其他討論
消閒生活手機討論遊戲地帶影視娛樂校園生活數碼科技寵物樂園學術文化體育世界購物廣場時事投資貼圖影片上班一族美容纖體戀愛婚姻汽車討論成人資訊博彩娛樂資源交流站務管理
發帖
註冊 登入/註冊 微博



收藏 訂閱 打印

[插圖] 新手分享護理經歷,謝大家多多支持



新手分享護理經歷,謝大家多多支持

[隱藏]
手分享護理經歷,謝大家多多支持

本人小薯仔一名,讀書壓力大, 畫畫係興趣,
分享同時想學更多,希望大家比的意見我 (無論好/壞)

岩岩開既FB Page

@smallstepstowardsnursing
@護理的一點一滴





謝謝大家

---------------------------------------------------------------------------------
第一次出實習(Clinical Practice)真係好緊張,
以學生身份入Ward(病房),同平時探病既感覺真係差好遠,
第一次接觸其它病人,牌板,醫療儀器,同事……等等。
第一日Mentor帶我地熟習下個環境,安撫下我地依班薯仔。

帶頭當然係同呀DOM請安,之後呀DOM帶我地去見Ward Man同呀爺,
當時候我其實對Ward入面既職位等級係完全零Concept (死讀書類型 -v-”)

我只係見到每一位個膊頭都好好紅,有D就一個格,有D就一個格加條線,有D就成個紅噹噹。
(當時腦海: 照推理應該係越紅越高級)
行行下又見到紅色膊頭,不過相對無禁紅,有D兩條線,有D就得一條線;
轉個頭又有幾位都係兩條線,不過就橙色既……
唔…好亂……
因為已經分唔到邊位係咩職位,所以想叫人既時候,都一律叫”唔好意思呀…”做開頭,

見其它同學有時叫D同事做呀Sir,就依為每一位都係禁稱呼,
有一日走既時候,呀DOM岩岩返黎,我就….
“呀Sir,我地走啦,聽日再見。”
出左門口,Mentor無奈望住我
M: 個位係呀DOM,唔係呀Sir。
我: 姐係佢係叫呀DOM?,我聽到人地叫佢做Alan,但叫人英文名又好似好無禮貌禁既。
M: 佢英文名的確係叫Alan,但佢係呀DOM,唔係呀Sir。
我: 下…? 姐係點,我唔係好明你意思…
M: ……………….

我認我口頭禪 “下…?” 加上自已個死人樣,比人感覺好輕佻,
但我真係感覺好困惑,絕無玩野成份
不過當日起,Mentor已經覺得我係一位好無禮貌既小薯仔。(水洗都唔清)

依加諗返都覺得自已好肉酸……
但依D真係無出實習係唔會知,書又唔會講,

所以好希望做個表比大家了解下依個”職位的階梯”,
唔好好似我禁薯啦 ; )

------------------------------------------------------------

🎊 祝大家 聖誕快樂!

-----------------------------------------
有時係街見人戴口罩真係覺得好奇怪,有D反轉左黎戴,有D只係遮住個咀,有D放到去下巴到。

其實禁樣戴係保護唔到人同自已。

要包實曬鼻哥、口同下巴,全方位包住,先唔會比D病菌入侵。

點樣分口罩既正反面呢?
>正面
-較深色
-粗糙防水面
-耳帶縫制部分向外
-鼻樑片外露(阻飛沫)

