!」我露出苦澀的笑容。

  我和豬小姐的約會就在這種悲喜交雜的氣氛下落幕。

  手機響起,是欣欣的追魂Call。

  「小霞佢話個約會好開心,今次就放過你啦!師父!」

  「欣欣呀……妳而家做緊乜呀?」

  「嗯?喺屋企執緊行李囉!我聽日搭直通車上上海架啦!然後穿川過省,行暈全中國!」

  「我……可唔可以上嚟見下妳呀?」

  「嗄……我而家好忙喎!」

  「我想見妳……見妳最後一面……」

  我們彼此沉默起來,等待欣欣的答案。

  「真係無你收……不過我屋企而家好亂,你十分鐘後喺我樓下個公園等我啦!」

  對不起!欣欣,就算被妳罵、被妳打也好,有些心底話我一定要當面跟妳說清楚。

  我靜靜坐在公園內,等待欣欣到來。鬱結的滋味彷如池水上的荷葉,在我的心窩沉澱、飄浮。

  「真係麻煩,要阿姐我無端端落嚟!咩事呀?」欣欣穿著大小二便裝下來,但這反而跟活潑好動的她更合襯。

  我沒有接話,急步走了上前,深情地跟欣欣吻了一下。

  「喂!你做乜嘢呀?痴咗線呀?」欣欣推開了我。

  「無……我只係好想重拾戀愛嘅滋味……」

  「你講乜呀?你而家嘛同嘉嘉姐拍緊拖囉!」

  「佢俾唔到我!佢俾唔到我呀!」我激動地道。

  「師父……發生乜事呀?嘉嘉姐佢又唔肯同你做愛呀?」

  我搖一搖頭。

  「唔通係佢俾唔到反應你?」她沒好氣地道:「你哋依啲男人真係剩係識用下半身諗嘢!咁都唔明?佢之前咁易高潮,係因為佢當你係客人,無論你幾咁樣衰兼口臭,都要時刻扮到好享受。而家佢當你係佢真正嘅老公,所以唔洗再喺你面前做戲,亦唔需要學習服侍其他男人,所以先做番自己、做番個正常嘅女人,你咁樣反而唔滿意?」

  欣欣的教訓令我無地自容,沒錯!一開始我是為了解決性慾才遇上嘉嘉、迷戀嘉嘉,卻從未發掘她在床技以外的其他優點。到了現在找到她賢淑的特質,卻埋怨她失去昔日的風采。我究竟是喜歡她本人?還是只不過喜歡她作為邪骨技師的服務和技巧?連我也搞不清。

  「總之你唔好諗咁多啦!嘉嘉姐係一個好愛你嘅好女人,你如果辜負佢我就閹咗你!」

  「咁妳呢?欣欣,妳又愛唔愛我呀?」

  「傻、傻啦!我哋嘅關係只有師徒、兄弟、朋友,無、無你諗嗰啲。」

  她又撒謊了,她撒謊的時候從不正面看我。

  「小霞佢乜都講晒俾我知……妳番上嚟大陸嘅真正原因唔係賺夠錢俾屋企人……」我凝望著她那雙動人的眼珠,道:「妳心入面根本仲有我!」

  欣欣掩著嘴巴緩緩後退,身體不斷顫抖,我知道她終是抑壓不了心中的激動,開始崩潰起來。

  「我無呀!我無呀!」她聲嘶力竭地大叫,忽地轉身逃走。

  我立即追上欣欣,把她從後抱緊,柔聲問:「欣欣,如果妳唔去介意其他人嘅眼光,唔去顧及嘉嘉嘅感受,妳會唔會去愛我?會唔會同我一齊?」

  「你喺度講乜呀?事到如今先講啲咁嘢乜,你正一係無得救嘅X街嚟架!」她溫熱的眼淚滴在我的手上,悲傷的情緒滲透我的皮膚,注入我的骨髓,融進我的心臟。

  「無錯!我係X街,我係一個唔敢面對自己嘅X街!欣欣,妳知唔知其實我一直都好掛住妳!唔係想佔有妳嘅肉體,而係同妳拖住手,日日過住啲打打罵罵嘅生活。」我也流下了慚愧的熱淚。

  「你唔好再講啦!嘉嘉姐佢需要你,佢等緊你番屋企架!」

  「無錯!佢係需要我,佢係好愛我,但係我都一樣好需要妳架!」

  欣欣忽地轉個身子,狠狠地打了我一把。

  打得好!

