karenccc

我隻狗狗之前係領養返黎嘅.......返到屋企都無大問題.......

惟近兩個月黎,, 佢好似身痕咁,, 成日"R"痕,,
又"R"咀側邊又"R"頸,, 之前仲有時用前爪抓眼,,
佢成日咬自己條尾 同 咬手 咬腳,,
唔咬手腳時,, 就舔手舔腳,,
有時就"R" ears,, 用洗ear水洗完都"R"架,,
我初時以為佢皮膚有問題,, 就check 下啦~~~
睇d post講 如果有紅點, 有一粒粒嘅就有問題mA.......
但我CHECK完佢skin,, 又無紅點又無粒粒~~~
唔明點解會咁..........所以係同佢打針時問埋vet 啦~~~

個vet幫佢check完ear仔...話無發炎......
再幫佢睇下skin.......係咁二撥開d毛睇下有冇問題....(我咁講 係因為我仔仔d毛好厚...好難睇到底層skin)
then,, 就話我仔係皮膚敏感......開左d"擴"敏藥.......但係食左咁耐都無好轉~~~
佢都仲係日日"R"skin...........有時佢訓著左,, 無啦啦都彈起身"R"痕.........
見到都好心痛~~~
兩次打針....問極醫生都係咁.................

今日我食dinner,, 佢平時我地食飯時, 佢會係table下等掉下來的野食食~~~佢好為食的!!!
但佢今日就係table下面係咁"R"痕 同埋 咬隻腳同D毛..........咬到o個個位濕晒......我地食完...佢都仲咬.....
我好擔心佢皮膚丫.....點算好??

你地話我好唔好轉第2個vet再睇下consult下~~~
我唔想佢咁辛苦!! 定係大家有冇d方法suggest 等佢可以comfort d~~~??

thank you大家~~~


實用相關搜尋: 醫生 屋 狗

RafaelNadal

引用:

原帖由 karenccc 於 2010-7-20 08:17 PM 發表
我隻狗狗之前係領養返黎嘅.......返到屋企都無大問題.......

惟近兩個月黎,, 佢好似身痕咁,, 成日"R"痕,,
又"R"咀側邊又"R"頸,, 之前仲有時用前爪抓眼,,
佢成日咬自己條尾 同 咬手 咬腳,,
唔咬手腳時,, ...

食開咩糧？試下轉糧吖！
又，天氣濕，要保持狗狗乾爽。


實用相關搜尋: 屋 狗

karenccc

引用:

原帖由 RafaelNadal 於 2010-7-20 20:53 發表


食開咩糧？試下轉糧吖！
又，天氣濕，要保持狗狗乾爽。

我有經常性保持佢乾爽丫....但唔知佢咩問題!
有D擔憂!

佢食Solid Gold Puppy糧!
但我覺得隻糧好差.....食完之後 毛毛粗糙 暗啞左, skin差, 又多淚水~~

唔知係糧問題引發 定係 其他呢?
我一路有同佢轉糧, 但係轉到哩1,2次就痕左好多..........
嗚嗚~~~

RosetteK

呢隻牌子既糧係唔係好好，同埋食完D大便好臭...
而且你都明顯見到有問題，就唔好因為錢而再食啦...
我之前都餵狗狗食orijen，隻糧係好，不過兩隻狗受唔到咁高蛋白質就停食左，最後都係忍痛平賣出去..
之後轉natural balance 又係唔得，D大便又黑又爛又臭...口都臭埋...
最後唯有自己煮野俾佢食啦...之後所有問題解決晒 - -

請問你隻係咩狗？唐狗？定係husky(因為你話厚毛..)？
你試下同佢剪/剷左肚毛先，咁樣易睇佢皮膚究竟有冇問題，而且佢都會涼快D
如果剷完肚毛發現有紅點，可以買亨氏蘋果醋(買唔到就白醋都得)
1份醋開2份水，之後噴落佢身上面，由佢放5分鐘就係咁兒抹到唔滴醋..唔好抹晒，唔係就冇用
醋可以止痕，就算對病情冇幫助都等佢唔好R痕先，係咁R損晒，就一定好唔返
同埋醋唔好味，佢一舔就發現好難飲，慢慢就會戒甩舔手舔腳既習慣，同預防狗狗咬野既原理差唔多

