其他討論
消閒生活手機討論遊戲地帶影視娛樂校園生活數碼科技寵物樂園學術文化體育世界購物廣場時事投資貼圖影片上班一族美容纖體戀愛婚姻汽車討論成人資訊博彩娛樂資源交流站務管理
發帖
註冊 登入/註冊 微博



收藏 訂閱 打印

[考車過程] 其實大家考幾多次先合到格呢



其實大家考幾多次先合到格呢

[隱藏]
睇下街車得D定 比多D錢駕院算


熱門搜尋: bb會 bb children 親子活動 DHA

投票項目 ( 多選: 最多可選 12 項 ) 參與人數 1307

1. 街車
2. 1次
3. 2次
4. 3次
5. 4次
6. 5次
7. 駕院
8. 1次
9. 2次
10. 3次
11. 4次
12. 5次

回覆 57# raimas 的帖子

嘩,勁多次,不過我冇錢,想學學唔倒。






回覆 引用 TOP

提示: 該帖被管理員或版主屏蔽,只有管理員可見

回覆 57# raimas 的帖子

勁多次,不過我冇錢學唔倒。



回覆 引用 TOP

回覆 57# raimas 的帖子

勁多次。





回覆 引用 TOP

[隱藏]
李健1牌 2次
官駕3,22 牌 1次







回覆 引用 TOP

1 次棍 van, 駕院





回覆 引用 TOP

小弟下個禮拜就考棍van,覺得九成會肥!今日先係沙田駕院作最後衝刺練習,我發覺天氣因素好大影響。好似今朝咁一路落雨,D雨打哂落倒後鏡,我倒車泊位嗰陣幾乎睇唔到地面格仔尾D英文字,唯有靠估,結果泊到一時得一時衰。仲有,師傅話考路試入錯線即肥,我唔係幾明,其實如果入錯線,只要睇清楚後面冇車,即刻打燈cut線就OK,唔明點解咁樣都話肥?職業司機都有機會入錯線,學神路面經驗唔夠,如果只係一、兩次入錯線,係咪可以酌情處理?小弟只係發表自己諗法,有錯請指正,希望師兄可以解答同分享少少心得。





回覆 引用 TOP

引用:
原帖由 smalleagle 於 2013-6-11 04:20 PM 發表
小弟下個禮拜就考棍van,覺得九成會肥!今日先係沙田駕院作最後衝刺練習,我發覺天氣因素好大影響。好似今朝咁一路落雨,D雨打哂落倒後鏡,我倒車泊位嗰陣幾乎睇唔到地面格仔尾D英文字,唯有靠估,結果泊到一時 ...
其實考牌無得講天氣,因為到你第日考到牌,你真係要揸車時,都有機會要喺狂風暴雨下駕駛或者泊車掉頭,考試遇到呢啲情況,天不造美,唯有頂硬上架啦,睇得唔清楚,按低個車窗抺一抺後鏡啲雨水,或者伸個頭出車窗望都要,希望可以睇得清楚啲,你寧願濕身定肥佬?

入錯線通常都係轉彎果時入錯咗另一條線,除咗轉彎之外,你應該唔會喺其他情況入錯線的,轉彎入錯線,係一個好嚴重嘅錯誤嚟嘅,可能會導致交通意外。

舉個例,喺一條好繁忙嘅道路,條路有2條線,左、右,路口有個燈位,過咗燈位之後要右轉。假設我行緊左線,咁正確嚟講我應該keep住自己條線,過咗燈位轉右之後要行返條左線。但如果我入錯線呢,即係話我轉右時扭多咗軚,扭咗去條右線,咁就大問題了,由於條路繁忙,如果我轉彎時轉錯咗去右線,咁萬一當時右線有架車係同我同時右轉的話,我轉錯咗去右線,咁咪會撞到對方囉?就算咁好彩,轉彎時果一刻我右方無車,但跟住右線預備轉彎嘅車見到有架車(即係我),喺轉緊彎果時由原本嘅左線轉錯入右線,咁行緊右線準備開始轉彎嘅車可能要急停讓一讓我,停得切都還好,萬一停唔切,咁人地架車就會炒落我度了,就算人地停得切,但跟住後面喺右線嘅其他車停唔切呢?咁炒埋一碟都有可能。