  「唔通咁樣就可以掉低你對嘉嘉姐嘅責任咩?點解你依啲男人成日都係咁架,等人哋愛上你先拋棄人哋!」

  「對唔住呀!對唔住呀!我對唔住妳、對唔住嘉嘉!」我的淚水如缺堤湧出。

  「道歉有撚用呀?唔通道咗歉就可以繼續拖泥帶水?我點都唔會原諒你依個X街架啦!」

  「欣欣……妳俾次機會我啦……」我仍不放棄,伸出無力的右手觸撫欣欣的臉龐,卻被她一手打開。

  她終是不願意重新開始,也許我當時傷得她太深了……

  「你呀!猶豫埋今次好啦!」欣欣突然把一張火車票塞了給我,是一張開往上海的長程車票,她道:「我唔同你玩啦!你揀定咗就同大家講清講楚,無論你最後揀邊個,我都唔會怪你。拜拜!」

  氣氛急促改變,欣欣急步離開了,讓我一個人獨自留下。她不想再干預我的決定,讓我自己主宰將來。

  妳不怪我,但我怪自己,因為無論我選哪一個,另一個必然受到傷害,而大家心中總會留下一道清晰的烙印。

  欣欣、嘉嘉,妳們兩個我也不想放棄,可是!可是!

  「唉!尋晚欣欣罵得我好啱,我真係一個唔值得原諒嘅X街……」我輕晃著酒杯。

  「你唔撚係呀?沉船都算喇!仲要鍾意晒兩條女?你估你係情聖咩?」歡挺揶揄我。

  「你咪寸鳩我啦!我依個係認真Post嚟架!點算好呀?」我抓破頭皮。

  「咁其實你自己鍾意邊個多啲先?」

  「我……我唔知呀!同欣欣一齊就開心啲、日日都有新鮮感,但係摸唔透佢、要照顧佢嗰時又會覺得好煩,又驚對慣咗會無晒火花;同嘉嘉一齊生活就穩定啲、佗佻啲,好多嘢交俾佢打點就得,但係……如果長期過住依種生活,我驚我會悶。」我輕嘆了一聲,道:「硬係覺得無論揀邊個都會後悔。」

  「洗乜煩啫?」歡挺說:「一個娶做老婆,一個包做二奶嘛得囉!」

  「嗄……咁點得架?」

  「得!點解唔得呀?大把男人咁做啦!」

  係喎!如果同佢哋兩個傾下,話唔定真係有商量餘地,上次餐飯大家都食得咁開心。不過邊個做大好呢?如果欣欣做大,一定會恰死嘉嘉;一於俾嘉嘉做大,等佢可以教下欣欣禮貌同做人態度,不過欣欣會唔會唔滿意,發我爛咋架?

  「不過,前題係要你養得起兩個女人先得。」歡挺刺中我最大的弱點,而且3P只不過是屬於我個人的幻想,我相信沒一個女人願意跟別人分老公,而儘管我多麼好色,亦會恪守一個原則-「戀愛是一對一」的!

  「歡挺呀……其實我係咪行咗條不歸路呀?如果那夜凌晨,我沒有坐上紅磡了開往羅湖的列車……」

  「邊有咁多如果吖?」歡挺吸了一口煙,道:「你講到兩條女都對你情深義重、缺一不可,俾著我真係唔知點揀好?」

  「唉!總之今鋪真係五十五十啦!」

  「咁洗唔洗打電話問朋友點揀呀?」

  「知我沉船嘅朋友得你一個咋!我唔想件事搞到揚晒,俾班Friend做話柄。」

  「咁不如用番『你朋友是你』依招,上網開Post講故仔,然後叫啲網民投票囉!」

  「小你老味!你估依家玩緊《百萬富翁》咩?三個錦囊用Q晒。」

  「又唔係咁講喎!正所謂『旁觀者清,當局者迷』,一眾網民俾嘅意見,都係一種參考嚟架!」

  「真係?」

  如是者,我在網上發了一篇叫《死魚與淫西,炮房內的攻防戰》的浪漫叫雞故事,而選擇欣欣和嘉嘉的各有支持者,距離欣欣離開深圳只有一段很短的時間,我必需盡快作出決定。

下集預告:(請自行幻想Seed Destiny預告BGM)
  最愛的女人、最大的責任;熾烈的初戀、穩定的婚姻,人生總會面臨這種左右為難的局面。面對欣欣和嘉嘉這兩個生命中最重要的女人,阿溢會如何決擇呢?下回《死魚與淫西,炮房內的攻防戰》大結局,雞蟲們,我都唔撚知點揀呀?

[ 本帖最後由 天溢 於 2012-11-10 04:37 PM 編輯 ]



實用相關搜尋: 電話 傾計 網上 香港 學習 女朋友

TOP HOME

[隱藏]
post去成人區喇!!

[ 本帖最後由 琉璃燈 於 2012-11-10 12:28 PM 使用 編輯 ]

TOP HOME

伸延閱讀
 提示:支持鍵盤翻頁 ←左 右→ 發新話題發佈投票

重要聲明:本討論區是以即時上載留言的方式運作,Uwants.com討論區對所有留言的真實性、完整性及立場等,不負任何法律責任。而一切留言之言論只代表留言者個人意見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。Uwants.com討論區有權刪除任何留言及拒絕任何人士上載留言 (刪除前或不會作事先警告及通知 ),同時亦有不刪除留言的權利,如有任何爭議,管理員擁有最終的詮釋權。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。


Copyright © 2003- Uwants.com All Right Reserved.
版權所有,不得轉載。