另外你隻糧係咩肉？有D狗會對雞肉敏感架喎~
防敏感既話最好試下羊、鴨、魚、袋鼠、鹿呢D
當中以魚對皮膚最好，不過一般黎講都賣得貴D...
皮膚敏感最麻煩，如果唔知致敏源係咩野就好難避免..先試下從糧個度著手

另外可以去藥房買羊栖菜俾佢食，可以治療濕疹，冇事都可以保健，藻類對皮膚好
仲可以順手買埋螺旋藻俾佢食，10kg 既狗狗每日食3-4g....羊栖菜就每10kg 餵1g
呢D都係天然野，點都比一直食抗敏藥、抗生素好！


先試左以上既方法一星期先，仲係唔掂就再求救 @@

[ 本帖最後由 RosetteK 於 2010-7-22 03:07 PM 編輯 ]


實用相關搜尋: 狗

holly1_hk

引用:

原帖由 RosetteK 於 2010-7-21 08:20 PM 發表
呢隻牌子既糧係唔係好好，同埋食完D大便好臭...
而且你都明顯見到有問題，就唔好因為錢而再食啦...
我之前都餵狗狗食orijen，隻糧係好，不過兩隻狗受唔到咁高蛋白質就停食左，最後都係忍痛平賣出去..
之後轉natur ...

自己整比狗狗食,一餐份量要幾多飯,肉同菜?


實用相關搜尋: 狗

RosetteK

引用:

原帖由 holly1_hk 於 2010-7-21 22:02 發表
自己整比狗狗食,一餐份量要幾多飯,肉同菜?

肉菜比例2:1 至3:1...要睇狗狗體質
我兩隻狗食太多肉，D便便會黑D臭D，所以依家食緊2:1

份量大約係體重既3%，再依狗狗食量而增減
幼犬就雙倍，甚至更多...都係因應佢食量增減


實用相關搜尋: 狗

ykwan850

試下食california natural隻羊，可以試幾個星期睇下有無好啲
但係唔好長期食，佢因為好齋，要加supplement先得

同埋你平時多唔多用chemical？拖地洗野咁？可能狗狗對呢啲敏感都唔奇
我milo以前都成身出粒粒，攪咗成年而家皮膚先好啲
而加食羊/魚糧，我用steam mop拖地 (唔用chemical)，洗佢啲被床都用防敏感洗衣液
唔好沖咁多涼，一個月一次好


實用相關搜尋: 狗

karenccc

引用:

原帖由 RosetteK 於 2010-7-21 20:20 發表
呢隻牌子既糧係唔係好好，同埋食完D大便好臭...
而且你都明顯見到有問題，就唔好因為錢而再食啦...
我之前都餵狗狗食orijen，隻糧係好，不過兩隻狗受唔到咁高蛋白質就停食左，最後都係忍痛平賣出去..
之後轉natur ...

我都係第一次試哩隻糧, 我仔仔之前食開Natural Balance, 食左兩個幾月, 我見佢之後食下又唔食, 剩左好多糧, 咁就幫佢轉左Taste of the Wild 全天然無穀物糧, 見佢”R”痕”R”多左, d屎又好臭, 咁就轉Solid Gold puppy糧………點解我會突然轉puppy糧呢? 係因為我之前見到有個post話未夠9個月仲係puppy, 要食番puppy糧會夠營養多d………我隻仔而家6個月大........我之前見到Solid Gold有好評, 咁咪買比呀仔試下, 點知仲衰過之前 =__=” 所以之後都唔會再食……

Orijen隻糧, 我上網睇都有好多人讚, 咁又畢竟每隻糧都要夾每隻狗狗嘅, 哩點我明~ 我隻狗狗用NB嘅時侯係好好多,但係D便便又無你個隻咁臭臭, 無嘜味, 又無口臭, 可能我個隻夾到掛, 後尾我屎忽痕幫佢轉左, 我諗唔多唔少我都有問題嘅, 幫佢轉糧轉成咁…..唉~~

其實我都有諗住煮俾佢食ga………但係唔知份量幾多, 夠唔夠nutrition, 佢吸唔吸收到~~~哩d係我worry嘅野! 畢竟佢仲細~~ 吸唔夠nutrition, 我怕佢會唔健康!

