其他討論
消閒生活手機討論遊戲地帶影視娛樂校園生活數碼科技寵物樂園學術文化體育世界購物廣場時事投資貼圖影片上班一族美容纖體戀愛婚姻汽車討論成人資訊博彩娛樂資源交流站務管理
註冊 登入/註冊 微博



收藏 訂閱 打印

~老柴灣懷舊~ (2) 社區歷史研究



~老柴灣懷舊~ (2) 社區歷史研究

[隱藏]
本篇承接上篇,歡迎繼續討論。

上篇已滿5,000帖需要關閉 :
http://www.uwants.com/viewthread.php?tid=18367181&extra=page%3D1&page=334

因半個月未見有人開新篇,所以由本人開帖了。

先貼一些舊相 :

[ 本帖最後由 almok 於 2015-12-7 08:51 PM 編輯 ]



熱門搜尋: service apartments 銀行估價 裝修設計 地產公司 按揭

附件

1.JPG (378.6 KB)

2015-8-15 10:44 AM

1.JPG

2.jpg (299.3 KB)

2015-8-15 10:44 AM

2.jpg

3.JPG (415.38 KB)

2015-8-15 10:44 AM

3.JPG

4.jpg (475.85 KB)

2015-8-15 10:44 AM

4.jpg

5.JPG (207.44 KB)

2015-8-15 10:44 AM

5.JPG

6.jpg (99.44 KB)

2015-8-15 10:44 AM

6.jpg

7.jpg (99.09 KB)

2015-8-15 10:44 AM

7.jpg

35
讚好專頁以獲取更多精彩內容
Hello
Chai Wan Road





附件

1.JPG (653.19 KB)

2015-8-15 10:46 AM

1.JPG

2.jpg (411.61 KB)

2015-8-15 10:46 AM

2.jpg

3.jpg (164.6 KB)

2015-8-15 10:46 AM

3.jpg

4.jpg (172.53 KB)

2015-8-15 10:46 AM

4.jpg

Hello

回覆 2# almok 的帖子

感謝版主大人上載多幅老柴珍貴照片.
睇到啲老柴相手痕痕, 心癢癢的, 唸番我係街童的日子.
圖A係小時候起老柴常見嘅環照街燈, 支燈柱油咗鴨屎綠色, 上面有個油咗銀色嘅圓環, 內面盞燈個燈罩好似裝糖果嘅玻璃樽, 小時覺得個圓環好似俠聖架 . 仲有另外一個紅色箭咀指住嘅地方, 後面架車嘅尾呔唔知點解爆咗, 可能俾啲百厭仔拮爆或者放咗氣?
圖中B,C,D 嘅馬路燈要花點眼水先睇得清楚, 唔同年份嘅燈分別係起橫擔個條肋骨位度看得出,  圖B兩位哥哥仔後面支燈, 骨位部份好闊, 支燈應該有番咁上下年份. 而圖C,D橫擔骨位已明顕較細, 留意睇應係同時期嘅野, 彩色果張, 兄民邨啱啱平緊地基, 應是70'年代尾拍攝卦, 細路仔唸野好神化, 覺得呢種路燈鵝蛋形卜卜地, 好似一對青蛙眼睛咁  .
再比較圖E, 日前起兄民邨影嘅路燈, 條骨位更加細, 燈型都唔同咗, 記憶中柴灣道啲路燈起80's全部換過, 所以4幅舊照當時嘅燈應該係偏綠色光果種, 好似叫'低壓汞燈'(唔敢確定).  而80年代, 柴灣道啲路燈先至換成依家呢種偏橙黃色光嘅燈, 呢種燈應該叫"高壓鈉燈" , 比以前果啲汞燈光猛好多 .  市區最近又一批一批咁換上啲拾狗世紀復古街燈, 睇黎香港經常換街燈真係好疊米 .




