註冊 微博



發新話題發佈投票
打印

[其他] 比墾丁更值得去O既台灣南部 - 澎湖

比墾丁更值得去O既台灣南部 - 澎湖 E-mail 此主題給朋友

[隱藏]

澎湖住宿



澎湖北吉光背包客民宿Bayhouse Hostel Penghu

澎湖北吉光背包客民宿Bayhouse Hostel Penghu
澎湖只有兩間背包客民宿,Bayhouse係其中一間。
鄰近全台灣最美麗嘅山水沙灘嘅Bayhouse,唔駛三分鐘就可以到達山水沙灘,絕對適合渡假!
而Bayhouse都主張令客人有個家嘅感覺,絕對唔係得把口,甫入門口,就有拖鞋俾你換。為咗俾大家一個融合感覺嘅大廳,民宿主人將台灣小學嘅枱椅改做,好似將大家帶返去小學咁。而民宿主人同員工都好好客funny,搞gag情況絕不缺,每晚都可以笑死你!為咗令客人嚟澎湖係值回票價嘅,Bayhouse會提供充足嘅旅遊資訊,令你唔駛做research都可以好好嘅旅遊,仲可以協助你喺呢度嘅旅遊(訂機票、租車、訂旅遊嘅活動),價錢絕對同一般背包客民宿差唔多!Bayhouse有提供電腦、免費WIFI、單車等各種方便嘅設施!最重要嘅就係呢度嘅歡樂氣氛,每日都可以識到好多外國嘅朋友!


正在尋找『澎湖平民宿』、『澎湖沙灘民宿』、『澎湖青年民宿』、『澎湖新民宿』、『澎湖單人房』、『澎湖方便民宿』、『澎湖行程』、『澎湖美食』或是『澎湖背包客』的朋友們,澎湖北吉光背包客民宿期待您的光臨!

Bayhouse官網

Bayhouse FACEBOOK PAGE



[ 本帖最後由 deniy 於 2012-7-21 03:28 PM 編輯 ]



實用相關搜尋: 旅遊 租車 小學 blog yahoo 電腦

TOP HOME

點去澎湖

1.飛機
-直航
台灣遠東航空公司宣佈由今年527日首航澎湖馬公-香港航線,要買直飛去澎湖馬公機場嘅機票,而家只可以去星級假期旅行社訂購,連遠東航空官網都無提供訂購服務。
每星期只有兩班來回航班,航班時間如下:
去程: 逢星期一/ 12:00香港起飛回程: 逢星期一/ 09:45馬公起飛查詢電話:2802 2662 星級假期
-轉機
如果航班時間唔啱心水,可以選擇轉機。
a)
香港 -> 台北、台中或高雄 -> 澎湖馬公
b)
香港 -> 武漢或鄭州 -> 澎湖馬公
台灣嘅復興航空、華信航空、立榮航空及遠東航空都分別有提供轉機航班到澎湖馬公嘅航班。

易飛網復興航空立榮航空華信航空遠東航空

2.
若果要搭船,要先飛去高雄,再轉搭台華輪。開船時間係09:00 23:00,日間航程約4小時,晚間航程約6小時。

台華輪

BayHouse Tour BUS

(費用只需四百幾蚊港幣,包括全日包車費,吉貝之船票、租車費及水上活動費用)


1.
中屯風車

往白沙方向,經過中正橋、永安橋後,中屯風車就會出現喺你眼前。雖然風車嘅數量唔多,不過亦不失為白沙、甚至澎湖嘅一個地標。望住幾個風車喺度郁,會令人感到時間過得有啲慢,香港人煩躁嘅心情都會隨之靜落嚟。










企喺大風車下抬頭望,你會見到自己係幾咁渺小。然後再靜心聽吓,風車葉擺動嘅"霍霍"聲,會令人覺得風車強大到可以令天上嘅雲郁。


2.內垵

離開馬公市區,走到西嶼,跨過跨海大橋,就會到達內垵沙灘。內垵沙灘係一個享受日光浴嘅好地方,退潮時海水會退出一大片平、淺、廣嘅沙灘,比香港嘅乜乜灣好幾十倍。水嘅清澈度同沙嘅幼細度,都係一絕!岸上設有沖洗設備,有涼亭可以觀賞日落,仲有燒烤爐BBQ





[ 本帖最後由 deniy 於 2012-7-21 03:53 PM 編輯 ]