我隻狗狗係mix架! 前狗主比我嘅時候
就話係
厚毛西施, 但佢愈大
我就覺得係混左種, 我都唔知佢係咩混咩, 好難睇得出, 但佢一定有混長毛芝娃娃, 佢個頭睇得出~~

之前剷左肚毛喇, 但佢皮膚又冇問題喎, 無紅點無粒粒~~~ 咁我可唔可以用醋同佢抹身?? 有冇問題架?? 因為佢真係好痕咁!

我隻糧主要係羊肉材料嘅, 我都驚佢會雞肉敏感~~所以無買到有雞肉成份嘅野, including 小食!

羊、鴨同鹿呢D, 我仔都有食過, 就係”R”得勁, 所以食完都無再食了! 魚同袋鼠未食過! 可唔可以介紹下咩brand好?? 我可以buy比丫仔試下, 睇下佢受唔受到隻糧, 有冇敏感咁啦~~~

魚對皮膚最好，不過一般黎講都賣得貴D……<<<< 大概去到幾$到??

皮膚敏感真係好煩，見到佢”R”, 自己又心痛又worried, 佢又痕! 我又唔知致敏源係咩, 好難避免..咁就驪你講試下從糧個度著手啦~~~


去藥房買個d野俾佢食, 得唔得ga?? 好似人食嘅野咁嘅, 我其實唔知哩d係咩, 所以咁樣問, 唔好意思~~

咁我先試左哩d先啦~~~^^* 另外, 我兩日前已經開始幫佢停晒所有snacks & Greenies潔齒骨!
我想睇下係咪因為糧嘅問題causing him咁痕&敏感!

最後, Thank you你咁詳盡嘅reply! 好感動, 會有人回我, 因為我見到好多時d post無人回, d狗主求救又好心急~~~ THANKS!

karenccc

引用:

原帖由 ykwan850 於 2010-7-22 13:19 發表
試下食california natural隻羊，可以試幾個星期睇下有無好啲
但係唔好長期食，佢因為好齋，要加supplement先得

同埋你平時多唔多用chemical？拖地洗野咁？可能狗狗對呢啲敏感都唔奇
我milo以前都成 ...

California Natural隻糧係唔係天然糧黎架?

我平時日日係屋企
都會拖地, 加好少許嘅滴露去溝稀佢~~~
洗佢d玩具, 床, 毛巾之類嘅野, 我就會放係洗衣機到洗, 加洗衣粉洗~~

防敏感洗衣液?? 可以係邊買??
steam mop又係咩??
唔好意思, 問你咁多野tim~~ = =”

我之前同佢一星期一次~~ 我都覺得太密!
而加一個月一次!


實用相關搜尋: 屋 狗

RosetteK

一歲前都仲係puppy，要食puppy 糧
有D狗如果之後仲發緊育，而又唔肥，其實可以繼續食puppy 糧

orijen 個隻三文魚糧去到$8xx，約30lbs
其他牌子唔知..fromm D人都話好，innova 又係多好評~

同埋有D狗會對狗糧入面既添加物，例如防腐劑有敏感
你轉乜糧都冇用，可能就係咁解
可以試下煮一個星期野佢食，睇下有冇好轉先~
如果有好轉，忙D都冇計啦，我依家都係隔日就煮...
狗狗健康最重要，見到佢地疴爛同R痕，自己都會好心痛...
倒不如抽少少時間出黎，打少陣機煮野佢地食 ~.~

我隻狗狗依家肉菜比例2:1

肉都有好多種啊，有肥牛、鴨胸、龍脷柳
之前有食雞，不過怕敏感冇再食，轉左食鴨..貴少少，不過就安心D

菜都有食好多種，通常食蕃茄、西瓜(綠色部分..可以消暑)、冬瓜(消暑)、南瓜、椰菜、茄子
每次都食唔同既菜，咁樣營養先會均衡
蕃茄、茄子記得煮耐D，茄紅素越煮越出
其他菜就盡量煮少D，保留更多營養 @@
南瓜本身甜甜地，直頭可以生食~ 我兩隻狗都肯生食

要佢飽D既話，就俾少少薯仔 or 飯佢食，唔好俾太多，因為有機會疴肚
我阿爸就話食飯好，因為食飯正氣喎~ 煮開可以煮多少少俾狗狗 @@
麵同麵包都冇問題，不過麵包要小心揀，人食既麵包又係好多添加物...