附件

CW LAMP.png (586.41 KB)

2015-8-21 10:40 PM

CW LAMP.png

回覆 3# subsamcheung 的帖子

版主相當關照我地老柴灣,開新篇,我地又可以唱所欲言.
相信以前街燈都係鴨屎綠色,不同年代,款式都唔同.講起街燈相信好多老香港都見過電燈柱掛老鼠箱.以前我住附近有一枝,個箱係圓既,大概8寸高6寸直徑,有個蓋蓋住,裹面載D火水,防鼠疫,如果街坊打死隻老鼠就放入去.政府蟲鼠組有人黎收.
subsamcheung兄留意到架車嘅尾呔扁左,小弟睇到貨車尾有個人,個頭冚住塊布,相信佢係咕喱"苦力",塊布用黎墊住膊頭,細個時見佢地托包米仲重過佢本人,疊三四包麵粉都好等閒,做得日子長個膊頭會生D毛好似頭髮咁粗.點解我知?因為我以前有個街坊,佢老豆係做呢行.






柴灣仔

回覆 3# subsamcheung 的帖子

[隱藏]
有張相見兩位人兄,一個揸攝影機,穿白衫人兄背後對埋見有個蓬,相信係天喜酒家.記得60年代天喜則邊有檔外圍狗,我地幾條友逢星期六去消夜兼玩下澳門狗仔,叫碟干抄牛河,星洲抄米,揚州抄飯...揸住張真欄狗經板,每場六隻,逐隻研究,記得五毫子有得玩.收音機賣一輪廣告之後,聽見主特一開咪"呢度係澳門淥村商業電台,現在報導澳門日苑賽狗消息......"聽見一出閘,精神為之一振,最緊要買果隻唔好波歐.70年代跑夜馬就頂死澳門狗仔.相當懷念澳門狗既年代.


實用相關搜尋: 廣告
柴灣仔

回覆 4# 柴灣仔 的帖子

~ 眾里尋君千百度, 驀然回首, 那柴卻在, 燈火闌珊處 ~





回覆 5# 柴灣仔 的帖子

小弟上次烏狗啄啄搞到~老柴舊區~封咗頂真係唔好意思呀!
柴大哥咁好伙食, 干牛河,星洲米又炒飯, 預埋我得唔得, 不過叫師傅唔好落鹽喎, 果份真欄除咗有寵物版之外, 最鍾意睇果啲乜乜夫人信箱, 真係咸到出汁, 係咁二dun一dun 啲鹽霜出黎已經夠晒味, 果間天喜小弟都有印象, 記得最初果時係叫陸羽居, 後來摺咗一段長時間, 之後天喜頂咗, 天喜出面搭咗間鐵皮屋, liang仔冇咁易入去攪攪震, 棚下面果奉牆唔好行咁埋, 伯虎洗完杯啲水就咁倒落黎. 還記得果個位路邊上晝會有貨車落好大舊嘅生雪,  跣落黎阿叔用個大雪鉗好似拖死狗咁拖, 好多時撞崩咗啲雪, 細路果時好鐘意執黎擐 .
講起電燈柱啲老鼠箱, 係小弟唯一起街唔敢搞嘅野,見過烏衣隊叔叔用個火鉗夾隻老鼠出黎, 好核凸呀!
小時見果啲苦力叔叔好勁, 係果時運輸業嘅中流砥柱, 不過連膊頭都有頭髮生就真係唔地才, 見過叔叔兩包三包麵粉疊上膊, 側邊有工頭派竹籤, 三包就三支用口咬住, 搬完收銀, 托麻包袋藍線米果啲仲勁, 衭袋鴨咗一對條柄歪嘅鐵勾, 邊過夠佢揮, 以前搬完米, 會有婆婆執跌咗落地啲米, 那時代就係咁過.