實用相關搜尋: 旅行 電話 租車 香港 blog yahoo

TOP HOME

3.
漁翁島燈塔

又名西嶼燈塔,位於台灣澎湖縣西嶼鄉西南端,係台灣最古老嘅燈塔。到達西嶼後要進入燈塔範圍,先要經過燈塔旁邊嘅軍事重地,客人路過時要留意攝影方向,因為軍事重地係嚴禁被拍攝嘅。如果客人唔想經過軍事重地,可以選擇用旁邊嘅空地繞過去,感受一片嘅遼闊感。到達燈塔後,裡面除咗燈塔,仲有一個小燈塔博物館,展示台灣所有燈塔嘅資料及相片。另外,由於燈塔位於西嶼島嘅西南端,只要走到燈塔嘅後圍,就可眺望南中國海,一片汪洋。


軍事重地旁嘅空地,風大到令禾草隨風擺。







燈塔前有個小站台,方便遊客與燈塔合照。

4.
西嶼東臺

澎湖嘅一級古蹟,建於約1884,於中法戰爭中擔起保護澎湖嘅責任。當遊客們到達東臺時,會見到一道大門,跨過去回頭望,就好似經過咗多啦A夢嘅隨意門或時光機,逃離現在回到過去。東臺內嘅營房同砲臺都保存得十分好、十分堅固,經過百幾年都屹立不倒。各個營房同砲臺嘅通道都係互通嘅,下面嘅營房有通道走到上面嘅炮臺,蠱惑得很。


離開漁翁島燈塔往西嶼東臺嘅路上,可以喺山上腑瞰外垵,感覺有啲似一個小意大利。





跨過後回頭望,好像到咗另一個世界。




從上面嘅炮臺睇下面嘅營房。



空曠嘅營房。






TOP HOME

5.
二崁

西嶼一條有名嘅古老村落,係澎湖境內一個不可或缺嘅景點。二崁係一條僅有七十人嘅迷你村落,卻擁有四十多間古老房屋,平均每人擁有嘅居住坪數超過20坪。全村村民都姓陳,據知村民若要修飾村屋嘅話都要經過一致同意,並要保留二崁嘅建築物特色,難怪縱使附近出現一幢又一幢嘅現代建築物,二崁仍保存佢嘅古老氣息。遊客喺遊覽二崁時,會發現村內有唔少攤檔買賣,所有小販都係村內嘅村民,每朝打開門口就有生意做,幾寫意。


進入二崁前嘅一條公路,差啲誤以為自己喺美國加洲嘅公路上。




村內嘅小攤檔,所賣嘅食品都值得一試。

澎湖最流行嘅風茹茶,二崁村都有販賣,由村內婦女親自烹調,味道自然。



村內最著名嘅大它,為二崁村落嘅重心,名列國家三級古蹟嘅陳家古厝。








實用相關搜尋:

TOP HOME

[隱藏]

日間活動

1. 山水沙灘

沿住Bayhouse門外山水海堤,唔駛一分鐘,就可以走到澎湖最受歡迎沙灘-山水沙灘。山水沙灘係好多外國遊客同澎湖年青人嘅渡假熱點,佢哋最鍾意去游水、曬太陽、衝浪,夜晚又係一個賞星、賞夜光沙好地方,令山水沙灘成日都熱鬧到不得了。



2.山水草原

向東邊海岸揸電單車唔駛十分鐘,你會漸漸發現山水草原。觀過星星、睇過夕陽,係時候欣賞大草原、大藍天。若果不介意話,Bayhouse極力推薦客人踩單車去山水草原,沿路感受山水沙灘吹來微涼海風同澎湖day day sunny陽光,沿著岸邊藍色公路一路踩,草原、藍天白雲、微風就離你不遠,正正係香港人最需要能量。



3.浮潛


若果客人嚟到澎湖想浮個潛,Bayhouse可以幫客人安排到約兩公里內浮潛阿有店,嗰度有好多浮潛教練陪同整個過程。浮潛阿有店係山水區、甚至澎湖區一間幾出名嘅浮潛店,提供鄰近客人嘅接送服務,教練們仲好風趣幽默添。




4.井垵(潮間帶、風帆、獨木舟、滑水、衝浪)

距離Bayhouse約五公里嘅井垵,係另一個水上活動嘅熱點。客人可以自已揸電單車、沿住澎25路及201線到達井垵,嗰度有唔少鋪頭提供唔同種類嘅水上活動,部分東主仲會提供客人接送服務。

-唔想太刺激嘅,可以考慮參加潮間帶活動,探訪海洋生物,潮間帶豐富嘅生物,係自然教育最佳教室。

-另一方面,客人亦可嘗試風帆、獨木舟及滑水三合一嘅水上活動,香港係好容易可以玩滑水同獨木舟,不過風帆就有啲難,所以嚟到澎湖就要好好珍惜呢個機會喇。






實用相關搜尋: 教育 香港 blog yahoo

TOP HOME

5.嵵裡沙灘

- 順住去井垵嘅方向再走一公里,就會到達另一個沙灘-嵵裡沙灘。嵵裡沙灘雖然唔係進行水上活動嘅最好地方,不過勝喺人流唔多,加上沙灘旁有間咖啡店,有時仲會有live band表演,係一個令香港人停下急促步伐、憩息嘅好地方。