煮野佢食時記得落少少鹽，每重10kg 就俾1g
因為狗狗身體要鈉，單靠食物唔足夠
不過每次講到呢度一定有人跑出黎話狗唔食得鹽，習慣左..XD
但唔食鹽係有好大問題，鈉對神經系統好重要架
我婆婆之前就係因為有病入院，醫生完全唔俾佢食鹽，結果搞到佢失憶...
依家政府廣告都只敢講低鹽生活，唔敢講無鹽生活就係咁解

狗狗每日仲可以食一隻蛋，可以烚，懶就直接打落兜野食度
之後用滾水開一開羊栖菜同螺旋藻，去藥房買就可以了，好平下
羊栖菜俾少少就夠，螺旋藻可以俾多D，食左D毛靚好多...
我隻狗狗連續食左一個月，對D毛有極明顯既幫助
其實狗係可以食人食既野，不必太過擔心
兩種只係普通海藻，唔會食壞狗狗，就好似人都會食下昆布、紫菜咁


以前我都試過有野上forum 問，結果俾人串返轉頭，或者係度搞亂檔
所以好明白上黎問野既狗主既想法..
越詳細就越能幫到人，何樂而不為？^^

先停晒所有製過既食品吧，俾真正天然野佢食，相信會有好轉
同埋唔好用滴露，滴露效力太強，有D狗狗係會敏感...我隻狗就係咁...
最好用寵物專用個D，例如SUN & SUN、家居寶、ECO..好似係呢D名...

醋都可以對住佢成日R痕既位噴下，如果真係R少左就噴全身
噴醋冇好都冇壞既，不過就會搞到隻狗全身醋味，怕你難頂咋 -0-

[ 本帖最後由 RosetteK 於 2010-7-22 03:12 PM 編輯 ]


實用相關搜尋: 寵物 醫生 廣告 食物 狗

ykwan850

引用:

原帖由 karenccc 於 2010-7-22 02:44 PM 發表



California Natural隻糧係唔係天然糧黎架?

我平時日日係屋企
都會拖地, 加好少許嘅滴露去溝稀佢~~~
洗佢d玩具, 床, 毛巾之類嘅野, 我就會放係洗衣機到洗, 加洗衣粉洗~~

防敏感洗衣液??  ...

california natural係優質糧，可以話係天然，唔係supermarket嗰啲 iams
呢隻糧係間pet shop老板介紹，唔係呃人為搵錢嗰啲，係細細間，自己整狗餅賣嗰隻bakery，有heart既人
佢叫我比milo食一個月就夠，跟住要食返普通糧，concept好似我地食粥清下腸胃咁

洗衫用bb用洗衣液，最好係無香味咁
我買有aloe，但係唔知hk有無得賣

steam mop係蒸氣地拖，用蒸氣去臭同細菌
唔洗加任可cleaning product，用完塊毛巾放落洗衣機就得
你可以去yahoo search下，shark呢個brand都ok

我都好明白狗狗皮膚唔好真係好頭痛
有隻葯可以試下：Natural Pet Pharmaceuticals Skin and Itch Irritations
唔sure hk有無，但係internet有得賣
around $200，一日用半蓋咁多，加落水兜比狗狗飲，一專樽夠用一個月
我都知好多人會叫你試呢樣，試嗰樣
我隻仔就試咗好多，呢隻真係work到你唔信
佢pet pet有個位比蚊咬咗，佢係咁lam，lam到無晒毛，黑晒
再加佢敏感，成身出晒粒粒，出完無晒毛
佢飲咗2星期，啲毛出返晒，仲好靚
佢2個朋友仔都有飲，其中一隻條尾無晒毛，飲咗個幾月都好咗好多


實用相關搜尋: yahoo 屋 狗

karenccc

Thanks各位嘅意見~~~
所有我都會試下!
因為唔想愛犬辛苦!


感謝你們咁詳盡嘅意見! 我收到晒~~


熱門搜尋: polo shirt bag 陳列架 crystal