回覆 6# subsamcheung 的帖子

講開燈火闌珊處, 柴大哥經常落老筲箕蒲, 相信一定會經過教堂里, 以前果樹人來人往都幾旺, 由柴灣落黎出入金華街一帶係便捷之路, 加立薩女書塾個大門口有度古老大鐵閘, 入面好似有教堂, 望到啲窗嘅彩色玻璃 , 依家已經拆咗搬咗囉, 原址變成馬路同公園仔, 教堂里也變咗掘頭巷, 隔離啲樓也啱啱拆咗加入重建大隊, 完全睇唔出昔日繁華景象咯.  有次經過頭岳岳 , 見到公園仔入面零零舍舍有兩支復古型嘅四方嘅街燈, 猛然唸起以前加立薩大門口路邊確係有一支四方嘅古老街燈, 呢支燈起小弟細蚊仔時代已是古物, 小時經過都好留意,  覺得呢盞燈幽雅中帶點神秘詭異, 所以叫佢做"魔鬼燈".  呢支街燈制作好精美, 個躉同燈柱都有直條凹凸坑紋, 應該係用上集生鐵澆鑄出黎, 鷹國不愧係以前工業一哥, 支燈可以用得上過百年, 一啲都唔欺場, 打仗果陣拎黎做大炮都仲得 . 好可惜已經拆走咗好耐, 可能官府驚支燈企耐咗會成燈精, 晚黑會周街走嚇親啲街坊就唔好喇 ! 依家公園啲復古型街燈, 雖然係A貨,仲唔多似以前果支, 但裝起同一處地方, 又係油上綠色, 也不期然引來無限思古幽情, 想來呢位園景師真係有心思, 可能園景師係好熟悉呢樹舊景物,  或者只是巧合,  無論如何,  真係要多謝一吓呢位園景師, 使呢個老筲箕平添一點古趣 .



回覆 2# almok 的帖子

再比較兩張堅相, 果幅高清彩色相好珍貴, 係老柴AAA級歷史文物, 與右邊黑白相對照, 反而彩色相年紀會大啲,肯定係阿哥 .
彩色果幅係柴灣道未擴闊前景象, 估計是60's中或前期拍攝卦, 相中景物就係小弟細路仔記憶 : 右邊馬路有大量木屋仔, 柴灣坳頂左手邊菜地.........
而黑白照片, 除咗明顯睇到柴灣道已經擴闊咗, 留意睇吓柏架山坡多咗兩個電塔, 雖然落足眼水睇, 背景咁遠, 老花鏡都睇唔到啲架空線, 但細心睇吓, 右手面個電塔睇唔到有絕緣子, (依家經過柴灣坳望上去, 仍可見到電塔掛咗一揪一揪啲絕緣瓦, 好似掛咗一孖一孖蜡腸起度生晒咁), 所以估計張相年份應該係6字到尾至7字頭, 電塔啱啱起好仍未拉線.
記得以前行山, 每當經過果啲電塔, 會聽到上面有啲吱吱聲, 啪啪聲, 耳膜有啲痛, 行埋去真係驚佢漏啲電出黎就大鑊, 試過有次起大潭峽條山路仔上野猪徑, 荒山野嶺突然聽到空中有聲音傳來, 但周圍都唔見有人影喎, 小弟唸 :  唔通係上帝召我番天堂? 後尾睇真啲原來有幾個工程叔叔爬咗上塔頂做維修, 咁都冇咁驚 , 講時講, 咁強電場, 會唔影響到個鴣鴣鴣架. 近年行山經過啲電塔, 打從大潭道口至"羊鳴山莊"都再冇吱吱聲, 初初以為人老咗耳膜退化,所以感覺唔到, 但有次經過香港仔水塘啲電塔又聽到吱吱聲喎, 咁就唔關耳膜嘅事啦, 會唔會係呢邊啲塔裝假狗, 好似話呢邊啲塔已經廢咗武功,比依家消防局隔離果躉野取代咗, 咁呢啲服務咗老柴足足30年嘅電塔咪遲早會俾人打柴?  話哂起老柴見咗佢地幾十年, 呢啲電塔都可以稱得上係老柴十景之一 : "雷峰夕照", 真係有啲唔捨得 !  
惟有唱番隻歌仔俾啲塔聽, ,祝佢地好運啦  :  ~鐵塔0魂, 望不見歡欣人面, 柏架聳峙, 聽不見遊人歡笑.....~



實用相關搜尋: 高清 香港

附件

pylon.png (386.82 KB)

