註冊 微博



打印

[港星動態] [10.05] 14 歲整容 哈囉喂魔女全身假嘢 ﹝有片︰直擊哈囉喂魔女!!﹞

[10.05] 14 歲整容 哈囉喂魔女全身假嘢 ﹝有片︰直擊哈囉喂魔女!!﹞ E-mail 此主題給朋友

[隱藏]
14歲整容 哈囉喂魔女全身假嘢
Face
2010年10月06日



Enjel話自己嘅 34C方形胸就係僭建:「爸爸開頭都好反對,不過我性格好固執,之後就由佢幫我決定,隆入凝膠喺胸部,我哋都好滿意個結果。」

一年一度哈囉喂,海洋公園新廣告又變城中熱話,皆因廣告中魔女又唱又跳好養眼,「龍婆」羅蘭姐都俾佢搶晒鏡。
個個留名話等睇女主角鬼后真面目,查實索魔女叫蔡恩真嚟自韓國,索樣執過唔算爆,最爆係佢老豆就係整容醫生,蔡恩真( Enjel) 14歲開始整到M家 28歲,眼、鼻、胸長執長有,冇樣係真。
雖然 34C都係流嘢,不過齋睇夠過癮咪得囉!


踏入十周年,海洋公園哈囉喂新廣告標榜係十年最高成本最強陣容,不過除咗壓軸過鏡嘅影后羅蘭姐,女主角竟然唔益自己友,由韓妹蔡恩真演出。雖然個妝又厚又誇,都難逃討論區宅男法眼,個個讚樣靚身材正,跪求起底咁話。

超晒齡

其實韓語拼音叫 Enjel嘅蔡恩真, 17歲就喺韓國出道,與兩女組成女子組合 CLEO,出過四張唱片。 07年以獨立姿態再出個人專輯,今年由香港經理人公司吹雞來港發展,不過唔係拍戲又唔係唱歌,而係做 model:「我覺得香港 model中,周秀娜好性感, Jessica C.睇唔出警鐘胸喎!不過我就唔想同佢哋比,始終年齡差好遠!」



Enjel承認現時有個拍拖多年的台灣中韓混血兒男友(中),因為男友關係, Enjel在台灣有徐若瑄、房祖名等不少圈中朋友。




一早認咗加過工,年中 Enjel在活動遇上被質疑後天發育的 36E趙碩之,邊對係真咪要考大家眼光。《蘋果日報》圖片

從小執

28歲至喺香港起步未算激,蔡恩真更大膽係承認自己整容隆過胸,仲要第一次手術喺 14歲:「爸爸係整容醫生,不過我嘅手術就唔係佢經手,佢問清楚我意見,然後再介紹有信心嘅同行畀我。整容喺韓國好普遍,好多女仔十幾歲未發育就整定添!既然做手術會令自己有自信,我覺得應該要做囉!」但問到她邊度整過時,蔡恩真說:「認咗就夠嘞,唔想講太多,始終香港人比較保守。」
一聽講話俾港男封做女神,魔女好識做:「其實我都好鍾意香港男仔,比韓國男仔細心體貼錫女朋友囉,我希望第時個老公都係港男嚟 o架!」唔知邊位電車仔有幸試到假嘢呢?



死樣熱
哈囉喂廣告現時每晚熱播,唔少網友都話一開波就係棺材蓋打開、 Enjel嘅流血死樣好不安,不過都有人話佢個死樣算靚。




跳鬼舞
歌星出身嘅 Enjel話跳舞唱歌冇難度,鬼后頭飾最攞命:「拍完十幾個鐘,膊頭好痛!呢個係我一世人戴過最重嘅頭飾,不過好靚好特別!」
...
版面所限,其他圖片內容請到︰http://8pitsgadget.blogspot.com/2010/10/busty-korean-enjel-halloween-ocean-park.html



實用相關搜尋: 醫生 廣告 拍拖 香港 blog 跳舞 女朋友 男友

TOP HOME

伸延閱讀
 提示:支持鍵盤翻頁 ←左 右→ 發新話題發佈投票

重要聲明:本討論區是以即時上載留言的方式運作,Uwants.com討論區對所有留言的真實性、完整性及立場等,不負任何法律責任。而一切留言之言論只代表留言者個人意見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。Uwants.com討論區有權刪除任何留言及拒絕任何人士上載留言 (刪除前或不會作事先警告及通知 ),同時亦有不刪除留言的權利,如有任何爭議,管理員擁有最終的詮釋權。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。


Copyright © 2003- Uwants.com All Right Reserved.
版權所有,不得轉載。