註冊 微博



打印

[會計] 讀會計系的原因 (請資深會計師或者同學答我)

讀會計系的原因 (請資深會計師或者同學答我) E-mail 此主題給朋友

[隱藏]
你好, 我將會準備non=jupas面試, in 會計系. 想問下以下內容發揮成點"



讀會計既原因

1. 道德操守: 因為每次做數和商業活動, 都要跟足晒法律同會計準則做野, 例如需要根據gaap去決定一筆開支係營運開支, 定係資本開支.
2. 謹慎處事能力: 會計師要確保過程同報告唔會出錯, 只要少少出錯, 足以影響成間公司運作, 甚至減低公眾的公信力, 更可能觸犯法律, 前途盡毀
3. 學會保持中立意見: 無論係邊間公司或者任何人, 對我係好定壞, 我都要根據會計準則, 作出公平, 中肯同客觀既分析同意見. 絕對唔可以偏幫某一方, 同時陷害另一方.
4. 學懂不同計量, 商業同法律技巧, 處理複雜既商業問題和法律問題, 例如處理錢債糾紛, 又或者運用數學技巧, 去計算如何在合理情況下減輕稅務同營運開支.



會計師應有性格

1. 與上面1-3相同
2. 時刻學習: 熟讀不同地方法律, 會計準則, 與及一切商業和管理技巧, 同時學習不同地方語言, 文化, 政治和金融政策. 以便到中國, 外國工幹, 加強與不同地方的員工和客戶溝通. 亦都要向前人汲取經驗, 加強工作技巧.
3. 在壓力下工作, 更可能要加班工作: 會計師需要接觸大量文件, 甚至係訴訟, 糾紛等等. 仲要面對客人好多要求, 例如要為佢地趕製文件, 又或者向稅務局報稅.
4. 良好領導能力: 會計師通常要指導下屬或者其他部門同事, 分工合作完成工作.
溝通技巧: 會計師需要與其他部門和客戶合作, 例如市場部推廣新生意時, 會計部協助從財政上和數學上給予成本效益既意見, 或者係幫人事部計算新入職同事應有既工資. 另外需要學習更多語言, 尤其英文同普通話, 以便同其他唔識講廣東話既客戶溝通.




期望讀會計系同埋出黎搵工可以學到d咩
1. 人際溝通技巧
2. 處事能力 (獨立和團隊合作)
3. 成熟和謹慎的處事態度
4. 處理壓力
5. 誠信品格


仲有就係數學同會計之關係

我個人極度喜歡數學, 以及統計, 中學修數理科, 會考數學和附加數a, 而高考pure math, applied math亦有d, 同時連續6年參加不同類型數學比賽, 包括澳洲數學比賽.

有人講數學好與讀會計係無咩大關係. 但我覺得會計和其他商科(例如經濟, 投資, 財務分析)總係需要高思維既數學分析和應用, 才能應用於商業世界上. 例如公司想推出新產品, 會計師通常都要用到商業技巧, 再加上數學知識, 才能推斷出成本效益等問題.


請你地評理, 睇下我既意見講得好唔好.
以上只係個人意見, 並唔代表他人立場


我msn係henrytam2005@hotmail.com
歡迎知情人士與我分享同交流.



實用相關搜尋: 英文 會考 會計 投資 稅務 法律 學習
容祖兒, 陳奕迅既忠實fans. 最鐘意聽歌同做運動. 單身, 未拍過拖. 搵緊女友. 有興趣既可以Whatsapp, Wechat or Line.

TOP HOME

老實說,我覺得做會計師, 同數學好晤一定有必然的關係.

你將來讀會計科的話, 你就發現除了讀finance & statistics外, 一般的會計科目都只需用到"加減乘除", 即使考會計師的考試都晤需要計太深的數,都是"加減乘除", 最主要仍是學習會計準則的應用, 較深的會計入賬處理, 核數技巧等.