>背面
-柔軟吸水面- 吸口水,通風

點樣正確戴口罩呢?
1. 洗手
2. 只拎耳帶部份
3. 戴上耳仔
4. 上下拉開口罩 (包好鼻哥+壓緊鼻樑位)
5. 包實下巴
6. 再洗手

如果口罩太鬆,濕左,爛左都唔應該再用。
口罩係一次性既,唔好用完又放返入袋到重用呀!!
記得要換過一個全新既。

今日有入冬首宗H7N9死亡個案,希望大家多注意個人衛生。
RIP 佰佰

希望大家都學識正確戴口罩,保護自己又可以保護人地。







戴口罩既煩惱
就係成日眼鏡會朦曬


======================

未做學護前,大家都對我充滿期待…
“未來姑娘仔呀,日後我地靠曬你嫁啦!”
我個人黎講係真心想成為護士,
不過理想同能力 ……係兩回事黎。
未開始讀既時候,都有心理準備依畢業前都要爆住SEED禁過依機年。
讀緊既時候就更加大壓力
人際,心理,文化,溝通,藥理,病理,技術,歷史……等等咩都要學
其實有機會接觸到自己有興趣既科目係讀得開心既
之不過要一個SEMESTER讀5至6科,
有Project,Test,Quiz,
中要全部要考試,都咪話唔吃力
不過依D只要花多D時間同努力
都會解決到既
另外一樣就係身邊既壓力,
依一樣壓力係解決唔到,
身邊既朋友一有頭暈身㷫,
就會問你點算好,
答佢休息多D,睇下醫生,
就會話
“下? 你唔係識照顧人嫁咩?”
“下? 你唔係識醫病嫁咩?”  (笑左
另外常問既問題係
“依隻咩藥黎?”
“我應該食咩藥?”
如果我答”我真係唔識”
就會回我一句
“下?你唔係讀護士嫁咩?”
所以我只可以快快上網睇2,3個網頁去搵隻藥既Usage
唔想比人話我無用> _ <
日後話唔定我可以解決到/答到佢地既問題,
但依一刻,我未有能力 (嗚…
但我會努力上堂同睇多D書,
希望日後做到一位幫到人既護士!


------------------------------
“記住,記住,記住,洗手,洗手,洗手。”
依前就笑佢依句Slogan,但其實真係好重要。

近日報道火車扶手發現耐藥細菌,
而破壞CHAIN OF INFECTION 係防止疾病傳播既重要一步,
當中有一項係每個人都做得到,
就係 – 洗手。

係咪濕下水就叫洗左手呢? - 唔係!
其實要做足七個步驟 (7 STEPS) 先叫正確洗手。
每個步驟5下,次序不分先後,只要做足就可以。

有人會問
“酒精係咪有用過梘液洗手?”
其實係視乎你隻手有無一D明顯既污糟
兩者既消毒能力相近,
但梘液就相對會令手乾。

用70-80%酒精係最理想,
太少就起唔到消毒效果,
太多就會令細菌變成 Spore (孢子),
反而助長細菌生長。

而且酒精搓手又唔洗用水同紙巾,
病房到處都有,所以比較方便。

無論用酒精/梘液洗手都要…
等(令)手完全乾
先可以接觸其他地方呀!

濕既手接觸其他地方,
只會痴更多病菌上手,
濕氣高既地方係細菌既溫床,
到時洗左重差過無洗手。

==============

護士方面,有樣叫 5 MOMENTS 都好重要!
以下5個時刻都一定一定要洗手。
接觸病人前
乾淨/は菌操作前
接觸體液後
接觸病人後
接觸病人身邊環境後






---------------
Turning 有時候Q2H/Q4H (每2小時/每4小時) 就要換一次姿勢。
老人家更加要換姿勢,
因為長期臥床加上皮膚脆弱,好易會有Pressure Ulcer。

姿勢分別有
- Supine (訓平),
- Left,
- Right,
- Fowler’s (坐臥 -有分low, semi, high)

--------------------------------------------
一D縮寫一定要識同記得,差一個字,意思都可以差好遠。





[ 本帖最後由 smallstepstowar 於 2017-1-7 09:13 PM 編輯 ]



實用相關搜尋: 心理 疾病 皮膚 時間 病人 壓力 英文

回覆 引用 TOP

UPDATED 12/22/2016





回覆 引用 TOP

UPDATED 12/27/2016



回覆 引用 TOP

UPDATED 12/28/2016





回覆 引用 TOP

[隱藏]
UPDATED 07/01/2017

回覆 引用 TOP

畫功有待改善, 但難得有心機, 你加油啦, 繼續做你喜歡既事.

註1.: 職位階梯上面樓落第二層 個金色框最左邊突出黎 感覺好違和
註2.: 我唔識畫畫






回覆 引用 TOP



伸延閱讀
 提示:支持鍵盤翻頁 ←左 右→ 發新話題發佈投票
請先登入
小貼士:
依家可以用“@”tag會員啦!
預覽帖子  恢復數據  清空內容