6.七美、望安

- 位於澎湖南海嘅兩個島:七美、望安,通常會由馬公市內搭一個鐘船左右先到七美,客人可以搭島上嘅旅遊車,或租電單車。澎湖島最著名嘅雙心石滬,就喺七美島上。七美島自然景觀非常不賴,仲有七美人塚、大獅石、小台灣等。

-而望安,最重要就係花宅。花宅係一條古老村落,至今已經有三百幾件歷史,以前喺度住嘅人都已經搬走咗好耐,原本150幾間嘅古屋後期因無人使用亦無改建,成為望安一個重要旅遊景點。


7.吉貝

- 嚟到澎湖,唔少得要去吉貝玩水。由北海嘅旅遊中心出發搭十幾分鐘嘅船,去到島上要租用電單車或單車,因為除咗玩水上活動,吉貝風景都唔錯。周圍好多無人石灘,石多實在唔適宜遊水,不過可以行吓,因為水實在係太清。

-而水上活動,好多都係六合一,包括刺激嘅香蕉船、水上電單車等,一次過滿足幾個願望!玩完水上活動,旁邊仲有燒烤、刺生食,客人一定要食海膽刺生,非常新鮮!




實用相關搜尋: 旅遊 香港 blog yahoo

TOP HOME

晚間活動


1.釣魷魚

-喺台灣稱為釣小管嘅活動,其實同香港嘅”chok”墨魚有啲似,不過”chok”嘅係魷魚,喺澎湖非常流行。同Bayhouse距離唔到一公里嘅鎖港碼頭,係出發釣小管嘅起點。客人上船之後所釣到嘅小管,會有船上人員幫手煮熟,所以實在係一分耕耘一分收獲,而且即時煮熟嚟食,一定好新鮮!



2.夜光沙

-Bayhouse門前嘅山水沙灘,晚上係一個欣賞夜光沙嘅好地方。夜光沙,意指會於黑夜裡發光嘅沙,於澎湖唯獨係山水沙灘才會見到,客人走到海邊,每逢有浪沖上岸就撥吓啲沙,你會發現有點點嘅藍光,都幾浪漫。



3.星空

-Bayhouse向左走大概五分鐘,就會發現Bayhouse嘅觀星聖地-觀星公園。雖然喺澎湖到處抬頭一望,都可以見到星星。但位於小山丘上嘅觀星公園將我哋同星空嘅距離拉近,好彩嘅話唔只星星,小銀河都有機會睇到。




實用相關搜尋: 香港

TOP HOME

澎湖交通


1.電單車
-Bayhouse可以帶客人去租電單車,每日每架TWD 350;另外,租四人或七人車每日每架TWD1300 – TWD 2800,但客人必須要持有國際駕駛執照。
但客人必須要持有國際駕駛執照。

2.巴士
-馬公市內其實都有巴士,而Bayhouse附近都有個巴士站,步行只需五分鐘,來回Bayhouse位於嘅山水區同馬公市區。不過馬公巴士班次比較疏,大概半個鐘至一個鐘一班不等,價錢會因路程而異。香港人嚟到呢度,係要享受吓呢度悠閒嘅生活節奏,所以即使巴士再疏,都唔好燥。

3.的士
-澎湖的士收費都係定價,唔係跳錶,所以要車前最好打電話問吓價。仲有,call車會比截車更有效,價錢若150TWD 300TWD不等。
-澎湖的士有提供半日或全日包車環島嘅服務,以議價方式定價。
-澎湖的士多數夜晚11點後休息,所以深夜要車可能要多打幾間嘅的士行試試。

[ 本帖最後由 deniy 於 2012-7-21 03:35 PM 編輯 ]




TOP HOME

好正甘WOR


熱門搜尋: art jamming

TOP HOME

blog








TOP HOME

大家仲可以去呢個blog睇下有個女仔分享嘅打工換宿感想

http://blog.yahoo.com/bayhouse



實用相關搜尋: blog yahoo

TOP HOME

伸延閱讀
 提示:支持鍵盤翻頁 ←左 右→ 發新話題發佈投票

重要聲明:本討論區是以即時上載留言的方式運作,Uwants.com討論區對所有留言的真實性、完整性及立場等,不負任何法律責任。而一切留言之言論只代表留言者個人意見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。Uwants.com討論區有權刪除任何留言及拒絕任何人士上載留言 (刪除前或不會作事先警告及通知 ),同時亦有不刪除留言的權利,如有任何爭議,管理員擁有最終的詮釋權。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。


Copyright © 2003- Uwants.com All Right Reserved.
版權所有,不得轉載。

10.0.0.21