註冊 微博



打印

[其他] 數碼電子科技一問

數碼電子科技一問 E-mail 此主題給朋友

[隱藏]
十幾年前舊制中五生, 做左髮型13,4年想轉行, 想搵份可為將來嘅工, 開頭報電工無收我, 轉左數碼電子科技, 當然兩科我都有興趣, 但唔知而家讀數碼電子科技有無出路, 講真無咩可能讀上HD, 讀到都人老珠黃, 有無C兄解答下~?


實用相關搜尋: 中五 科技

TOP HOME

引用:
原帖由 9stc 於 2012-8-21 04:48 PM 發表
... 開頭報電工無收我, 轉左數碼電子科技, ...
Ching, 你是否報了以下課程? 已完成了註冊否?

FS113628 中專教育文憑課程(數碼電子科技)



實用相關搜尋: 教育 科技 課程

TOP HOME

引用:
原帖由 Private.Tutor 於 2012-8-21 05:45 PM 發表

Ching, 你是否報了以下課程? 已完成了註冊否?

FS113628 中專教育文憑課程(數碼電子科技)
係就係數碼電子科技, 不過我只係讀夜晚, 我只係中五生, 係讀FS512911, 3日內去~




TOP HOME

回覆 3# 9stc 的帖子

FS512911 技工證書 - 數碼電子科技

Ching, 這類課程已經很舊了,現在大家都在講"文憑",冇人再辦"證書"啦,況且這更是中文課程㖭!

FS512911 還有巿塲,主要靠一班早年已出身打拼,但可以話全無學歷的師父,比佢哋有個階梯,可以攞返張"沙紙"。

但呢張沙紙層次太低了,可以說沒甚麼用處。對於內部進升而言,再加上"同一公司"多年年資,就會考慮;若用於新入職,可能你張中五會考證書更優勝喎!

就升學而言,FS512911 只能銜接 VTC 中專,亦是中文課程;這情況再升上 HD 亦非容易,因為 HD 是全英文的,加上 PT HD 一向競很大。另一方面,中文證書可以說已絕跡香港教育巿塲,所以認受性很低,在 VTC 以外更難找到銜接課程。

若論出路,在香港本土,其實"電機"比"電子"略勝一籌,尤其是前線落手落腳工種。

"數碼電子科技"屬日新月異高科技工種,世界各地分分秒秒都有新零件、新產品、新知識推出,還要全部都是用英文 Manual 及 Specification 的, 冇 Degree background 都好難跟得上。

一般來說,HD 都謹能升任 Production、Field Services ... 等此類前線落手落腳工種;FS512911 更加唔入流,在職塲認受性亦很低,可能有些中小型維修商或工程承辦商會考慮聘請作為學徒跟o下師父手尾。

反而,"電機/升降機工程"一向都較穩定,因 On-site Services 不可能北移,故本土前線人手需求大;而且並非甚麼高科技產品,來來去去也逃不出 Cable、Motor、機械結構、掣櫃 ... 那些,主要講經驗及安全意識,僱主樂於聘請學徒再加以培訓,喜歡佢哋唔會騎牛搵馬。

溫馨建議:真係唔鼓勵你讀 FS512911
1. 如果你真係對"數碼電子科技"好有興趣 ...

如果你有計劃升讀 HD, 建議你報中專或 FD, 或甚至用"年長生"身份(23歲+)直接報 HD, 不要浪費時間金錢讀那些冇用的中文證書課程呀!

如果你不考慮升讀 HD, 建議你嘗試報工聯會那些相關課程打好根基,再搵份學徒工作,跟o下師父,邊做邊學。

原因好簡單,FS512911 全期學費 = 1065hr x $300@15hr = $21300

另一方面,工聯會只收一千幾百元一個課程,你喜歡那個報那個,完成一個再計劃下一個,自己安排學習進度;如果唔清楚那些合適,我可以幫手提點意見。

相比之下,兩張證書都一樣沒甚麼用,但工聯會的課程勝在學費大眾化;論單完計,其實一點也不比 IVE HD 差,只是用中文而已;加上同學們都是有興趣才來上課的,學習氣氛肯定更好。

2. 如果你對"電機/電工"有興趣 ...

又係嘞! 如果你有計劃升讀 HD, 建議你報中專或 FD 或用"年長生"身份直接報 HD.

如果你不考慮升讀 HD, 建議你改報 IVE 的:
FS512921 技工證書 - 屋宇裝備工程
75787 技工證書 - 電氣技工
75625 電器裝置技術員職業技術證書

FS512921 及 75787 已取得機電工程署認可,畢業後會獲發電工 A 牌
75787 更可進一步銜接 75625 以考取電工 B 牌
這三個課程實質為業內人士的考牌課程,所以很受歡迎。
講笑咁講呀! 畢業後都叫專業人士,冇人請咪喺樓梯底攪檔生意仔做老闆亦搵到食。

希望以上資料對你有幫助啦!

最後好奇一問,你從事髮型行業已有13-14年,應該已經唔錯啦! 為何咁冒險想轉行呢? 還選兩門看來這樣專的行業,須知學徒待遇微薄,除非走 HD => Degree 這條捷徑,否則更是漫漫長路呀!

Good Luck!

[ 本帖最後由 Private.Tutor 於 2012-8-23 12:02 AM 編輯 ]



實用相關搜尋: 教育 英文 會考 中五 培訓 講笑 科技 香港

TOP HOME

伸延閱讀
 提示:支持鍵盤翻頁 ←左 右→ 發新話題發佈投票

重要聲明:本討論區是以即時上載留言的方式運作,Uwants.com討論區對所有留言的真實性、完整性及立場等,不負任何法律責任。而一切留言之言論只代表留言者個人意見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。Uwants.com討論區有權刪除任何留言及拒絕任何人士上載留言 (刪除前或不會作事先警告及通知 ),同時亦有不刪除留言的權利,如有任何爭議,管理員擁有最終的詮釋權。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。


Copyright © 2003- Uwants.com All Right Reserved.
版權所有,不得轉載。

10.0.0.18