老實講, 我自己中學時,數學都係麻麻, 得個D, 但我己經覺得好夠用, 即使考會計師試時,所關係到的數學也不難, 日常工作亦缺少要計高難度的數. 反而做會計師最重要的就是有多元知能, 如語言能力, 溝通及談判能力, 稅務,法律及商業知識, 流程, (在還要學習中國的稅務,法律,勞動法,合同法,經濟法)

我覺得你晤好只講數學叻, 因為做會計師, 我覺得跟數學,不是有太大的關係 我覺得你講自己的性格及能力, 怎樣跟修讀會計的吻合程度晤較, 如溝通能力, 處理厭力的能力,領導才能, 克苦耐勞,積極學習等等.



實用相關搜尋: 會計 稅務 核數 法律 考試 學習
pkngkafung

TOP HOME

你的答案好容易令人想問:
為什麼不讀法律?
為什麼不讀數學?




TOP HOME

引用:
原帖由 濟儒居士 於 2010-3-7 02:41 PM 發表
老實說,我覺得做會計師, 同數學好晤一定有必然的關係.

你將來讀會計科的話, 你就發現除了讀finance & statistics外, 一般的會計科目都只需用到"加減乘除", 即使考會計師的考試都晤需要計太深的數,都是"加減乘除", ...
其實係咪數學好, 就有助係會計界立足既其中一個因素??
因為平時要做decision making既時候, 有時都需要用到數學知識, 例如減低成本既同時, 亦能增加收入, 呢d都要涉及到線性規劃既問題.



實用相關搜尋: 會計 考試
容祖兒, 陳奕迅既忠實fans. 最鐘意聽歌同做運動. 單身, 未拍過拖. 搵緊女友. 有興趣既可以Whatsapp, Wechat or Line.

TOP HOME

[隱藏]
做會計, 數學好當然有幫助, 但晤係最主要, (當然晤好太差), 正如我之前所講, 會計大部份的數都只是加減乘除, 相反,直接有幫助的,是工程,建築, 土木工程等科目, 如果你一尾只講數學好,好難令人信服

而且現實生活中, 省減成本時,亦很少會一刀切的用線性規劃, 很簡單的原因, 制造成本,是分為直接成本及間接成本的, 用一刀切的線性方式去減省成本的話, 有些費用會減的太多, 有些費用卻減得太少.

反而你問我的話, 我覺得做會計最重要的特質, 是小心,謹慎, 好學肯捱, 人際技巧要強, 腦轉得快, 做事有魄力 (因為做四大的話,朝九晚十二己是必然的事實)



實用相關搜尋: 會計
pkngkafung

TOP HOME

引用:
原帖由 濟儒居士 於 2010-3-10 11:19 PM 發表
做會計, 數學好當然有幫助, 但晤係最主要, (當然晤好太差), 正如我之前所講, 會計大部份的數都只是加減乘除, 相反,直接有幫助的,是工程,建築, 土木工程等科目, 如果你一尾只講數學好,好難令人信服

而且現實生活中, 省減成本時,亦很少會一刀切的用線性規劃, 很簡單的原因, 制造成本,是分為直接成本及間接成本的, 用一刀切的線性方式去減省成本的話, 有些費用會減的太多, 有些費用卻減得太少.

反而你問我的話, 我覺得做會計最重要的特質, 是小心,謹慎, 好學肯捱, 人際技巧要強, 腦轉得快, 做事有魄力 (因為做四大的話,朝九晚十二己是必然的事實)
我當然唔係淨係講數學好啦,
其他幾方面我都會講埋,
當比人問到想讀會計系既原因既話



實用相關搜尋: 會計
容祖兒, 陳奕迅既忠實fans. 最鐘意聽歌同做運動. 單身, 未拍過拖. 搵緊女友. 有興趣既可以Whatsapp, Wechat or Line.

TOP HOME

伸延閱讀
 提示:支持鍵盤翻頁 ←左 右→ 發新話題發佈投票

重要聲明:本討論區是以即時上載留言的方式運作,Uwants.com討論區對所有留言的真實性、完整性及立場等,不負任何法律責任。而一切留言之言論只代表留言者個人意見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。Uwants.com討論區有權刪除任何留言及拒絕任何人士上載留言 (刪除前或不會作事先警告及通知 ),同時亦有不刪除留言的權利,如有任何爭議,管理員擁有最終的詮釋權。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。


Copyright © 2003- Uwants.com All Right Reserved.
版權所有,不得轉載。

10.0.0.23