入錯線係可以導致好嚴重嘅交通意外,並唔係話你入錯線後即刻打燈cut返正確嘅線位就可以的,所以考牌時轉彎入錯線,會即肥。

正確嘅轉彎入線,你喺左線轉彎,出彎之後就要入返左線,喺右線轉彎出彎時就要入返右線,千萬唔好入錯其他線。

其實我覺得職業司機係唔會入錯線的,日日揸住架車搵食,點會入錯線呢?假期司機入錯線嘅可能性就比較大!

就算真係當職業司機會入錯線,但人地有牌架嘛,人地有牌,想點都得架,(當然佢都要承擔返個後果,例如記分、罰款、坐監等等!)但你呢,牌都未有,只要你衰一次轉錯線考牌主任剔你一個嚴重就玩完,而考牌就係要考你安全駕駛,入錯線呢啲有機會導致交通意外嘅錯誤係嚴重嘅,會必肥,呢啲係無得酌情處理架。所以要小心啲!

我都喺駕院學嘅,就嚟到考牌果陣,我覺得自己肥佬嘅可能性係9成9,重高過你,我完全無諗過我會pass嘅,點解?因為我7月22號考合併試,20號有個最後嘅自我練習,即係得我一個喺架車度,自己練習掉頭泊位,我成個練習一塌胡塗,完全死哂。當時嘅我,認為2日後嘅考試,點會唔係有9成9嘅可能性肥佬?但最後,居然比我符碌pass咗。我自己都覺得係一個奇蹟。

你可以睇下我考牌嘅經歴:

http://www.uwants.com/viewthread.php?tid=12201961&page=1#pid168564785

考牌果時鎮定啲,放鬆啲,當個考牌主任透明,好似平時練習咁揸就得,再諗下,自我催眠一下自己,唔好緊張,定啲,定啲,我剩係得一次機會,我一定要pass,肥咗嘅話啲學車費就見才化水架啦,補考又要比多筆,又要浪費啲時間學過考過,所以我一定要一次就pass,一定要。(我考牌果時真係咁樣自己同自己講架,只係我喺經歴度唔記得提及我有呢個諗法去激勵自己。)

喺度預祝你1 take pass!

[ 本帖最後由 i553041 於 2013-6-15 11:00 AM 使用 編輯 ]




回覆 引用 TOP

引用:
原帖由 i553041 於 2013-6-14 10:13 PM 發表 其實考牌無得講天氣,因為到你第日考到牌,你真係要揸車時,都有機會要喺狂風暴雨下駕駛或者泊車掉頭,考試遇到呢啲情況,天不造美,唯有頂硬上架啦,睇得唔清楚,按低個車窗?一?後 ...
你咁樣咁執着一take pass反而唔好
會仲緊張…






實用相關搜尋: 考試

回覆 引用 TOP

[隱藏]
今日喺沙駕考完,肥咗掉頭同路試,要排期十一月再考。之前畀咗超過14K上20堂,宜加肥埋中期試同路試,師傅叫我畀多5.1K補多9堂,夾夾埋埋成皮九嘢,仲要唔係包合格,完全係燒銀紙!請問師兄們有冇建議可以提供?