2015-8-29 10:22 PM

pylon.png

回覆 9# subsamcheung 的帖子

[隱藏]
仍有印象70's初曾見過十幾廿兜大隻佬起柴灣道扯大纜嘅壯觀場面,  果時坐車經過見到柴灣道飛砂走石, 一綑綑啲電纜巨型線架放起路邊近洗衣房巴士站個位, 柴灣道掘咗啲好深嘅坑, 班大隻佬一字長蛇陣排好,先唧起個線架,  將條大南蛇咁粗嘅纜放出黎, 見佢地用條麻繩圈一索就索住條纜扯, 啲大隻佬手瓜隻老鼠仔唧咗出黎, 青筋都現埋, 下下都係力的表現, 有個工頭吹BB,  佢地發力時動作一致, 發出低沈有節奏嘅音律 : 唏吔…..唏吔…..唏吔唏…...好似唱歌仔, 但聲音唔係嗌出黎, 係好沈,好沈,  十幾廿條大隻佬一齊唱, 好雄壯, 唔係, 應該係好悲壯...., 為老柴步向新的光明路付出勞力 .
以前有個大Al唱果隻歌仔: "鬼叫你窮咩, 頂硬上", 根本就唱唔出果種力拔山河嘅氣勢 !
大隻佬扯果啲大纜, 記得去到健康院度, 就跟條路轉咗落去, 小時唔知佢去咗邊, 之後有段短時間起老柴做過野, 發覺好似係去咗祥利街"易實發"號, 情況大慨好似下圖咁, 果度以前係間33’畸’變壓站 , 同埋柴灣坳果間132'畸'變壓站, 呢兩座野唔知會唔會又成為上世紀老柴遺跡 .







附件

Map.png (753.35 KB)

2015-8-30 06:51 PM

Map.png

回覆 8# subsamcheung 的帖子

教堂里有間照相館,小學五年級張學生証相響果度影,老板兼攝影師特別幫我晒一大六小,大果張4X6寸,閘埋花邊,影得小弟相當型仔.教堂街街尾寶文街則邊係避風塘,記得果度有個碼頭仔.加立薩門口度大鐵閘又高又大,裡面校舍好似間教堂咁.以前永華睇完午夜場,夜晚點幾鐘響教堂街街口等巴士(特別班)只得一班,特別服務班戲迷,個個排隊,巴士未到之前有個賣飛佬要D人先買飛(一毫子),巴士一到個個上車,如果人多都要甲硬迫上車,賣飛佬上最後.
細個時覺得筲箕灣好多名校,加立薩,聖馬可有夜校,慈友禮拜日有遊戲玩,不過要有飛至有得玩,仲有成班犀牛.



實用相關搜尋: 遊戲 學生 小學
柴灣仔

回覆 7# subsamcheung 的帖子

60年代食杯冰係高級享受,蓮子冰,紅豆冰賣五毫,什果冰要七毫,普通奶茶咖啡好立克華田三毫,最平係奶水兩亳.以前一杯冰唔同宜家一粒粒,以前見冰室大牌檔係用個好似刨木咁既刨,不過係鋁造.我地細路仔好鍾意食既紅豆冰就係響舊大雪度刨出黎.以前見D運雪貨車用麻包袋冚住D雪.見D工人用活動既勾,扣住舊大雪兩邊上角,響地下拉去交俾冰室大牌檔.當時不覺一回事,後期諗番起真係好唔衛生.
以前細個時都見過有婆婆,後面揹住個仔既女人,等架米車走左,然後執地下留低既米,真正係粒粒皆辛苦.



實用相關搜尋: 工人
柴灣仔

回覆 11# 柴灣仔 的帖子

講起老筲箕啲名校, 慈友, 巴西樓唸都唔敢唸咯, 加立薩好想架不過又唔收中男,  最熟悉都係聖馬河, 除咗小時去過佢禮堂避難, 記得曾報讀過聖馬河夜校, 聽講教得幾好, 又有好多女, 點知考入學試果晚啱啱有露營, 都係露營好擐啲, 果次連報名費都蝕埋.
至於教堂有野派, 小弟都係試過一次, 係細蚊仔果時起祟真堂, 記得係聖誕節, 跟隔離啲朋友仔上祟真堂, 有哥哥姐姐派飛, 然後安排入班房, 成班細路要聽古仔, 還記得係用八衣魚逐隻爪講蘇蘇故事, 折騰咗成粒鐘先放人, 落樓下先有禮物派 , 一個小膠袋入面有啲聖誕招紙, 兩粒糖同一個小擰螺: 一枝膠棍仔前面有個fing陀, fing吓會咯咯聲響果啲 .
所謂得人因果千年記, 得人花戴萬年香,  過咗50幾年小弟仲記得呢件事 .




回覆 12# 柴灣仔 的帖子

睇黎柴大哥小時生活都幾奢靡, 60年代有得享受蓮子紅豆什果冰咁’揩卡屎’, 唔怪得果時啲妹妹仔肯俾你揸………手仔. 妹妹仔冧冧滋咁講: “柴哥仔, 你話點咪點囉, 俾左手你好唔好啫…”
講吓小咋, 柴大哥係正人君子, 以前啲曳嘅細路仔都係好純品.
小弟60年代有杯良粉食就好開心,  刨冰檔就起醫療車前啲18座街邊, 情況就同柴大哥講嘅一樣, 齋良粉加糖水平啲, 加橙汁要收兩毫嘟, 用個高身玻璃杯裝好吸引,  18,20座街邊以前係小朋友嘅拉斯維加斯, 小弟啲零用錢通常係拎黎潛野, 貢獻橙汁檔個肥婆唔少.
冇艮惟有番屋企食大菜羔, 甜甜地好過冇, 大菜羔唔洗擺雪櫃都可以凝固, 後來屋企有雪櫃, 間中會有羅白神啫厘食 .

[ 本帖最後由 subsamcheung 於 2015-9-4 04:43 PM 編輯 ]



實用相關搜尋: 朋友

回覆 11# 柴灣仔 的帖子

[隱藏]
印象中8號B筲箕灣總站好似搬過幾個位置, 早期起教堂里加立薩學堂正門, 又有起電車路加立薩操場果邊, 又試過起街坊福利會果度, 最記得70's初位置, 係起華刀出面, 果度有間家香雞, 個招牌好大掛到出馬路, 等車果陣聞到雞伯伯啲味好正, 袋裡無銀嘆奈何.
記得未有長龍巴嘅60年代, 果啲8號B巴士好老爺, 分分鐘茄過小弟架啤令車, 啲櫈係木頭造, 烏卒卒好辣撻, 開窗有條皮帶拉上拉落, 車腩度好污糟好臭, 啲燈昏昏黃黃, 行車果陣轟隆轟隆, 好似就黎散咁 .
永華對面棚仔啲那渣麵小弟都好鍾意食, 有兩檔 ,通常食左手邊果檔 : 兩個淨麵加腩汁.  試過'措'咗成個禮拜早餐錢, 用一雞屎食麵 : 淥三個幼麵, 牛腩, 朱皮,大腸, 羅白菜唔該吖 ! 點知果朝無食早餐, 下午1點幾已經餓過飢, 食咗幾啖就吞唔落, 好辛苦先食完果超碗大嘅那渣麵, 頂住個肺唔上唔落, 嚡 ! 有福享唔到, 人食幾多著幾多整定.









伸延閱讀
[按此隱藏 Google 建議的相符內容]
 提示:支持鍵盤翻頁 ←左 右→ 發新話題發佈投票
請先登入
預覽帖子  恢復數據 





重要聲明:本討論區是以即時上載留言的方式運作,Uwants.com討論區對所有留言的真實性、完整性及立場等,不負任何法律責任。而一切留言之言論只代表留言者個人意見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。Uwants.com討論區有權刪除任何留言及拒絕任何人士上載留言 (刪除前或不會作事先警告及通知 ),同時亦有不刪除留言的權利,如有任何爭議,管理員擁有最終的詮釋權。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。


Copyright © 2003- Uwants.com All Right Reserved.
版權所有,不得轉載。