回覆 引用 TOP

1次合格,街師父學,自動波輕型貨車










回覆 引用 TOP

1次合格,街師父學,自動波輕型貨車



回覆 引用 TOP

提示: 作者被禁止或刪除 內容自動屏蔽,只有管理員可見
引用:
原帖由 smalleagle 於 2013-6-18 05:41 PM 發表
今日喺沙駕考完,肥咗掉頭同路試,要排期十一月再考。之前畀咗超過14K上20堂,宜加肥埋中期試同路試,師傅叫我畀多5.1K補多9堂,夾夾埋埋成皮九嘢,仲要唔係包合格,完全係燒銀紙!請問師兄 ...
其實你都無得選擇,一係就繼續比錢喺駕院考多次,一係就搵街師傅。


駕院啲考線同掉頭泊位已經算易,而你繼續考返駕院都有好處, 排期又快啲,路試又或者會考返你之前條線。但5.1K 9堂又真係貴得濟,45分鐘一堂,每次學車要兩堂,total 90分鐘,9堂即係你會坐上架車度學5次,就要考試了,而且係重考乙部同丙部,坐上架車5次嘅時間,無計錯的話,你total只係學多6小時45分鐘你就要pass到乙部同丙部,你認為堂數足夠嗎?駕院$14xxx蚊上20堂,我諗應該係智尊啦,同一個師傅由頭跟到你落尾,但你跟嘅呢個師傅,最後都係肥咗喎,重要肥2 part,如果由同一個師傅教多你9堂,你會唔會覺得有啲問題呢?會唔會係師傅教得你唔好?定還是你覺得2 part都肥咗係自己問題,唔關師傅事呢?就算當你真係比錢學呢9堂,但萬一真係唔好彩的話................


搵街師傅排期考試可能會比較耐,而且要從新學過路試嘅考線,而且考線亦都比駕院難,不過,你比駕院嘅5.1K學多9堂,喺街師傅就差唔多可以由頭到尾學多次了,假設師傅收$150蚊一堂(45分鐘),每次上兩堂,你上30堂都係$3500蚊,計埋路票租車考試果啲又係5千零蚊到,但你可能會遇到個好師傅,教得你好,令你pass到呢。


個人覺得,如果你今次肥咗2 part認為係唔關師傅事嘅,你覺得師傅教得好好,好盡心盡力咁教你,呢次肥咗只係自己問題,咁你不妨考慮繼續喺駕院學多9堂,喺呢9堂時間努力改善自己嘅不足,否則如果你認為師傅教得你唔好...(例如成日鬧你、你做錯咗又唔糾正你、有啲重點又唔同你講,之後上網搵資料先知....等等....),咁我覺得你試下搵街師傅從頭學過好過啦...


再唔係,你問下駕院有無啲平啲嘅補考Package,例如2千零蚊上4堂,咁你咪將慳返落嚟果3K再搵街師傅補鐘,雙管齊下,學多啲嘢囉。街師傅假設$150蚊一堂,3K,你可以搵街師傅學多廿堂啦。


其實我諗呢啲嘢你應該都會諗到架啦,我諗係你自己未決定到應該點做嘅啫。



實用相關搜尋: 會考 租車 考試

回覆 引用 TOP

[隱藏]
引用:
原帖由 edmundwu 於 2013-6-19 03:14 PM 發表
1次合格, 跟觀駕, 自動波 $7800. 冇補堂, 學車唔係為考牌, 而係學正確而安全既駕駛技術
只要你有正確同安全既駕駛意識, 我可以話比你聽考牌係完全冇難度.
你有正確同安全既駕駛意識, 我可以話比你聽考牌係完全冇難度 <﹣﹣﹣丙部(路試)就係嘅,但我覺得乙部泊位同窄路掉頭好似唔關安全意識事,泊位泊唔正,窄路掉頭hi到路肩,呢啲同安全意識好似無乜關係,我覺得呢兩項係考你手腳動作同個腦協唔協調到,手腳協調唔到呢兩part自然會肥。



熱門搜尋: 脊醫 濕疹 醫療保險 隱形眼鏡 散光

回覆 引用 TOP



伸延閱讀
 提示:支持鍵盤翻頁 ←左 右→ 發新話題發佈投票
請先登入
小貼士:
依家可以用“@”tag會員啦!
預覽帖子  恢復數據  清空內容